4 ᓵᐃᒪᓐ ᑳ ᑫᓇᐃᓕᓕᐎᑦ, ᓀᔥᑕ ᒎᑕᔅ ᐃᔅᑳᕆᔭᑦ, ᐊᓇ ᑳ ᐙᔦᔑᐸᑭᑎᓈᑦ᙮
ᐁᑯ ᐯᔭᒃ ᐊᓂᑭ ᓂᔓᔖᑉ, ᒎᑕᔅ ᐃᔅᑳᕆᔭᑦ ᐁᔑᓂᑳᓱᑦ, ᓂᔮᑖᑦ ᑭᒋ ᓵᓵᑭᐎᓕᐌᐎᓕᓕᐗ,
ᑮ ᐃᑌᐤ ᒫᑲ, ᑫᒀᓐ ᑫ ᒥᓕᔦᒃ, ᐁᑯ ᒫᑲ ᑫ ᐸᑭᑎᓇᒫᑕᑾᒃ? ᑮ ᓇᔅᑯᒣᐗᒃ ᒫᑲ ᑭᒋ ᒥᓛᒋᒃ ᓃᔅᑐᒥᑕᓇᐤ ᐙᐱᓯᔔᓕᐊᓈᐱᔅᑾ᙮
ᑭ ᑭᔅᑫᓕᑌᓇᐗᐤ ᑮ ᓂᔓ ᑭᔑᑳᑫ ᑫ ᒥᔮᔥᑳᑫᐎ ᒪᑯᔖᓂᐗᒃ, ᐃᓕᓕᐎᑯᓯᓵᓐ ᒫᑲ ᐙᔦᔑᐸᑭᑎᓇᐤ ᑭᒋ ᒋᔅᑖᔅᑾᐙᑲᓂᐎᑦ᙮
ᒣᒀᒡ ᑫᔮᐸᒡ ᐁ ᐋᔭᒥᑦ ᒫᑲ, ᒫᑎᑲ, ᒎᑕᔅ, ᐯᔭᒃ ᐊᓂᑭ ᓂᔓᔖᑉ, ᑮ ᐯᒋ ᐃᑐᑌᐤ, ᐁ ᐎᒉᐙᑦ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐋᔮᓕᒋ, ᑳ ᐯᒋᑎᔕᐅᑯᓕᒋ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᑳ ᓂᑳᓀᓕᑖᑯᓯᓕᒋ ᐃᓕᓕᐗ᙮
ᐁᑯ ᒎᑕᔅ, ᑳ ᑮ ᐙᔦᔑᐸᑭᑎᓈᑦ, ᐃᔅᐱ ᐎᐋᐸᑕᒃ ᐁ ᑮ ᓂᔑᐗᓈᒋᒥᒥᒋ, ᑮ ᒥᒋᓚᐌᔦᓕᑕᒻ, ᒥᓇ ᒫᑲ ᑮ ᐯᔑᐌᐤ ᐊᓂᐃ ᓂᔅᑐᒥᑕᓇᐤ ᐙᐱᓯ ᔔᓕᐋᓈᐱᔅᑾ, ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᑳ ᓂᑳᓀᓕᑖᑯᓯᓕᒋ ᐁ ᐎ ᒥᓛᑦ,
ᒎᑕᔅ ᐃᔅᑳᕆᔭᑦ ᒫᑲ, ᐯᔭᒃ ᐊᓂᑭ ᓂᔓᔖᑉ, ᑮ ᓈᑌᐤ ᑭᒋ ᓵᓵᑭᐎᓕᐌᐎᓕᓕᐗ, ᑭᒋ ᐙᔦᔑᐸᑭᑎᓇᒪᐙᑦ᙮
