ᐅᐸᓓᑭᔅ ᒫᑎᐤ 11:11 - ᐅᔅᑭ ᑎᔅᑌᒥᓐᑦ

¹¹ ᑖᐺ, ᑭᑦ ᐃᑎᓇᐗᐤ, ᒥᓯᐌ ᑕᑐ ᐊᐌᓇ ᐃᔅᑴᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᐅᒋ ᐯᔭᒃ ᐊᐙᓯᑌ ᐃᔅᐯᓕᑖᑯᓯᐤ ᐁᔅᐯᓕᑖᑯᓯᑦ ᒑᓐ ᐅᓯᑲᐊᑖᑫᐤ: ᐁᓕᐌᒃ ᒫᑲ, ᐊᓇ ᑳ ᒫᐗᒋ ᐋᐱᔅᑌᓕᑖᑯᓯᑦ ᑭᒋᑭᔑᑳᐎ ᐅᑭᒫᐎᐎᓂᒃ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᐎᓚ᙮

ᐅᐸᓓᑭᔅ ᒫᑎᐤ 11:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:10

ᐌᓴ ᐊᐗ ᐁᐗᒀᓇ ᑳ ᐅᒋ ᐃᑕᓯᓇᐃᑳᑌᒃ, ᒫᑎᑲ, ᓂᑦ ᐃᔑᑎᔕᐗᐤ ᓂᑦ ᐃᔑᑎᔕᐙᑲᓐ ᑭᒋ ᓂᑳᓄᑖᔉ, ᑫ ᐙᐌᔑᑕᒫᔉ ᑭ ᒣᔅᑲᓇᐤ ᑫ ᐃᔑ ᐃᑐᑌᔭᓐ᙮

ᐅᐸᓓᑭᔅ ᒫᑎᐤ 11:12

ᐊᔅᐱᓐ ᒫᑲ ᑳ ᐯᒋ ᐅ ᑭᔑᑳᒥᑦ ᒑᓐ ᐅᓯᑲᐋᑖᑫᐤ ᐱᓕᔥ ᐊᓄᒡ, ᑭᒋᑭᔑᑳᐎ ᐅᑭᒫᐎᐎᓐ ᐎᓴᓶᓕᒧᑐᑖᑲᓂᐗᓐ, ᑳ ᐊᒀᑎᓯᒋᒃ ᒫᑲ ᒪᔅᑲᑗᐗᒃ᙮

ᐅᐸᓓᑭᔅ ᒫᑎᐤ 3:1

ᒣᑾᒡ ᐊᓂᐃ ᑭᔑᑲᐗ ᑮ ᑕᑯᔑᓐ ᒑᓐ ᐅᓯᑲᐋᑖᑫᐤ ᐁ ᑲᑫᔅᑭᒥᐌᑦ ᐸᑾᑕᔅᑲᒥᑳᒃ ᒎᑎᐊᐃᒃ,

ᐅᐸᓓᑭᔅ ᒫᑎᐤ 3:11

ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ ᑴᔅᑳᑎᓯᐎᓂᒃ ᐃᔑ: ᒫᑲ ᐊᓇ ᑳ ᐯᒋ ᓄᔅᐱᓇᔑᑦ ᐊᐗᓯᑌ ᓱᑳᑎᓯᐤ ᐃᔥᐱᔥ ᓂᓚ, ᐅ ᒪᔅᑭᓯᓇ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐱᒥᐎᑕᐗᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ ᓀᔥᑕ ᐃᔥᑯᑌᓕᐤ᙮

ᐅᐸᓓᑭᔅ ᒫᑎᐤ 5:19

ᐊᐌᓇ ᑫ ᐱᑯᓇᒧᑴ ᐯᔭᒃ ᐅᐅ ᐁ ᒫᐗᒋ ᐋᐱᔅᑌᓕᑖᑾᓂᓕᒃ ᑲᑫᔅᑴᐎᓂᓕᐤ, ᐁᑯ ᐃᔑ ᓀᔥᑕ ᑫ ᑭᔅᑭᓄᐊᒪᐙᑴ ᐃᓕᓕᐗ, ᐁᐗᑯ ᑫ ᒪᐗᒋ ᐋᐱᔅᑕᑭᒫᑲᓂᐎᑦ ᑭᒋᑭᔑᑳᐎ ᐅᑭᒫᐎᐎᓂᒃ: ᒫᑲ ᐊᐌᓇ ᑫ ᑎᐱᑐᑕᒧᑴ ᓀᔥᑕ ᑭᔅᑭᓄᐊᒫᑫᑴ, ᐁᐗᑯ ᑫ ᑭᔅᑕᑭᒫᑲᓂᐎᑦ ᑭᒋᑭᔑᑳᐎ ᐅᑭᒫᐎᐎᓂᒃ᙮

