ᐅᐸᓓᑭᔅ ᒫᑎᐤ 2:13 - ᐅᔅᑭ ᑎᔅᑌᒥᓐᑦ

¹³ ᐃᔅᐱ ᒫᑲ ᑳ ᑮ ᑭᑐᑌᒋᒃ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᐗᓂᔥᑳ, ᐅᑎᓐ ᒫᑲ ᐅᔥᑲᐙᔑᔥ ᓀᔥᑕ ᐅᑳᐎᔭ, ᐃᒋᑉᑎᒃ ᒫᑲ ᐃᑎᔑᒧ, ᐁᑯᑕ ᒫᑲ ᑕᔑᑫ ᐹᑎᒫ ᐯᒋ ᐎᑕᒫᑖᓀ: ᐌᓴ ᐦᐁᕋᑦ ᑲᑕ ᓇᓇᑐᓇᐌᐤ ᐅᔥᑲᐙᔑᔕ ᑭᒋ ᓂᔑᐗᓈᒋᐋᑦ᙮

ᐅᐸᓓᑭᔅ ᒫᑎᐤ 2:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:20

ᒫᑲ ᒣᒀᒡ ᐁ ᒫᒥᑐᓀᓕᑕᒃ ᐅᐅ ᑫᒀᓇ, ᒫᑎᑲ, ᐅᑦ ᐁᓐᒐᓕᒪ ᐅᑎᐯᓕᒋᑫᐤ ᑮ ᓄᑯᓰᔅᑖᑯᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᒍᓯᑉ, ᑌᐱᑦ ᐌᑯᓯᓯᒥᔉ, ᐁᑳᐎᓚ ᓭᑭᓯ ᑭᒋ ᐅᑎᓇᑦ ᒣᕆ ᑭᐗ: ᐌᓴ ᐊᓂᐁᓕᐤ ᑳ ᑲᓄᔥᑲᒃ ᐯᓓᑭᓯᑦ ᐊᒑᑯᒃ ᐅᒋᒪᑲᓂᓕᐤ᙮

ᐅᐸᓓᑭᔅ ᒫᑎᐤ 10:23

ᒫᑲ ᐃᔅᐱ ᑲᒀᑕᑭᐃᑕᑾᐌ ᐯᔭᒃ ᐃᑖᐎᓂᒃ, ᑯᑕᒃ ᓈᒋᑎᔑᒧᔅᑕᒧᒃ; ᐌᓴ ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑭ ᑳ ᐅᒋ ᐊᑭᓀᔥᑫᓇᐗᐤ ᒥᓯᐌ ᐃᑖᐎᓇ ᐃᔅᕃᐃᓕᒃ, ᐃᓕᑯᒃ ᑫ ᐯᒋ ᑕᑯᔑᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᒫᑎᐤ 2:12

ᐁ ᑮ ᐃᑎᑯᒋᒃ ᒫᑲ ᑭᒋᒪᓂᑐᐗ ᐸᐙᒧᐎᓂᒃ ᐁᑳ ᑭᒋ ᑭᐌᑐᑕᐙᒋᒃ ᐦᐁᕋᑕ, ᐱᑐᔥ ᐃᔑ ᑮ ᑭᐌᐗᒃ ᑎᐱᓚᐌ ᐅᑦ ᐊᔅᑭᐙᒃ᙮

ᐅᐸᓓᑭᔅ ᒫᑎᐤ 2:14

ᐃᔅᐱ ᐌᓂᔥᑳᑦ, ᑮ ᐅᑎᓀᐤ ᐅᔥᑲᐙᔑᔕ ᓀᔥᑕ ᐅᑳᐎᓕᐗ ᓂᐹᑎᐱᔉ, ᐃᒋᑉᑎᒃ ᒫᑲ ᑮ ᐃᑐᑌᐤ:

ᐅᐸᓓᑭᔅ ᒫᑎᐤ 2:16

ᐁᑯ ᒫᑲ ᐦᐁᕋᑦ, ᐃᔅᐱ ᐎᐋᐸᑕᒃ ᐁ ᑮ ᐙᔦᔑᒥᑯᑦ ᑫᑫᑕᐌᓕᑕᒥᓕᒋ ᐃᓕᓕᐗ, ᓈᔅᐱᒡ ᑮ ᑭᓯᐙᓯᐤ, ᑮ ᑭᒋᑎᔕᐌᐤ ᒫᑲ ᐊᐌᓕᐗ ᑭᒋ ᓂᐸᐋᓕᒋ ᒥᓯᐌ ᐊᐙᔑᔕ ᐯᑦᓕᔭᒥᒃ ᑳ ᐃᑖᓕᒋ, ᓀᔥᑕ ᒥᓯᐌ ᐙᔅᑲ ᐊᓐᑕ, ᐁ ᓂᔓ ᐱᐴᓀᓯᓕᒋ ᐅᒋ, ᓀᔥᑕ ᐊᐙᓯᑌ ᐁ ᐊᐙᔑᔑᐎᓕᒋ ᐁ ᑎᐸᑭᑕᒃ ᐊᓂᒪ ᐃᔅᐱ ᐌᐌᓕᑦ ᐁ ᑮ ᑲᑴᒋᒫᑦ ᑫᑫᑕᐌᓕᑕᒥᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 2:22

