ᐅᐸᓓᑭᔅ ᒫᑎᐤ 20:19 - ᐅᔅᑭ ᑎᔅᑌᒥᓐᑦ

¹⁹ ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮

ᐅᐸᓓᑭᔅ ᒫᑎᐤ 20:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:40

ᐌᓴ ᑖᐱᔅᑯᒡ ᒍᓇ ᑳ ᑮ ᐃᑖᑦ ᓂᔅᑐ ᑭᔑᑲᐗ ᓀᔥᑕ ᓂᔅᑐ ᑎᐱᔅᑲᐗ ᑭᒋ ᐙᐸᒣᒃ ᐗᑖᓕᒃ; ᐁᑯ ᑖᐱᔅᑯᒡ ᐃᓕᓕᐎᑯᓯᓵᓐ ᓂᔅᑐ ᑭᔑᑳᐗ ᓀᔥᑕ ᓂᔅᑐ ᑎᐱᔅᑳᐗ ᑫ ᐃᑖᑦ ᐊᔅᑭ ᐁ ᐅᑌᐃᒪᑲᓂᓕᒃ᙮

ᐅᐸᓓᑭᔅ ᒫᑎᐤ 16:21

ᐁᑯᔅᐱ ᐅᒋ ᒋᓴᔅ ᑮ ᒫᒋ ᐙᐸᑎᓓᐤ ᐅ ᑭᔅᑭᓄᐊᒪᐙᑲᓇ, ᒋᕉᓴᓚᒥᒃ ᑭᒋ ᐃᑐᑌᑦ, ᓀᔥᑕ ᑭᒋ ᐗᐎᓴᑫᓕᑕᒥᐃᑯᑦ ᒥᒉᑦ ᑫᒀᓇ ᐊᓂᐃ ᑳ ᓂᑳᓀᓕᑖᑯᓯᓕᒋ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ, ᒥᓇ ᒫᑲ ᑭᒋ ᐗᓂᔥᑳᓈᑲᓂᐎᑦ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᒫᑎᐤ 17:23

ᑲᑕ ᓂᐸᐁᐗᒃ ᒫᑲ, ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑳᓇᐤ᙮ ᓈᔅᐱᒡ ᒫᑲ ᑮ ᒥᒋᓚᐌᓯᐗᒃ᙮

ᐅᐸᓓᑭᔅ ᒫᑎᐤ 27:26

ᐁᑯ ᐯᑭᑎᓇᒪᐙᑦ ᐸᕌᐸᓴ; ᐃᔅᐱ ᒫᑲ ᑳ ᑮ ᐸᓴᔅᑌᐙᑦ ᒋᓴᓴ, ᑮ ᐸᑭᑎᓀᐤ ᑭᒋ ᒌᔅᑖᔅᑾᐙᑲᓂᐎᓕᒋ᙮

ᐅᐸᓓᑭᔅ ᒫᑎᐤ 27:63

ᐁ ᐃᑗᒋᒃ, ᐅᑭᒪᐤ, ᓂ ᑭᔅᑭᓯᓈᓐ ᐊᓇ ᐊᐙᔦᔑᒥᐌᐤ ᐁ ᑮ ᐃᑗᑦ, ᒣᒀᒡ ᑫᔮᐸᒡ ᐁ ᐱᒫᑎᓰᑦ, ᑮ ᓂᔅᑐ ᑭᔑᑳᑫ ᒥᓇ ᓂ ᑳ ᐗᓂᔥᑳᓐ᙮

ᐅᐸᓓᑭᔅ ᒫᕐᒃ 14:65

ᐋᑎᑦ ᒫᑲ ᑮ ᒫᒋ ᓯᒀᑌᐗᒃ, ᓀᔥᑕ ᑮ ᐊᑾᓇᑴᐗᒃ, ᑮ ᐅᑕᒫᐌᐗᒃ ᒫᑲ ᐁ ᐃᑗᒋᒃ, ᑭᔅᑭᐙᐃᑫ: ᐊᑑᔅᑫᓛᑲᓇᒃ ᒫᑲ ᑮ ᐸᐸᓯᑴᐌᐗᒃ᙮

ᐅᐸᓓᑭᔅ ᒫᕐᒃ 15:1

ᑣᔦᒃ ᒫᑲ ᐁ ᑭᑭᔐᐹᔮᒃ ᑭᒋ ᓵᓵᑭᐎᓕᐌᐎᓕᓕᐗᒃ ᑮ ᐋᔭᔭᒥᑝᐗᒃ ᐊᓯᒋ ᑳ ᓂᑳᓀᓕᑖᑯᓯᒋᒃ, ᓀᔥᑕ ᐅᒪᓯᓇᐃᑫᐗᒃ ᓀᔥᑕ ᒥᓯᐌ ᑳ ᐎᑕᐱᒥᑯᒋᒃ, ᑮ ᒫᒫᒋᑯᐱᑌᐗᒃ ᒫᑲ ᒋᓴᓴ, ᓀᔥᑕ ᑭᑐᑕᐁᐗᒃ, ᑮ ᐸᑭᑎᓇᒪᐌᐗᒃ ᒫᑲ ᐹᐃᓚᑕ᙮

