ᐅᐸᓓᑭᔅ ᒫᑎᐤ 19:28 - ᐅᔅᑭ ᑎᔅᑌᒥᓐᑦ

²⁸ ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓈᐗᐤ, ᑭᓚᐗᐤ ᑳ ᑮ ᓄᔅᐱᓇᔑᔦᒃ, ᐅᔥᑭ ᓂᑖᐎᑭᐎᓂᒃ ᐃᔅᐱ ᐃᓕᓕᐎᑯᓯᓵᓐ ᐊᐱᑌ ᐅ ᑭᔅᑌᓕᑖᑯᓯᐎᓂ ᐅᑭᒪᐗᐱᐄᓂᒃ, ᑭᓚᐗᐤ ᓀᔥᑕ ᑭ ᑳ ᑌᑕᐱᓇᐗᐤ ᓂᔓᔖᑉ ᐅᑭᒪᐗᐱᐄᓇ ᐁ ᑎᐹᔅᑯᓀᑾᒃ ᐊᓂᐃ ᓂᔓᔖᑉ ᐅ ᑕᑐᑌᐎᓯᒪ ᐃᔅᕃᐃᓪ᙮

ᐅᐸᓓᑭᔅ ᒫᑎᐤ 19:28 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 19:27

ᐁᑯ ᓀᔥᑴᐗᔑᐃᐌᑦ ᐱᑕᕐ, ᐁ ᐃᑖᑦ, ᒫᑎᑲ, ᓂ ᑮ ᓇᑲᑌᓈᓐ ᒥᓯᐌ ᑫᒀᓇ, ᓀᔥᑕ ᑭ ᑮ ᓄᔅᐱᓈᑎᑎᓈᓐ; ᐅᒪ ᐁ ᑮ ᑐᑕᒫᒃ, ᑫᒀᓐ ᑫ ᐋᔮᔮᒃ?

ᐅᐸᓓᑭᔅ ᒫᑎᐤ 20:21

ᑮ ᐃᑌᐤ ᒫᑲ, ᑫᒀᓐ ᓀᑕᐌᓕᑕᒪᓐ? ᐃᑎᑯ, ᒥᓕᒃ ᐅᑯ ᓂᑯᓯᓴᒃ ᑳ ᓂᔑᒋᒃ ᑭᒋ ᐊᐱᒋᒃ, ᐯᔭᒃ ᑭ ᑭᒋᓂᔅᑮᒃ, ᑯᑕᒃ ᒫᑲ ᑭ ᓇᒪᑎᓂᔅᑭᒃ, ᑭᑦ ᐅᑭᒫᐎᐎᓂᒃ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 6:33

ᓃᔥᑕᒻ ᒫᑲ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓀᔥᑕ ᐅ ᒀᔭᔅᑭᑖᑎᓯᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 8:20

ᒋᓴᔅ ᐃᑌᐤ ᒫᑲ, ᒪᑫᓯᐗᒃ ᐙᑎᐗᒃ, ᐱᓓᓯᐗᒃ ᓀᔥᑕ ᑳ ᐹᐸᒥᓚᒋᒃ ᐗᒋᔅᑐᓂᐗᒃ; ᒫᑲ ᐃᓕᓕᐎᑯᓯᓵᓐ ᓇᒪᐎᓚ ᐋᔭᐤ ᐃᑕ ᑫ ᐱᒥᑎᑖᑦ ᐅᔅᑎᒀᓐ᙮

ᐅᐸᓓᑭᔅ ᒫᕐᒃ 10:37

ᑮ ᐃᑌᐗᒃ, ᒥᓕᓈᓐ ᑭᒋ ᐊᐱᔮᒃ, ᐯᔭᒃ ᑭ ᑭᒋᓂᔅᑮᒃ, ᑯᑕᒃ ᒫᑲ ᑭ ᓇᒪᑎᓂᔅᑮᒃ, ᑭ ᑭᔅᑌᓕᑖᑯᓯᐎᓂᒃ᙮

ᐊᐸᔅᑕᓚᒃ 3:21

ᐊᓇ ᑭᒋᑭᔑᑰᒃ ᒫᑲ ᑫ ᐃᑖᑦ ᐱᓕᔥ ᐅᑎᒋᐸᓕᑫ ᑭᒋ ᐅᔥᑭᑖᓂᐗᑭ ᒥᓯᐌ ᑫᒀᓇ, ᑳ ᐃᔑ ᐋᔭᒥᑦ ᑭᒋᒪᓂᑕ ᐅᑐᓂᐙᒃ ᐅᒋ ᒥᓯᐌ ᐅ ᐸᓓᑭ ᑭᔅᑭᓄᐊᒪᑫᐎᓕᓕᒪ ᐃᔅᑯᓈᒃ ᑳ ᒫᒋ ᐊᔅᑭᐗᒃ᙮

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᓂᔓ ᐱᑕᕐ 3:13

ᐁᓕᐌᒃ ᒫᑲ ᑭᓚᓈᓇᐤ, ᑳ ᐃᑕᔅᑌᓕᒃ ᐅᑦ ᐊᔓᑕᒫᑫᐎᓐ, ᑭᑦ ᐊᔕᐙᐸᑌᓈᓇᐤ ᐅᔥᑭ ᑭᔑᑾ ᓀᔥᑕ ᐅᔥᑭ ᐊᔅᑭ, ᐁᑯᑕ ᑫ ᐃᔑ ᐎᑭᒪᑲᒃ ᒀᔭᔅᑭᑖᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 11:16

