ᐅᐸᓓᑭᔅ ᒫᑎᐤ 21:43 - ᐅᔅᑭ ᑎᔅᑌᒥᓐᑦ

⁴³ ᐁᐗᑯ ᐌᒋ ᐃᑎᑖᑾᒃ, ᑭᒋᒪᓂᑐ ᐅᑦ ᐅᑭᒫᐎᐎᓐ ᑭ ᑳ ᒪᔅᑲᒥᑳᐎᓈᐗᐤ, ᑲᑕ ᒥᓛᐗᒃ ᒫᑲ ᑯᑕᑭᔭᒃ ᐃᓕᓕᐗᒃ ᑫ ᓄᑯᑖᒋᒃ ᐊᓂᐃ ᐃᔑᑣᐎᓇ ᐊᓐᑕ ᑳ ᐅᒋᐸᓕᑭ᙮

ᐅᐸᓓᑭᔅ ᒫᑎᐤ 21:43 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:28

ᒫᑲ ᑮᔥᐱᓐ ᑭᒋᒪᓂᑐ ᐅᑦ ᐊᒑᑾ ᐅᒋ ᐗᓚᐎᐌᐱᓇᑭᒃ ᒪᒋ ᐊᒑᑾᒃ, ᐁᑯ ᐌᑎᑎᑯᐌᒃ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᒫᑎᐤ 21:41

ᐃᑌᐗᒃ, ᑲᑕ ᑲᒀᑕᑭ ᓂᔑᐗᓈᒋᐁᐤ ᐊᓂᐃ ᒪᒋ ᐃᓕᓕᐗ, ᑲᑕ ᐋᐎᐁᐤ ᒫᑲ ᐅ ᔓᒥᓈᑎᑯ ᓂᑖᐎᑭᒋᑲᓐ ᑯᑕᑭᔭ ᐅᓂᑖᐎᑭᒋᑫᐗ, ᑫ ᒥᓕᑯᑦ ᒥᓂᔕ ᐁ ᑭᔑ ᓂᑖᐎᑭᓂᓕᑭ᙮

ᐅᐸᓓᑭᔅ ᒫᑎᐤ 21:42

ᒋᓴᔅ ᐃᑌᐤ, ᓇᒪ ᓈ ᐐᔅᑳᑦ ᑭ ᐅᒋ ᐋᔭᒥᑖᓇᐗᐤ ᑭᒋ ᒪᓯᓇᐃᑫᐎᓂᒃ, ᐊᓇ ᐊᓯᓂ ᑳ ᑮ ᐋᑕᐌᓕᒥᑯᑦ ᐅᐙᔅᑳᔨᑲᓂᑫᐗ, ᐁᐗᑯ ᑫᔅᑕᓛᑲᓂᐎᑦ ᑭᑫᔮᒃ: ᐁᐗᑯ ᐅᒪ ᐅᑎᐯᓕᒋᑫᐤ ᐅᑦ ᐃᑐᑕᒧᐎᓐ, ᑭ ᒫᒪᔅᑳᓯᓀᓈᓇᐤ ᒫᑲ᙮

ᐅᐸᓓᑭᔅ ᒫᑎᐤ 21:44

ᐊᐌᓇ ᒫᑲ ᑫ ᐸᑭᔑᓄᑴ ᐅᐅ ᐊᓯᓃᒃ ᑲᑕ ᐱᑯᔑᓐ: ᒫᑲ ᐊᐌᓇ ᑫ ᑕᓱᓱᑴ, ᑲᑕ ᐱᓯᐳᓕᑯ᙮

ᐅᐸᓓᑭᔅ ᒑᓐ 3:3

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 3:5

ᒋᓴᔅ ᑮ ᓇᔥᑴᐗᔑᐃᐌᐤ ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᓂᑖᐎᑭᐃᑯᑌ ᓂᐱᓕᐤ ᓀᔥᑕ ᐊᒑᑾ, ᓇᒪᐎᓚ ᑲᑕ ᑮ ᐱᑐᑫᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ᙮

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;