ᐅᐸᓓᑭᔅ ᒫᑎᐤ 21:31 - ᐅᔅᑭ ᑎᔅᑌᒥᓐᑦ

³¹ ᐊᐌᓇ ᐅᑯ ᑳ ᓂᔑᒋᒃ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᐅᑖᐎᐙᐗ? ᐃᑌᐗᒃ, ᐊᓇ ᓃᔥᑕᒻ᙮ ᒋᓴᔅ ᐃᑌᐤ, ᑖᐺ ᑭᑦ ᐃᑎᓇᐗᐤ, ᐎᓚᐗᐤ ᐸᑉᓕᑳᓇᒃ ᓀᔥᑕ ᐱᔑᒀᑎᔅᑴᐗᒃ ᑲᑕ ᐱᑐᑫᐌᐗᒃ ᑭᒋᒪᓂᑐᐗ ᐅᑦᐅᑭᒫᐎᐎᓂᓕᒃ ᐸᒧᔑ ᑭᓚᐗᐤ᙮

ᐅᐸᓓᑭᔅ ᒫᑎᐤ 21:31 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:50

ᐌᓴ ᐊᐌᓇ ᑫ ᑐᑕᒧᑴ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ, ᐁᐗᒀᓇ ᓂᒋᔖᓐ, ᓀᔥᑕ ᓂᒋᔖᓂᔅᑴᒻ ᓀᔥᑕ ᓂᑳᐎ᙮

ᐅᐸᓓᑭᔅ ᒫᑎᐤ 18:3

ᑮ ᐃᑗᐤ ᒫᑲ, ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐁᑳ ᑴᔅᑳᑎᓯᔦᑴ, ᓀᔥᑕ ᓇᔅᐱᑕᐌᒀᐌ ᐊᐱᔅᑕᐙᔑᔕᒃ, ᓇᒪᐎᓚ ᑭ ᑳ ᐱᑐᑳᓇᐗᐤ ᑭᒋᑭᔑᑳᐎ ᐅᑭᒫᐎᐎᓂᒃ᙮

ᐅᐸᓓᑭᔅ ᒫᑎᐤ 20:16

ᐁᑯᔑ ᒫᑲ ᐊᓂᑭ ᒫᒋᒡ ᐁᐗᒀᓂᑭ ᓃᔥᑕᒻ ᑫ ᐃᑌᓕᑖᑯᓯᒋᒃ, ᐊᓂᑭ ᒫᑲ ᓃᔥᑕᒻ ᐁᐗᒀᓂᑭ ᒫᒋᒡ ᑫ ᐃᑌᓕᑖᑯᓯᒋᒃ: ᐌᓴ ᒥᒉᑦ ᓇᑐᒫᐗᒃ, ᒫᑲ ᒐᑲᐙᔑᔥ ᐙᐌᓛᐸᒫᐗᒃ᙮

ᐅᐸᓓᑭᔅ ᒫᑎᐤ 21:30

ᑯᑕᑭᔭ ᓀᔥᑕ ᑮ ᐯᒋ ᓈᑌᐤ, ᑖᐱᔅᑯᒡ ᓀᔥᑕ ᑮ ᐃᑌᐤ᙮ ᐁ ᓇᔥᑴᐗᔑᐃᐌᑦ ᒫᑲ, ᑮ ᐃᑗᐤ, ᓂ ᑳ ᐃᑐᑖᓐ: ᓇᒪᐎᓚ ᒫᑲ ᐅᒋ ᐃᑐᑌᐤ᙮

ᐅᐸᓓᑭᔅ ᒫᑎᐤ 5:18

ᐌᓴ ᑖᐺ ᑭᑦ ᐃᑎᓇᐗᐤ, ᐃᓕᑯᒃ ᑭᔑᒃ ᓀᔥᑕ ᐊᔅᑭ ᒪᔭᐎᐸᓕᑫ, ᐯᔭᒃ ᒐᑲᓯᓇᐃᑲᓐ ᓀᔥᑕᐱᑯ ᐯᔭᒃ ᒐᑲᐯᔨᑲᓐ ᓇᒪᐎᓚ ᑲᑕ ᓄᑌᐸᓕᐤ ᐅᓚᔓᐌᐎᓂᒃ ᐅᒋ ᐱᓕᔥ ᒥᑐᓂ ᑮ ᑎᐱᑐᒋᑳᑌᒃ᙮

ᐅᐸᓓᑭᔅ ᒫᑎᐤ 5:46

ᐌᓴ ᑮᔥᐱᓐ ᐱᑯ ᓵᑭᐁᑾᐌ ᐊᓂᑭ ᑳ ᓵᑭᐃᑖᑾᒃ, ᑫᑯ ᑎᐸᐊᒫᑯᓯᐎᓐ ᐁᔮᔦᒃ? ᓇᒪ ᓈ ᐅᒪ ᐃᔑ ᑐᑕᒶᒃ ᐸᑉᓕᑳᓇᒃ?

ᐅᐸᓓᑭᔅ ᒫᑎᐤ 6:5

ᐃᔅᐱ ᒫᑲ ᐃᐋᔭᒥᐋᔭᓂ, ᐁᑳᐎᓚ ᑭ ᑲ ᓇᔅᐱᑕᐙᐗᒃ ᐅᑖᔭᒥᐁᑳᓱᔅᑲᒃ: ᐌᓴ ᐎᓚᐗᐤ ᓵᑭᑖᐗᒃ ᐁ ᐋᔭᒥᐋᒋᒃ ᐁ ᓂᐸᐎᒋᒃ ᐋᔭᒥᐁᐎᑲᒥᑯᒃ, ᓀᔥᑕ ᐁ ᓕᑭᑕᐗᒧᑭ ᐱᒥᑌᔅᑲᓇᐗ, ᑭᒋ ᐙᐸᒥᑯᒋᒃ ᐃᓕᓕᐗ᙮ ᑖᐺ ᑭᑦ ᐃᑎᓇᐗᐤ ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᒫᑎᐤ 7:21

ᓇᒪᐎᓚ ᒥᓯᐌ ᑕᑐ ᐊᐌᓇ ᑳ ᐃᔑᑦ, ᑌᐯᓕᒋᑫᔭᓐ, ᑌᐯᓕᒋᑫᔭᓐ, ᑲᑕ ᐱᑐᑫᐤ ᑭᒋᑭᔑᑳᐎ ᐅᑭᒫᐎᐎᓂᒃ; ᒫᑲ ᐊᓇ ᑳ ᑐᑕᒸᑦ ᐅᑦ ᐃᑌᓕᑕᒧᐎᓂᓕᐤ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 9:9

ᐁ ᐊᑎ ᑭᑐᑌᑦ ᒋᓴᔅ ᐊᓐᑕ ᐅᒋ, ᑮ ᐙᐸᒣᐤ ᐃᓕᓕᐗ ᒫᑎᐤ ᐁ ᐃᔑᓂᑳᓱᓕᒋ, ᐁ ᐊᐱᑦ ᐃᑕ ᐁ ᐅᑎᓂᒥᒋ ᔔᓕᐋᓇ: ᐃᑌᐤ ᒫᑲ, ᓄᔅᐱᓇᔑᓐ᙮ ᐁᑯ ᐯᓯᑯᑦ ᓀᔥᑕ ᑮ ᓄᔅᐱᓇᑌᐤ᙮

ᐅᐸᓓᑭᔅ ᓘᒃ 15:10

ᐁᑯ ᑖᐱᔅᑯᒡ, ᑭᑦ ᐃᑎᓇᐗᐤ, ᐃᑕᑾᓐ ᒥᓚᐙᑕᒧᐎᓐ ᐃᑕ ᐁ ᐃᑖᓕᒋ ᑭᒋᒪᓂᑐ ᐁᓐᒐᓕᒪ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓯᑦ᙮

ᐅᐸᓓᑭᔅ ᓘᒃ 19:22

ᐃᑌᐤ ᒫᑲ, ᑎᐱᓚᐌ ᑭᑐᓂᒃ ᐅᒋ ᑭ ᑳ ᑎᐹᔅᑯᓂᑎᓐ, ᑭᓚ ᒪᒋ ᐊᑑᔅᑫᓛᑲᓐ᙮ ᑭ ᑭᔅᑫᓕᑌᑖᔾ ᐁ ᐊᓕᒥᓯᐎ ᐃᓕᓕᐎᔮᓐ, ᐁ ᐅᑎᓇᒫᓐ ᐊᓂᒪ ᐁᑳ ᑳ ᐅᒋ ᐸᑭᑎᓇᒫᓐ, ᓀᔥᑕ ᐁ ᒪᓂᔕᒫᓐ ᐊᓂᒪ ᐁᑳ ᑳ ᐅᒋ ᐌᓴᓶᐱᓇᒫᓐ᙮

ᐅᐸᓓᑭᔅ ᓘᒃ 7:29

ᒥᓯᐌ ᒫᑲ ᐃᓕᓕᐗᒃ ᑳ ᐯᑕᐙᒋᒃ ᓀᔥᑕ ᐸᑉᓕᑳᓇᒃ ᑮ ᒥᓗᑣᐌᓕᒣᐗᒃ ᑭᒋᒪᓂᑐᐗ, ᐁ ᑮ ᓯᑲᐋᑕᐙᑲᓂᐎᒋᒃ ᒑᓐ ᐅ ᓯᑲᐋᑖᑫᐎᓂᓕᐤ ᐅᒋ᙮

ᐅᐸᓓᑭᔅ ᒑᓐ 3:3

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᒥᓇ ᓂᑖᐎᑭᑌ, ᓇᒪᐎᓚ ᑲᑕ ᑮ ᐙᐸᑕᒬᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 3:5

ᒋᓴᔅ ᑮ ᓇᔥᑴᐗᔑᐃᐌᐤ ᑖᐺ, ᑖᐺ, ᑭᑦ ᐃᑎᓐ, ᑮᔥᐱᓐ ᐃᓕᓕᐤ ᐁᑳ ᓂᑖᐎᑭᐃᑯᑌ ᓂᐱᓕᐤ ᓀᔥᑕ ᐊᒑᑾ, ᓇᒪᐎᓚ ᑲᑕ ᑮ ᐱᑐᑫᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ᙮

ᐊᐸᔅᑕᓚᒃ 17:30

ᒣᒀᒡ ᒫᑲ ᐅᒪ ᑳ ᐃᔑ ᑲᑫᐸᑎᓯᓈᓂᐗᒃ ᑭᒋᒪᓂᑐ ᓇᒪᐎᓚ ᐅᒋ ᐱᓯᔅᑫᓕᑕᒻ; ᐊᓄᒡ ᒫᑲ ᐅᓚᔓᐙᑌᐤ ᒥᓯᐌ ᐃᓕᓕᐗ ᒥᓯᐌ ᐃᑕ ᑭᒋ ᑴᔅᑳᑎᓯᓕᒋ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:19

ᑭ ᑭᔅᑫᓕᑌᓈᓇᐤ ᒫᑲ ᑫᒀᓐ ᑳ ᐃᑗᒪᑲᒃ ᐅᓚᔓᐌᐎᓐ, ᐃᑎᑯᐗᒃ ᐊᓂᑭ ᐅᓚᔓᐌᐎᓂᒃ ᑳ ᐃᑖᒋᒃ: ᒥᓯᐌ ᑕᑐ ᒥᑐᓐ ᑭᒋ ᑭᐸᐃᑳᑌᒃ, ᓀᔥᑕ ᒥᓯᐌ ᐊᔅᑭ ᑭᒋ ᒪᒉᓕᑖᑾᒃ ᐁᑖᔅᑕᒪᐱᑦ ᑭᒋᒪᓂᑐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:20

ᓀᔥᑕ ᒫᑲ ᐅᓚᔓᐌᐎᓐ ᑮ ᐱᑐᑫᒪᑲᓐ ᑭᒋ ᒥᒉᑎᒃ ᐗᓂᑐᑕᒧᐎᓐ᙮ ᒫᑲ ᐃᑕ ᑳ ᐃᔑ ᒥᒉᑎᒃ ᒪᒋᑣᐎᓐ, ᐁᑯᑕ ᐋᓕᐙᒃ ᐊᐙᓯᑌ ᑮ ᒥᒉᑌᓐ ᔕᐌᓕᒋᑫᐎᓐ:

ᓂᔓ ᐱᑕᕐ 3:9

ᐅᑎᐯᓕᒋᑫᐤ ᓇᒪᐎᓚ ᑆᔅᑕᐎᐤ ᑭᒋ ᑐᑕᒃ ᐅᑦ ᐊᔓᑕᒫᑫᐎᓐ, ᑖᐱᔅᑯᒡ ᐋᑎᑦ ᐃᓕᓕᐗᒃ ᑆᔅᑕᐎᐎᓐ ᑳ ᐃᑕᑭᒃ; ᒫᑲ ᑭ ᔑᐱᓚᐌᓯᔅᑖᑯᓇᐤ, ᐁᑳ ᐁ ᓇᑕᐌᓕᑕᒃ ᐊᐌᓕᐗ ᑭᒋ ᓂᔑᐗᓈᑎᓯᓕᒋ, ᒫᑲ ᒥᓯᐌ ᑭᒋ ᐊᑎ ᒥᒋᓚᐌᔦᓕᑕᒥᓕᒋ᙮