ᒫᑲ ᐃᔅᐱ ᐱᐁᑕᒃ ᐋᕐᑭᓓᔭᓴ ᐁ ᑎᐯᓕᒋᑫᓕᒋ ᒎᑎᐊᐃᒃ ᐁ ᒦᔅᑯᑎᔥᑲᐙᓕᒋ ᐅᑖᐎᓕᐗ ᐦᐁᕋᑕ, ᑮ ᑯᔅᑖᒋᐤ ᐊᓐᑕ ᑭᒋ ᐃᑐᑌᑦ: ᐁᓕᐌᒃ ᒫᑲ, ᐁ ᐃᑎᑯᑦ ᑭᒋᒪᓂᑐᐗ ᐸᐙᒧᐎᓂᒃ ᑮ ᐸᔅᑫᐤ ᑳᓕᓕᒃ ᑭᒋ ᐃᑐᑌᑦ:

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᐊᐸᔅᑕᓚᒃ 10:7

ᐃᔅᐱ ᒫᑲ ᐁᓐᒐᓪ ᑳ ᐋᔭᒥᐊᑦ ᑲᕐᓂᓕᔭᓴ ᑳ ᑭᑐᑌᑦ, ᑮ ᓇᑐᒣᐤ ᓂᔓ ᑎᐱᓚᐌ ᐅᑦ ᐊᑐᔅᑫᓛᑲᓂᒪ, ᓀᔥᑕ ᐯᔭᒃ ᑳ ᐋᔭᒥᐁ ᐋᑎᓯᓕᒋ ᓇᑐᐸᓕᐎᓕᓕᐗ ᐊᓂᐃ ᐅᒋ ᑕᑭᓀ ᑳ ᐊᑐᔅᑳᑯᑦ;

ᐊᐸᔅᑕᓚᒃ 12:11

ᐃᔅᐱ ᒫᑲ ᐱᑕᕐ ᒥᐋᒥᑐᓀᓕᑕᒃ, ᑮ ᐃᑗᐤ, ᐁᑯ ᓂ ᑭᔅᑫᓕᑌᓐ ᑫᒋᓈᔥ ᐅᑎᐯᓕᒋᑫᐤ ᐁ ᑮ ᐃᔑᑎᔕᐙᑦ ᐅᑦ ᐁᓐᒐᓕᒪ, ᐁ ᑮ ᐱᒫᒋᐃᑦ ᒫᑲ ᐦᐁᕋᑕ ᐅᒋᒋᓕᒃ ᐅᒋ, ᓀᔥᑕ ᒥᓯᐌ ᒎᐎ ᐃᓕᓕᐗ ᐁ ᐃᔑ ᓇᑕᐌᓕᑕᒥᓕᒋ ᐅᒋ᙮

ᐊᐸᔅᑕᓚᒃ 12:7

ᒫᑎᑲ, ᒫᑲ ᐅᑎᐯᓕᒋᑫᐤ ᐅᑦ ᐁᓐᒐᓕᒪ ᑮ ᐯᒋ ᐆᑎᑎᑯᓕᐗ ᐗᔅᑌᐎᓐ ᒫᑲ ᑮ ᐙᓯᑌᓕᐤ ᐱᒋ ᑭᐹᐅᑐᐎᑲᒥᑯᒃ, ᑮ ᐅᑕᒪᐌᐤ ᒫᑲ ᐱᑕᕋ ᐆᔅᐱᑲᓕᒃ, ᑮ ᐸᓯᑯᓀᐤ ᒫᑲ, ᐁ ᐃᑗᑦ, ᑭᓕᐱ ᐗᓂᔥᑲ᙮ ᐅ ᐱᐗᐱᔅᑴᐊᐱᒪ ᒫᑲ ᑮ ᐸᑭᑎᓂᓕᐗ ᐅᒋᒋᒃ ᐅᒋ᙮

ᐊᐸᔅᑕᓚᒃ 16:36

ᑳ ᑲᓇᐌᓕᑕᒃ ᒫᑲ ᑭᐸᐅᑐᐎᑲᒥᑯᓕᐤ ᑮ ᐎᑕᒪᐌᐤ ᐹᓚ ᐅᒣᓕᐤ ᐃᑗᐎᓂᓕᐤ, ᐅᓚᔓᐌᐎᑭᒫᐗᒃ ᑮ ᐯᒋᑎᔕᐅᐌᐗᒃ ᑭᒋ ᐸᑭᑎᓂᑳᐃᔦᒃ: ᐁᑯ ᐃᓴ ᒫᒑᒃ, ᓀᔥᑕ ᑭᑐᑌᒃ ᑳᔮᒣᓕᑕᒧᐎᓂᒃ᙮

ᐊᐸᔅᑕᓚᒃ 5:19

ᒫᑲ ᐅᑦ ᐁᓐᒐᓕᒪ ᐅᑎᐯᓕᒋᑫᐤ ᒣᒀᑎᐱᔉ ᑮ ᐋᐸᐊᒻ ᑭᐸᐅᑑᐎᑲᒥᒃ ᐃᔥᒀᑌᒪ, ᑮ ᐯᒋ ᐗᓚᐎᑕᐁᐤ ᒫᑲ, ᓀᔥᑕ ᑮ ᐃᑌᐤ,

ᐊᐸᔅᑕᓚᒃ 7:19

ᐁᐗᑯ ᐊᓇ ᑮ ᑲᑲᔦᓕᓯᐎ ᑐᑕᐌᐤ ᑭ ᐙᑯᒪᑲᓂᓇᐗ, ᓀᔥᑕ ᑮ ᒪᒋᑐᑕᐌᐤ ᑯᑖᐎᓇᐗ, ᑳ ᐅᒋ ᐗᓚᐎᐌᐱᓈᒋᒃ ᐅᑦ ᐅᔥᑲᐗᔑᒥᔑᐙᐗ, ᐁᑳ ᑭᒋ ᐱᒫᑎᓯᓕᒋ᙮

ᑭᔅᑫᓕᑖᑯᑖᑫᐎᓐ 12:14

ᐃᔅᑴᐤ ᒫᑲ ᑮ ᒥᓚᐤ ᓂᔓ ᐗᑕᑕᑾᓂᓕᐗ ᑭᒋ ᒥᑭᓯᐗ, ᐹᑾᑕᔅᑲᒥᑳᒃ ᑭᒋ ᐱᒥᓛᑦ, ᐅᑦ ᐃᑖᐎᓂᒃ, ᐃᑕ ᐁ ᐊᔕᒫᑲᓂᐎᑦ ᐃᔥᐱᔥ ᐯᔭᒃ ᐱᐴᓐ, ᓀᔥᑕ ᐱᐴᓇ, ᓀᔥᑕ ᐋᐱᑕᐤ ᐱᐴᓐ, ᐁᑳ ᑭᒋ ᐙᐸᒥᑯᑦ ᒥᔑᑭᓀᐱᑾ᙮

ᑭᔅᑫᓕᑖᑯᑖᑫᐎᓐ 12:4

ᐅᓱ ᒫᑲ ᑮ ᐅᒋ ᓂᒋᐸᓕᐁᐤ ᓂᔅᑡᐤ ᐃᓕᑯᒃ ᐊᒐᑾ ᑭᔑᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓀᐤ: ᐊᓇ ᒥᔑᑭᓀᐱᒃ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐊᓂᐃ ᐃᔅᑴᐗ ᑳ ᐎ ᐋᐱᒪᐗᓱᓕᒋ, ᑭᒋ ᒧᐃᒫᑦ ᐅᑦ ᐊᐙᔑᒥᔕ ᑭᔖᒡ ᓂᑕᐎᑭᓕᒋ᙮

ᑭᔅᑫᓕᑖᑯᑖᑫᐎᓐ 12:6

ᐃᔅᑴᐤ ᒫᑲ ᐸᑾᑕᔅᑲᒥᑳᒃ ᑮ ᐃᑎᔑᒧ, ᐁᑯᑕ ᑳ ᑮ ᐙᐌᔑᑕᒫᑯᑦ ᑭᒋᒪᓂᑐᐗ ᑭᒋ ᐃᑖᑦ, ᐁᑯᑕ ᑭᒋ ᐊᔕᒫᑲᓂᐎᑦ ᐃᔥᐱᔥ ᑭᒋᒥᑖᑐᒥᑕᓇᐤ ᓂᔡᐤ ᒥᑖᑐᒥᑕᓇᐤ ᓀᔥᑕ ᓂᑯᑡᓱᒥᑕᓇᐤ ᑭᔑᑳᐗ᙮