ᐅᐸᓓᑭᔅ ᓘᒃ 9:26 - ᐅᔅᑭ ᑎᔅᑌᒥᓐᑦ

²⁶ ᐌᓴ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐁᐗᒀᓂᐃ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᑎᐱᓚᐌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᐅᑖᐎᔭ, ᓀᔥᑕ ᐊᓂᐃ ᑳ ᐸᓓᑭᓯᓕᒋ ᐁᓐᒐᓚ᙮

ᐅᐸᓓᑭᔅ ᓘᒃ 9:26 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:27

ᐌᓴ ᐃᓕᓕᐎᑯᓯᓵᓐ ᑲᑕ ᐯᒋ ᐃᑐᑌᐤ ᐅᑖᐎᔭ ᐅ ᑭᔅᑌᓕᑖᑯᓯᐎᓂᓕᒃ, ᐊᓯᒋ ᐅᑦ ᐁᓐᒐᓕᒪ; ᐁᑯ ᒫᑳ ᑫ ᑎᐸᐊᒪᐙᑦ ᒥᓯᐌ ᑕᑐ ᐃᓕᓕᐗ ᒬᒋ ᑳ ᑮ ᐊᑑᔅᑫᓕᒋ᙮

ᐅᐸᓓᑭᔅ ᒫᑎᐤ 25:31

ᐃᔅᐱ ᐃᓕᓕᐎᑯᓯᓵᓐ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᒃ, ᓀᔥᑕ ᒥᓯᐌ ᐸᓓᑭ ᐁᓐᒐᓚᒃ ᐊᓯᒋ, ᐁᑯ ᑫ ᐊᐱᑦ ᐅ ᑭᔅᑌᓕᑖᑯᓯᐎ ᐅᑭᒪᐗᐱᐎᓂᒃ:

ᐅᐸᓓᑭᔅ ᒫᑎᐤ 26:64

ᒋᓴᔅ ᐃᑌᐤ, ᑭ ᑮ ᐃᑣᓐ: ᐁᓕᐌᒃ ᒫᑲ ᑭᑦ ᐃᑌᓇᐗᐤ, ᐹᑎᒫ ᑭ ᑳ ᐙᐸᒪᐤ ᐃᓕᓕᐎᑯᓯᓵᓐ ᐁ ᐊᐱᑦ ᑭᒋᓂᔅᑮᒃ ᑲᔥᑭᐅᐎᓂᒃ, ᓀᔥᑕ ᐁ ᐯᒋ ᐃᑐᑌᑦ ᑭᒋᑭᔑᑳᐎ ᐗᔅᑯᒃ᙮

ᐅᐸᓓᑭᔅ ᒫᕐᒃ 8:38

ᐁᐗᑯ ᐅᒋ ᐊᐌᓇ ᑫ ᓇᓀᐯᐎᓯᑴ ᓂᓚ ᐅᒋ ᓀᔥᑕ ᓂᑦ ᐋᔭᒥᐎᓇ ᐅᒋ, ᐊᓄᒡ ᒣᒀᒡ ᐁ ᐱᔑᒀᑎᓱᐎ ᓀᔥᑕ ᒪᒋᑡᐎ ᐱᒫᑎᓯᓈᓂᐗᒃ, ᐁᐗᑾᓂᐃ ᓀᔥᑕ ᐃᓕᓕᐎᑯᓯᓵᓐ ᑫ ᐅᒋ ᓇᓀᐯᐎᓰᑦ, ᐃᔅᐱ ᐯᒋ ᐃᑐᑌᑌ ᐅ ᑭᔅᑌᓕᑖᑯᓯᐎᓂᓕᒃ ᐅᑖᐎᔭ, ᐊᓯᒋ ᐸᓓᑭ ᐁᓐᒐᓚᒃ᙮

ᐅᐸᓓᑭᔅ ᒑᓐ 12:43

ᐌᓴ ᐊᐙᓯᑌ ᑮ ᓵᑭᑖᐗᒃ ᑭᒋ ᒫᒥᒋᒥᑯᒋᒃ ᐃᓕᓕᐗ, ᐃᔥᐱᔥ ᑭᒋ ᒫᒥᒋᒥᑯᒋᒃ ᑭᒋᒪᓂᑐᐗ᙮

ᐅᐸᓓᑭᔅ ᒑᓐ 5:44

ᑖᓐᑌ ᑫ ᑮ ᐅᒋ ᑖᐺᑕᒣᒃ, ᑭᓚᐗᐤ ᑳ ᑭᔅᑌᓕᑖᑯᐃᑐᔦᒃ, ᓀᔥᑕ ᐁᑳ ᑳ ᓈᓇᑕᐙᐸᑕᒣᒃ ᐊᓂᒪ ᑭᔅᑌᓕᑖᑯᓯᐎᓐ ᑭᒋᒪᓂᑐᒃ ᐱᑯ ᑳ ᐅᒋᒪᑲᒃ?

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:16

ᐌᓴ ᓇᒪᐎᓚ ᓂ ᓇᓀᐯᐎᓰᔅᑕᒸᓐ ᐅ ᒥᓗᐋᒋᒧᐎᓐ ᙭: ᐌᓴ ᐁᐗᑯ ᐅ ᑲᔥᑭᐅᐎᓐ ᑭᒋᒪᓂᑐ ᐁ ᐱᒫᒋᐃᑯᒋᒃ ᒥᓯᐌ ᐊᓂᑭ ᑳ ᑖᐺᑕᑭᒃ; ᓃᔥᑕᒻ ᐊᓇ ᑳ ᒎᐎᑦ, ᐊᓯᒋ ᓀᔥᑕ ᐊᓇ ᑳ ᒃᕆᑭᐎᑦ᙮

ᓂᔓ ᑯᕆᓐᑎᐊᓇ 12:10

ᐁᐗᑯ ᐌᒋ ᒥᓜᓕᑕᒫᓐ ᓕᓚᒥᓯᐎᓂᒃ, ᑭᑐᑎᑯᓯᐎᓂᒃ, ᐙᐙᓀᓕᑕᒧᐎᓂᒃ, ᑲᒀᑕᑭᐃᑯᓯᐎᓂᒃ, ᐊᓕᒥᐃᑯᓯᐎᓂᒃ ᙭ ᐅᒋ: ᐌᓴ ᐃᔅᐱ ᓕᓚᒥᓯᔮᓐ, ᐁᑯ ᒣᔥᑲᐎᓯᔮᓐ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᓂᔥᑕᒻ ᑎᒧᑎ 5:21

ᑭ ᔮᒀᒥᒥᑎᓐ ᐅᑎᔥᑲᐤ ᑭᒋᒪᓂᑐ, ᓀᔥᑕ ᐅᑎᐯᓕᒋᑫᐤ ᒋᓴᔅ ᙭, ᓀᔥᑕ ᑳ ᐙᐌᓛᐸ ᒫᑲᓂᐎᒋᒃ ᐁᓐᒐᓚᒃ, ᑭᒋ ᓈᑲᑕᐌᓕᑕᒪᓐ ᐅᐅ, ᐁᑳ ᐊᐙᓯᑌ ᐁ ᑭᔅᑌᓕᒪᑦ ᐯᔭᒃ ᐊᐌᓇ ᐃᔥᐱᔥ ᑯᑕᒃ, ᐁᑳ ᑫᒀᓐ ᐁ ᑐᑕᒪᓐ ᐁᑳ ᐁ ᐃᔑ ᒀᔭᔉ ᑎᐹᔅᑯᓀᓕᒋᑳᑌᒃ᙮

ᓂᔓ ᑎᒧᑎ 1:12

ᐁᐗᑯ ᑳ ᐅᒋ ᐎᓴᑫᓕᑕᒫᓐ ᐅᐅ ᑫᒀᓇ: ᐁᓕᐌᒃ ᒫᑲ, ᓇᒪᐎᓚ ᓂ ᓇᓀᐯᐎᓰᓐ, ᐌᓴ ᓂ ᑭᔅᑫᓕᒪᐤ ᐊᓇ ᑳ ᑮ ᑖᐺᔦᓕᒪᒃ, ᓀᔥᑕ ᓂ ᑫᒋᓇᐅᓐ ᐁ ᑲᔥᑭᑖᑦ ᑭᒋ ᑲᓇᐌᓕᑕᒃ ᐊᓂᒪ ᑳ ᑮ ᐸᑭᑎᓇᒪᐗᒃ ᐱᓕᔥ ᐁᐗᑯ ᐁ ᑭᔑᑳᒃ᙮

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᐦᐃᑉᕉᐗ 11:26

ᐅ ᒫᓓᓕᒥᑯᓯᐎᓐ ᙭ ᐁ ᐃᑌᓕᑕᒃ ᐊᐙᓯᑌ ᐁ ᒥᔕᑭᓯᐎᓂᐗᓂᓕᒃ ᐃᔥᐱᔥ ᐊᓂᐃ ᐌᓗᑎᓯᐎᓇ ᑳ ᐃᑕᑾᓂᓕᑭ ᐃᒋᑉᑎᒃ: ᐌᓴ ᑮ ᒫᒥᑐᓀᓕᑕᒻ ᐁ ᐃᔑᓈᑾᓂᓕᒃ ᑎᐸᐊᒫᑯᓯᐎᓂᓕᐤ᙮

ᐦᐃᑉᕉᐗ 13:13

ᐁᐗᑯ ᐅᒋ ᐁᑯᔑ ᐗᓚᐎᑎᒥᒃ ᑲᐯᔑᐎᓂᒃ ᓇᑕᐎ ᓈᑖᑕᐤ, ᐁ ᓇᔭᑕᒶᒃ ᐅ ᓇᓀᐯᐎᐃᑯᓯᐎᓐ᙮

ᒎᑦ 1:14

ᐃᓇᒃ ᒫᑲ ᓀᔥᑕ, ᐊᓇ ᓂᑯᑣᔅ ᑳ ᐋᓂᔅᑫ ᐅᒌᑦ ᐋᑕᒥᒃ, ᑮ ᑭᔅᑭᐙᐃᑫᐎ ᐋᓕᒧᒣᐤ ᐅᐅ, ᐁ ᐃᑗᑦ, ᒫᑎᑲ, ᐅᑎᐯᓕᒋᑫᐤ ᐯᒋ ᐃᑐᑌᐤ ᐁ ᐎᒉᐙᑦ ᒥᑖᑡᐤ ᑭᒋᒥᑖᑐᒥᑕᓇᐤ ᐅ ᐸᓓᑭᓯᒪ,

ᑭᔅᑫᓕᑖᑯᑖᑫᐎᓐ 1:7

ᒫᑎᑲ, ᐯᒋ ᐃᑐᑌᐤ ᐗᔅᑯᒃ; ᓀᔥᑕ ᑲᑕ ᐙᐸᒥᑯ ᒥᓯᐌ ᒥᔅᑭᔑᑾ, ᐊᓂᐃ ᓀᔥᑕ ᑳ ᑮ ᑕᑲᒥᑯᑦ: ᓀᔥᑕ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ ᑲᑕ ᒫᑐᐗᒃ ᐎᓚ ᐅᒋ᙮ ᐁᑯ ᑫ ᐃᑭᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 20:11

ᓂ ᑮ ᐙᐸᑌᓐ ᒫᑲ ᑭᒋ ᐙᐱᔅᑭ ᐅᑭᒪᐗᐱᐎᓐ, ᐊᓇ ᓀᔥᑕ ᑳ ᑌᑕᐱᑦ, ᐊᓇ ᐁ ᑲᓇᐙᐸᑕᒃ ᐊᔅᑭ ᓀᔥᑕ ᑭᔑᒃ ᑮ ᐅᔑᒧᒪᑲᓋ; ᓇᒪ ᒫᑲ ᑮ ᒥᔅᑭᑳᑌᐤ ᐃᑕ ᑫ ᐃᑕᑾᑭ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 3:5

ᐊᓇ ᑳ ᔖᑯᒋᐃᐌᑦ, ᐁᐗᒀᓇ ᑫ ᐙᐱᐅᑦ: ᓇᒪᐎᓚ ᒫᑲ ᓂ ᑳ ᑳᓯᐊᒸᓐ ᐅᑦ ᐃᔑᓂᑳᓱᐎᓐ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᒫᑲ ᓂ ᑳ ᐎᑕᒸᓐ ᐅᑦ ᐃᔑᓂᑳᓱᐎᓐ ᐅᑎᔥᑲᐤ ᓄᑖᐎ, ᓀᔥᑕ ᐅᑎᔥᑲᐤ ᐅᑦ ᐁᓐᒐᓕᒪ᙮