ᑣᔦᒃ ᒫᑲ, ᒣᒀᒡ ᑫᔮᐸᒡ ᐁ ᐋᔭᒥᑦ, ᑕᑯᔑᓐ ᒎᑕᔅ, ᐯᔭᒃ ᐊᓂᑭ ᓂᔓᔖᑉ, ᐁ ᐎᒉᐎᑯᑦ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐋᔮᓕᒋ, ᑳ ᐯᒋᑎᔕᐅᑯᓕᒋ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᒪᓯᓇᐃᑫᐗ, ᓀᔥᑕ ᑳ ᓂᑳᓀᓕᑖᑯᓯᓕᒋ᙮
ᐁᑯ ᓭᑖᓐ ᐹᑐᑫᔅᑳᑯᐙᑦ ᒎᑕᓴ ᑳ ᐊᔅᐱᓂᑳᓱᓕᒋ ᐃᔅᑳᕆᔭᑦ, ᐁ ᐊᔑᑕᑭᒫᑲᓂᐎᓕᒋ ᐊᓂᐃ ᓂᔓᔖᑉ᙮
ᒣᒀᒡ ᒫᑲ ᑫᔮᐸᒡ ᐁ ᐋᔭᒥᑦ, ᒫᑎᑲ, ᒥᔮᒪᐎᒥᒉᑎᒋᒃ ᐃᓕᓕᐗᒃ, ᐊᓇ ᓀᔥᑕ ᒎᑕᔅ ᑳ ᐃᔑᓂᑳᓱᑦ, ᐯᔭᒃ ᐊᓂᑭ ᓂᔓᔖᑉ, ᐁ ᓂᑳᓄᑕᐙᑦ, ᑮ ᐊᑎ ᐯᔣᐸᒣᐤ ᒫᑲ ᒋᓴᓴ ᑭᒋ ᐅᒉᒫᑦ᙮
ᐁᑯ ᑳ ᑭᔑ ᓂᐯᒀᓂᐗᒃ, ᒪᒋᒪᓂᑐ ᐁ ᑮ ᐸᑭᑎᓇᒸᑦ ᐅᑌᐃᓕᒃ ᒎᑕᔅ ᐃᔅᑳᕆᔭᑕ ᓵᐃᒪᓐ ᐅᑯᓯᓴ, ᑭᒋ ᐙᔦᔑᐸᑭᑎᓈᓕᒋ;
ᒫᑲ ᐃᑖᐗᒃ ᐋᑎᑦ ᐁ ᐃᑕᓯᔦᒃ ᐁᑳ ᑳ ᑖᐺᑕᑭᒃ᙮ ᐌᓴ ᒋᓴᔅ ᓃᔥᑕᒻ ᐅᒋ ᑮ ᑭᔅᑫᓕᒣᐤ ᐊᐌᓕᐗ ᐊᓂᐃ ᐁᑳ ᑖᐺᑕᒥᓕᒋ, ᓀᔥᑕ ᐊᐌᓕᐗ ᑫ ᐙᔦᔑᐸᑭᑎᓂᑯᑦ᙮
ᑮ ᐋᓕᒧᒣᐤ ᒎᑕᔅ ᐃᔅᑳᕆᔭᑕ, ᓵᐃᒪᓐ ᐅᑯᓯᓴ: ᐌᓴ ᐁᐗᒀᓂᐃ ᑫ ᐙᔦᔑᐸᑭᑎᓂᑯᑦ, ᐁ ᐊᔑᑕᑭᒫᑲᓂᐎᓕᒋ ᐊᓂᐃ ᓂᔓᔖᑉ᙮
ᐃᔅᐱ ᒫᑲ ᑳ ᐱᑐᑫᒋᒃ, ᑮ ᑯᔅᐹᑕᐎᐗᒃ ᐃᔥᐱᒥᒃ ᐱᔅᑭᒋᐙᔅᑳᔨᑲᓂᒃ, ᑳ ᐃᔑ ᑕᔑᑫᒋᒃ ᐱᑕᕐ, ᓀᔥᑕ ᒉᒻᔅ, ᓀᔥᑕ ᒑᓐ, ᓀᔥᑕ ᐋᓐᑦᕉ, ᐱᓕᑉ, ᓀᔥᑕ ᑕᒪᔅ, ᐹᕐᑕᓚᒻᔫ, ᓀᔥᑕ ᒫᑎᐤ, ᒉᒻᔅ, ᐋᓪᐱᔭᔅ ᐅᑯᓯᓴ, ᓀᔥᑕ ᓵᐃᒪᓐ ᓯᓗᑎᔅ, ᓀᔥᑕ ᒎᑕᔅ ᐎᒋᔖᓇ ᒉᒻᔅ᙮
ᑭᒋ ᐎᒋᐃᐌᑦ ᐅᒪ ᐋᔭᒥᐋᐎ ᐊᑑᔅᑫᐎᓂᒃ, ᓀᔥᑕ ᐊᐸᔅᑕᓕᐎᐎᓂᒃ, ᑳ ᐅᒋ ᐸᑭᔑᒃ ᒎᑕᔅ, ᒪᒋ ᐋᔨᑎᐎᓐ ᐅᒋ, ᑭᒋ ᐃᑐᑌᑦ ᑎᐱᓚᐌ ᐅ ᑕᔑᑫᐎᓂᒃ᙮
