ᐅᐸᓓᑭᔅ ᒫᑎᐤ 16:13 - ᐅᔅᑭ ᑎᔅᑌᒥᓐᑦ

¹³ ᐃᔅᐱ ᒋᓴᔅ ᐌᑎᑕᒃ ᓭᓴᕆᔭ ᐱᓕᐹᐃ ᐃᑖᐎᓂᓕᐤ, ᑮ ᑲᑴᒋᒣᐤ ᐅ ᑭᔅᑭᓄᐊᒪᐙᑲᓇ, ᐁ ᐃᑗᑦ, ᐊᐌᓇ ᐁ ᐃᑗᒋᒃ ᐃᓕᓕᐗᒃ ᐁ ᐋᐎᔮᓐ, ᓂᓚ ᐃᓕᓕᐎᑯᓯᓵᓐ?

ᐅᐸᓓᑭᔅ ᒫᑎᐤ 16:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:32

ᐊᐌᓇ ᒫᑲ ᒣᒋ ᐃᑖᑴ ᐃᓕᓕᐎᑯᓯᓵᓇ, ᑲᑕ ᐌᐯᓕᑕᒪᐗᐤ; ᒫᑲ ᐊᐌᓇ ᒣᒋ ᐃᑖᑴ ᐱᓓᑭᓯᓕᒋ ᐊᒑᑾ, ᓇᒪᐎᓚ ᑲᑕ ᐌᐯᓕᑕᒪᐗᐤ, ᓇᒪᐎᓚ ᐅᑕ ᐊᔅᑮᒃ, ᓇᒪ ᓀᔥᑕ ᐊᔅᑮᒃ ᑫ ᐅᑎᒋᐸᓕᒃ᙮

ᐅᐸᓓᑭᔅ ᒫᑎᐤ 12:40

ᐌᓴ ᑖᐱᔅᑯᒡ ᒍᓇ ᑳ ᑮ ᐃᑖᑦ ᓂᔅᑐ ᑭᔑᑲᐗ ᓀᔥᑕ ᓂᔅᑐ ᑎᐱᔅᑲᐗ ᑭᒋ ᐙᐸᒣᒃ ᐗᑖᓕᒃ; ᐁᑯ ᑖᐱᔅᑯᒡ ᐃᓕᓕᐎᑯᓯᓵᓐ ᓂᔅᑐ ᑭᔑᑳᐗ ᓀᔥᑕ ᓂᔅᑐ ᑎᐱᔅᑳᐗ ᑫ ᐃᑖᑦ ᐊᔅᑭ ᐁ ᐅᑌᐃᒪᑲᓂᓕᒃ᙮

ᐅᐸᓓᑭᔅ ᒫᑎᐤ 12:8

ᐌᓴ ᐃᓕᓕᐎᑯᓯᓵᓐ ᑎᐯᓕᑕᒻ ᓀᔥᑕ ᐁ ᐋᔭᒥᐁᑭᔑᑳᓕᒃ᙮

ᐅᐸᓓᑭᔅ ᒫᑎᐤ 13:37

ᐁ ᓇᔥᑴᐗᔑᐋᑦ ᒫᑲ ᑮ ᐃᑌᐤ, ᐊᓇ ᑳ ᐗᓴᓶᐱᓇᒃ ᒥᓗ ᓯᒥᓇ ᐁᐗᒀᓇ ᐃᓕᓕᐎᑯᓯᓵᓐ;

ᐅᐸᓓᑭᔅ ᒫᑎᐤ 13:41

ᐃᓕᓕᐎᑯᓯᓵᓐ ᑲᑕ ᑭᒋᑎᔕᐌᐤ ᐅᑦ ᐁᓐᒐᓕᒪ, ᐎᓚᐗᐤ ᒫᑲ ᑲᑕ ᒫᐗᒋᑖᐗᒃ ᒥᓯᐌ ᑫᒀᓕᐤ ᑳ ᓈᔦᑕᐌᓕᑖᑾᓂᓕᒃ, ᐊᓂᐃ ᓀᔥᑕ ᑳ ᒪᒋᑐᑕᒥᓕᒋ;

ᐅᐸᓓᑭᔅ ᒫᑎᐤ 15:21

ᐁᑯ ᒫᑲ ᒋᓴᔅ ᐊᓐᑕ ᑳ ᐅᒋ ᑭᑐᑌᑦ, ᑮ ᐃᑐᑌᐤ ᒫᑲ ᑖᐃᕐ ᓀᔥᑕ ᓵᐃᑕᓐ ᐊᔅᑮᒃ᙮

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 16:28

ᑖᐺ ᑭᑦ ᐃᑎᓇᐗᐤ, ᐅᑕ ᓂᐸᐎᐗᒃ ᐋᑎᑦ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ, ᐹᑎᒫ ᑮ ᐙᐸᒫᑣᐌ ᐃᓕᓕᐎᑯᓯᓵᓇ ᐁ ᐯᒋ ᐃᑐᑌᓕᒋ ᐅᑦ ᐅᑭᒫᐎᐎᓂᓕᒃ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 8:20

ᒋᓴᔅ ᐃᑌᐤ ᒫᑲ, ᒪᑫᓯᐗᒃ ᐙᑎᐗᒃ, ᐱᓓᓯᐗᒃ ᓀᔥᑕ ᑳ ᐹᐸᒥᓚᒋᒃ ᐗᒋᔅᑐᓂᐗᒃ; ᒫᑲ ᐃᓕᓕᐎᑯᓯᓵᓐ ᓇᒪᐎᓚ ᐋᔭᐤ ᐃᑕ ᑫ ᐱᒥᑎᑖᑦ ᐅᔅᑎᒀᓐ᙮

ᐅᐸᓓᑭᔅ ᒫᑎᐤ 9:6

ᒫᑲ ᑭᒋ ᑭᔅᑫᓕᑕᒣᒃ ᐃᓕᓕᐎᑯᓯᓵᓐ ᐁ ᐋᔮᑦ ᑲᔥᑭᐅᐎᓂᓕᐤ ᐅᑕ ᐊᔅᑮᒃ ᑭᒋ ᐌᐯᓕᑕᒫᑫᑦ ᒪᒋᑐᑕᒧᐎᓐ, ᐁᑯ ᐁᑖᑦ ᐅᓇᓇᒫᔅᐱᓀᐗ, ᐗᓂᔥᑳ, ᐅᑎᓇ ᑭ ᓂᐯᐎᓐ ᐃᑐᑌᐤ ᒫᑲ ᑭ ᐙᔅᑳᔨᑲᓂᒥᒃ᙮

ᐅᐸᓓᑭᔅ ᒫᕐᒃ 10:45

ᐌᓴ ᐊᐳᒋᑲ ᐃᓕᓕᐎᑯᓯᓵᓐ ᓇᒪᐎᓚ ᐅᒋ ᑕᑯᔑᓐ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᒑᓐ 1:51

ᐃᑌᐤ ᓀᔥᑕ, ᑖᐺ, ᑖᐺ, ᑭᑦ ᐃᑎᓇᐗᐤ, ᐹᑎᒫ ᑭ ᑳ ᐙᐸᑌᓇᐗᐤ ᑭᒋᑭᔑᒃ ᐁ ᐹᔅᑭᑌᓂᑳᑌᒃ, ᓀᔥᑕ ᑭᒋᒪᓂᑐ ᐅᑦ ᐁᓐᒐᓕᒪ ᐁ ᐅᐱᔅᑮᔅᑕᐙᓕᒋ ᓀᔥᑕ ᐁ ᓛᔑᔅᑕᐙᓕᒋ ᐃᓕᓕᐎᑯᓯᓵᓇ᙮

ᐅᐸᓓᑭᔅ ᒑᓐ 12:34

ᐃᓕᓕᐗᒃ ᑮ ᓇᔥᑴᐗᔑᐁᐗᒃ, ᓂ ᑮ ᐯᑌᓈᓐ ᐅᓚᔓᐌᐎᓂᒃ ᐅᒋ ᙭ ᐁ ᐃᑖᑦ ᑳᑭᑫ: ᑖᓀᑭ ᒫᑲ ᐌᒋ ᐃᑗᔭᓐ ᑭᓚ, ᐃᓕᓕᐎᑯᓯᓵᓐ ᑭᒋ ᐅᐱᓈᑲᓂᐎᑦ? ᐊᐌᓇ ᐊᐗ ᐃᓕᓕᐎᑯᓯᓵᓐ?

ᐅᐸᓓᑭᔅ ᒑᓐ 3:14

ᑖᐱᔅᑯᒡ ᓀᔥᑕ ᒧᓯᔅ ᑳ ᑮ ᐃᔑ ᐅᐱᓈᑦ ᒥᔑᑭᓀᐱᑾ ᐸᑾᑕᔅᑲᒥᑳᒃ, ᐁᑯ ᑖᐱᔅᑯᒡ ᑫ ᐃᔑ ᐅᐱᓈᑲᓂᐎᑦ ᐃᓕᓕᐎᑯᓯᓵᓐ:

ᐅᐸᓓᑭᔅ ᒑᓐ 5:27

ᑮ ᒥᓓᐤ ᒫᑲ ᑎᐯᓕᒋᑫᐎᓂᓕᐤ ᑭᒋ ᑎᐹᔅᑯᓂᑫᓕᒋ ᓀᔥᑕ, ᐁ ᐃᓕᓕᐎᑯᓯᓵᓂᐎᓕᒋ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 7:56

ᑮ ᐃᑗᐤ ᒫᑲ ᒫᑎᑲ, ᓂ ᐙᐸᑌᓐ ᑭᒋᑭᔑᑾ ᐁ ᐸᔅᑭᑌᓂᑳᑌᑭ, ᓀᔥᑕ ᐃᓕᓕᐎᑯᓯᓴᓐ ᐁ ᓂᐸᐎᑦ ᑭᒋᒪᓂᑐᐗ ᐅ ᑭᒋᓂᔅᑭᓕᒃ᙮