ᐅᐸᓓᑭᔅ ᒫᑎᐤ 12:26 - ᐅᔅᑭ ᑎᔅᑌᒥᓐᑦ

²⁶ ᑮᔥᐱᓐ ᒫᑲ ᓭᑖᓐ ᐌᓚᐎᐌᐱᓈᑴ ᓭᑕᓇ, ᐎᓚ ᑫᒋᐙᒃ ᓄᑎᓂᑎᓱ; ᑖᓐᑌ ᒫᑲ ᑫ ᐅᒋ ᐃᑕᔅᑭᑌᓕᒃ ᐅᑦ ᐅᑭᒫᐎᐎᓐ?

ᐅᐸᓓᑭᔅ ᒫᑎᐤ 12:26 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:19

ᐃᔅᐱ ᐊᐌᓇ ᐱᐁᑕᑭ ᐅᑭᒫᐎᐎᓂ ᐋᔭᒥᐎᓂᓕᐤ, ᐁᑳ ᒫᑲ ᓀᓯᑐᑕᑭ, ᐁᑯ ᐱᐁᒋ ᒪᔅᑲᒥᑯᑦ ᒪᒋ ᐊᐌᓕᐗ ᐊᓂᐁᓕᐤ ᑳ ᑮ ᐸᑭᑎᓂᑳᑌᓕᒃ ᐅᑌᐃᒃ᙮ ᐁᐗᑯ ᐊᐗ ᑳ ᐅᑎᓇᒃ ᓯᒥᓇ ᐅᐱᒣ ᒣᔅᑲᓈᒃ᙮

ᐅᐸᓓᑭᔅ ᒫᑎᐤ 4:10

ᐁᑯ ᒋᓴᔅ ᐁᑖᑦ, ᐊᐗᔅ ᒫᒑ, ᓭᑖᓐ: ᐌᓴ ᐃᑕᓯᓇᐃᑳᑌᐤ, ᑭ ᑳ ᓇᐗᑮᔅᑕᐗᐤ ᐅᑎᐯᓕᒋᑫᐤ ᑭ ᑭᒋᒪᓂᑐᒻ, ᐎᓚ ᓀᔥᑕ ᐱᑯ ᑭ ᑳ ᐊᑑᔅᑫᔅᑕᐗᐤ᙮

ᐅᐸᓓᑭᔅ ᒫᑎᐤ 9:34

ᒫᑲ ᐸᕋᓯᔭᒃ ᑮ ᐃᑗᐗᒃ, ᐗᓚᐎᐌᐱᓀᐤ ᒪᒋ ᐊᒑᑾ ᐁ ᐎᒋᐃᑯᓕᒋ ᐅᑦ ᐅᑭᒫᒥᐙᐗ ᒪᒋ ᐊᒑᑾᒃ᙮

ᐅᐸᓓᑭᔅ ᒑᓐ 12:31

ᐊᓄᒡ ᑎᐹᔅᑯᓂᑳᑌᐤ ᐅᒪ ᐊᔅᑭ: ᐊᓄᒡ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ ᑲᑕ ᐗᓚᐎᐌᐱᓈᑲᓂᐎᐤ᙮

ᐅᐸᓓᑭᔅ ᒑᓐ 14:30

ᐊᓄᒡ ᐅᒋ ᓇᒪᐎᓚ ᒥᔅᑕᐃ ᑭ ᑳ ᐎᒋᐋᔭᒥᒥᑎᓇᐗᐤ: ᐌᓴ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑭᓕᐤ ᐯᒋ ᐃᑐᑌᐤ, ᓇᒪ ᓀᔥᑕ ᑫᒀᓕᐤ ᐋᔭᐤ ᑳ ᐱᒋᔅᑲᑯᐗᒃ᙮

ᐅᐸᓓᑭᔅ ᒑᓐ 16:11

ᑎᐹᔅᑯᓂᑫᐎᓂᓕᐤ ᐅᒋ, ᐁ ᑎᐹᔅᑯᓈᑲᓂᐎᑦ ᐊᓇ ᑳ ᑎᐯᓕᑕᒃ ᐅᒣᓕᐤ ᐊᔅᑮᓕᐤ᙮

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᑯᓚᔑᔭᓇ 1:13

ᑳ ᑮ ᐎᑾᒋᐃᑕᒃ ᐗᓂᑎᐱᔅᑭᓯᐎ ᑳᔥᑭᐅᐎᓐ ᐅᒋ, ᓀᔥᑕ ᑳ ᑮ ᐃᔑᐎᓕᑕᒃ ᐅᑦ ᐅᑭᒪᐎᐎᓂᓕᒃ ᑳ ᓵᑭᐋᑦ ᐅᑯᓯᓴ:

ᓂᔥᑕᒻ ᒑᓐ 5:19

ᑭ ᑭᔅᑫᓕᑌᓈᓇᐤ ᒫᑲ ᐁ ᑎᐯᓕᒥᑕᒃ ᑭᒋᒪᓂᑐ, ᓀᔥᑕ ᒥᓯᐌ ᐊᔅᑭ ᐁ ᐱᒥᑎᒃ ᒪᒑᑎᓯᐎᓂᒃ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 16:10

ᐊᓇ ᓂᔮᓕᓪ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᐅ ᑌᑕᐱᐎᓂᓕᒃ ᐊᓂᐃ ᐊᐌᓯᓴ ᑮ ᐃᔑ ᓯᑭᓇᒻ; ᐅᑦ ᐅᑭᒫᐎᐎᓐ ᒫᑲ ᑮ ᓵᑲᔅᑭᓀᓕᐤ ᐁ ᐗᓂᑎᐱᔅᑳᓕᒃ; ᐅᑌᓚᓕᐙᐗ ᒫᑲ ᑮ ᒫᒫᑯᑕᒶᒃ ᑳ ᐃᔅᐱᒋ ᐎᓴᑫᓕᑕᑭᒃ,

ᑭᔅᑫᓕᑖᑯᑖᑫᐎᓐ 9:11

ᑮ ᐋᔭᐌᐗᒃ ᒫᑲ ᑭᒋᐅᑭᒪᐗ ᐁ ᑎᐯᓕᒥᑯᒋᒃ ᐊᓂᐃ ᐁᓐᒐᓚ ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᑳ ᐅᒋᓕᒋ, ᑳ ᐃᔑᓂᑳᓱᓕᒋ ᐦᐃᑉᕉ ᐃᔑ ᑭᔗᐎᓂᒃ ᐊᐹᑕᓐ, ᒫᑲ ᒃᕆᒃ ᐃᔑᑭᔗᐎᓂᒃ ᐊᐸᓕᔭᓐ ᐃᔑᓂᑳᓱᓕᐗ᙮