11 ᐌᓴ ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᑭᒋ ᐱᒫᒋᑖᑦ ᐊᓂᐁᓕᐤ ᑳ ᐗᓂᑎᓂᓕᒃ᙮
ᔮᓕᑌᓐ ᒫᑲ ᓈᑎᑯᒃ ᐌᓂᔑᑭᒃ ᒫᓂᔥᒑᓂᔕᒃ ᐃᔅᕃᐃᓪ ᐅ ᐙᔅᑳᔨᑲᓂᒥᒃ᙮
ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑗᐤ, ᓂ ᑮ ᐯᒋᑎᔕᐅᑳᐎᓐ ᑭᒋ ᓈᑕᑭᒃ ᑳ ᐗᓂᔑᑭᒃ ᒫᓂᔥᒑᓂᔕᒃ ᐅ ᐙᔅᑳᔨᑲᓂᒃ ᐃᔅᕃᐃᓪ ᑳ ᐅᒋᒋᒃ᙮
ᑖᓐ ᐁᑌᓕᑕᒣᒃ? ᑮᔥᐱᓐ ᐃᓕᓕᐤ ᐋᔭᐙᑦ ᒥᑖᑐᒥᑕᓇᐤ ᒫᓂᔥᒑᓂᔕ, ᐯᔭᒃ ᐁ ᐃᑕᓯᓕᒋ ᒫᑲ ᐗᓂᔑᓂᓕᒋ, ᓇᒪ ᓈ ᓇᑲᑌᐤ ᐊᓂᐃ ᔖᑭᑖᑐᒥᑕᓇᐤ ᓀᔥᑕ ᔖᑭᑖᑐᔖᑉ, ᓀᔥᑕ ᐃᑐᑌᐤ ᐁ ᐃᔑ ᐗᒋᐗᓂᓕᒃ ᑭᒋ ᓈᓇᑕᐙᐸᒫᑦ ᐊᓂᐃ ᑳ ᐗᓂᔑᓂᓕᒋ?
ᒫᑲ ᐃᔅᐱ ᒋᓴᔅ ᐱᐁᑕᒃ, ᑮ ᐃᑌᐤ, ᐊᓂᑭ ᑳ ᒥᓗᐋᔮᒋᒃ ᓇᒪᐎᓚ ᓇᑕᐌᓕᒣᐗᒃ ᓇᑕᑯᓚᓇ, ᒫᑲ ᐊᓂᑭ ᑳ ᐋᑯᓯᒋᒃ᙮
ᐌᓴ ᐊᐗ ᓂᑲᓯᔅ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᑮ ᐗᓂᐊᐤ, ᒥᔅᑲᐗᐤ ᒫᑲ᙮ ᐁᑯ ᒥᐋᒋ ᒧᒋᑫᓕᑕᑭᒃ᙮
ᑮ ᑌᐱᐃᔑᓈᑾᓐ ᒫᑲ ᑭᒋ ᒧᒋᑫᓕᑕᒫᒃ, ᓀᔥᑕ ᑭᒋ ᓯᑭᓓᓯᔮᒃ: ᐌᓴ ᐊᐗ ᑭᔑᒻ ᑮ ᓂᐱᐤ, ᒥᓇ ᒫᑲ ᐱᒫᑎᓯᐤ; ᓀᔥᑕ ᑮ ᐗᓂᐊᐤ ᒥᔅᑲᐗᐤ ᒫᑲ᙮
ᐌᓴ ᐃᓕᓕᐎᑯᓯᓵᓐ ᐯᒋ ᑕᑯᔑᓐ ᑭᒋ ᓈᓇᑕᐙᐸᒫᑦ ᓀᔥᑕ ᑭᒋ ᐱᒫᒋᐋᑦ ᐊᓂᐃ ᑳ ᐗᓂᔑᓂᓕᒋ᙮
ᐌᓴ ᐃᓕᓕᐎᑯᓯᓵᓐ ᓇᒪᐎᓚ ᑮ ᐯᒋ ᐃᑐᑌᐤ ᑭᒋ ᓂᔑᐗᓈᒋᑖᐙᑦ ᐃᓕᓕᐗ ᐅ ᐱᒫᑎᓯᐎᓂᓕᐗ, ᒫᑲ ᑭᒋ ᐱᒫᒋᑕᐙᑦ᙮ ᐁᑯ ᓂᐋᑕᑭᒃ ᑯᑕᑭᓕᐤ ᐃᑖᐎᓂᔑᓕᐤ᙮
ᑭᒧᑎᔉ ᓇᒪᐎᓚ ᐯᒋ ᐃᑐᑌᐤ ᐱᑯ ᐙ ᑭᒧᑎᒋ, ᓀᔥᑕ ᐙ ᓂᐹᔨᐌᒋ, ᓀᔥᑕ ᐙ ᓂᔑᐗᓈᒋᐃᐌᒋ: ᓂᓚ ᓂ ᑮ ᐯᒋ ᐃᑐᑖᓐ ᑭᒋ ᐋᔮᒋᒃ ᐱᒫᑎᓯᐎᓂᓕᐤ, ᓀᔥᑕ ᐊᐙᓯᑌ ᑭᒋ ᐌᓗᒋᑖᒋᒃ᙮
ᑮᔥᐱᓐ ᓀᔥᑕ ᐊᐌᓇ ᐱᐁᑕᒧᑴ ᓂᑦ ᐋᔭᒥᐎᓇ, ᓀᔥᑕ ᐁᑳ ᑎᐋᐺᑕᒧᑴ, ᓂᓚ ᓇᒪᐎᓚ ᓂ ᑎᐹᔅᑯᓇᐤ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᑎᐹᔅᑯᓇᒫᓐ ᐊᔅᑭ, ᒫᑲ ᑭᒋ ᐱᒫᒋᑖᔮᓐ ᐊᔅᑭ᙮
ᐌᓴ ᑭᒋᒪᓂᑐ ᓇᒪᐎᓚ ᐅᒋ ᐯᒋᑎᔕᐌᐤ ᐅᑯᓯᓴ ᑭᒋ ᓂᔑᐗᓈᒋᑕᒥᓕᒋ ᐊᔅᑭᓕᐤ; ᒫᑲ ᐎᓚ ᑭᒋ ᐅᒋ ᐱᒫᒋᑖᓂᐗᒃ ᐊᔅᑭ᙮
ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮
