ᐅᐸᓓᑭᔅ ᒫᑎᐤ 10:27 - ᐅᔅᑭ ᑎᔅᑌᒥᓐᑦ

²⁷ ᑫᒀᓐ ᑳ ᐎᑕᒫᑕᑾᒃ ᐁ ᐗᓂᑎᐱᔅᑳᒃ, ᐁᐗᑯ ᐋᓕᒧᑕᒧᒃ ᐁ ᐙᔅᑌᒃ; ᑫᒀᓐ ᓀᔥᑕ ᑳ ᐯᑕᒣᒃ ᑭᑕᐗᑳᐙᒃ, ᐁᐗᑯ ᐙᐎᑕᒧᒃ ᑕᑯᒡ ᐙᔅᑳᔨᑲᓂᒃ᙮

ᐅᐸᓓᑭᔅ ᒫᑎᐤ 10:27 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:17

ᐊᓇ ᓀᔥᑕ ᑕᑯᒡ ᐙᔅᑳᔨᑲᓂᒃ ᑳ ᐃᑖᑦ, ᐁᑳᐎᓚ ᑲᑕ ᓂᔖᑕᐎᐤ ᑭᒋ ᐅᑎᓇᒃ ᑫᒀᓕᐤ ᐅ ᐙᔅᑳᔨᑲᓂᒥᒃ ᐅᒋ:

ᐅᐸᓓᑭᔅ ᓘᒃ 12:3

ᐁᐗᑯ ᐅᒋ ᐱᑯ ᑫᒀᓐ ᑳ ᑮ ᐃᑗᔦᒃ ᐃᑕ ᐁ ᑎᐱᔅᑳᒃ, ᑲᑕ ᐯᑖᑾᓐ ᐃᑕ ᐁ ᐙᓭᔮᒃ; ᐊᓂᒪ ᒫᑲ ᑳ ᑮ ᐃᑗᔦᒃ ᒥᑖᐗᑳᒃ ᐱᔅᑭᒑᑭ ᐙᔅᑳᔨᑲᓂᒃ, ᑲᑕ ᐙᐎᒋᑳᑌᐤ ᑕᑯᒡ ᐙᔅᑳᔨᑲᓂᒃ᙮

ᐅᐸᓓᑭᔅ ᓘᒃ 8:10

ᑮ ᐃᑗᐤ ᒫᑲ, ᑭᓚᐗᐤ ᑭ ᒥᓕᑲᐎᓇᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᒪᓂᑐ ᐅᑦ ᐅᑭᒫᐎᐎᓂᒃ; ᒫᑲ ᑯᑕᑭᔭᒃ ᓇᔅᐱᑐᐌᐎᐋᑕᓗᑳᓂᒃ, ᐋᑕ ᐁ ᐙᐱᒋᒃ ᐁᑳ ᑭᒋ ᐙᐱᒋᒃ, ᓀᔥᑕ ᐁ ᐯᑕᑭᒃ ᐁᑳ ᑭᒋ ᓂᓯᑐᑕᑭᒃ᙮

ᐅᐸᓓᑭᔅ ᒑᓐ 16:1

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ, ᐁᑳ ᑭᒋ ᓈᔦᑕᐌᓕᑕᒣᒃ᙮

ᐅᐸᓓᑭᔅ ᒑᓐ 16:13

ᐁᓕᐌᒃ ᒫᑲ, ᐃᔅᐱ ᐎᓚ ᑖᐺᐎᓂ ᐋᒐᒃ ᑕᑯᔑᑫ, ᑭ ᑳ ᑭᔅᑭᓄᑕᐃᑯᐗᐤ ᒥᓯᐌ ᑖᐺᐎᓂᒃ: ᐌᓴ ᓇᒪᐎᓚ ᐎᓚ ᑫᒋᐙᒃ ᑲᑕ ᐅᒋ ᐋᔭᒥᐤ; ᒫᑲ ᑕᑐ ᑫᒀᓕᐤ ᑫ ᐯᑕᒃ ᐁᐗᑴᓕᐤ ᑫ ᑎᐹᑐᑕᒃ: ᑫ ᑳ ᐙᐸᑎᓕᑯᐗᐤ ᓀᔥᑕ ᑫᒀᓇ ᑫ ᐃᑭᓂᓕᑭ᙮

