ᐅᐸᓓᑭᔅ ᓘᒃ 9:48 - ᐅᔅᑭ ᑎᔅᑌᒥᓐᑦ

⁴⁸ ᑮ ᐃᑌᐤ ᒫᑲ, ᐊᐌᓇ ᑫ ᐅᑎᓈᑴ ᐅᐅ ᐊᐙᔑᔕ ᓂᑦ ᐃᔑᓂᑳᓱᐎᓂᒃ, ᓂᓚ ᓂᑦ ᐅᑎᓂᒃ: ᐊᐌᓇ ᒫᑲ ᑫ ᐅᑎᓂᑴ, ᐅᑎᓀᐤ ᓀᔥᑕ ᐊᓂᐃ ᑳ ᐯᒋᑎᔕᐅᓕᒋ: ᐌᓴ ᐊᓇ ᑳ ᒪᐗᒋ ᐋᐱᔅᑌᓕᑖᑯᓯᑦ ᒥᓯᐌ ᐁ ᐃᑕᔑᔦᒃ, ᐁᐗᒀᓇ ᑫ ᑭᔅᑌᓕᑖᑯᓯᑦ᙮

ᐅᐸᓓᑭᔅ ᓘᒃ 9:48 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 18:10

ᔮᒀᒥᓰᒃ ᐁᑳ ᑭᒋ ᐋᑕᐌᓕᒣᒃ ᐯᔭᒃ ᐅᑯ ᑳ ᐋᐱᔅᑌᓕᑖᑯᓯᒋᒃ; ᐌᓴ ᑭᑦ ᐃᑎᓇᐗᐤ, ᑭᒋᑭᔑᑯᒃ ᐅᑦ ᐁᓐᒐᓕᒥᐙᐗ ᒧᔕᒃ ᑲᓇᐙᐸᒥᒣᓕᐗ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 18:14

ᐁᑯ ᑖᐱᔅᑯᒡ ᓀᔥᑕ ᓇᒪᐎᓚ ᓇᑕᐌᓕᑕᒻ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ, ᐯᔭᒃ ᐅᐅ ᑳ ᐋᐱᔅᑌᓕᑖᑯᓯᓕᒋ ᑭᒋ ᓂᔑᐗᓈᑎᓯᓕᒋ᙮

ᐅᐸᓓᑭᔅ ᒫᑎᐤ 19:28

ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓈᐗᐤ, ᑭᓚᐗᐤ ᑳ ᑮ ᓄᔅᐱᓇᔑᔦᒃ, ᐅᔥᑭ ᓂᑖᐎᑭᐎᓂᒃ ᐃᔅᐱ ᐃᓕᓕᐎᑯᓯᓵᓐ ᐊᐱᑌ ᐅ ᑭᔅᑌᓕᑖᑯᓯᐎᓂ ᐅᑭᒪᐗᐱᐄᓂᒃ, ᑭᓚᐗᐤ ᓀᔥᑕ ᑭ ᑳ ᑌᑕᐱᓇᐗᐤ ᓂᔓᔖᑉ ᐅᑭᒪᐗᐱᐄᓇ ᐁ ᑎᐹᔅᑯᓀᑾᒃ ᐊᓂᐃ ᓂᔓᔖᑉ ᐅ ᑕᑐᑌᐎᓯᒪ ᐃᔅᕃᐃᓪ᙮

ᐅᐸᓓᑭᔅ ᒫᑎᐤ 25:40

ᑭᒋᐅᑭᒪᐤ ᒫᑲ ᑲᑕ ᓇᔥᑴᐗᔑᐁᐤ, ᐁ ᐃᑖᑦ, ᑖᐺ ᑭᑦ ᐃᑎᓇᐗᐤ, ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᓂᒋᔖᓇᒃ, ᓂᓚ ᑭ ᑮ ᑐᑕᐎᓇᐗᐤ᙮

ᐅᐸᓓᑭᔅ ᒫᑎᐤ 25:45

ᐁᑯ ᑮ ᓇᔥᑴᐗᔑᐋᑦ, ᐁ ᐃᑗᑦ, ᐁᑳ ᐁ ᑮ ᐃᔑ ᑐᑕᐌᒃ ᐯᔭᒃ ᐅᑯ ᐁ ᒫᐗᒋ ᐋᐱᔅᑌᓕᑖᑯᓯᒋᒃ, ᓇᒪᐎᓚ ᓂᓚ ᑭ ᐅᒋ ᑐᑖᐎᓈᐗᐤ᙮

