ᐅᐸᓓᑭᔅ ᒫᑎᐤ 18:10 - ᐅᔅᑭ ᑎᔅᑌᒥᓐᑦ

¹⁰ ᔮᒀᒥᓰᒃ ᐁᑳ ᑭᒋ ᐋᑕᐌᓕᒣᒃ ᐯᔭᒃ ᐅᑯ ᑳ ᐋᐱᔅᑌᓕᑖᑯᓯᒋᒃ; ᐌᓴ ᑭᑦ ᐃᑎᓇᐗᐤ, ᑭᒋᑭᔑᑯᒃ ᐅᑦ ᐁᓐᒐᓕᒥᐙᐗ ᒧᔕᒃ ᑲᓇᐙᐸᒥᒣᓕᐗ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 18:10 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:20

ᒫᑲ ᒣᒀᒡ ᐁ ᒫᒥᑐᓀᓕᑕᒃ ᐅᐅ ᑫᒀᓇ, ᒫᑎᑲ, ᐅᑦ ᐁᓐᒐᓕᒪ ᐅᑎᐯᓕᒋᑫᐤ ᑮ ᓄᑯᓰᔅᑖᑯᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᒍᓯᑉ, ᑌᐱᑦ ᐌᑯᓯᓯᒥᔉ, ᐁᑳᐎᓚ ᓭᑭᓯ ᑭᒋ ᐅᑎᓇᑦ ᒣᕆ ᑭᐗ: ᐌᓴ ᐊᓂᐁᓕᐤ ᑳ ᑲᓄᔥᑲᒃ ᐯᓓᑭᓯᑦ ᐊᒑᑯᒃ ᐅᒋᒪᑲᓂᓕᐤ᙮

ᐅᐸᓓᑭᔅ ᒫᑎᐤ 12:20

ᓇᒪᐎᓚ ᑲᑕ ᓈᑣᓇᒻ ᐁ ᒫᔅᑳᓕᒃ ᐎᐹᔅᑯᓕᐤ, ᐁ ᒧᒋ ᐱᐳᑌᓕᒃ ᐙᔅᑌᓇᒫᑲᓈᐱᓕᐤ ᓀᔥᑕ ᓇᒪᐎᓚ ᑲᑕ ᐊᔅᑖᐌᐊᒻ, ᐹᑎᒫ ᐃᔑᑎᔕᐊᑫ ᑎᐹᔅᑯᓂᑫᐎᓂᓕᐤ ᑭᒋ ᔖᑯᒋᐃᐌᒪᑲᓂᓕᒃ᙮

ᐅᐸᓓᑭᔅ ᒫᑎᐤ 18:14

ᐁᑯ ᑖᐱᔅᑯᒡ ᓀᔥᑕ ᓇᒪᐎᓚ ᓇᑕᐌᓕᑕᒻ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ, ᐯᔭᒃ ᐅᐅ ᑳ ᐋᐱᔅᑌᓕᑖᑯᓯᓕᒋ ᑭᒋ ᓂᔑᐗᓈᑎᓯᓕᒋ᙮

ᐅᐸᓓᑭᔅ ᒫᑎᐤ 18:6

ᒫᑳ ᐊᐌᓇ ᑫ ᐗᓂᑐᑕᐙᑴ ᐯᔭᒃ ᐅᐅ ᐊᐯᔅᑕᐙᔑᔕ ᑳ ᑖᐺᔦᓕᒥᓕᒋ, ᐊᐙᓯᑌ ᑲᑕ ᒥᓨᔑᓂᓕᐸᓐ ᐱᓂᐳᒋᑲᓐ ᐊᓯᓂᔭ ᑭᒋ ᐊᑯᓛᑲᓂᐎᓕᒋ ᐅᒀᔮᒃ, ᐁᑯ ᒫᑲ ᑭᒋ ᓂᔅᑖᐸᐌᑦ ᐃᑕ ᐁ ᑭᔥᑳᔭᐙᓕᒃ ᑭᒋᑲᒦᒃ᙮