ᐅᐸᓓᑭᔅ ᒫᕐᒃ 15:15

ᐁᑯ ᒫᑲ ᐹᐃᓚᑦ, ᐁ ᐎ ᓇᐃᓚᐌᐋᑦ ᐱᓕᓕᐗ, ᑮ ᐸᑭᑎᓇᒪᐌᐧ ᐸᕌᐸᓴ, ᐃᔅᐱ ᒫᑲ ᑳ ᑮ ᐸᓴᔅᑌᐙᑦ ᒋᓴᓴ, ᑮ ᐸᑭᑎᓀᐤ ᑭᒋ ᒌᔅᑖᔅᑾᐗᑲᓂᐎᓕᒋ᙮

ᐅᐸᓓᑭᔅ ᓘᒃ 18:32

ᐌᓴ ᑲᑕ ᐸᑭᑎᓇᐤ ᐅᒋᒋᓕᒃ ᒉᓐᑖᐃᓚ, ᓀᔥᑕ ᑲᑕ ᐋᔭᓵᒋᐊᐤ, ᓀᔥᑕ ᑲᑕ ᒫᒪᒋᑐᑕᐗᐤ, ᓀᔥᑕ ᑲᑕ ᓯᒀᑕᐤ:

ᐅᐸᓓᑭᔅ ᓘᒃ 23:11

ᐦᐁᕋᑦ ᒫᑲ ᐊᓯᒋ ᐅ ᓇᑐᐸᓕᐎᓕᓕᒪ ᑮ ᒫᓓᓕᒣᐗᒃ, ᓀᔥᑕ ᑮ ᐋᔭᓵᒋᐁᐗᒃ, ᑮ ᐳᔅᑕᑯᐸᐁᐗᒃ ᒫᑲ ᐁ ᒥᓗᓈᑾᓂᓕᒃ ᐊᑯᐅᓂᓕᐤ, ᑮ ᑭᐌᑎᔕᐊᒪᐌᐤ ᒫᑲ ᐹᐃᓚᑕ᙮

ᐅᐸᓓᑭᔅ ᓘᒃ 24:46

ᑮ ᐃᑌᐤ ᒫᑲ, ᐅᒪ ᐃᑕᓯᓇᐃᑳᑌᐤ, ᐁᑯ ᓀᔥᑕ ᔮᓕᑌᓪ ᐁᑌᓕᑖᑯᓯᑦ ᙭ ᑭᒋ ᐎᓴᑫᓕᑕᒃ, ᓀᔥᑕ ᑭᒋ ᐗᓂᔥᑳᑦ ᐅᓂᐱᐗ ᐅᒋ ᐁ ᓂᔅᑐ ᑭᔑᑳᓕᒃ;

ᐊᐸᔅᑕᓚᒃ 2:23

ᐎᓚ ᐁ ᑮ ᐸᑭᑎᓈᑲᓂᐎᑦ ᑭᒋᒪᓂᑐ ᐅᑦ ᐅᓚᔓᐌᐎᓐ ᓀᔥᑕ ᐅ ᓂᑳᓂ ᑭᔅᑫᓕᑕᒧᐎᓐ ᐅᒋ, ᑭ ᑮ ᐅᑎᓈᐗᐤ, ᓀᔥᑕ ᒪᒑᑎᓯᐎ ᒥᒋᒋᒃ ᑭ ᑮ ᐅᒋ ᒋᔅᑖᔅᑾᐗᐗᐤ ᓀᔥᑕ ᑭ ᑮ ᓂᐸᐋᐗᐤ:

ᐊᐸᔅᑕᓚᒃ 21:11

ᐃᔅᐱ ᒫᑲ ᑳ ᑮ ᐯᒋ ᓈᔑᔭᒥᑦ, ᑮ ᐅᑎᓇᒬᐤ ᐹᓪ ᐅ ᐸᑾᑌᐅᓂᓕᐤ, ᐁ ᑮ ᒫᒫᑯᐱᑕᒃ ᒫᑲ ᑎᐱᓚᐌ ᐅᒋᒋᔭ ᓀᔥᑕ ᐅᓯᑕ, ᑮ ᐃᑗᐤ, ᐁᑴᑗᑦ ᐸᓓᑭ ᐊᒑᒃ, ᐁᑯ ᑖᐱᔅᑯᒡ ᒎᐗᒃ ᒋᕉᓴᓚᒥᒃ ᑳ ᐃᑖᒋᒃ ᑫ ᐃᔑ ᒫᒪᒋᑯᐱᑖᒋᒃ ᐊᓂᐃ ᐃᓕᓕᐗ ᑳ ᑎᐱᓚᐌᐎᓯᓕᒋ ᐅᒣᓕᐤ ᐸᑾᑌᐅᓂᓕᐤ, ᑲᑕ ᐸᑭᑎᓀᐗᒃ ᒫᑲ ᐅ ᒋᒋᓖᒃ ᒉᓐᑖᐃᓚ᙮

ᐊᐸᔅᑕᓚᒃ 4:27

ᐌᓴ ᑖᐺ ᐁ ᐎ ᓄᑎᓈᒋᒃ ᑳ ᐸᓓᑭᓯᓕᒋ ᑭᑦ ᐊᐙᔑᒥᔕ ᒋᓴᔅ, ᑳ ᑮ ᑕᒪᔅᑯᓇᑦ, ᑖᐱᔅᑯᒡ ᐦᐁᕋᑦ, ᓀᔥᑕ ᐸᓐᑎᔭᔅ ᐹᐃᓚᑦ ᐊᓯᒋ ᒉᓐᑖᐃᓚᒃ, ᓀᔥᑕ ᐃᔅᕃᐃᓕᐎᓕᓕᐗᒃ ᑮ ᒫᐗᒋᐃᑐᐗᒃ,