ᐅᐸᓓᑭᔅ ᒫᑎᐤ 2:12 - ᐅᔅᑭ ᑎᔅᑌᒥᓐᑦ

¹² ᐁ ᑮ ᐃᑎᑯᒋᒃ ᒫᑲ ᑭᒋᒪᓂᑐᐗ ᐸᐙᒧᐎᓂᒃ ᐁᑳ ᑭᒋ ᑭᐌᑐᑕᐙᒋᒃ ᐦᐁᕋᑕ, ᐱᑐᔥ ᐃᔑ ᑮ ᑭᐌᐗᒃ ᑎᐱᓚᐌ ᐅᑦ ᐊᔅᑭᐙᒃ᙮

ᐅᐸᓓᑭᔅ ᒫᑎᐤ 2:12 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:20

ᒫᑲ ᒣᒀᒡ ᐁ ᒫᒥᑐᓀᓕᑕᒃ ᐅᐅ ᑫᒀᓇ, ᒫᑎᑲ, ᐅᑦ ᐁᓐᒐᓕᒪ ᐅᑎᐯᓕᒋᑫᐤ ᑮ ᓄᑯᓰᔅᑖᑯᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᒍᓯᑉ, ᑌᐱᑦ ᐌᑯᓯᓯᒥᔉ, ᐁᑳᐎᓚ ᓭᑭᓯ ᑭᒋ ᐅᑎᓇᑦ ᒣᕆ ᑭᐗ: ᐌᓴ ᐊᓂᐁᓕᐤ ᑳ ᑲᓄᔥᑲᒃ ᐯᓓᑭᓯᑦ ᐊᒑᑯᒃ ᐅᒋᒪᑲᓂᓕᐤ᙮

ᐅᐸᓓᑭᔅ ᒫᑎᐤ 2:13

ᐃᔅᐱ ᒫᑲ ᑳ ᑮ ᑭᑐᑌᒋᒃ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᐗᓂᔥᑳ, ᐅᑎᓐ ᒫᑲ ᐅᔥᑲᐙᔑᔥ ᓀᔥᑕ ᐅᑳᐎᔭ, ᐃᒋᑉᑎᒃ ᒫᑲ ᐃᑎᔑᒧ, ᐁᑯᑕ ᒫᑲ ᑕᔑᑫ ᐹᑎᒫ ᐯᒋ ᐎᑕᒫᑖᓀ: ᐌᓴ ᐦᐁᕋᑦ ᑲᑕ ᓇᓇᑐᓇᐌᐤ ᐅᔥᑲᐙᔑᔕ ᑭᒋ ᓂᔑᐗᓈᒋᐋᑦ᙮

ᐅᐸᓓᑭᔅ ᒫᑎᐤ 2:19

ᒫᑲ ᐃᔅᐱ ᐦᐁᕋᑦ ᑳ ᓂᐱᑦ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ ᐊᓐᑕ ᐃᒋᑉᑎᒃ,

ᐅᐸᓓᑭᔅ ᒫᑎᐤ 2:22

ᒫᑲ ᐃᔅᐱ ᐱᐁᑕᒃ ᐋᕐᑭᓓᔭᓴ ᐁ ᑎᐯᓕᒋᑫᓕᒋ ᒎᑎᐊᐃᒃ ᐁ ᒦᔅᑯᑎᔥᑲᐙᓕᒋ ᐅᑖᐎᓕᐗ ᐦᐁᕋᑕ, ᑮ ᑯᔅᑖᒋᐤ ᐊᓐᑕ ᑭᒋ ᐃᑐᑌᑦ: ᐁᓕᐌᒃ ᒫᑲ, ᐁ ᐃᑎᑯᑦ ᑭᒋᒪᓂᑐᐗ ᐸᐙᒧᐎᓂᒃ ᑮ ᐸᔅᑫᐤ ᑳᓕᓕᒃ ᑭᒋ ᐃᑐᑌᑦ:

ᐅᐸᓓᑭᔅ ᒫᑎᐤ 27:19

ᒣᒀᒡ ᐁ ᐊᐱᑦ ᑎᐹᔅᑯᓂᑫᐎ ᐊᐱᐎᓂᒃ, ᐎᐗ ᑮ ᐯᒋᑎᔕᐅᐌᓕᐗ, ᐁ ᐃᑎᑯᑦ, ᐁᑳᐎᓚ ᐙᔦᔥ ᑐᑕᐤ ᐊᓇ ᑳ ᑾᔭᔅᑭᑎᑦ ᐃᓕᓕᐤ; ᐌᓴ ᓂ ᑮ ᒥᑯᔅᑳᒋᐃᑯᓐ ᒥᒉᑦ ᑫᒀᓇ ᐊᓄᒡ ᑳ ᑭᔑᑳᒃ ᐸᐙᒧᐎᓂᒃ ᐎᓚ ᐅᒋ᙮

ᐅᐸᓓᑭᔅ ᓘᒃ 2:26

ᑮ ᑭᔅᑫᓕᑕᒥᐃᑯ ᒫᑲ ᐸᓓᑭ ᐊᒑᑾ, ᐁᑳ ᑭᒋ ᐙᐸᑕᒃ ᓂᐱᐎᓂᓕᐤ ᐸᒧᔑ ᑮ ᐙᐸᒦᒫ ᐅᑎᐯᓕᒋᑫᐤ ᐅ ᙭ᑎᒪ᙮

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᐊᐸᔅᑕᓚᒃ 4:19

ᒫᑲ ᐱᑕᕐ ᓀᔥᑕ ᒑᓐ ᑮ ᓇᔥᑴᐗᔑᐁᐗᒃ ᓀᔥᑕ ᑮ ᐃᑌᐗᒃ, ᑮᔥᐱᓐ ᒀᔭᔉ ᐁ ᐃᑌᓕᑖᑾᓄᑴ ᐁ ᐙᐸᑕᒃ ᑭᒋᒪᓂᑐ ᑭᒋ ᓇᑐᑖᑲᐎᔦᒃ ᑭᓚᐗᐤ ᐃᔥᐱᔥ ᑭᒋᒪᓂᑐ, ᑎᐹᔅᑯᓇᒧᒃ ᐅᒪ᙮

ᐊᐸᔅᑕᓚᒃ 5:29

ᐁᑯ ᐱᑕᕐ ᓀᔥᑕ ᑯᑕᑭᔭᒃ ᐊᐸᔅᑕᓚᒃ ᑳ ᓇᔅᑴᐗᔑᐃᐌᒋᒃ ᓀᔥᑕ ᐃᑗᒋᒃ, ᓂ ᑳ ᐱᔑᒋᐋᑖᓈᓐ ᑭᒋᒪᓂᑐ ᐊᐙᓯᑌ ᐃᔥᐱᔥ ᐃᓕᓕᐗᒃ᙮

ᓂᔥᑕᒻ ᑯᕆᓐᑎᐊᓇ 3:19

ᐌᓴ ᐅᒪ ᐊᔅᑭ ᑲᑫᑕᐌᓕᑕᒧᐎᓐ ᑲᑫᐹᑎᓯᐎᓐ ᐃᑌᓕᑕᒻ ᑭᒋᒪᓂᑐ᙮ ᐌᓴ ᐃᑕᓯᓇᐃᑳᑌᐤ, ᑎᐱᓚᐌ ᐅ ᑲᑳᔦᓕᓯᐎᓂᓕᒃ ᒫᒋᑯᓀᐤ ᐊᓂᐃ ᑳ ᑲᑫᑕᐌᓕᑕᒥᓕᒋ᙮

ᐦᐃᑉᕉᐗ 11:7

ᑖᐺᔦᓕᑕᒧᐎᓐ ᐅᒋ ᓄᐊ, ᐁ ᔮᒀᒥᒥᑯᑦ ᑭᒋᒪᓂᑐᐗ ᐊᓂᐃ ᑫᒀᓇ ᐅᒋ ᐁᑳ ᐁᔥᑾ ᑳ ᓄᑾᓂᓕᑭ, ᐁ ᔮᒀᒥᓯᑦ, ᑮ ᐋᔦᔅᑲᐎᑕᐤ ᐋᕐᑯᓕᐤ, ᑭᒋ ᐅᒋ ᐱᒫᒋᐋᑦ ᑳ ᐃᑕᔑᑦ; ᐊᐗᑯ ᓀᔥᑕ ᑳ ᑮ ᐅᒋ ᓂᔑᐗᓈᒋᑕᒃ ᐊᔅᑭᓕᐤ, ᓀᔥᑕ ᑳ ᑮ ᐊᑎ ᐋᔮᑦ ᒀᔭᔅᑭᑖᑎᓯᐎᓂᓕᐤ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᐦᐃᑉᕉᐗ 8:5

ᐊᓂᑭ ᑳ ᐊᑐᔅᑫᔅᑕᑭᒃ ᐁ ᐃᔑ ᑭᔅᑭᓄᐙᐸᒋᑳᑌᑭ ᓀᔥᑕ ᐁᑎᑳᔅᑌᑎᑭ ᑭᒋᑭᔑᑳᐎ ᑫᒀᓇ, ᑖᐱᔅᑯᒡ ᒧᓯᔅ ᑳ ᑮ ᐃᔑ ᑭᔅᑭᓄᐊᒫᑯᑦ ᑭᒋᒪᓂᑐᐗ ᐃᔅᐱ ᐁ ᐎ ᐅᔑᑖᑦ ᐋᔭᒥᐋᐎ ᒥᑭᐙᒥᓕᐤ; ᐌᓴ, ᐙᐸᑕ, ᐃᑗᐤ, ᑭᒋ ᐅᔑᑖᔭᓐ ᒥᓯᐌ ᑫᒀᓇ ᑭᒋ ᐃᔑᓈᑾᑭ ᑖᐱᔅᑯᒡ ᐊᓂᐃ ᑳ ᑮ ᑭᔅᑭᓄᐙᐸᑕᒪᓐ ᐊᓐᑕ ᐗᒌᒃ᙮