ᐅᐸᓓᑭᔅ ᓘᒃ 8:28 - ᐅᔅᑭ ᑎᔅᑌᒥᓐᑦ

²⁸ ᐃᔅᐱ ᒫᑲ ᐎᐋᐸᒫᑦ ᒋᓴᓴ, ᑮ ᑌᐌᐤ, ᓀᔥᑕ ᐸᑭᔑᓃᔅᑕᐌᐤ, ᓀᔥᑕ ᐁ ᑭᔗᐌᑦ, ᑮ ᐃᑗᐤ, ᑖᓂ ᑭᓚ ᑫ ᐃᑖᐸᒋᐃᑖᓐ, ᒋᓴᔅ, ᐌᑯᓯᓯᒥᔉ ᑭᒋᒪᓂᑐ ᒥᔭᐗᒋ ᐃᔅᐯᓕᑖᑯᓯᑦ? ᑭ ᐸᑯᓭᓕᒥᑎᓐ ᐁᑳ ᑭᒋ ᑲᑾᑕᑭᐃᔭᓐ᙮

ᐅᐸᓓᑭᔅ ᓘᒃ 8:28 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 8:29

ᒫᑎᑲ, ᒫᑲ, ᑮ ᑌᐺᓕᐗ, ᐁ ᐃᑎᑯᑦ, ᑫᒀᓐ ᑫ ᑐᑖᑖᒃ, ᒋᓴᔅ, ᑭᒋᒪᓂᑐ ᐌᑯᓯᓯᒥᔉ? ᑭ ᑮ ᐯᒋ ᐃᑐᑖᓐ ᓈ ᑭᒋ ᑲᒀᑕᑭᐃᔮᒃ ᐸᒧᔑ ᐅᑎᒋᐸᓕᒃ?

ᐅᐸᓓᑭᔅ ᓘᒃ 8:27

ᐃᔅᐱ ᒫᑲ ᑫᐹᑦ, ᑮ ᓇᑭᔥᑳᑯ ᐃᑖᐎᓂᒃ ᐅᒋ ᐯᔭᒃ ᐃᓕᓕᐗ, ᑭᓉᔥ ᑳ ᑮ ᐋᔭᐙᓕᒋ ᒪᒋ ᐊᒑᑾ, ᓀᔥᑕ ᐁᑳ ᐁ ᑭᑭᔥᑲᒥᓕᒋ ᐎᓛᒋᑲᓇ, ᐁᑳ ᓀᔥᑕ ᐁ ᑕᔑᑫᓕᒋ ᐙᔅᑳᔨᑲᓂᒃ, ᒫᑲ ᑭᐹᔨᑲᒥᑯᔅᑳᒃ᙮

ᐅᐸᓓᑭᔅ ᓘᒃ 8:29

(ᐌᓴ ᑮ ᐃᑕᔓᐙᑌᐤ ᐎᓕᐱ ᐊᒑᑾ ᐊᓂᐃ ᐃᓕᓕᐗ ᑭᒋ ᐅᒋ ᐗᓚᐎᓕᒋ᙮ ᐌᓴ ᒥᒉᑡᐤ ᑮ ᒫᑯᓂᑯ: ᑮ ᒫᒫᒋᑯᐱᑕᐤ ᒫᑲ ᐱᐙᐱᔅᑴᐋᐱᔭ, ᓀᔥᑕ ᒫᒫᒋᒀᐱᔅᑲᐃᑲᓇ ᐅᒋ; ᑮ ᐱᑯᐱᑕᒻ ᒫᑲ ᒫᑯᐱᒋᑲᓇ ᓀᔥᑕ ᑮ ᐃᔑᑎᔕᐅᑯ ᒪᒋ ᐊᒑᑾ ᐸᑾᑕᔅᑲᒥᑳᒃ᙮)

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:19

ᑭ ᑖᐺᑌᓐ ᐁ ᐃᑖᑦ ᐯᔭᒃ ᑭᒋᒪᓂᑐ; ᒀᔭᔉ ᑭ ᑐᑌᓐ: ᒪᒋᐊᒑᑾᒃ ᓀᔥᑕ ᑕᐺᑕᒶᒃ, ᓇᓇᒥᐸᓕᐗᒃ ᒫᑲ᙮

ᓂᔓ ᐱᑕᕐ 2:4

ᐌᓴ ᑮᔥᐱᓐ ᑭᒋᒪᓂᑐ ᐁᑳ ᒣᓈᒋᐋᑦ ᐊᓂᐃ ᐁᓐᒐᓚ, ᒫᑲ ᒪᒋ ᐃᔥᑯᑌᐤ ᐁ ᑮ ᐃᔑ ᓂᒋᐌᐃᓈᑦ, ᓀᔥᑕ ᐁ ᑮ ᐸᑭᑎᓈᑦ ᑭᒋ ᒫᒫᒋᒀᐱᓱᓕᑭ ᐃᑕ ᐁ ᐗᓂᑎᔅᑳᓕᒃ, ᐁᑯᑕ ᑭᒋ ᐃᑖᓕᒋ ᑭᒋ ᑎᐹᔅᑯᓈᑲᓂᐎᓕᒋ;

ᓂᔥᑕᒻ ᒑᓐ 3:8

ᐊᓇ ᑳ ᒪᒋᑐᑕᒃ ᒪᒋᒪᓂᑐᒃ ᐅᒋᐤ; ᐌᓴ ᒪᒋᒪᓂᑐ ᓃᔥᑕᒻ ᐅᒋ ᑮ ᐯᒋ ᒪᒋᑐᑕᒻ᙮ ᐁᐗᑯ ᐌᒋ ᑮ ᓄᑯᐋᑲᓂᐎᓕᒋ ᑭᒋᒪᓂᑐ ᐅᑯᓯᓴ, ᑭᒋ ᓂᔑᐗᓈᒋᑕᐙᓕᒋ ᒪᒋᒪᓂᑐᐗ ᐅᑦ ᐊᑑᔅᑫᐎᓂᓕᐗ᙮

ᑭᔅᑫᓕᑖᑯᑖᑫᐎᓐ 20:10

ᒪᒋᒪᓂᑐ ᒫᑲ ᑳ ᑮ ᐙᔦᔑᐋᑦ ᐃᔥᑯᑌᐎ ᓀᔥᑕ ᐅᓵᐙᐱᔅᑯᓯᓂ ᓵᑲᐃᑲᓂᒃ ᑮ ᐃᔑ ᐌᐱᓇᐤ, ᐁᑯᑕ ᐁ ᐃᑖᒋᒃ ᐊᓇ ᐊᐌᓯᔅ ᓀᔥᑕ ᐊᓇ ᓇᔅᐹᒡ ᐅᑭᔅᑭᐙᐃᑫᐤ, ᓀᔥᑕ ᑲᑕ ᑲᒀᑕᑭᐊᐤ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᑳᑭᑫ ᓀᔥᑕ ᑳᑭᑫ᙮