ᐅᐸᓓᑭᔅ ᒫᕐᒃ 9:37

ᐊᐌᓇ ᑫ ᐅᑎᓈᑴ ᐯᔭᒃ ᐅᐅ ᑐᐎ ᐊᐱᔅᑕᐙᔑᔕ ᓂᑦ ᐃᔑᓂᑳᓱᐎᓂᒃ ᓂᓚ ᓂᑦ ᐅᑎᓇᒃ: ᐊᐌᓇ ᒫᑲ ᑫ ᐅᑎᓂᑴ, ᓇᒪᐎᓚ ᓂᓚ ᓂᑦ ᐅᑎᓂᒃ, ᒫᑲ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᓘᒃ 10:16

ᐊᓇ ᑳ ᓇᑐᑖᑖᒃ ᓂᓚ ᓂ ᓇᑐᑖᒃ; ᐊᓇ ᓀᔥᑕ ᑳ ᐋᑕᐌᓕᒥᑖᒃ ᓂᓚ ᓂᑦ ᐋᑕᐌᓕᒥᒃ; ᐊᓇ ᒫᑲ ᑳ ᐋᑕᐌᓕᒥᑦ, ᐋᑕᐌᓕᒣᐤ ᐊᓂᐃ ᑳ ᐯᒋᑎᔕᐅᓕᒋ᙮

ᐅᐸᓓᑭᔅ ᓘᒃ 14:11

ᐌᓴ ᐊᐌᓇ ᑫ ᑭᔅᑌᓕᒥᑎᓱᑴ ᑲᑕ ᒪᒉᓕᒪᐤ᙮ ᐊᓇ ᒫᑲ ᑳ ᑕᐸᑌᓕᒥᑎᓱᑦ ᑲᑕ ᑭᔅᑌᓕᒪᐤ᙮

ᐅᐸᓓᑭᔅ ᓘᒃ 22:26

ᒫᑲ ᓇᒪᐎᓚ ᐅᒪ ᑭ ᑳ ᐃᔑ ᐋᔮᓇᐗᐤ: ᒫᑲ ᐊᓇ ᐁ ᐃᑕᔑᔦᒃ ᑳ ᒪᐗᒋ ᑭᔅᑎᓯᑦ, ᐁᑯᔑ ᑲᑕ ᐃᑎᐤ ᑖᐱᔅᑯᒡ ᐊᓇ ᑳ ᐅᔑᒥᒫᐎᑦ; ᐊᓇ ᓀᔥᑕ ᑳ ᓂᑳᓀᓕᑖᑯᓯᑦ, ᑖᐱᔅᑯᒡ ᐊᓇ ᑳ ᐱᒥᐃᐌᑦ᙮

ᐅᐸᓓᑭᔅ ᓘᒃ 22:30

ᑭᒋ ᒥᒋᓱᔦᒃ ᓀᔥᑕ ᑭᒋ ᒥᓂᑴᔦᒃ ᓂ ᒥᒋᓱᓈᑎᑯᒃ ᓂᑦ ᐅᑭᒫᐎᐎᓂᒃ, ᓀᔥᑕ ᐅᑭᒪᐗᐱᐎᓂᒃ ᑭᒋ ᐊᐱᔦᒃ, ᐁ ᑎᐹᔅᑯᓀᑾᒃ ᐊᓂᑭ ᐁ ᓂᔓᔖᐳᑌᐎᓯᑦ ᐃᔅᕃᐃᓪ᙮

ᐅᐸᓓᑭᔅ ᓘᒃ 7:28

ᐌᓴ ᑭᑦ ᐃᑎᓇᐗᐤ, ᒥᓯᐌ ᑕᑐ ᐊᐌᓇ ᐃᔅᑴᒃ ᑳ ᐅᒋ ᓂᑖᐎᑭᑦ, ᓇᒪᐎᓚ ᐅᒋ ᐯᔭᒃ ᐅᑭᔅᑭᐙᐃᑫᐤ ᐊᐙᓯᑌ ᐃᔅᐯᓕᑖᑯᓯᐤ ᐁᔅᐯᓕᑖᑯᓯᑦ ᒑᓐ ᐅᓯᑲᐋᑖᑫᐤ: ᒫᑲ ᐊᓇ ᑳ ᒪᐗᒋ ᐋᐱᔅᑌᓕᑖᑯᓯᑦ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᐊᐙᓯᑌ ᐃᔅᐯᓕᑖᑯᓯᐤ ᐃᔥᐱᔥ ᐎᓚ᙮

