ᐅᐸᓓᑭᔅ ᒫᑎᐤ 18:19 - ᐅᔅᑭ ᑎᔅᑌᒥᓐᑦ

¹⁹ ᒥᓇ ᑭᑦ ᐃᑎᓇᐗᐤ, ᑮᔥᐱᓐ ᓂᔓ ᐁ ᐃᑕᔑᔦᒃ ᑖᐱᔅᑯᒡ ᐃᑌᓕᑕᑾᐌ ᐅᑕ ᐊᔅᑮᒃ ᑫᒀᓕᐤ ᑫ ᓇᑐᑕᒫᒋᒃ, ᑲᑕ ᑐᑕᒫᑯᐗᒃ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 18:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:22

ᒥᓯᐌ ᑫᒀᓇ ᒫᑲ ᑳ ᓇᑐᑕᒫᔦᒃ ᐁ ᐋᔭᒥᐋᔦᒃ, ᐁ ᑖᐺᑕᒣᒃ, ᑭ ᑳ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 5:24

ᐁᑯᑕ ᐅᑎᔥᑲᐤ ᐸᑭᒋᑲᓈᐱᔅᑯᒃ ᓇᑲᑕ ᑭ ᒥᓕᐌᐎᓐ, ᑭᑐᑌ ᒫᑲ; ᓃᔥᑕᒻ ᒥᓄᐅᑐᑌᒥᒻ ᑭᒋᔖᓐ, ᐁᑯ ᒫᑲ ᐯᒋ ᐸᑭᑎᓂᑫ ᑭ ᒥᓕᐌᐎᓐ᙮

ᐅᐸᓓᑭᔅ ᒫᑎᐤ 7:7

ᓇᑐᑕᒫᑫᒃ, ᑭ ᑳ ᒥᓕᑲᐎᓈᐗᐤ ᒫᑲ; ᓈᓇᑕᐌᓕᑕᒧᒃ, ᑭ ᑳ ᒥᔅᑫᓇᐗᐤ ᒫᑲ ᐹᐸᐙᔨᑫᒃ, ᑭ ᑳ ᐹᔅᑭᑌᓇᒫᑲᐎᓇᐗᐤ ᒫᑲ᙮

ᐅᐸᓓᑭᔅ ᒫᕐᒃ 11:24

ᐁᐗᑯ ᐌᒋ ᐃᑎᑕᑾᒃ, ᐱᑯ ᑫᒀᓐ ᑫ ᓇᑕᐌᓕᑕᒧᐌᑴ ᐃᔅᐱ ᐁ ᐋᔭᒥᐋᔦᒃ, ᑖᐺᑕᒧᒃ ᐁ ᒥᓕᑳᐎᔦᒃ, ᐁᑯ ᒫᑲ ᑫ ᐋᔮᔦᒃ᙮

ᐅᐸᓓᑭᔅ ᒑᓐ 15:16

ᓇᒪᐎᓚ ᑭᓚᐗᐤ ᑭ ᐅᒋ ᐙᐌᓛᐸᒥᓇᐗᐤ, ᒫᑲ ᓂᓚ ᑭ ᑭᑮᐙᐌᓛᐸᒥᑎᓇᐗᐤ, ᓀᔥᑕ ᑭ ᑮ ᐹᑲᓂᐃᑎᓇᐗᐤ ᑭᒋ ᓇᑕᐎ ᓂᑖᐎᑭᑖᔦᒃ ᒥᓂᔕ, ᓀᔥᑕ ᑭ ᒥᓂᔑᒥᐙᐗ ᑭᒋ ᐃᑕᑾᑭ: ᐱᑯ ᑫᒀᓐ ᒫᑲ ᑫ ᓇᑐᑕᒪᐗᐌᑴ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ ᑭᒋ ᒥᓕᑖᒃ᙮