ᐊᓂᑭ ᒫᑲ ᓂᔑᑕᓇᐤ ᓀᔥᑕ ᓀᐅᔖᑉ ᑳ ᓂᑳᓀᓕᑖᑯᓯᒋᒃ, ᑳ ᐅᑎᔥᑲᐗᐲᔅᑕᐙᒋᒃ ᑭᒋᒪᓂᑐᐗ, ᑮ ᐅᑎᐱᐸᓕᐅᐗᒃ, ᓀᔥᑕ ᐋᔭᒥᐁᔅᑕᐌᐗᒃ ᑭᒋᒪᓂᑐᐗ,

ᑭᔅᑫᓕᑖᑯᑖᑫᐎᓐ 12:1

ᑮ ᓄᑾᓐ ᒫᑲ ᑭᒋ ᑭᔅᑭᓄᐙᒋᒋᑲᓐ ᑭᒋᑭᔑᑯᒃ; ᐃᔅᑴᐤ ᐁ ᑭᑭᔥᑲᐙᑦ ᐱᓯᒶ, ᓀᔥᑕ ᑎᐱᔅᑭᐱᓯᒶ ᔑᐹ ᐅᓯᑎᒃ, ᓀᔥᑕ ᐅᔅᑎᒀᓂᒃ ᐁ ᐅᑭᒪᐗᔅᑐᑎᓂᑦ ᓂᔓᔖᑉ ᐊᒐᑯᔕ;

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 21:5

ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑮ ᐃᑗᐤ, ᒫᑎᑲ, ᒥᓯᐌ ᑫᒀᓇ ᓂᑦ ᐅᔥᑭᑖᓐ᙮ ᓂ ᑮ ᐃᑎᒃ ᒫᑲ, ᒪᓯᓇᐊ; ᐌᓴ ᐅᐅ ᐋᔭᒥᐎᓇ ᑖᐺᒪᑲᓋ ᓀᔥᑕ ᑾᔹᔅᑭᑎᒪᑲᓋ᙮

ᑭᔅᑫᓕᑖᑯᑖᑫᐎᓐ 22:2

ᑌᑖᐎᒡ ᐱᒧᑌᔅᑲᓈᒃ ᐊᓐᑕ, ᓀᔥᑕ ᐊᔨᑕᐗᑳᒻ ᓯᐱᒃ, ᑮ ᐃᑕᐤ ᐱᒫᑎᓯᐎᓂ ᒥᔅᑎᒃ, ᑳ ᓂᑖᐎᑭᑖᑦ ᓂᔓᔖᑉ ᑐᐎ ᒥᓂᔕ, ᓀᔥᑕ ᑳ ᒥᓂᔑᐎᑦ ᒥᓯᐌ ᑕᑐ ᐱᓯᒧᒃ: ᒥᔅᑎᒃ ᒫᑲ ᐅ ᓂᐱᔑᒪ ᑲᑕ ᐅᒋ ᒥᓇᐗᒋᐊᐗᒃ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᑭᔅᑫᓕᑖᑯᑖᑫᐎᓐ 22:5

ᓇᒪᐎᓚ ᒫᑲ ᐊᓐᑕ ᑲᑕ ᑎᐱᔅᑲᐤ; ᓇᒪ ᓀᔥᑕ ᓇᑕᐌᓕᑕᒶᒃ ᐙᔅᑌᓇᒫᑲᓂᓕᐤ, ᓇᒪ ᓀᔥᑕ ᐱᓯᒻ ᐅ ᐙᔅᑌᐎᓐ; ᐌᓴ ᐙᔅᑌᓇᒫᑯᐗᒃ ᑭᒋᒪᓂᑐᐗ: ᑲᑕ ᑎᐯᓕᒋᑫᐗᒃ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 4:4

ᐙᔅᑲ ᒫᑲ ᐅᑭᒪᐗᐱᐎᓂᒃ ᑮ ᐃᑕᑾᓋ ᓂᔑᑕᓇ ᓀᐊᔖᑉ ᓀᔥᑕ ᑌᑕᐱᐎᓇ; ᐊᓂᐃ ᒫᑲ ᑌᑕᐱᐎᓇ ᓂ ᑮ ᐙᐸᒪᐗᒃ ᐁ ᑌᑕᐱᒋᒃ ᓂᔑᑕᓇ ᓀᐊᔖᑉ ᓀᔥᑕ ᑳ ᓂᑳᓀᓕᑖᑯᓯᒋᒃ, ᐁ ᐙᐱᐅᒋᒃ, ᑮ ᑭᑭᔥᑲᒶᒃ ᒫᑲ ᐅᔅᑎᒀᓂᐙᒃ ᐅᓵᐎᔔᓕᐊᓈᐱᔉ ᐅᑭᒪᐗᔅᑐᑎᓋ᙮

ᑭᔅᑫᓕᑖᑯᑖᑫᐎᓐ 7:4

ᓂ ᑮ ᐯᑌᓐ ᐁ ᐃᑕᓯᒋᒃ ᐊᓂᑭ ᑳ ᑭ ᑭᔅᑭᓄᐙᒋᐋᑲᓂᐎᒋᒃ: ᑮ ᑭᔅᑭᓄᐙᒋᐋᐗᒃ ᒫᑲ ᒥᑖᑐᒥᑕᓇᐗᐤ ᓀᔥᑕ ᓀᒥᑕᓇ ᓀᐅᔖᑄᐤ ᑭᒋᒥᑖᑐᒥᑕᓇᐤ ᑳ ᐅᒌᒌᒃ ᒥᓯᐌ ᐁ ᐃᑕᑐᑌᐎᓯᓕᒋ ᐃᔅᕃᐃᓪ ᐅᑦ ᐊᐙᔑᒥᔕ᙮