ᐅᐸᓓᑭᔅ ᒫᑎᐤ 10:19 - ᐅᔅᑭ ᑎᔅᑌᒥᓐᑦ

¹⁹ ᒫᑲ ᐃᔅᐱ ᐸᑭᑎᓂᑖᑾᐌ, ᐁᑳᐎᓚ ᒫᒥᑐᓀᓕᑕᒧᒃ ᑖᓀ ᓀᔥᑕᐱᑯ ᑖᓀ ᐃᔑ ᑫ ᐃᑗᔦᒃ: ᐌᓴ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᑭ ᑳ ᒥᓕᑲᐎᓇᐗᐤ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᒫᑎᐤ 10:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:18

ᑭ ᑳ ᐃᑐᑕᐃᑲᐎᓇᐗᐤ ᒫᑲ ᐅᑎᔥᑲᐤ ᐅᑎᐯᓕᒋᑫᐗᒃ ᓀᔥᑕ ᑭᒋᐅᑭᒫᐗᒃ ᓂᓚ ᐅᒋ, ᐎᓚᐗᐤ ᓀᔥᑕ ᒉᓐᑖᐃᓚᒃ ᑭᒋ ᑭᔅᑫᓕᑕᒥᐋᑲᓂᐎᒋᒃ᙮

ᐅᐸᓓᑭᔅ ᒫᑎᐤ 6:25

ᐁᐗᑯ ᐌᒋ ᐃᑎᑖᒀᒃ, ᐁᑳᐎᓚ ᒫᒥᑐᓀᓕᑕᒧᒃ ᑭ ᐱᒫᑎᓯᐎᓂᐗᐤ, ᑫᒀᓐ ᑫ ᒥᒋᔦᒃ, ᓀᔥᑕᐱᑯ ᑫᒀᓐ ᑫ ᒥᓂᑴᔦᒃ; ᐁᑳ ᓀᔥᑕ ᑭᔭᐙᐗ ᑫᒀᓐ ᑫ ᐳᔅᑎᔥᑲᒣᒃ᙮ ᓇᒪ ᓈ ᐊᐗᓯᑌ ᐃᑌᓕᑖᑾᓐ ᐱᒫᑎᓯᐎᓐ ᐃᔥᐱᔥ ᒥᒋᒻ, ᓀᔥᑕ ᒥᔭᐤ ᐃᔥᐱᔥ ᐎᓛᒋᑲᓐ?

ᐅᐸᓓᑭᔅ ᒫᑎᐤ 6:31

ᐁᐗᑯ ᐅᒋ ᒫᑲ ᐁᑳᐎᓚ ᒫᒥᑐᓀᓕᑕᒧᒃ, ᐁ ᐃᑗᔦᒃ, ᑫᒀᓐ ᑫ ᒥᒋᔭᒃ? ᓀᔥᑕᐱᑯ ᑫᒀᓐ ᑫ ᒥᓂᑴᔭᒃ? ᓀᔥᑕᐱᑯ, ᑫᒀᓐ ᑫ ᐎᓛᒋᑲᓂᔭᒃ

ᐅᐸᓓᑭᔅ ᒫᑎᐤ 6:34

ᐁᑳᐎᓚ ᒫᒥᑐᓀᓕᑕᒧᒃ ᑫ ᐙᐸᒃ; ᐌᓴ ᑫ ᐙᐸᒃ ᑲᑕ ᒥᑐᓀᓕᑕᒫᓱᒪᑲᓐ᙮ ᑌᐱᓕᑯᒃ ᑲᑕ ᐋᓕᒪᓐ ᐁ ᑭᔑᑳᒃ᙮

ᐅᐸᓓᑭᔅ ᓘᒃ 12:11

ᐃᔅᐱ ᒫᑲ ᐯᒋ ᐃᑐᑕᐃᑖᑾᐌ ᐋᔭᒥᐁᐎᑲᒥᑯᒃ, ᓀᔥᑕ ᐅᑎᔥᑳᐤ ᐅᑎᐹᔅᑯᓂᑫᐗᒃ ᓀᔥᑕ ᐅᑭᒫᐗᒃ, ᐁᑳᐎᓚ ᒪᒥᑐᓀᓕᑕᒧᒃ ᑖᓂ ᑫ ᐃᔑ ᓀᔥᑕ ᑫᒀᓐ ᑫ ᓇᔥᑴᐗᔑᐃᐌᔦᒃ, ᓀᔥᑕᐱᑯ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᓘᒃ 12:12

ᐌᓴ ᑳ ᐸᓓᑭᓯᑦ ᐊᒑᒃ ᑭ ᑳ ᑭᔅᑭᓄᐊᒫᑯᐗᐤ ᐊᓂᒪ ᑎᐸᔨᑲᓐ ᐱᓯᒧᑳᓂᒃ ᑫᒀᓐ ᑫ ᐃᑗᔦᑯᐸᓐ᙮

ᐊᐸᔅᑕᓚᒃ 6:10

ᓇᒪᐎᓚ ᒫᑲ ᑮ ᑲᔥᑭᑖᐗᒃ ᑭᒋ ᓇᔅᑰᔅᑕᑭᒃ ᐊᓂᐁᓕᐤ ᑲᑫᑖᐌᓕᑕᒧᐎᓂᓕᐤ ᓀᔥᑕ ᐊᓂᐃ ᐊᒑᑾ ᑳ ᑮ ᐅᒋ ᐋᔭᒥᓕᒋ᙮

ᐱᓕᐱᔭᓇ 4:6

ᐁᑳᐎᓚ ᑫᒀᓐ ᑭ ᑳ ᒥᑯᔥᑳᑌᓕᑕᒥᐃᑯᓇᐗᐤ; ᒫᑲ ᒥᓯᐌ ᑫᒀᓂᒃ, ᐁ ᐋᔭᒥᐋᔦᒃ ᓀᔥᑕ ᐁ ᓇᑐᑕᒫᑫᔦᒃ, ᐁ ᓇᓈᔅᑯᒧᔦᒃ ᐊᓯᒋ, ᑭ ᑳ ᑭᔅᑫᓕᑕᒥᐊᐗᐤ ᑭᒋᒪᓂᑐ ᑭ ᓇᑐᑕᒫᑫᐎᓂᐗᐗ;

ᓂᔓ ᑎᒧᑎ 4:17

ᐁᓕᐌᒃ ᒫᑲ, ᐅᑎᐯᓕᒋᑫᐤ ᓂ ᑮ ᐎᒋᑲᐸᐎᔅᑖᒃ, ᓀᔥᑕ ᓂ ᑮ ᐋᔨᒋᐃᒃ; ᓂᓚ ᐅᒋ ᒥᑐᓂ ᑭᒋ ᑭᔅᑫᓕᒋᑳᑌᒃ ᑲᑫᔅᑭᒥᐌᐎᓐ, ᓀᔥᑕ ᒥᓯᐌ ᒉᓐᑖᐃᓚᒃ ᑭᒋ ᐯᑕᑭᒃ: ᓀᔥᑕ ᒫᑲ ᒥᔑᐱᔑᐤ ᐅᑐᓂᒃ ᓂ ᑮ ᐅᒋ ᐎᑾᑭᐃᑲᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:5

ᑮᔥᐱᓐ ᒫᑲ ᐊᐌᓇ ᐁ ᐃᑕᔑᔦᒃ ᐁᑳ ᐁᔮᑴ ᑲᑫᑕᐌᓕᑕᒧᐎᓂᓕᐤ, ᐁᑯᔑ ᑲᑕ ᓇᑐᑕᒪᐌᐤ ᑭᒋᒪᓂᑐᐗ, ᐊᓇ ᑳ ᑭᔐᐙᑎᓯᐎ ᒥᓛᑦ ᒥᓯᐌ ᐃᓕᓕᐗ, ᐁᑳ ᓀᔥᑕ ᑳ ᑭᑐᑖᑦ; ᑲᑕ ᒥᓛᑲᓂᐎᐤ ᒫᑲ᙮