ᐅᐸᓓᑭᔅ ᒑᓐ 16:25

ᐅᐅ ᑫᒀᓇ ᑭ ᑮ ᐃᑎᑎᓇᐗᐤ ᓇᔅᐱᑐᐌᐎ ᐋᔭᒥᐎᓂᒃ: ᒫᑲ ᐹᐸᓕᐤ ᐁ ᑭᔑᑳᒃ, ᐃᔅᐱ ᐁᑳ ᒥᓇ ᑫ ᐋᔭᒥᐃᑕᑾᒃ ᓇᔅᐱᑐᐌᐎ ᐋᔭᒥᐎᓂᒃ, ᒫᑲ ᑭ ᑳ ᐙᐸᑎᓕᑎᓇᐗᐤ ᒧᔑᔐ ᐅᑖᐎᒪᐤ ᐅᒋ᙮

ᐅᐸᓓᑭᔅ ᒑᓐ 16:29

ᐅ ᑭᔅᑭᓄᐊᒪᐙᑲᓇ ᑮ ᐃᑎᑯ, ᒫᑎᑲ, ᐁᑯ ᒧᔑᔐ ᐁᔭᒥᔭᓐ, ᓇᒪᐎᓚ ᓀᔥᑕ ᑭᑦ ᐋᔭᒥᓐ ᓇᔅᐱᑐᐌᐎ ᐋᔭᒥᐎᓂᒃ᙮

ᐊᐸᔅᑕᓚᒃ 17:17

ᐁᐗᑯ ᐅᒋ ᑮ ᐋᔭᒥᐁᐤ ᐊᓂᐃ ᒎᐗ ᐱᒋ ᐊᔭᒥᐁᐎᑲᒥᑯᒃ, ᓀᔥᑕ ᐊᓂᐃ ᑳ ᐊᔭᒥᐁᐙᑎᓯᓕᒋ ᐃᓕᓕᐗ, ᓀᔥᑕ ᐱᒋ ᐊᓐᑕ ᑳ ᐃᔑ ᐊᑖᒥᑐᓇᓂᐗᒃ ᑕᑣᐤ ᑳᔑᑳᓕᒃ ᐊᓂᐃ ᐊᓐᑕ ᑳ ᓇᑭᔥᑳᑯᑦ᙮

ᐊᐸᔅᑕᓚᒃ 5:20

ᒫᒑᒃ, ᓇᑕᐎ ᓂᐸᐎᒃ ᐋᔭᒥᐃᑯᒃ ᒫᑲ ᐃᓕᓕᐗᒃ ᑭᒋᐊᔭᒥᐁᐎᑲᒥᑯᒃ ᒥᓯᐌ ᐅᐅ ᐱᒫᑎᓯᐎᓂ ᐋᔭᒥᐎᓇ᙮

ᐊᐸᔅᑕᓚᒃ 5:28

ᐁ ᐃᑗᑦ, ᓇᒪ ᓈ ᐋᔨᒋ ᑭ ᑮ ᐃᑕᔓᐗᑎᑎᓇᓐ ᐁᑳ ᑭᒋ ᑭᔅᑭᓄᐊᒫᑫᔦᒃ ᐅᒪ ᐃᔑᓂᑳᓱᐎᓂᒃ? ᓀᔥᑕ, ᒫᑎᑲ, ᑭ ᑮ ᓵᑲᔅᑭᓇᑕᓈᐗᐤ ᒋᕉᓴᓚᒻ ᐅᒪ ᑭ ᑭᔅᑭᓄᐊᒪᑫᐎᓂᐙᐤ ᐅᒋ, ᓀᔥᑕ ᐁ ᐃᑌᓕᑕᒣᒃ ᑭᒋ ᐊᑖᒣᓕᒥᔮᒃ, ᐊᐗ ᐃᓕᓕᐤ ᐅᒥᑯᒻ ᐅᒋ᙮

ᓂᔓ ᑯᕆᓐᑎᐊᓇ 3:12

ᐁ ᐙᐸᑕᒫᒃ ᒫᑲ ᐁ ᐋᔮᔮᒃ ᐅᒪ ᑐᐎ ᐊᔅᐯᓕᒧᐎᓐ, ᓂ ᓱᑭᑌᐁᐎ ᐋᔭᒥᓈᓐ: