30 ᒫᑎᑲ, ᒫᑲ, ᑮ ᐎᒋᐋᔭᒥᒥᑯ ᓂᔓ ᐃᓕᓕᐗ, ᐁᐗᒀᓂᑭ ᒧᓯᔅ ᓀᔥᑕ ᐃᓛᐃᒐ;
ᑲᑕ ᓂᑳᓄᑕᐌᐤ ᒫᑲ ᐃᓛᐃᒐᐗ ᐅᑦ ᐊᒑᑯᓕᒃ ᓀᔥᑕ ᐅ ᑲᔥᑭᐅᐎᓂᓕᒃ, ᑭᒋ ᑴᔅᑭᓇᒸᑦ ᐅᑖᐎᒫᐗ ᐅᑌᐃᓕᐗ ᐊᐙᔑᔕ ᐃᔑ, ᓀᔥᑕ ᐊᓂᐃ ᑳ ᔑᐱᑕᒥᓕᒋ ᑭᒋ ᑲᑫᑕᐌᓕᑕᒥᓕᒋ ᑖᐱᔅᑯᒡ ᑳ ᒀᔭᔅᑭᑎᓕᒋ; ᑭᒋ ᐋᔦᔅᑲᐎᑕᒪᐙᑦ ᐃᓕᓕᐗ ᑳ ᐙᐌᔑᑕᒫᑦ ᐅᑎᐯᓕᒋᑫᐗ᙮
ᐁ ᑭᑐᐌᑦ ᒫᑲ ᒧᓯᔅ ᐅᒋ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑮ ᑭᔅᑫᓕᑕᒥᐁᐤ ᒥᓯᐌ ᑭᒋ ᒪᓯᓇᐃᑫᐎᓂᒃ ᐊᓂᐃ ᑫᒀᓇ ᑳ ᐃᔑ ᐃᑖᒋᒫᑲᓂᐎᑦ᙮
ᑮ ᐃᑌᐤ ᒫᑲ, ᐅᐅ ᐁᐗᒀᓂᐃ ᐋᔭᒥᐎᓇ ᑳ ᐃᑎᑖᑾᒃ ᒣᒀᒡ ᑫᔮᐸᒡ ᐁ ᐎᒉᐎᑕᑾᒃ, ᒥᓯᐌ ᑫᒀᓇ ᑭᒋ ᑎᐱᐸᓕᑭ ᑳ ᒪᓯᓇᐃᑳᑌᑭ ᒧᓯᔅ ᐅᑦ ᐅᓚᔓᐌᐎᓂᒃ, ᓀᔥᑕ ᐅᑭᔅᑭᐙᐃᑫᐗᐤ ᐅ ᒪᓯᓇᐃᑲᓂᐗᒃ, ᓀᔥᑕ ᓂᑲᒧᐎᓂ ᒪᓯᓇᐃᑲᓂᒃ ᓂᓚ ᐁ ᐋᔨᑖᒋᒥᑲᐎᔮᓐ᙮
ᐎᓚᐗᐤ ᐁ ᓇᔥᑴᐗᔑᐋᒋᒃ, ᑮ ᐃᑗᐗᒃ, ᒑᓐ ᐅᓯᑲᐋᑖᑫᐤ: ᒫᑲ ᐋᑎᑦ ᐃᓛᐃᒐ: ᑯᑕᑭᔭᒃ ᒫᑲ ᐃᑗᐗᒃ, ᐯᔭᒃ ᐁ ᐃᑌᓯᒋᒃ ᐌᔅᑲᒡ ᐅᑭᔅᑭᐙᐃᑫᐗᒃ ᒥᓇ ᑮ ᐗᓂᔥᑲᐤ᙮
ᒣᒀᒡ ᒫᑲ ᐁ ᐋᔭᒥᐋᑦ, ᐅᑖᔅᑕᒥᒃ ᐁ ᐃᔑᓈᑾᓂᓕᒃ ᑮ ᐋᒋᓈᑯᑖᓂᐗᓂᓕᐤ, ᐅ ᐎᓛᒋᑲᓇ ᒫᑲ ᑮ ᐙᐹᓕᐗ ᓀᔥᑕ ᑮ ᐙᓯᑾᔅᑌᓕᐗ᙮
ᑳ ᓄᑯᓯᒋᒃ ᒪᓂᑐᐙᔅᑌᐎᓂᒃ, ᓀᔥᑕ ᑳ ᐋᓕᒧᑕᒸᒋᒃ ᐅ ᓂᐱᐎᓂᓕᐤ, ᑫ ᐃᔑ ᓂᐱᓕᒋ ᒋᕉᓴᓚᒥᒃ᙮
ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮
