ᐅᐸᓓᑭᔅ ᒫᑎᐤ 10:15 - ᐅᔅᑭ ᑎᔅᑌᒥᓐᑦ

¹⁵ ᑖᐺ ᑭᑦ ᐃᑎᓇᐗᐤ, ᐊᐙᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᐊᔅᑭ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒫᑎᐤ 10:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:36

ᒫᑲ ᑭᑦ ᐃᑎᓇᐗᐤ, ᒥᓯᐌ ᑕᑐ ᐸᑾᓐᑕᐤ ᐋᔭᒥᐎᓂᓕᐤ ᑫ ᐃᑗᐙᑴ ᐃᓕᓕᐗᒃ, ᑲᑕ ᐎᑕᒶᒃ ᑎᐹᔅᑯᓂᑫᐎ ᑭᔑᑳᓕᑫ᙮

ᐅᐸᓓᑭᔅ ᒫᑎᐤ 5:18

ᐌᓴ ᑖᐺ ᑭᑦ ᐃᑎᓇᐗᐤ, ᐃᓕᑯᒃ ᑭᔑᒃ ᓀᔥᑕ ᐊᔅᑭ ᒪᔭᐎᐸᓕᑫ, ᐯᔭᒃ ᒐᑲᓯᓇᐃᑲᓐ ᓀᔥᑕᐱᑯ ᐯᔭᒃ ᒐᑲᐯᔨᑲᓐ ᓇᒪᐎᓚ ᑲᑕ ᓄᑌᐸᓕᐤ ᐅᓚᔓᐌᐎᓂᒃ ᐅᒋ ᐱᓕᔥ ᒥᑐᓂ ᑮ ᑎᐱᑐᒋᑳᑌᒃ᙮

ᐅᐸᓓᑭᔅ ᒫᑎᐤ 7:22

ᒥᒉᑦ ᓂ ᑳ ᐃᑎᑾᒃ ᐁᐗᑯ ᑫ ᑭᔑᑳᒃ, ᑌᐯᓕᒋᑫᔭᓐ, ᓇᒪ ᓈ ᓂ ᑮ ᐅᒋ ᑭᔅᑭᐙᐃᑳᓈᓐ ᑭᑦ ᐃᔑᓂᑳᓱᐎᓐ? ᓀᔥᑕ ᑭᑦ ᐃᔑᓂᑳᓱᐎᓂᒃ ᓂ ᑮ ᐗᓚᐎᐌᐱᓈᓈᓇᒃ ᒪᒋ ᐊᒑᑾᒃ? ᓀᔥᑕ ᑭᑦ ᐃᔑᓂᑳᓱᐎᓂᒃ ᓂ ᑮ ᑐᑌᓇᓐ ᒥᒉᑦ ᒫᒪᔅᑳᒋ ᐊᑑᔅᑫᐎᓇ?

ᐅᐸᓓᑭᔅ ᒫᕐᒃ 6:11

ᐊᐌᓇ ᒫᑲ ᐁᑳ ᑫ ᐱᑐᑲᐃᑖᑴ, ᐁᑳ ᓀᔥᑕ ᑫ ᓇᑐᑕᑖᑴ; ᐃᔅᐱ ᐊᓐᑕ ᐅᒋ ᑭᑐᑌᔦᑴ, ᐸᐹᐎᐸᓕᑖᒃ ᒪᒋᑾᓛᔕ ᑭᓯᑎᐙᒃ ᐅᒋ ᑭᒋ ᐅᒋ ᒫᒥᔑᒥᑯᒋᒃ᙮ ᑖᐺ ᑭᑦ ᐃᑎᓇᐗᐤ, ᐊᐗᓯᑌ ᑲᑕ ᒥᓗ ᐃᑌᓕᑖᑾᓋ ᓴᑕᒻ ᓀᔥᑕ ᑯᒪᕋ ᑎᐹᔅᑯᓂᑫᐎ ᑭᔑᑳᑫ, ᐃᔥᐱᔥ ᐊᓂᒪ ᐃᑖᐎᓐ᙮

ᐅᐸᓓᑭᔅ ᒑᓐ 12:48

ᐊᓇ ᑳ ᐋᑕᐌᓕᒥᑦ, ᓀᔥᑕ ᐁᑳ ᑳ ᐅᑎᓇᒃ ᓂᑦ ᐋᔭᒥᐎᓇ, ᐋᔭᐌᐤ ᐊᐌᓕᐗ ᑳ ᑎᐹᔅᑯᓂᑯᑦ: ᐊᓂᒪ ᐋᔭᒥᐎᓐ ᑳ ᑮ ᐃᑗᔮᓐ, ᐁᐗᑴᓕᐤ ᑫ ᑎᐹᔅᑯᓂᑯᑦ ᒫᒋᒡ ᑭᔑᑳᓕᑫ᙮

ᐅᐸᓓᑭᔅ ᒑᓐ 6:39

ᐁᐗᑴᓕᐤ ᒫᑲ ᐅᑖᐎᒪᐤ ᐅᑦ ᐃᑌᓕᑕᒧᐎᓐ ᑳ ᑮ ᐯᒋᑎᔕᐅᑦ, ᒥᓯᐌ ᑳ ᑮ ᒥᓕᑦ ᐁᑳ ᑭᒋ ᐗᓂᑖᔮᓐ ᑫᒀᓐ, ᒫᑲ ᑭᒋ ᐗᓂᔥᑳᓇᒫᓐ ᒥᓇ ᒫᒋᒡ ᑭᔑᑳᑫ᙮

ᐅᐸᓓᑭᔅ ᒑᓐ 6:40

ᐁᐗᑴᓕᐤ ᒫᑲ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᒥᓯᐌ ᑕᑐ ᐊᐌᓇ ᑳ ᐙᐸᒫᑦ ᐅᑯᓯᓯᒫᐗ, ᓀᔥᑕ ᑳ ᑖᐺᔦᓕᒫᑦ, ᑭᒋ ᐋᔮᑦ ᑳᑭᑫ ᐱᒫᑎᓯᐎᓂᓕᐤ: ᓂ ᑳ ᐗᓂᔥᑳᓇᐤ ᒫᑲ ᒫᒋᒡ ᑭᔑᑳᓕᑫ᙮

ᐊᐸᔅᑕᓚᒃ 17:31

ᐌᓴ ᑮ ᐅᓓᓕᑕᒻ ᐊᓂᐁᓕᐤ ᐁ ᑭᔑᑳᓕᒃ, ᐃᔅᐱ ᑫ ᑎᐹᔅᑯᓇᒃ ᐊᔅᑭᓕᐤ ᒀᔭᔅᑭᑖᑎᓯᐎᓂᒃ, ᐊᓇ ᐃᓕᓕᐤ ᐅᒋ ᑳ ᑮ ᐗᐌᓛᐸᒫᑦ; ᐁᐗᑯ ᑳ ᑮ ᐅᒋ ᒥᓛᑦ ᑫᒋᓈᐅᐎᓂᓕᐤ ᒥᓯᐌ ᐃᓕᓕᐗ, ᐁ ᑮ ᐗᓂᔥᑳᓈᑦ ᒥᓇ ᐅᓂᐱᐗ ᐅᒋ᙮

ᓂᔥᑕᒻ ᑯᕆᓐᑎᐊᓇ 3:13

ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑲᑕ ᑭᔅᑫᓕᑖᑾᓂᓕᐤ: ᐌᓴ ᐊᓂᒪ ᑭᔑᑳᐤ ᑲᑕ ᑭᔅᑫᓕᑖᑯᑖᒪᑲᓐ, ᐌᓴ ᐃᔥᑯᑌᒃ ᑲᑕ ᐅᒋ ᑭᔅᑫᓕᑖᑾᓐ; ᓀᔥᑕ ᐃᔥᑯᑌᒃ ᑲᑕ ᐅᒋ ᑲᑴᒋᑖᓂᐙᓂᓕᐤ ᒥᓯᐌ ᑕᑐ ᐃᓕᓕᐤ ᐅᑦ ᐊᑑᔅᑫᐎᓐ ᑫᑯ ᑐᐎᑲᓂᐗᓂᓕᑴ᙮

ᓂᔥᑕᒻ ᑌᓴᓗᓂᔭᓇ 5:4

ᒫᑲ ᑭᓚᐗᐤ, ᓂᒋᔖᓂᑐᒃ, ᓇᒪᐎᓚ ᑭ ᐗᓂᑎᐱᔅᑭᓯᓇᐗᐤ, ᐊᓂᒪ ᐁ ᑭᔑᑳᒃ ᑖᐱᔅᑯᒡ ᑭᒧᑎᔉ ᑭᒋ ᐊᑎᒥᓀᐅᑯᔦᒃ᙮

ᐦᐃᑉᕉᐗ 10:25

ᐁᑳ ᐁ ᐳᓂ ᒪᐗᒋᐃᑐᔭᒃ, ᑖᐱᔅᑯᒡ ᐁ ᑐᑕᑭᒃ ᐋᑎᑦ; ᒫᑲ ᐁ ᑲᑫᔅᑭᒥᑐᔭᒃ, ᐊᐙᓯᑌ ᒫᑲ ᑫᔮᐸᒡ ᐁ ᑐᑕᒪᒃ ᐁ ᑆᐸᑕᒣᒃ ᐊᓂᒪ ᐁ ᑭᔑᑳᒃ ᐁ ᐹᐸᓕᒃ᙮

ᓂᔓ ᐱᑕᕐ 2:6

ᓀᔥᑕ ᐁ ᐱᑯᑌᑖᑦ ᐊᓂᐃ ᐃᑖᐎᓇ ᓴᑕᒻ ᓀᔥᑕ ᑯᒪᕋ, ᑮ ᓂᔑᐗᓈᒋᑕᒻ ᑭᒋ ᑴᑕᐱᐌᐸᐃᑳᑌᓕᑭ, ᐁ ᐃᔑᑖᑦ ᑭᒋ ᑭᔅᑭᓄᐙᐸᑕᒥᓕᒋ ᐊᓂᐃ ᐁᔥᑾ ᑫ ᐎ ᒪᒋᐱᒫᑎᓯᓕᒋ;

ᓂᔓ ᐱᑕᕐ 2:9

ᐅᑎᐯᓕᒋᑫᐤ ᑭᔅᑫᓕᑕᒻ ᑫ ᐃᔑ ᐃᑖᒋᒃ ᐎᑾᒋᐋᑦ ᑳ ᒪᓂᑐᐙᑎᓯᓕᒋ ᑲᑴᒋᐃᐌᐎᓂᒃ ᐅᒋ, ᓀᔥᑕ ᑭᒋ ᐊᓛᑦ ᐁᑳ ᑳ ᒀᔭᔅᑭᑎᓕᒋ ᑲᒀᑕᑭᐃᑯᓯᐎᓂᒃ ᐱᓕᔥ ᑎᐹᔅᑯᓂᑫᐎ ᑭᔑᑳᓕᑫ:

ᓂᔓ ᐱᑕᕐ 3:7

ᒫᑲ ᐊᓂᐃ ᑭᔑᑾ ᓀᔥᑕ ᐊᔅᑭ ᐊᓄᒡ ᑳ ᐃᑕᑾᑭ, ᐁᐗᑯ ᑫᔮᐸᒡ ᐋᔭᒥᐎᓐ ᐅᒋ ᑲᓇᐌᓕᒋᑳᑌᐗ ᑭᒋ ᐃᔅᒀᓯᑳᑌᑭ, ᐹᑎᒫ ᑎᐹᔅᑯᓂᑫᐎ ᑭᔑᑳᑫ, ᓀᔥᑕ ᓂᔑᐗᓈᑎᓯᑡᐌ ᑳ ᒪᒑᑎᓯᒋᒃ ᐃᓕᓕᐗᒃ᙮

ᓂᔥᑕᒻ ᒑᓐ 4:17

ᐅᒪ ᐁᑯ ᐁ ᐃᔑ ᒥᑐᓂᐎᐃᑳᑌᒃ ᑭ ᓵᑭᐃᐌᐎᓂᐗᐤ, ᑭᒋ ᐋᔮᔭᒃ ᑫᒋᓇᐅᐎᓐ ᑎᐹᔅᑯᓂᑫᐎ ᑭᔑᑳᑫ: ᐌᓴ ᐁ ᐃᔑ ᐋᔮᑦ, ᐁᑯ ᓀᔥᑕ ᐁ ᐃᔑ ᐋᔭᔭᒃ ᐅᑕ ᐊᔅᑭᒃ᙮

ᒎᑦ 1:6

ᐊᓂᑭ ᐁᓐᒐᓚᒃ ᓀᔥᑕ ᐁᑳ ᑳ ᑮ ᑲᓇᐌᓕᑕᑭᒃ ᐅ ᑎᐯᓕᒋᑫᐎᓂᐗᐤ, ᑳ ᑮ ᓇᑲᑕᑭᒃ ᒫᑲ ᑎᐱᓚᐌ ᐅ ᑕᔑᑫᐎᓂᐗᐤ, ᑲᓇᐌᓕᒥᑯᐗᒃ ᐁ ᒫᒫᒋᒀᐱᓱᒋᒃ ᑳᑭᑫ ᐱᐙᐱᔅᑴᐋᐱᐊ ᐃᑕ ᐁ ᐗᓂᑎᐱᔅᑳᓕᒃ ᐱᓕᔥ ᑎᐹᔅᑯᓂᑳᓂᐗᑫ ᑭᒋ ᑭᔑᑳᑫ᙮

ᒎᑦ 1:7

ᑖᐱᔅᑯᒡ ᓴᑕᒻ ᓀᔥᑕ ᑯᒪᕋ, ᓀᔥᑕ ᐊᓂᐃ ᐃᑖᐎᓇ ᐙᔅᑲ ᑖᐱᔅᑯᒡ ᐃᔑ, ᐁ ᐸᑭᑎᓂᑎᓱᒋᒃ ᐱᔑᒀᑎᓯᐎᓂᒃ, ᐁ ᓈᓇᑕᐌᓕᑕᑭᒃ ᐋᔭᒡ ᐎᔮᓯᓕᐤ, ᐸᑭᑎᓇᐗᒃ ᑭᒋ ᑭᔅᑭᓄᐙᐸᒫᑲᓂᐎᒋᒃ, ᐁ ᑎᐸᒪᒋᑖᒋᒃ ᑲᒀᑕᑭᓯᐎᓂᓕᐤ ᑳᑭᑫ ᐃᔥᑯᑌᒃ᙮