ᐅᐸᓓᑭᔅ ᒫᑎᐤ 13:38 - ᐅᔅᑭ ᑎᔅᑌᒥᓐᑦ

³⁸ ᓂᑖᐎᑭᒋᑲᓐ ᐁᐗᑯ ᐅᒪ ᐊᔅᑭ; ᐊᓂᐃ ᒥᓗ ᓯᒥᓇ ᐁᐙᒀᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐅᑭᒫᐎᐎᓂᓕᐤ; ᒫᑲ ᒪᒋ ᒪᔅᑯᔑᔭ ᐁᐗᒀᓂᑭ ᐅᒪᒋᑡᐤ ᐅᑦ ᐊᐙᔑᒥᔕ;

ᐅᐸᓓᑭᔅ ᒫᑎᐤ 13:38 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:19

ᐃᔅᐱ ᐊᐌᓇ ᐱᐁᑕᑭ ᐅᑭᒫᐎᐎᓂ ᐋᔭᒥᐎᓂᓕᐤ, ᐁᑳ ᒫᑲ ᓀᓯᑐᑕᑭ, ᐁᑯ ᐱᐁᒋ ᒪᔅᑲᒥᑯᑦ ᒪᒋ ᐊᐌᓕᐗ ᐊᓂᐁᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᒃ᙮ ᐁᐗᑯ ᐊᐗ ᑳ ᐅᑎᓇᒃ ᓯᒥᓇ ᐅᐱᒣ ᒣᔅᑲᓈᒃ᙮

ᐅᐸᓓᑭᔅ ᒫᑎᐤ 24:14

ᐅᒪ ᐅᑭᒫᐎᐎᓂ ᒥᓗᐋᒋᒧᐎᓐ ᒫᑲ ᑲᑕ ᐙᐎᑖᑲᓂᐗᓐ ᒥᓯᐌ ᐊᔅᑮᒃ, ᑭᒋ ᐎᑕᒫᑯᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ; ᐁᑯ ᒫᑲ ᑫ ᐃᔥᒀᐸᓕᒃ᙮

ᐅᐸᓓᑭᔅ ᒫᑎᐤ 5:37

ᒫᑲ ᐅᒪ ᐃᔑ ᑭ ᑳ ᐃᑣᓇᐗᐤ ᐁ ᐋᔭᒥᐃᑐᔦᒃ, ᐁᐁ, ᐁᐁ; ᓇᒪᐎᓚ, ᓇᒪᐎᓚ: ᐌᓴ ᑫᒀᓐ ᐊᐙᓯᑌ ᐁ ᐃᑣᓂᐗᒃ ᐃᔥᐱᔥ ᐅᒪ ᐁ ᒫᓛᑕᒃ ᐅᒋᐸᓕᐤ᙮

ᐅᐸᓓᑭᔅ ᒫᑎᐤ 8:12

ᒫᑲ ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐊᓂᐁᓕᐤ ᐅᑭᒪᐎᐎᓂᓕᐤ, ᑲᑕ ᐗᓚᐎᐌᐱᓇᐗᒃ ᐊᓐᑕ ᐁ ᐃᔑ ᐗᓂᑎᐱᔅᑳᓕᒃ: ᐁᑯᑕ ᑫ ᐃᑕᑾᒃ ᒫᑐᐎᒃ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᒑᓐ 12:24

ᑖᐺ, ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐯᔭᑯᒥᓐ ᐸᑴᔑᑲᓐ ᐁᑳ ᐸᑭᑎᑫ ᐊᔅᑮᒃ ᓀᔥᑕ ᓂᐱᒪᑲᑫ, ᐯᔭᑯ ᐊᔅᑌᐤ: ᒫᑲ ᑮᔥᐱᓐ ᓂᐱᒪᑲᑫ, ᓂᑖᐎᑭᑖᒪᑲᓐ ᒥᔅᑕᐃ ᐸᑴᔑᑲᓂᒥᓇ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐊᐸᔅᑕᓚᒃ 13:10

ᓀᔥᑕ ᑮ ᐃᑌᐤ, ᐆ ᑳ ᓵᑲᔅᑭᓀᔅᑳᑯᔭᓐ ᒥᓯᐌ ᑲᑳᔦᓕᓯᐎᓐ ᓀᔥᑕ ᒥᓯᐌ ᑭᔥᑴᐋᑎᓯᐎᓐ, ᑭᓚ ᑳ ᐅᑦ ᐊᐙᔑᒥᔑᒥᔉ ᒪᒋᒪᓂᑐ, ᑭᓚ ᑳ ᐎ ᓇᑎᓇᒪᓐ ᒥᓯᐌ ᒀᔭᔅᑭᑖᑎᓯᐎᓐ; ᓇᒪ ᓈ ᑭ ᑳ ᐳᓂᑖᓐ ᐁ ᓂᔑᐗᓈᒋᑖᐗᑦ ᐅ ᒀᔭᔉ ᐃᔑᑣᐎᓇ ᐅᑎᐯᓕᒋᑫᐤ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:18

ᒫᑲ ᓂᑦ ᐃᑣᓐ, ᓇᒪ ᓈ ᑮ ᐅᒋ ᐯᑕᒶᒃ? ᐁᐁ, ᑖᐺ, ᐅ ᐯᑖᑯᓯᐎᓂᐗᐤ ᑮ ᐃᔅᐸᓂᓕᐤ ᒥᓯᐌ ᐊᔅᑮᒃ, ᓀᔥᑕ ᐅᑦ ᐋᔭᒥᐎᓂᐙᐗ ᐁ ᐃᔅᒀᔮᒃ ᐊᔅᑮᒃ ᐃᔥᐱᔥ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:26

ᒫᑲ ᐊᓄᒡ ᑳ ᑭᔅᑫᓕᑖᑯᑖᑲᓂᐗᒃ, ᓀᔥᑕ ᐅ ᒪᓯᓇᐃᑫᐎᓂᐗᐗ ᐅᒋ ᐊᓂᑭ ᐅᑭᔅᑭᐙᐃᑫᐗᒃ, ᑳ ᑮ ᐃᑕᔓᐌᑦ ᐊᓇ ᑳᑭᑫ ᐯᒫᑎᓰᑦ ᑭᒋᒪᓂᑐ, ᑳ ᑭᔅᑫᓕᑕᒥᐋᑲᓂᐄᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᑭᒋ ᐅᒋ ᓇᓇᐃᑕᑭᒃ ᑖᐺᔦᓕᑕᒧᐎᓂᓕᐤ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:18

ᑎᐱᓚᐌ ᐅᑦ ᐃᑌᓕᑕᒧᐎᓂᒃ ᑭ ᑮ ᓂᑕᐎᑭᐃᑯᓇᐤ ᑖᐺᐎᓂ ᐋᔭᒥᐎᓂᓕᐤ ᐅᒋ, ᑭᓚᓈᓇᐤ ᑭᒋ ᓂᑳᓄᑕᐗᑯᒃ ᐅᑦ ᐅᔑᐋᑲᓇ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:5

ᓇᑐᑕᒧᒃ, ᓯᐋᑭᐃᑕᑾᒃ ᓂᒋᔖᓂᑐᒃ, ᓇᒪ ᓈ ᑭᒋᒪᓂᑐ ᑮ ᐙᐌᓛᐸᒣᐤ ᐊᓂᐃ ᑳ ᑭᑎᒫᑭᓯᓕᑭ ᐅᑕ ᐊᔅᑮᒃ, ᐁ ᒥᔕᑭᓯᓕᑭ ᑖᐺᔦᓕᑕᒧᐎᓂᒃ, ᓀᔥᑕ ᑫ ᐊᑎ ᐋᔮᓕᒋ ᐊᓂᐁᓕᐤ ᐅᑭᒫᐎᐎᓂᓕᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ?

ᓂᔥᑕᒻ ᐱᑕᕐ 1:23

ᒥᓇ ᐁ ᑮ ᓂᑕᐎᑭᔦᒃ ᓇᒪᐎᓚ ᑳ ᓂᔑᐗᓈᑕᑭ ᓯᒥᓇ ᐅᒋ, ᒫᑲ ᐁᑳ ᑫ ᓂᔑᐗᓈᑕᑭ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ ᑳ ᐱᒫᑕᓂᓕᒃ ᓀᔥᑕ ᑳᑭᑫ ᑳ ᐃᑕᑾᓂᓕᒃ᙮

ᓂᔥᑕᒻ ᒑᓐ 3:2

ᓯᐋᑭᐃᑕᑾᒃ, ᐊᓄᒡ ᑭᒋᒪᓂᑐ ᑭᑦ ᐅᑯᓯᓯᒥᑯᓇᐤ, ᓀᔥᑕ ᓇᒪᐎᓚ ᐁᔥᑾ ᓄᑾᓐ ᑫ ᐃᔑ ᐋᔮᔭᒃ; ᒫᑲ ᑭ ᑭᔅᑫᓕᑌᓈᓇᐤ, ᐃᔅᐱ ᓄᑯᓯᑌ, ᑭ ᑳ ᓇᔅᐱᑕᐙᓇᐤ; ᐌᓴ ᑭ ᑳ ᐙᐸᒫᓇᐤ ᐁ ᐃᔑᓈᑯᓯᑦ᙮

ᑭᔅᑫᓕᑖᑯᑖᑫᐎᓐ 14:6

ᓂ ᑮ ᐙᐸᒪᐤ ᒫᑲ ᑯᑕᒃ ᐁᓐᒐᓪ ᐁ ᔖᐳᓛᑦ ᑭᔑᑯᒃ, ᐁ ᐋᔮᑦ ᑳᑭᑫ ᒥᓗᐋᒋᒧᐎᓂᓕᐤ ᑭᒋ ᑲᑫᔅᑭᒫᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᓀᔥᑕ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ, ᓀᔥᑕ ᑳ ᑕᑐᑌᐎᓯᓕᒋ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᐃᓕᓕᐗ,