ᐅᐸᓓᑭᔅ ᒫᑎᐤ 13:19 - ᐅᔅᑭ ᑎᔅᑌᒥᓐᑦ

¹⁹ ᐃᔅᐱ ᐊᐌᓇ ᐱᐁᑕᑭ ᐅᑭᒫᐎᐎᓂ ᐋᔭᒥᐎᓂᓕᐤ, ᐁᑳ ᒫᑲ ᓀᓯᑐᑕᑭ, ᐁᑯ ᐱᐁᒋ ᒪᔅᑲᒥᑯᑦ ᒪᒋ ᐊᐌᓕᐗ ᐊᓂᐁᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᒃ᙮ ᐁᐗᑯ ᐊᐗ ᑳ ᐅᑎᓇᒃ ᓯᒥᓇ ᐅᐱᒣ ᒣᔅᑲᓈᒃ᙮

ᐅᐸᓓᑭᔅ ᒫᑎᐤ 13:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:26

ᑮᔥᐱᓐ ᒫᑲ ᓭᑖᓐ ᐌᓚᐎᐌᐱᓈᑴ ᓭᑕᓇ, ᐎᓚ ᑫᒋᐙᒃ ᓄᑎᓂᑎᓱ; ᑖᓐᑌ ᒫᑲ ᑫ ᐅᒋ ᐃᑕᔅᑭᑌᓕᒃ ᐅᑦ ᐅᑭᒫᐎᐎᓐ?

ᐅᐸᓓᑭᔅ ᒫᑎᐤ 13:20

ᒫᑲ ᐊᓇ ᑳ ᐅᑎᓇᒃ ᓯᒥᓇ ᐊᓐᑕ ᐊᓯᓂᐗᔅᑲᒥᑳᒃ, ᐁᐗᒀᓇ ᑳ ᐯᑕᒃ ᐋᔭᒥᐎᓂᓕᐤ, ᑣᔦᒃ ᒫᑲ ᐅᑎᓇᒻ ᐁ ᒥᓚᐙᑕᒃ;

ᐅᐸᓓᑭᔅ ᒫᑎᐤ 13:38

ᓂᑖᐎᑭᒋᑲᓐ ᐁᐗᑯ ᐅᒪ ᐊᔅᑭ; ᐊᓂᐃ ᒥᓗ ᓯᒥᓇ ᐁᐙᒀᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐅᑭᒫᐎᐎᓂᓕᐤ; ᒫᑲ ᒪᒋ ᒪᔅᑯᔑᔭ ᐁᐗᒀᓂᑭ ᐅᒪᒋᑡᐤ ᐅᑦ ᐊᐙᔑᒥᔕ;

ᐅᐸᓓᑭᔅ ᒫᑎᐤ 4:23

ᒋᓴᔅ ᒫᑲ ᑮ ᐸᐹᐃᑐᑌᐤ ᒥᓯᐌ ᑳᓖᓖᒃ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓖᒃ, ᐁ ᐙᐎᑕᒫᑫᑦ ᒫᑲ ᑭᒋᑭᔑᑳᐎ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓂᓕᐤ ᓀᔥᑕ ᒥᓯᐌ ᓇᓈᑲᐤ ᑳ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 5:37

ᒫᑲ ᐅᒪ ᐃᔑ ᑭ ᑳ ᐃᑣᓇᐗᐤ ᐁ ᐋᔭᒥᐃᑐᔦᒃ, ᐁᐁ, ᐁᐁ; ᓇᒪᐎᓚ, ᓇᒪᐎᓚ: ᐌᓴ ᑫᒀᓐ ᐊᐙᓯᑌ ᐁ ᐃᑣᓂᐗᒃ ᐃᔥᐱᔥ ᐅᒪ ᐁ ᒫᓛᑕᒃ ᐅᒋᐸᓕᐤ᙮

ᐅᐸᓓᑭᔅ ᒫᕐᒃ 4:15

ᐅᑯ ᒫᑲ ᐁᐗᑾᓂᑭ ᐅᐱᒣ ᒣᔅᑲᓈᒃ, ᐃᑕ ᐋᔭᒥᐎᓐ ᑳ ᐗᓴᓶᐱᓂᑳᑌᒃ, ᒫᑲ, ᐃᔅᐱ ᑳ ᐯᑕᑭᒃ, ᑣᔦᒃ ᐯᒋ ᐃᑐᑌᐤ ᓭᑖᓐ ᒪᔅᑲᒣᐤ ᒫᑲ ᐋᔭᒥᐎᓂᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᐙᒃ᙮