ᐅᐸᓓᑭᔅ ᒫᑎᐤ 2:13

ᐃᔅᐱ ᒫᑲ ᑳ ᑮ ᑭᑐᑌᒋᒃ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᐗᓂᔥᑳ, ᐅᑎᓐ ᒫᑲ ᐅᔥᑲᐙᔑᔥ ᓀᔥᑕ ᐅᑳᐎᔭ, ᐃᒋᑉᑎᒃ ᒫᑲ ᐃᑎᔑᒧ, ᐁᑯᑕ ᒫᑲ ᑕᔑᑫ ᐹᑎᒫ ᐯᒋ ᐎᑕᒫᑖᓀ: ᐌᓴ ᐦᐁᕋᑦ ᑲᑕ ᓇᓇᑐᓇᐌᐤ ᐅᔥᑲᐙᔑᔕ ᑭᒋ ᓂᔑᐗᓈᒋᐋᑦ᙮

ᐅᐸᓓᑭᔅ ᒫᑎᐤ 2:19

ᒫᑲ ᐃᔅᐱ ᐦᐁᕋᑦ ᑳ ᓂᐱᑦ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ ᐊᓐᑕ ᐃᒋᑉᑎᒃ,

ᐅᐸᓓᑭᔅ ᒫᑎᐤ 24:31

ᑲᑕ ᐃᔑᑎᔕᐌᐤ ᒫᑲ ᐅᑦ ᐁᓐᒐᓕᒪ ᓈᔅᐱᒡ ᐁ ᑭᔗᐌᒪᑲᒃ ᐳᑖᒋᑲᓐ, ᑲᑕ ᒪᐗᒋᐁᓕᐗ ᒫᑲ ᐊᓂᐃ ᑳ ᐙᐌᓛᐸᒥᒥᒋ ᓀᐤ ᐁ ᐅᒋᓚᐌᒃ ᐅᒋ, ᓀᔥᑕ ᒥᓯᐌ ᐁᔅᐱᔖᒃ ᐊᑖᒥᒃ ᑭᔑᑯᒃ᙮

ᐅᐸᓓᑭᔅ ᓘᒃ 1:19

ᐁᓐᒐᓪ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᓂᓚ ᐁᐗᑯ ᑫᑉᕆᐃᓪ, ᑳ ᐅᑎᔥᑲᐎᑳᐸᐎᔅᑕᐗᒃ ᑭᒋᒪᓂᑐ; ᓂ ᑭ ᐯᒋᑎᔕᐅᑳᐎᓐ ᒫᑲ ᑭᒋ ᐋᔭᒥᐃᑖᓐ, ᓀᔥᑕ ᑭᒋ ᐙᐸᑎᓕᑖᓐ ᐅᐅ ᒥᓗᐋᒋᒧᐎᓇ᙮

ᐅᐸᓓᑭᔅ ᓘᒃ 10:16

ᐊᓇ ᑳ ᓇᑐᑖᑖᒃ ᓂᓚ ᓂ ᓇᑐᑖᒃ; ᐊᓇ ᓀᔥᑕ ᑳ ᐋᑕᐌᓕᒥᑖᒃ ᓂᓚ ᓂᑦ ᐋᑕᐌᓕᒥᒃ; ᐊᓇ ᒫᑲ ᑳ ᐋᑕᐌᓕᒥᑦ, ᐋᑕᐌᓕᒣᐤ ᐊᓂᐃ ᑳ ᐯᒋᑎᔕᐅᓕᒋ᙮

ᐅᐸᓓᑭᔅ ᓘᒃ 16:22

ᑮ ᐃᑭᓐ ᒫᑲ, ᐁ ᑮ ᓂᐱᑦ ᐅᐸᑯᔑᐃᐌᐤ, ᐁᓐᒐᓚ ᒫᑲ ᑮ ᐃᔑᐎᓕᑯ ᐁᑉᕃᐊᒪ ᐅ ᐱᓗᒧᐎᓂᓕᒃ: ᑳ ᒥᔕᑭᓯᑦ ᐃᓕᓕᐤ ᓀᔥᑕ ᑮ ᓂᐱᐤ, ᓀᔥᑕ ᑮ ᓇᐃᑲᐗᐤ;

ᐊᐸᔅᑕᓚᒃ 10:3

ᑮ ᐙᐸᒣᐤ ᐸᐙᒧᐎᓂᒃ ᓈᓐᑕᐤ ᔖᑭᑖᑦ ᑎᐸᐃᑲᓐ ᐱᓯᒧᑳᓂᒃ ᐁ ᑭᔑᑳᓕᐤ ᐯᔭᒃ ᑭᒋᒪᓂᑐ ᐅᑦ ᐁᓐᒐᓕᒪ ᐁ ᐯᒋ ᐱᑐᑳᑯᑦ, ᓀᔥᑕ ᐁ ᐃᑎᑯᑦ, ᑲᕐᓂᓕᔭᔅ᙮

ᐊᐸᔅᑕᓚᒃ 12:15

ᑮ ᐃᑌᐙᒃ ᒫᑲ, ᑭ ᑭᔥᒀᓐ᙮ ᒫᑲ ᐋᒋᐱᑯ ᑮ ᐋᔨᒋ ᐃᑗᐤ ᐁ ᑖᐺᑦ᙮ ᐁᑯ ᑳ ᐃᑗᒋᒃ, ᐁᐗᒀᓂᐃ ᐅᑦ ᐁᓐᒐᓕᒪ᙮

ᐊᐸᔅᑕᓚᒃ 12:23

ᑣᔦᒃ ᒫᑲ ᐅᑎᐯᓕᒋᑫᐤ ᐅᑦ ᐁᓐᒐᓕᒪ ᑮ ᐅᑖᒪᐅᑯ, ᐌᓴ ᓇᒪᐎᓚ ᐅᒋ ᒥᓓᐤ ᑭᒋᒪᓂᑐᐗ ᑭᔅᑌᓕᑕᑯᓯᐎᓂᓕᐤ: ᑮ ᒧᐎᑯ ᒫᑲ ᒪᓂᒍᔕ, ᓀᔥᑕ ᑮ ᓂᐱᐤ᙮

ᐊᐸᔅᑕᓚᒃ 27:23

ᐌᓴ ᑌᐱᔅᑳᒃ ᓂ ᑮ ᐎᒋᑳᐸᐎᔅᑖᑯᓕᐗ ᐅᑦ ᐁᓐᒐᓕᒪ ᑭᒋᒪᓂᑐ, ᐊᓇ ᑳ ᑎᐯᓕᒥᑦ, ᐊᓇ ᓀᔥᑕ ᑳ ᐊᑐᔅᑫᔅᑕᐗᒃ,

ᐊᐸᔅᑕᓚᒃ 5:19

ᒫᑲ ᐅᑦ ᐁᓐᒐᓕᒪ ᐅᑎᐯᓕᒋᑫᐤ ᒣᒀᑎᐱᔉ ᑮ ᐋᐸᐊᒻ ᑭᐸᐅᑑᐎᑲᒥᒃ ᐃᔥᒀᑌᒪ, ᑮ ᐯᒋ ᐗᓚᐎᑕᐁᐤ ᒫᑲ, ᓀᔥᑕ ᑮ ᐃᑌᐤ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:10

ᒫᑲ ᑖᓀᑭ ᐌᒋ ᑎᐹᔅᑯᓇᑦ ᑭᒋᔖᓐ? ᓀᔥᑕ ᐱᑯ ᑖᓀᑭ ᐌᒋ ᐋᑕᐌᓕᒪᑦ ᑭᒋᔖᓐ? ᐌᓴ ᒥᓯᐌ ᐁ ᐃᑕᔑᔭᒃ ᑭ ᑳ ᐅᑎᔥᑲᐎᑳᐸᐎ ᑕᒸᓈᓇᐤ ᙭ ᐅ ᑎᐹᔅᑯᓂᑫᐎ ᐊᐱᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:21

ᒥᓨᔑᓐ ᐁᑳ ᑭᒋ ᒥᒋᓈᓂᐗᒃ ᐎᔮᔅ, ᓀᔥᑕ ᐁᑳ ᑭᒋ ᒥᓂᒀᓂᐗᒃ ᔓᒥᓈᐳ, ᓀᔥᑕ ᓈᓐᑕᐤ ᑫᒀᓐ ᑫ ᐅᒋ ᐱᔓᓯᒃ ᑭᒋᔖᓐ, ᓀᔥᑕᐱᑯ ᑫ ᐅᒋ ᓈᔦᑕᐌᓕᑕᒃ, ᓀᔥᑕᐱᑯ ᑫ ᐅᒋ ᓕᓚᒥᐋᑲᓂᐎᑦ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:1

ᑭᓚᓈᓇᐤ ᒫᑲ ᑳ ᒪᔥᑲᐎᓯᔭᒃ ᑭ ᑳ ᓇᔭᑕᒸᑕᓇᐤ ᐅᑦ ᐊᓕᒥᓯᐎᓂᐗᐗ ᐊᓂᑭ ᑳ ᓕᓚᒥᓯᒋᒃ, ᓇᒪᐎᓚ ᑭᒋ ᓇᐃᓚᐌᐃᑎᓱᔭᒃ᙮

ᓂᔥᑕᒻ ᑯᕆᓐᑎᐊᓇ 11:22

ᑖᓀᑫ! ᓇᒪ ᓈ ᑭᑦ ᐅ ᐎᑭᓇᐗᐤ ᐁᑯᑕ ᑭᒋ ᒥᒋᓱᔦᒃ ᓀᔥᑕ ᒥᓂᑴᔦᒃ? ᓀᔥᑕ ᐱᑯ ᑭᑦ ᐋᑕᐌᓕᑕᒸᓈᐗᐤ ᑭᒋᒪᓂᑐ ᐅᑦ ᐋᔭᒥᐁᐎᑲᒥᒃ, ᓀᔥᑕ ᑭ ᓇᓀᐯᐎᐊᐗᐗᒃ ᐊᓂᑭ ᐁᑳ ᑳ ᐋᔮᒋᒃ? ᑖᓂ ᑫ ᐃᑎᑕᑾᒃ? ᑭ ᑳ ᒫᒪᑖᑯᒥᑎᓇᐗᐤ ᓈ ᐅᒪ ᐁ ᑐᑕᒣᒃ? ᓇᒪᐎᓚ ᑭ ᒫᒪᑖᑯᒥᓇᐗᐤ᙮

ᓂᔥᑕᒻ ᑯᕆᓐᑎᐊᓇ 16:11

ᐁᑳᐎᓚ ᐊᐌᓇ ᑲᑕ ᐋᑕᐌᓕᒣᐤ: ᒫᑲ ᑳᔮᒣᓕᑕᒧᐎᓂᒃ ᑭᑐᑕᐃᒃ, ᑭᒋ ᑮ ᐯᒋ ᓈᔑᑦ; ᐌᓴ ᓂᑦ ᐊᔕᐙᐸᒪᐤ ᐊᓯᒋ ᑳ ᐎᒋᔖᓂᑐᓕᒋ᙮

ᓂᔥᑕᒻ ᑯᕆᓐᑎᐊᓇ 9:22

ᑭᑭ ᐊᓂᑭ ᑳ ᓕᓚᒥᓯᒋᒃ ᓂᓚ ᓀᔥᑕ ᓂ ᑮ ᓂᓚᒥᓯᓐ: ᒥᓯᐌ ᑐᐎ ᓂ ᓄᑯᐃᑎᓱᔅᑕᐗᐗᒃ ᒥᓯᐌ ᐃᓕᓕᐗᒃ, ᒥᓯᐌ ᑕᑐ ᐃᔑ ᐋᑎᑦ ᑭᒋ ᑲᔥᑭᐊᑭᒃ᙮

ᓂᔓ ᑯᕆᓐᑎᐊᓇ 10:1

ᓂᓚ ᒫᑲ ᐹᓪ ᑫᒋᐙᒃ ᑭ ᓇᑐᑕᒫᑎᓇᐗᐤ ᐁ ᐃᔑ ᓗᔅᑳᑎᓰᑦ ᓀᔥᑕ ᐯᑳᑖᑎᓯᑦ ᙭, ᐁ ᐃᔑᓈᑯᓯᔮᓐ ᑳ ᒪᒉᓕᑖᑯᓯᔮᓐ ᐃᑕ ᐁ ᐃᑖᔦᒃ, ᒫᑲ ᐁ ᐃᑖᐱᒋᔮᓐ ᑳ ᓴᓱᑭᒧᑐᑖᑕᑾᒃ;

ᓂᔓ ᑯᕆᓐᑎᐊᓇ 10:10

ᐌᓴ ᐅ ᒪᓯᓇᐃᑫᐎᓇ, ᐃᑗᐗᒃ, ᑯᓯᑾᓂᓕᐗ ᓀᔥᑕ ᒪᔥᑲᐎᓯᒪᑲᓂᓕᐗ; ᒫᑲ ᐁ ᐃᔑᓈᑯᓯᑦ ᐎᔭᐎᒃ ᓕᓚᒥᓯᐤ, ᓀᔥᑕ ᐅᑦ ᐋᔭᒥᐎᓐ ᐸᑾᓐᑕᐤ ᐃᑌᓕᑖᑾᓂᓕᐤ᙮

ᑲᓓᔕᐊᓇ 6:1

ᓂᒋᔖᓂᑐᒃ, ᑮᔥᐱᓐ ᐊᐌᓇ ᐊᑎᒥᑯᒋ ᒪᒋᐋᔨᑎᐎᓂᓕᐤ, ᑭᓚᐗᐤ ᑳ ᐊᒑᑯᐎᔦᒃ ᐯᒋ ᑭᐌᑕᐃᒃ ᐊᓇ ᓗᔅᐹᑌᓕᑕᒧᐎᓂᒃ; ᐁ ᒫᒥᑐᓀᓕᒥᑎᓱᔭᓐ, ᒫᔅᑯᒡ ᑭᓚ ᓀᔥᑕ ᑭ ᑳ ᑲᑴᒋᐃᑲᐎᓐ᙮

ᓂᔥᑕᒻ ᑌᓴᓗᓂᔭᓇ 4:8

ᐁᐗᑯ ᐅᒋ ᐊᓇ ᑳ ᐋᑕᐌᓕᒋᑫᑦ, ᓇᒪᐎᓚ ᐋᑕᐌᓕᒣᐤ ᐃᓕᓕᐗ, ᒫᑲ ᑭᒋᒪᓂᑐᐗ ᑳ ᒥᓕᑕᒃ ᐊᓯᒋ ᐅ ᐸᓓᑭ ᐊᒑᑾ᙮

ᓂᔥᑕᒻ ᑎᒧᑎ 4:12

ᐁᑯᔑ ᐁᑳᐎᓚ ᐊᐌᓇ ᑭ ᑳ ᐋᑕᐌᓕᒥᒃ ᐁ ᐅᔥᑭᓂᑭᔭᓐ; ᒫᑲ ᐁᑯᔑ ᑭ ᑳ ᑭᔅᑭᓄᐙᐸᒥᑾᒃ ᐊᓂᑭ ᑳ ᑖᐺᔦᓕᑕᑭᒃ, ᐋᔭᒥᐎᓂᒃ, ᐊᔭᒥᐃᑐᐎᓂᒃ, ᓵᑭᐃᐌᐎᓂᒃ, ᐊᒑᑯᐎᓂᒃ, ᑖᐺᔦᓕᑕᒧᐎᓂᒃ, ᐸᓓᑭᓯᐎᓂᒃ᙮

ᐦᐃᑉᕉᐗ 1:14

ᓇᒪ ᓈ ᒥᓯᐌ ᐊᑑᔅᑫᐎ ᐊᒑᑯᐎᐗᒃ, ᐁ ᐯᒋᑎᔕᐙᑲᓂᐎᒋᒃ ᑭᒋ ᐊᔭᒥᐊᐎ ᐊᑑᔅᑲᐙᒋᒃ ᐊᓂᐃ ᑫ ᐊᑎ ᐊᔮᓕᒋ ᐱᒫᒋᐃᐌᐎᓂᓕᐤ?

ᐦᐃᑉᕉᐗ 9:24

ᐌᓴ ᙭ ᓇᒪᐎᓚ ᑮ ᐱᑐᑫᐤ ᐃᑕ ᑳ ᐸᓓᑲᑭ ᒥᒋᒋᔭ ᑳ ᐅᒋ ᐅᔑᑖᓂᐗᑭ, ᑳ ᓇᔅᐱᑕᒧᒪᑲᑭ ᐃᑕ ᑖᐺ ᑳ ᐸᓓᑲᒃ; ᒫᑲ ᑭᒋᑭᔑᑯᒃ ᑫᒋᐙᒃ ᐁᑯᑕ ᐊᓄᒡ ᑭᒋ ᓄᑯᓯᔅᑕᒫᑕᒃ ᐅᑎᔥᑲᐤ ᑭᒋᒪᓂᑐᐗ:

ᑭᔅᑫᓕᑖᑯᑖᑫᐎᓐ 8:2

ᓂ ᑮ ᐙᐸᒪᐗᒃ ᒫᑲ ᐊᓂᑭ ᓂᔂᔅ ᐁᓐᒐᓚᒃ ᑳ ᐅᑎᔥᑲᐎᑳᐸᐎᔅᑕᐙᒋᒃ ᑭᒋᒪᓂᑐᐗ; ᑮ ᒥᓛᐗᒃ ᒫᑲ ᓂᔂᔅ ᐳᑖᒋᑲᓇ᙮