ᐅᐸᓓᑭᔅ ᓘᒃ 1:15

ᐌᓴ ᑲᑕ ᑭᔅᑌᓕᑖᑯᓯᐤ ᐅᔅᑭᔑᑯᓕᒃ ᐅᑎᐯᓕᒋᑫᐗ, ᓇᒪᐎᓚ ᓀᔥᑕ ᑲᑕ ᒥᓂᑴᐤ ᔓᒥᓈᐳᓕᐤ ᓇᒪ ᓀᔥᑕ ᑫᒀᓕᐤ ᐁ ᓱᑳᑲᒥᓂᓕᒃ, ᑲᑕ ᓵᑲᔅᑭᓀᔅᑳᑯ ᒫᑲ ᐸᓓᑭ ᐊᒑᑾ ᐙᐙᒡ ᐅᑳᐎᔭ ᐅᔅᐹᔮᓕᒃ ᐅᒋ᙮

ᐅᐸᓓᑭᔅ ᓘᒃ 7:28

ᐌᓴ ᑭᑦ ᐃᑎᓇᐗᐤ, ᒥᓯᐌ ᑕᑐ ᐊᐌᓇ ᐃᔅᑴᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᐅᒋ ᐯᔭᒃ ᐅᑭᔅᑭᐙᐃᑫᐤ ᐊᐙᓯᑌ ᐃᔅᐯᓕᑖᑯᓯᐤ ᐁᔅᐯᓕᑖᑯᓯᑦ ᒑᓐ ᐅᓯᑲᐋᑖᑫᐤ: ᒫᑲ ᐊᓇ ᑳ ᒪᐗᒋ ᐋᐱᔅᑌᓕᑖᑯᓯᑦ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᐎᓚ᙮

ᐅᐸᓓᑭᔅ ᓘᒃ 9:48

ᑮ ᐃᑌᐤ ᒫᑲ, ᐊᐌᓇ ᑫ ᐅᑎᓈᑴ ᐅᐅ ᐊᐙᔑᔕ ᓂᑦ ᐃᔑᓂᑳᓱᐎᓂᒃ, ᓂᓚ ᓂᑦ ᐅᑎᓂᒃ: ᐊᐌᓇ ᒫᑲ ᑫ ᐅᑎᓂᑴ, ᐅᑎᓀᐤ ᓀᔥᑕ ᐊᓂᐃ ᑳ ᐯᒋᑎᔕᐅᓕᒋ: ᐌᓴ ᐊᓇ ᑳ ᒪᐗᒋ ᐋᐱᔅᑌᓕᑖᑯᓯᑦ ᒥᓯᐌ ᐁ ᐃᑕᔑᔦᒃ, ᐁᐗᒀᓇ ᑫ ᑭᔅᑌᓕᑖᑯᓯᑦ᙮

ᐅᐸᓓᑭᔅ ᒑᓐ 1:15

ᒑᓐ ᒫᑲ ᑮ ᑎᐹᒋᒣᐤ, ᑮ ᑌᐺᐤ ᒫᑲ, ᐁ ᐃᑗᑦ, ᐁᐗᑯ ᐊᐗ ᑳ ᑮ ᐋᓕᒧᒪᒃ, ᐊᓇ ᑳ ᐯᒋ ᓄᔅᐱᓇᔑᑦ ᐊᐙᓯᑌ ᐃᑌᓕᑖᑯᓯᐤ ᐃᔥᐱᔥ ᓂᓚ; ᐌᓴ ᑮ ᐃᑖᐤ ᐸᒧᔑ ᐃᑖᔮᓐ᙮

ᐅᐸᓓᑭᔅ ᒑᓐ 1:27

ᐁᐗᑯ ᐊᐗ, ᑳ ᐯᒋ ᓄᔅᐱᓇᔑᑦ ᐊᐙᓯᑌ ᐁᑌᓕᑖᑯᓯᑦ ᐃᔥᐱᔥ ᓂᓚ, ᐅ ᒪᔅᑭᓯᓀᐋᐱᔭ ᐁᑳ ᐙᐙᒡ ᐁ ᐃᑌᓕᑖᑯᓯᐗᒃ ᑭᒋ ᐊᐱᑯᓇᒶᒃ᙮

ᐅᐸᓓᑭᔅ ᒑᓐ 10:41

ᑮ ᐯᒋ ᓈᑎᑯ ᒫᑲ ᒥᒉᑦ, ᓀᔥᑕ ᑮ ᐃᑗᓕᐗ, ᒑᓐ ᓇᒪᐎᓚ ᐅᒋ ᑐᑕᒻ ᒫᒪᔅᑳᒋ ᐃᓯᒋᑫᐎᓂᓕᐤ: ᒫᑲ ᒥᓯᐌ ᑫᒀᓇ ᑳ ᑮ ᐃᑖᒋᒫᑦ ᒑᓐ ᐅᐅ ᐃᓕᓕᐗ ᑖᐺᒪᑲᓂᓕᐗ᙮