ᐅᐸᓓᑭᔅ ᓘᒃ 10:9

ᒥᓇᐙᒋᐃᑯᒃ ᒫᑲ ᐊᓂᑭ ᑳ ᐋᑯᓯᒋᒃ ᐁᑯᑕ ᑳ ᐃᑖᒋᒃ; ᐃᑎᑯᒃ ᒫᑲ, ᑭᒋᒪᓂᑐ ᐅᑦ ᐅᑭᒫᐎᐎᓐ ᐯᔓᒡ ᑭᑦ ᐅᑎᑎᑯᐙᓇᐗᐤ᙮

ᐅᐸᓓᑭᔅ ᓘᒃ 9:2

ᑮ ᐃᔑᑎᔕᐌᐤ ᒫᑲ ᑭᒋ ᐙᐎᑕᒸᓕᒋ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᓀᔥᑕ ᑭᒋ ᒥᓇᐙᒋᐋᓕᒋ ᑳ ᐋᑯᓯᓕᒋ᙮

ᐅᐸᓓᑭᔅ ᒑᓐ 18:38

ᐹᐃᓚᑦ ᐃᑌᐤ, ᑫᒀᓐ ᑖᐺᐎᓐ? ᐃᔅᐱ ᒫᑲ ᐅᒣᓕᐤ ᑳ ᐃᑗᑦ, ᒥᓇ ᑮ ᐗᓚᐎᔅᑕᐌᐤ ᒎᐗ, ᓀᔥᑕ ᐃᑌᐤ, ᓇᒪ ᒥᑐᓂ ᓂ ᒥᔅᑲᒸᓐ ᑳ ᒪᒋᑐᑕᒃ᙮

ᐅᐸᓓᑭᔅ ᒑᓐ 8:43

ᑖᓀᑭ ᐌᒋ ᐁᑳ ᓂᓯᑐᑕᒣᒃ ᓂᑦ ᐃᑗᐎᓐ? ᐁᑳ ᐁ ᑮ ᓇᑐᑕᒣᒃ ᓂᑦ ᐋᔭᒥᐎᓐ᙮

ᐊᐸᔅᑕᓚᒃ 17:32

ᐃᔅᐱ ᒫᑲ ᐱᐁᑕᑭᒃ ᒥᓇ ᑭᒋ ᐗᓂᔥᑲᓕᒋ ᐊᓂᐃ ᑳ ᓂᐱᓕᒋ, ᐊᑎᑦ ᑮ ᐹᐱᓄᑕᑫᐗᒃ: ᑯᑕᑭᔭᒃ ᒫᑲ ᑮ ᐃᑗᐗᒃ, ᒥᓇ ᑭ ᑳ ᐯᑖᑎᓈᓐ ᐅᒪ ᑫᒀᓐ ᐅᒋ᙮

ᐊᐸᔅᑕᓚᒃ 18:15

ᒫᑲ ᑮᔥᐱᓐ ᐱᑯ ᑲᑴᒋᑫᒧᓇᓂᐗᒃ ᐋᔭᒥᐎᓇ ᐅᒋ ᓀᔥᑕ ᐃᔑᓂᑳᓱᐎᓇ, ᓀᔥᑕ ᑭᑦ ᐅᓚᔓᐌᐎᓂᐗᐤ ᐅᒋ, ᑭᓚᐗᐤ ᑲᓇᐙᐸᑕᒧᒃ ᐊᓂᒪ; ᐌᓴ ᓇᒪᐎᓚ ᓂᓚ ᓂ ᑳ ᑎᐹᔅᑯᓀᐤ ᐊᓂᐃ ᑐᐎ ᑫᒀᓇ᙮

ᐊᐸᔅᑕᓚᒃ 20:25

ᐊᓄᒡ ᒫᑲ, ᒫᑎᑲ, ᓂ ᑭᔅᑫᓕᑌᓐ ᒥᓯᐌ ᑭᓚᐗᐤ, ᑳ ᑮ ᐸᐹ ᐊᓕᒧᑕᒫᑕᑾᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓇᒪᐎᓚ ᒥᓇ ᑭ ᑳ ᐙᐸᑌᓇᐗᐤ ᓂᑖᔅᑕᒥᒃ᙮

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:28

ᓀᔥᑕ ᒫᑲ ᐁᑳ ᐁ ᑮ ᐎ ᒥᒋᒥᓈᒋᒃ ᑭᒋᒪᓂᑐᐗ ᐅ ᑭᔅᑫᓕᑕᒧᐎᓂᐙᒃ, ᑭᒋᒪᓂᑐ ᑮ ᐃᔑ ᐸᑭᑎᓀᐤ ᑭᒋ ᐸᑾᓐᑕᐤ ᒥᑐᓀᓕᒋᑲᓂᓕᒋ, ᑭᒋ ᑐᑕᒥᓕᒋ ᐊᓂᐃ ᑫᒀᓇ ᐁᑳ ᑳ ᓇᐃᐸᓕᓕᑭ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:8

ᒫᑲ ᐊᓂᐃ ᑳ ᐗᑴᓕᑖᑯᓯᓕᒋ, ᐁᑳ ᓀᔥᑕ ᑳ ᓇᓇᐃᑕᒥᓕᒋ ᑖᐺᐎᓂᓕᐤ, ᒫᑲ ᑳ ᓇᓇᐃᑕᒥᓕᒋ ᒪᒑᑎᓯᐎᓂᓕᐤ, ᑎᐸᐊᒪᐌᐤ ᑭᒋᑭᓯᐙᓯᐎᓂᓕᐤ ᓀᔥᑕ ᐗᑯᓚᐌᓯᐎᓂᓕᐤ,

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᓂᔓ ᑌᓴᓗᓂᔭᓇ 2:12

ᒥᓯᐌ ᐁ ᐃᑕᓯᓕᒋ ᑭᒋ ᓂᔑᐗᓈᒋᒫᑲᓂᐎᓕᒋ, ᐁᑳ ᑳ ᑮ ᑖᐺᑕᒥᓕᒋ ᑖᐺᐎᓂᓕᐤ, ᒫᑲ ᑳ ᑮ ᒥᓜᓕᑕᒥᓕᒋ ᒪᒑᑎᓯᐎᓂᓕᐤ᙮

ᐦᐃᑉᕉᐗ 2:1

ᐁᐗᑯ ᒫᑲ ᐅᒋ, ᐊᐙᓯᑌ ᑭ ᑳ ᓈᑲᑕᐌᓕᑌᑖᓇᐤ ᐊᓂᐃ ᑫᒀᓇ ᑳ ᑮ ᐯᑕᒪᒃ, ᐁᑳ ᐎᔅᑳᑦ ᑭᒋ ᔓᔥᑯᓇᒪᒃ᙮

ᓂᔥᑕᒻ ᒑᓐ 3:12

ᓇᒪᐎᓚ ᑖᐱᔅᑯᒡ ᑫᓐ ᐊᓂᐃ ᒣᒋᑣᓕᑭ ᑳ ᑮ ᐅᒌᑦ, ᓀᔥᑕ ᐁ ᑮ ᓂᐸᐋᑦ ᐎᒋᔖᓇ᙮ ᑖᓀᑭ ᐌᒋ ᒫᑲ ᓂᐸᐋᑦ? ᑎᐱᓚᐌ ᐅᑦ ᐊᑑᔅᑫᐎᓇ ᐁ ᑮ ᒫᓛᑕᓂᓕᑭ, ᓀᔥᑕ ᐎᒋᔖᓇ ᐁ ᑮ ᒀᔭᔅᑭᑖᑎᓯᒪᑲᓂᓕᑭ᙮

ᓂᔥᑕᒻ ᒑᓐ 5:18

ᑭ ᑭᔅᑫᓕᑌᓈᓇᐤ ᐊᐌᓇ ᑳ ᓂᑖᐎᑭᐃᑯᑦ ᑭᒋᒪᓂᑐᐗ ᓇᒪᐎᓚ ᒪᒋᑐᑕᒻ; ᒫᑲ ᐊᓇ ᑳ ᓂᑕᐎᑭᐃᑯᑦ ᑭᒋᒪᓂᑐᐗ ᑲᓇᐌᓕᒥᑎᓱ, ᓇᒪ ᓀᔥᑕ ᓵᒥᓂᑯ ᐊᓂᐃ ᒣᒋᑣᓕᒋ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