ᐅᐸᓓᑭᔅ ᒑᓐ 13:20

ᑖᐺ, ᑖᐺ, ᑭᑦ ᐃᑎᓇᐗᐤ, ᐊᓇ ᑳ ᐱᔑᒋᐋᑦ ᐊᐌᓕᐗ ᑫ ᐃᑎᔕᐅᒪᑭ, ᓂ ᐱᔑᒋᐃᒃ ᓂᓚ; ᐊᓇ ᓀᔥᑕ ᑳ ᐱᔑᒋᐃᑦ, ᐱᔑᒋᐁᐤ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 14:21

ᐊᓇ ᑳ ᐋᔭᑦ ᓂ ᑲᑫᔅᑴᐎᓇ, ᓀᔥᑕ ᑳ ᑲᓇᐎᑖᑦ ᐁᐗᒀᓇ ᑳ ᓴᑭᐃᑦ: ᐊᓇ ᓀᔥᑕ ᑳ ᓵᑭᐃᑦ ᑲᑕ ᓵᑭᐃᑯ ᓄᑖᐎᔭ, ᓀᔥᑕ ᓂᓚ ᓂ ᑳ ᓵᑭᐊᐤ, ᓂ ᑳ ᓄᑯᓰᔅᑕᐗᐤ ᒫᑲ᙮

ᓂᔥᑕᒻ ᑌᓴᓗᓂᔭᓇ 4:8

ᐁᐗᑯ ᐅᒋ ᐊᓇ ᑳ ᐋᑕᐌᓕᒋᑫᑦ, ᓇᒪᐎᓚ ᐋᑕᐌᓕᒣᐤ ᐃᓕᓕᐗ, ᒫᑲ ᑭᒋᒪᓂᑐᐗ ᑳ ᒥᓕᑕᒃ ᐊᓯᒋ ᐅ ᐸᓓᑭ ᐊᒑᑾ᙮

ᓂᔥᑕᒻ ᐱᑕᕐ 5:6

ᐁᐗᑯ ᐅᒋ ᑕᐸᑌᓕᑖᑯᐃᑎᓱᒃ ᐁ ᒫᑕᑯᔥᑳᑯᐌᒃ ᑭᒋᒪᓂᑐ ᐅᒋᒋ ᑳ ᓱᑳᑎᓯᒪᑲᓂᓕᒃ, ᐅᑎᒋᐸᓕᑫ ᒀᔭᔉ ᐁ ᑭᔑᑳᒃ ᑭᒋ ᐃᔅᐯᓕᑖᑯᐃᑖᒃ:

ᑭᔅᑫᓕᑖᑯᑖᑫᐎᓐ 21:14

ᐊᓂᒪ ᐃᑖᐎᓂ ᒣᓂᑲᓐ ᒫᑲ ᑮ ᐋᔮᒪᑲᓐ ᓂᔓᔖᑉ ᐅᓚᔅᑕᒋᑫᐎᓇ, ᐁᑯᑕ ᒫᑳ ᐁᑕᑾᓂᓕᑭ ᐅᑦ ᐃᔑᓂᑳᓱᐎᓂᐙᐗ ᓂᔓᔖᑉ ᐅᑦ ᐊᐸᔅᑕᓕᒪ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 3:21

ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᐎᑕᐱᒥᑦ ᓂᑦ ᐅᑭᒪᐗᐱᐎᓂᒃ, ᑖᐱᔅᑯᒡ ᓂᓚ ᓀᔥᑕ ᐁ ᑮ ᔖᑯᒋᐃᐌᔮᓐ, ᓀᔥᑕ ᐁ ᐎᑕᐱᒪᒃ ᓄᑖᐎ ᐅᑦ ᐅᑭᒪᐗᐱᐎᓂᒃ᙮