ᐅᐸᓓᑭᔅ ᒑᓐ 3:30

ᐎᓚ ᔮᓕᑌᓪ ᑲᑕ ᐊᑎ ᑭᔅᑌᓕᑖᑯᓯᐤ, ᓂᓚ ᒫᑲ ᓂ ᑳ ᐊᑎ ᐋᐱᔅᑌᓕᑖᑯᓯᓐ᙮

ᐅᐸᓓᑭᔅ ᒑᓐ 5:35

ᐎᓚ ᑮ ᐙᔅᑌᐎᓂᐎᐤ ᐁ ᓴᔅᑭᓱᑦ ᓀᔥᑕ ᐁ ᐙᓯᓱᑦ: ᓀᔥᑕ ᑭ ᑮ ᓵᐯᓕᑌᓇᐗᐤ ᐎᓕᐱᔉ ᑭᒋ ᒥᓚᐙᑕᒣᒃ ᐅ ᐙᔅᑌᐎᓂᒃ᙮

ᐅᐸᓓᑭᔅ ᒑᓐ 7:39

(ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᓂᔥᑕᒻ ᑯᕆᓐᑎᐊᓇ 15:9

ᐌᓴ ᓂ ᒫᐗᒋ ᐋᐱᔅᑎᓕᑖᑯᓯᓐ ᐁ ᐃᑕᓯᒋᒃ ᐊᐸᔅᑕᓚᓪ, ᓇᒪ ᓀᔥᑕ ᓂ ᑌᐸᑫᓕᑖᑯᓯᓐ ᐊᐸᔅᑕᓪ ᑭᒋ ᐃᔑᓂᑳᑎᑲᐎᔮᓐ; ᐌᓴ ᓂ ᑮ ᑲᒀᑕᑭᐃᒪᐗ ᑭᒋᒪᓂᑐ ᐅ ᒫᒪᐎᐋᔭᒥᐋᒪ᙮

ᓂᔥᑕᒻ ᑯᕆᓐᑎᐊᓇ 6:4

ᑮᔥᐱᓐ ᒫᑲ ᐋᔮᔦᒃ ᑫᒀᓇ ᑭᒋ ᑎᐹᔅᑯᓂᑳᑌᑭ ᐅᒪ ᐱᒫᑎᓯᐎᓂᒃ ᑳ ᑌᐸᑫᓕᑖᑾᑭ, ᐸᑭᑎᓂᑯᒃ ᑭᒋ ᑎᐹᔅᑯᓂᑫᒋᒃ ᐊᓂᑭ ᒫᐗᒡ ᑳ ᐗᐱᔅᑌᓕᑖᑯᓯᒋᒃ ᒣᑴᔭᔥ ᒪᒪᐎᐋᔭᒥᐊᐗ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᓂᔓ ᑎᒧᑎ 1:10

ᒫᑲ ᐊᓄᒡ ᓄᑯᑖᓂᐗᓐ ᐁ ᑮ ᐯᒋ ᓄᑯᓯᑦ ᑭ ᐱᒫᒋᐃᐌᒥᓇᐤ ᒋᓴᔅ ᙭, ᑳ ᑮ ᓂᔑᐗᓈᒋᑖᑦ ᓂᐱᐎᓂᓕᐤ, ᓀᔥᑕ ᑮ ᐹᔭᑌ ᐙᐸᑎᓕᐌᐤ ᐱᒫᑎᓯᐎᓂᓕᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ ᒥᓗᐋᒋᒧᐎᓐ ᐅᒋ:

ᐦᐃᑉᕉᐗ 11:40

ᑭᒋᒪᓂᑐ ᓇᐗᒡ ᒥᓗ ᑫᒀᓐ ᐁ ᑮ ᐋᔦᔅᑲᐎᑕᒫᑕᒃ, ᐎᓚᐗᐤ ᑭᓚᓈᓇᐤ ᐁᑳ ᐁ ᐎᒉᐗᑭᒃ ᐁᑳ ᑭᒋ ᒥᑐᓂᐎᐋᑲᓂᐎᒋᒃ᙮

ᓂᔥᑕᒻ ᐱᑕᕐ 1:10

ᐊᓂᒪ ᐱᒫᒋᐃᐌᐊᓐ ᒫᑲ ᐅᑭᔅᑭᐙᐃᑫᐗᒃ ᑮ ᐅᒋ ᑲᑴᒋᑫᒧᐗᒃ ᓀᔥᑕ ᐌᐌᓕᑦ ᑮ ᓈᓇᑕᐌᓕᑕᒶᒃ, ᐊᓂᑭ ᑳ ᑮ ᓂᑳᓂᐎᑕᑭᒃ ᐊᓂᒪ ᔕᐌᓕᒋᑫᐎᓐ ᑫ ᐅᑎᑎᑯᔦᑭᐸᓐ: