ᐅᐸᓓᑭᔅ ᒫᑎᐤ 18:9 - ᐅᔅᑭ ᑎᔅᑌᒥᓐᑦ

⁹ ᑮᔥᐱᓐ ᒫᑲ ᑭᔅᑭᔑᒃ ᓈᔦᑕᐌᓕᑕᒥᐃᑯᔭᓀ, ᐗᓚᐎᐱᑕ, ᐌᐱᓇ ᒫᑲ: ᐊᐙᓯᑌ ᒥᓨᔑᓐ ᑭᒋ ᐱᑐᑫᔭᓐ ᐱᒫᑎᓯᐎᓂᒃ ᐁ ᐯᔭᑾᒃ ᑮᔅᑭᔑᒃ, ᐃᔥᐱᔥ ᐁ ᓂᔑᑭ ᑭᔅᑭᔑᑾ ᑭᒋ ᐃᔑ ᐌᐱᓂᑳᐎᔭᓐ ᒪᒋ ᐃᔥᑯᑌᒃ᙮

ᐅᐸᓓᑭᔅ ᒫᑎᐤ 18:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:26

ᐌᓴ ᑫᒀᓕᐤ ᑫ ᐅᑎᓰᑦ ᐃᓕᓕᐤ, ᐋᑕ ᒥᓯᐌ ᐊᔅᑭᓕᐤ ᑫ ᑲᔥᑭᑖᑴ, ᑮᔥᐱᓐ ᑫ ᐗᓂᐋᑴ ᐅᑦ ᐊᒑᑾ? ᓀᔥᑕᐱᑯ ᑫᒀᓕᐤ ᑫ ᒥᓕᐌᑦ ᐃᓕᓕᐤ ᒦᔅᑯᒡ ᐅᑦ ᐊᒑᑾ?

ᐅᐸᓓᑭᔅ ᒫᑎᐤ 18:8

ᐁᐗᑯ ᐅᒋ ᑮᔥᐱᓐ ᑭᒋᒋ ᓀᔥᑕᐱᑯ ᑭᓯᑦ ᓈᔦᑕᐌᓕᑕᒥᐃᑯᔭᓀ, ᒪᓂᔕ, ᐌᐱᓇ ᒫᑲ ᐊᐙᓯᑌ ᒥᓨᔑᓐ ᑭᒋ ᐱᑐᑫᔭᓐ ᐱᒫᑎᓯᐎᓂᒃ ᐁ ᒫᔅᑭᐸᓕᔭᓐ ᓀᔥᑕᐱᑯ ᐁ ᒫᔅᑭᓯᔭᓐ, ᐃᔥᐱᔥ ᑭᒋ ᐋᔮᔭᓐ ᓂᔓ ᒥᒋᒋᔭ ᓀᔥᑕᐱᑯ ᓂᔓ ᒥᓯᑕ ᑭᒋ ᐃᔑ ᐌᐱᓂᑳᐎᔭᓐ ᑳᑭᑫ ᐃᔥᑯᑌᒃ᙮

ᐅᐸᓓᑭᔅ ᒫᑎᐤ 19:17

ᑮ ᐃᑗᐤ ᒫᑲ, ᑖᓀᑭ ᐌᒋ ᒥᓗᑣᐤ ᐃᔑᔭᓐ? ᓇᒪᐎᓚ ᐊᐌᓇ ᒥᓗᑡᐤ, ᐯᔭᒃ ᐱᑯ, ᐁᐗᑯ ᑭᒋᒪᓂᑐ: ᒫᑲ ᑮᔥᐱᓐ ᐙ ᐱᑐᑫᐗᓀ ᐱᒫᑎᓯᐎᓂᒃ ᑲᓇᐌᓕᑕ ᑲᑫᔅᑴᐎᓇ᙮

ᐅᐸᓓᑭᔅ ᒫᑎᐤ 5:22

ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᔐᔥᒀᑦ ᑫ ᑭᓯᐙᓰᔅᑕᐙᑴ ᐎᒋᔕᓇ, ᑲᑕ ᓈᓂᓵᓂᓯᐤ ᑭᒋ ᑎᐹᔅᑯᓈᑲᓂᐎᑦ: ᐊᐌᓇ ᒫᑲ ᑫ ᐊᑖᑴ ᐎᒋᔖᓇ, ᕃᑲ, ᑲᑕ ᓈᓂᓵᓂᓯᐤ ᑭᒋ ᐃᑐᑕᐋᑲᓂᐎᑦ ᐁᑖᔅᑕᒪᐱᓕᒋ ᐅᑎᐹᔅᑯᓂᑫᐗ: ᒫᑲ ᐊᐌᓇ ᑫ ᐃᑖᑴ, ᑭᓚ ᑭᔥᑴᑳᓐ, ᑲᑕ ᓈᓂᓵᓂᓯᐤ ᑭᒋ ᐌᐱᓇᑲᓂᐎᑦ ᒪᒋᐃᔥᑯᑌᒃ᙮

ᐅᐸᓓᑭᔅ ᒫᑎᐤ 5:29

ᑮᔥᐱᓐ ᒫᑲ ᑭᔥᑭᔑᒃ ᐗᓂᑐᑕᒥᐃᑯᔭᓀ, ᐗᓚᐎᐱᑕ, ᐌᐱᓇ ᒫᑲ: ᐌᓴ ᐊᐙᓯᑌ ᒥᓨᔑᓐ ᐯᔭᒃ ᑭᔥᑭᔑᒃ ᑭᒋ ᓂᔑᐗᓈᑕᒃ, ᐁᑳ ᒫᑲ ᒥᓯᐌ ᑭᔭᐤ ᒪᒋᐃᔥᑯᑌᒃ ᑭᒋ ᐃᔑ ᐌᐱᓂᑳᑌᒃ᙮

ᐅᐸᓓᑭᔅ ᒫᕐᒃ 9:47

ᑮᔥᐱᓐ ᒫᑲ ᑮᔅᑭᔑᒃ ᓈᔦᑕᐌᓕᑕᒥᐃᑯᔨᓀ, ᐗᓚᐎᐱᑕ: ᐊᐗᓯᑌ ᒥᓨᔑᓐ ᑭᒋ ᐱᑐᑫᐗᑦ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᐁ ᐯᔭᑾᒃ ᑮᔅᑭᔑᒃ, ᐃᔥᐱᔥ ᐁ ᐋᔮᔭᓐ ᓂᔓ ᒥᔅᑭᔑᑾ ᑭᒋ ᐃᔑ ᐌᐱᓂᑳᐎᔭᓐ ᒪᒋ ᐃᔥᑯᑌᒃ;

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐦᐃᑉᕉᐗ 4:11

ᐁᑯᔑ ᒫᑲ ᐊᑐᔅᑫᑕᐤ ᑭᒋ ᐱᑐᑫᔭᒃ ᐊᓂᒪ ᐋᓜᓯᐎᓂᒃ, ᐁᑳᐎᓚ ᐊᐌᓇ ᑭᒋ ᐸᑭᔑᒃ ᐊᓂᒪ ᑳ ᑮ ᐃᔑ ᐸᑭᔑᓈᓂᐗᒃ ᐁᑳ ᐁ ᑮ ᑖᐺᔦᓕᒋᑳᑌᒃ᙮

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