46 ᒫᑲ ᐃᔅᐱ ᐙ ᐅᑎᑎᓈᒋᒃ, ᑮ ᑯᔅᑌᐗᒃ ᒥᔮᒪᐎᒥᒉᑎᓕᒋ ᐃᓕᓕᐗ, ᐅᑭᔅᑭᐙᐃᑫᐤ ᐁ ᐃᑌᓕᒫᓕᒋ᙮
ᒥᔮᒪᐎᒥᒉᑎᒋᒃ ᐃᓕᓕᐗᒃ ᑫ ᐃᑗᐗᒃ, ᐁᐗᑯ ᐊᐗ ᒋᓴᔅ ᐅᑭᔅᑭᐙᐃᑫᐤ ᓈᓴᕆᑎᒃ ᐅᒋ ᑳᓕᓕᒃ᙮
ᒫᑲ ᑮᔥᐱᓐ ᐃᑗᔭᑴ, ᐃᓕᓕᓈᒃ ᐅᒋ; ᑮ ᑯᔅᑖᓈᐗᒃ ᐃᓕᓕᐗᒃ: ᐌᓴ ᒥᓯᐌ, ᐅᑭᔅᑭᐙᐃᑫᐎᐤ ᒑᓐ, ᐃᑗᐗᒃ᙮
ᐃᔅᐱ ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᐸᕋᓯᔭᒃ ᑳ ᐯᑕᒸᒋᒃ ᐅ ᓇᔅᐱᑐᐌᐎ ᐋᑕᓗᑳᓇ, ᑮ ᓂᓯᑕᐌᓕᑕᒶᒃ ᐎᓚᐗᐤ ᐁ ᑮ ᐗᓕᒧᒥᑯᒋᒃ᙮
ᒋᓴᔅ ᒫᑲ ᐁ ᓇᔥᑴᐗᔑᐃᐌᑦ ᒥᓇ ᑮ ᐋᔭᒥᐁᐤ ᓇᔅᐱᑐᐌᐎ ᐋᑕᓗᑳᓂᒃ, ᐁ ᐃᑗᑦ ᒫᑲ,
ᐅᒪᓯᓇᐃᑫᐗᒃ ᓀᔥᑕ ᑭᒋ ᓵᓴᑭᐎᓕᐌᐎᓕᓕᐗᒃ ᑮ ᐯᑕᒶᒃ, ᓀᔥᑕ ᑮ ᓈᓇᑕᐌᓕᑕᒶᒃ ᑮ ᐃᔑ ᓂᔑᐗᓈᒋᐋᒋᒃ: ᐌᓴ ᑮ ᑯᔅᑌᐗᒃ, ᒥᓯᐌ ᐃᓕᓕᐗ ᐁ ᒫᒪᔅᑳᑕᒥᓕᒋ ᐅ ᑭᔅᑭᓄᐊᒫᑫᐎᓂᓕᐤ᙮
ᒥᓯᐌ ᒫᑲ ᑮ ᐅᑎᑎᑯᐗᒃ ᓭᑭᓯᐎᓂᓕᐤ: ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ, ᐁ ᐃᑗᒋᒃ, ᑭᒋ ᐅᑭᔅᑭᐙᐃᑫᐤ ᑭᑦ ᐅᑎᑎᑯᓇᐤ; ᓀᔥᑕ ᑭᒋᒪᓂᑐ ᑮ ᒫᐗᑎᑌᐤ ᐅᑦ ᐃᓕᓕᒪ᙮
ᐃᔅᐱ ᒫᑲ ᐊᓇ ᐸᕋᓯ ᑳ ᓇᑐᒫᑦ ᐎᐋᐸᑕᒃ, ᑮ ᐋᔭᒥᐤ ᐅᑌᐃᒃ, ᐁ ᐃᑗᑦ ᐊᐗ ᐃᓕᓕᐤ, ᑮᔥᐱᓐ ᐅᑭᔅᑭᐙᐃᑫᐎᑯᐸᓀ, ᑲᑕ ᑮ ᑭᔅᑫᓕᒣᐸᓐ ᐊᐌᓕᐗ, ᓀᔥᑕ ᑫᑯ ᑐᐎ ᐃᔅᑴᐗ ᐅᐅ ᑳ ᓵᒥᓂᑯᑦ; ᐌᓴ ᒪᒋᑡᐤ᙮
ᐁᑯ ᑫᑴᒋ ᐅᑎᑎᓈᒋᒃ: ᒫᑲ ᓇᒪᐎᓚ ᐊᐌᓇ ᑮ ᒫᑯᓀᐤ, ᐁᑳ ᐁᔥᑾ ᐁ ᐅᑎᒋᐸᓕᓕᒃ ᐅ ᑎᐹᔨᑲᓐ ᐱᓯᒧᑳᓂᒃ᙮
ᐊᔅᑭ ᓇᒪᐎᓚ ᑭ ᑳ ᑮ ᐗᑳᑎᑯᓇᐗᐤ; ᒫᑲ ᓂᓚ ᓂ ᐗᑳᑎᑯᓐ, ᐌᓴ ᓂ ᑎᐹᑐᑌᓐ, ᐁ ᒫᓛᑕᑭ ᐊᓂᐃ ᐋᔨᑎᐎᓇ ᐊᓐᑕ ᐌᒋᒪᑲᑭ᙮
ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᐯᑕᒧᒃ ᐅᐅ ᐋᔭᒥᐎᓇ; ᒋᓴᔅ ᓈᓴᕆᑎᒃ ᑳ ᐅᒌᑦ, ᐊᓇ ᐃᓕᓕᐤ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ ᐃᑕ ᐁ ᐃᑖᔦᒃ ᒫᒪᔅᑳᒋ ᐃᓯᒋᑫᐎᓇ ᐅᒋ, ᓀᔥᑕ ᒫᒪᑖᐎ ᐙᐸᑎᓕᐌᐎᓇ, ᓀᔥᑕ ᑭᔅᑭᓄᐙᒋᒋᑲᓇ, ᐎᓚ ᐅᒋ ᑳ ᑮ ᑐᑕᒃ ᑭᒋᒪᓂᑐ ᐃᑕ ᐁ ᐃᑖᔦᒃ ᑖᐱᔅᑯᒡ ᑭᓚᐗᐤ ᓀᔥᑕ ᐁ ᐃᔑ ᑭᔅᑫᓕᑕᒣᒃ: