ᐅᐸᓓᑭᔅ ᒫᑎᐤ 21:11 - ᐅᔅᑭ ᑎᔅᑌᒥᓐᑦ

¹¹ ᒥᔮᒪᐎᒥᒉᑎᒋᒃ ᐃᓕᓕᐗᒃ ᑫ ᐃᑗᐗᒃ, ᐁᐗᑯ ᐊᐗ ᒋᓴᔅ ᐅᑭᔅᑭᐙᐃᑫᐤ ᓈᓴᕆᑎᒃ ᐅᒋ ᑳᓕᓕᒃ᙮

ᐅᐸᓓᑭᔅ ᒫᑎᐤ 21:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 2:23

ᑮ ᑕᑯᔑᓐ ᒫᑲ, ᓀᔥᑕ ᑮ ᑕᔑᑫᐤ ᐃᑖᐎᓂᒃ ᓈᓴᕆᑦ ᑳ ᐃᔑᓂᑳᑌᒃ: ᑭᒋ ᑎᐱᐸᓕᓕᒃ ᑳ ᑮ ᐃᑗᒋᒃ ᐅᑭᔅᑭᐙᐃᑫᐗᒃ, ᓈᓴᕇᓐ ᑲᑕ ᐃᔑᓂᑳᑖᑲᓂᐎᐤ᙮

ᐅᐸᓓᑭᔅ ᒫᑎᐤ 21:10

ᐃᔅᐱ ᒫᑲ ᑌᑯᔑᑭᒃ ᒋᕉᓴᓚᒥᒃ, ᒥᓯᐌ ᐁᑯᑕ ᐃᑖᐎᓂᒃ ᑳ ᐃᑖᒋᒃ ᑮ ᐙᐙᓀᓕᑕᒶᒃ, ᐁ ᐃᑗᒋᒃ, ᐊᐌᓇ ᐊᐗ?

ᐅᐸᓓᑭᔅ ᒫᑎᐤ 21:26

ᒫᑲ ᑮᔥᐱᓐ ᐃᑗᔭᑴ, ᐃᓕᓕᓈᒃ ᐅᒋ; ᑮ ᑯᔅᑖᓈᐗᒃ ᐃᓕᓕᐗᒃ: ᐌᓴ ᒥᓯᐌ, ᐅᑭᔅᑭᐙᐃᑫᐎᐤ ᒑᓐ, ᐃᑗᐗᒃ᙮

ᐅᐸᓓᑭᔅ ᒫᑎᐤ 21:46

ᒫᑲ ᐃᔅᐱ ᐙ ᐅᑎᑎᓈᒋᒃ, ᑮ ᑯᔅᑌᐗᒃ ᒥᔮᒪᐎᒥᒉᑎᓕᒋ ᐃᓕᓕᐗ, ᐅᑭᔅᑭᐙᐃᑫᐤ ᐁ ᐃᑌᓕᒫᓕᒋ᙮

ᐅᐸᓓᑭᔅ ᒫᕐᒃ 6:15

ᑯᑕᑭᔭᒃ ᑮ ᐃᑗᐗᒃ, ᐊᐗ ᐁᐗᒀᓇ ᐃᓛᐃᒐ᙮ ᓀᔥᑕ ᑯᑕᑭᔭᒃ ᑮ ᐃᑗᐗᒃ, ᐅᑭᔅᑭᐙᐃᑫᐤ ᐊᓇ, ᓀᔥᑕᐱᑯ ᑖᐱᔅᑯᒡ ᐯᔭᒃ ᐁ ᐃᑕᓯᒋᒃ ᐅᑭᔅᑭᐙᐃᑫᐗᒃ᙮

ᐅᐸᓓᑭᔅ ᓘᒃ 13:33

ᐁᓕᐌᒃ ᒫᑲ, ᓂ ᑳ ᐱᒧᑖᓐ ᐊᓄᒡ ᐁ ᑭᔑᑳᒃ ᓀᔥᑕ ᑫ ᐙᐸᒃ, ᓀᔥᑕ ᒥᓇ ᐊᑎ ᑭᔑᑳᑫ: ᐌᓴ ᓇᒪᐎᓚ ᑲᑕ ᑮ ᐃᑭᓐ ᑭᒋ ᓂᔑᐗᓈᑎᓰᑦ ᐅᑭᔅᑭᐙᐃᑫᐤ ᐱᑯ ᒋᕉᓴᓚᒥᒃ᙮

ᐅᐸᓓᑭᔅ ᓘᒃ 24:19

ᑮ ᐃᑌᐤ ᒫᑲ, ᑫᑯ ᑫᒀᓇ? ᑮ ᐃᑌᐗᒃ ᒫᑲ, ᒋᓴᔅ ᐅᒋ ᓈᓴᕋᑎᒃ ᑳ ᐅᒌᑦ, ᑳ ᑮ ᐅᑭᔅᑭᐙᐃᑫᐎᑦ ᐁ ᓱᑳᑎᓰᑦ ᐋᔨᑎᐎᓂᒃ ᓀᔥᑕ ᐋᔭᒥᐎᓂᒃ, ᐁ ᐙᐸᒥᑯᑦ ᑭᒋᒪᓂᑐᐗ ᓀᔥᑕ ᒥᓯᐌ ᐃᓕᓕᐗ:

ᐅᐸᓓᑭᔅ ᓘᒃ 7:16

ᒥᓯᐌ ᒫᑲ ᑮ ᐅᑎᑎᑯᐗᒃ ᓭᑭᓯᐎᓂᓕᐤ: ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ, ᐁ ᐃᑗᒋᒃ, ᑭᒋ ᐅᑭᔅᑭᐙᐃᑫᐤ ᑭᑦ ᐅᑎᑎᑯᓇᐤ; ᓀᔥᑕ ᑭᒋᒪᓂᑐ ᑮ ᒫᐗᑎᑌᐤ ᐅᑦ ᐃᓕᓕᒪ᙮

ᐅᐸᓓᑭᔅ ᓘᒃ 7:39

ᐃᔅᐱ ᒫᑲ ᐊᓇ ᐸᕋᓯ ᑳ ᓇᑐᒫᑦ ᐎᐋᐸᑕᒃ, ᑮ ᐋᔭᒥᐤ ᐅᑌᐃᒃ, ᐁ ᐃᑗᑦ ᐊᐗ ᐃᓕᓕᐤ, ᑮᔥᐱᓐ ᐅᑭᔅᑭᐙᐃᑫᐎᑯᐸᓀ, ᑲᑕ ᑮ ᑭᔅᑫᓕᒣᐸᓐ ᐊᐌᓕᐗ, ᓀᔥᑕ ᑫᑯ ᑐᐎ ᐃᔅᑴᐗ ᐅᐅ ᑳ ᓵᒥᓂᑯᑦ; ᐌᓴ ᒪᒋᑡᐤ᙮

ᐅᐸᓓᑭᔅ ᒑᓐ 1:21

ᑮ ᑲᑴᒋᒣᐗᒃ ᒫᑲ, ᑫᒀᓐ ᒫᑲ? ᑭᓚ ᓈ ᐃᓛᐃᒐ? ᐃᑗᐤ ᒫᑲ, ᓇᒪᐎᓚ ᓂᑦ ᐋᐎᓐ᙮ ᑭᓚ ᓈ ᐊᓇ ᐅᑭᔅᑭᐙᐃᑫᐤ? ᑮ ᓇᔥᑴᐗᔑᐃᐌᐤ ᒫᑲ, ᓇᒪᐎᓚ᙮

ᐅᐸᓓᑭᔅ ᒑᓐ 1:25

ᑮ ᑲᑴᒋᒣᐗᒃ ᒫᑲ, ᓀᔥᑕ ᑮ ᐃᑌᐗᒃ, ᑖᓀᑭ ᐌᒋ ᓯᑲᐋᑖᑫᔭᓐ ᒫᑲ, ᑮᔥᐱᓐ ᐁᑳ ᐃᐋᐎᐗᓀ ᐊᓇ ᙭, ᐁᑳ ᓀᔥᑕ ᐃᓛᐃᒐ, ᐁᑳ ᓀᔥᑕ ᐊᓇ ᐅᑭᔅᑭᐙᐃᑫᐤ?

ᐅᐸᓓᑭᔅ ᒑᓐ 4:19

ᐃᔅᑴᐤ ᐃᑌᐤ, ᐅᑭᒪᐤ, ᓂ ᐙᐸᑌᓐ ᐁ ᐅᑭᔅᑭᐙᐃᑫᐎᔭᓐ᙮

ᐅᐸᓓᑭᔅ ᒑᓐ 6:14

ᐁᑯ ᐊᓂᑭ ᐃᓕᓕᐗᒃ, ᐃᔅᐱ ᑳ ᑮ ᐙᐸᑕᒸᒋᒃ ᒫᒪᔅᑳᒋ ᐃᓯᒋᑫᐎᓂᓕᐤ ᑳ ᑮ ᑐᑕᒥᓕᒋ ᒋᓴᓴ, ᑮ ᐃᑗᐗᒃ, ᐁᐗᑯ ᐊᐗ ᑫᒋᓈᔥ ᐊᓇ ᐅᑭᔅᑭᐙᐃᑫᐤ ᑫ ᑐᑯᔑᑭᐸᓐ ᐊᔅᑮᒃ᙮

ᐅᐸᓓᑭᔅ ᒑᓐ 7:40

ᐁᐗᑯ ᐌᒋ ᒥᒉᑦ ᐃᓕᓕᐗᒃ ᐃᔅᐱ ᐱᐁᑕᑭᒃ ᐅᒣᓕᐤ ᐃᑗᐎᓂᓕᐤ, ᑮ ᐃᑗᐗᒃ; ᑖᐺ ᐊᐗ ᐊᓇ ᐅᑭᔅᑭᐙᐃᑫᐤ᙮

ᐅᐸᓓᑭᔅ ᒑᓐ 9:17

ᒥᓇ ᐃᑌᐗᒃ ᐊᓂᐃ ᐁᑳ ᑳ ᑮ ᐙᐱᓕᒋ, ᑖᓂ ᑭᓇ ᐁᑕᑦ ᐊᓇ ᑳ ᑮ ᐋᐸᐊᒃ ᑮᔅᑭᔑᑾ? ᑮ ᐃᑗᐤ, ᐅᑭᔅᑭᐙᐃᑫᐎᐤ᙮

ᐊᐸᔅᑕᓚᒃ 7:37

ᐁᐗᑯ ᐊᓇ ᒧᓯᔅ ᑳ ᑮ ᐃᑖᑦ ᐃᔅᕃᐃᓪ ᐅᑦ ᐊᐙᔑᒥᔑᓕᐗ, ᐅᑭᔅᑭᐗᐃᑫᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒥᐗᐤ ᑭ ᑳ ᐸᓯᑯᓇᒫᑯᐗᐤ ᑭᒋᔕᓂᐙᐗ ᐅᒋ, ᐁ ᓇᔅᐱᑖᐎᑦ, ᐎᓚ ᑭ ᑳ ᐱᔑᒋᐋᐗᐤ᙮