ᐅᐸᓓᑭᔅ ᒑᓐ 15:7

ᑮᔥᐱᓐ ᐱᒋᔅᑲᐎᔦᑴ, ᓀᔥᑕ ᓂᑦ ᐋᔭᒥᐎᓐ ᐱᒋᔅᑳᑯᔦᑶ, ᑭ ᑳ ᓇᑐᑕᒫᓇᐗᐤ ᑫᒀᓐ ᐁ ᐃᔑ ᓇᑕᐌᓕᑕᒣᒃ, ᐁᑯ ᑫ ᑐᑕᒫᑲᐎᔦᒃ᙮

ᐅᐸᓓᑭᔅ ᒑᓐ 16:23

ᓀᔥᑕ ᐊᓂᒪ ᑫ ᑭᔑᑳᒃ ᓇᒪᐎᓚ ᑫᒀᓐ ᑭ ᑳ ᓇᑐᑕᒪᐎᓇᐗᐤ᙮ ᑖᐺ, ᑖᐺ, ᑭᑦ ᐃᑎᓇᐗᐤ, ᒥᓯᐌ ᑫᒀᓐ ᑫ ᓇᑐᑕᒪᐌᒃ ᐅᑖᐎᒪᐤ ᓂᑦ ᐃᔑᓂᑳᓱᐎᓂᒃ, ᑭ ᑳ ᒥᓕᑯᐗᐤ᙮

ᐊᐸᔅᑕᓚᒃ 1:14

ᒥᓯᐌ ᐅᑯ ᑮ ᒫᒪᐎᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐁ ᐋᔭᒥᐋᒋᒃ ᓀᔥᑕ ᐁ ᓇᑐᑕᒫᑫᒋᒃ, ᐊᓯᒋ ᐊᓂᑭ ᐃᔅᑴᐗᒃ, ᓀᔥᑕ ᒣᕆ ᐅᑳᐎᔭ ᒋᓴᔅ, ᓀᔥᑕ ᐎᒋᔖᓇ ᐊᓯᒋ᙮

ᐊᐸᔅᑕᓚᒃ 12:5

ᐁᐗᑯ ᐅᒋ ᐱᑕᕐ ᑮ ᑭᐸᐙᑲᓂᐎᐤ ᑭᐹᐅᑐᐎᑲᒥᑯᒃ; ᒫᑲ ᒫᒪᐎᐊᔭᒥᐋᐗᒃ ᑕᑭᓀ ᑮ ᓇᓈᑐᒣᐗᒃ ᑭᒋᒪᓂᑐᐗ ᐎᓚ ᐅᒋ᙮

ᐊᐸᔅᑕᓚᒃ 16:10

ᐸᑎᒪ ᒫᑲ ᑳ ᑮ ᐗᐸᑕᒃ ᐃᔑᓇᒧᐎᓂᓕᐤ, ᑣᔦᒃ ᓂ ᑮ ᑲᑴ ᐃᑐᑖᓈᓐ ᒫᓯᑐᓂᔭᐃᒃ, ᐁ ᑫᒋᓇᐅᔮᒃ ᐅᑎᐯᓕᒋᑫᐤ ᐁ ᑮ ᑌᑄᔑᔭᒥᑦ ᑭᒋ ᑲᑫᔅᑭᒪᑭᒋᒃ ᒥᓗᐋᒋᒧᐎᓂᓕᐤ᙮

ᐊᐸᔅᑕᓚᒃ 6:4

ᒫᑲ ᓂᓚᓈᓐ ᓂ ᑳ ᐸᑭᑎᓂᑎᓱᓈᓐ ᑕᑭᓀ ᑭᒋ ᐋᔭᒥᐋᔮᒃ, ᓀᔥᑕ ᑭᒋ ᑎᐹᑐᑕᒫᒃ ᐋᔭᒥᐎᓐ᙮

ᐱᓕᐱᔭᓇ 1:19

ᐌᓴ ᓂ ᑭᔅᑫᓕᑌᓐ ᐅᒪ ᓂ ᐱᒫᒋᐃᑯᓯᐎᓂᒃ ᑭᒋ ᐃᔑ ᑴᔅᑭᐸᓕᒃ, ᑭᑦ ᐋᔭᒥᐋᐎᓂᐗᐤ ᐅᒋ, ᓀᔥᑕ ᐁ ᒥᓕᐙᓂᐗᓂᓕᒃ ᐅᑦ ᐊᒑᑾ ᒋᓴᔅ ᙭᙮

ᓂᔥᑕᒻ ᒑᓐ 3:22

ᒥᓯᐌ ᑫᒀᓐ ᒫᑲ ᑳ ᓇᑐᑕᒪᐋᒃ ᑭ ᒥᓕᑯᓇᐤ, ᐁ ᑲᓇᐌᓕᑕᒶᒃ ᐅ ᑲᑫᔅᑴᐎᓇ, ᓀᔥᑕ ᐁ ᑐᑕᒪᒃ ᐊᓂᐃ ᑫᒀᓇ ᑳ ᒥᓗ ᑲᓇᐙᐸᑕᒃ: