ᐅᐸᓓᑭᔅ ᓘᒃ 8:13 - ᐅᔅᑭ ᑎᔅᑌᒥᓐᑦ

¹³ ᐊᓂᑭ ᐊᓯᓃᔅᑳᒃ ᐁᐗᒀᓂᑭ ᐃᔅᐱ ᐱᐁᑕᑾᑭ, ᐅᑎᓇᒶᒃ ᐋᔭᒥᐎᓂᓕᐤ ᐁ ᒥᓚᐙᑕᑭᒃ; ᐅᑯ ᒫᑲ ᓇᒪᐎᓚ ᐗᑕᐱᐎᐗᒃ, ᐎᓕᐱᔉ ᐱᑯ ᑳ ᑖᐺᑕᑭᒃ, ᐃᔅᐱ ᒫᑲ ᑲᑴᒋᐃᐌᐎᓐ ᐌᑎᒋᐸᓕᑭ ᐳᓂᑕᐗᒃ᙮

ᐅᐸᓓᑭᔅ ᓘᒃ 8:13 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 6:20

ᐌᓴ ᐦᐁᕋᑦ ᑮ ᑯᔅᑌᐤ ᒑᓇ, ᐁ ᑭᔅᑫᓕᒫᑦ ᐁ ᒀᔭᔅᑭᑎᓕᒋ, ᓀᔥᑕ ᐁ ᐸᓓᑭᓯᓕᒋ ᐃᓕᓕᐗ, ᓀᔥᑕ ᑮ ᓈᑲᑕᐌᓕᒣᐤ; ᐃᔅᐱ ᒫᑲ ᑳ ᐯᑕᐙᑦ, ᒥᒉᑦ ᑫᒀᓇ ᑮ ᑐᑕᒻ, ᓀᔥᑕ ᓯᑭᓓᓯᐤ ᐁ ᐯᑕᐙᑦ᙮

ᐅᐸᓓᑭᔅ ᓘᒃ 8:12

ᐊᓂᑭ ᐅᐱᒣ ᒣᔅᑲᓈᒃ ᐁᐗᒀᓂᑭ ᑳ ᐯᑕᑭᒃ: ᐁᑯ ᐱᐁᒋ ᒪᔅᑲᒥᑯᒋᒃ ᒪᒋᒪᓂᑐᐗ ᐋᔭᒥᐎᓂᓕᐤ ᐅᑌᐃᐙᒃ ᐅᒋ, ᐁᑳ ᑭᒋ ᑖᐺᑕᑭᒃ ᓀᔥᑕ ᑭᒋ ᐱᒫᒋᐋᑲᓂᐎᒋᒃ᙮

ᐅᐸᓓᑭᔅ ᓘᒃ 8:14

ᐊᓂᒪ ᒫᑲ ᒥᔑᑳᐎᒥᓇᑯᓰᔅᑳᒃ ᑳ ᐸᑭᑎᒃ, ᐁᐗᒀᓂᑭ, ᐃᔅᐱ ᐱᐁᑕᑭᒃ, ᑭᑐᑌᐗᒃ, ᑭᐱᔥᑳᑯᐗᒃ ᒫᑲ ᐱᑴᓕᑕᒧᐎᓇ ᓀᔥᑕ ᒥᔕᑭᓯᐎᓇ ᓀᔥᑕ ᓇᐃᓚᐌᐃᑯᓯᐎᓇ ᐅᒪ ᐱᒫᑎᓯᐎᓂᒃ ᑳ ᐃᑕᑾᑭ, ᓇᒪᐎᓚ ᒫᑲ ᒥᑐᓂ ᑭᔑᒥᓂᔑᐎᐗᒃ᙮

ᐅᐸᓓᑭᔅ ᒑᓐ 15:2

ᒥᓯᐌ ᑕᑐ ᐗᑎᑾᓐ ᑳ ᐱᒋᔅᑳᑯᔮᓐ ᐁᑳ ᑳ ᓂᑖᐎᑭᑖᒪᑲᒃ ᒥᓂᔕ ᐃᑲᑌᓇᒻ; ᓀᔥᑕ ᒥᓯᐌ ᑕᑐ ᐗᑎᑾᓐ ᑳ ᓂᑖᐎᑭᑖᒪᑲᒃ ᒥᓂᔕ, ᐹᔦᑭᑖᐤ, ᐊᐙᓯᑌ ᑭᒋ ᒥᓂᔑᐗᓂᓕᒃ᙮

ᐅᐸᓓᑭᔅ ᒑᓐ 15:6

ᑮᔥᐱᓐ ᐊᐌᓇ ᐁᑳ ᐱᒋᔅᑲᐎᑌ, ᐌᐱᓈᑲᓂᐎᐤ ᑖᐱᔅᑯᒡ ᐗᑎᑾᓐ, ᓂᐱᐤ ᒫᑲ; ᐁᑯ ᐃᓕᓕᐗᒃ ᒥᔭᐗᒋᑖᒋᒃ, ᓀᔥᑕ ᒣᒎᔅᑌᐌᐱᓇᑭᒃ, ᐃᔥᒀᑌᐗ ᒫᑲ᙮

ᐅᐸᓓᑭᔅ ᒑᓐ 5:35

ᐎᓚ ᑮ ᐙᔅᑌᐎᓂᐎᐤ ᐁ ᓴᔅᑭᓱᑦ ᓀᔥᑕ ᐁ ᐙᓯᓱᑦ: ᓀᔥᑕ ᑭ ᑮ ᓵᐯᓕᑌᓇᐗᐤ ᐎᓕᐱᔉ ᑭᒋ ᒥᓚᐙᑕᒣᒃ ᐅ ᐙᔅᑌᐎᓂᒃ᙮

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮

ᓂᔥᑕᒻ ᑯᕆᓐᑎᐊᓇ 15:2

ᐊᓂᒪ ᓀᔥᑕ ᑳ ᐅᒋ ᐱᒫᒋᐃᑳᐎᔦᒃ, ᑮᔥᐱᓐ ᒥᒋᒥᓇᒣᑴ ᑮ ᐎᑕᒫᑕᑾᒃ, ᐁᑳᐎᓚ ᐸᑾᓐᑕᐤ ᑳ ᑖᐺᑕᒧᐌᑴ᙮

ᑲᓓᔕᐊᓇ 3:1

ᐅ ᑫᑫᐹᑎᓯᔦᒃ ᑲᓓᔕᐊᓂᑐᒃ, ᐊᐌᓇ ᑳ ᑮ ᑲᑫᐹᒋᐃᑖᒃ, ᐁᑳ ᑭᒋ ᓇᓇᐃᑕᒣᒃ ᑖᐺᐎᓐ, ᒧᔑᔐ ᑭᔥᑭᔑᑯᐙᒃ ᒋᓴᔅ ᙭ ᐁ ᑮ ᐙᐸᑎᓕᑲᐎᔦᒃ, ᐁ ᑮ ᒋᔅᑖᔅᑾᐙᑲᓂᐎᑦ ᐃᑕ ᐁ ᐃᑖᔦᒃ?

ᑲᓓᔕᐊᓇ 3:4

ᔐᔥᒀᑦ ᓈ ᐁᔅᐱᒋ ᒥᔅᑕᐃ ᑭ ᑮ ᐎᓴᑫᓕᑌᓇᐗᐤ? ᑮᔥᐱᓐ ᐅᑎ ᔐᔥᒀᑦ?

ᐃᐱᓯᔭᓇ 3:17

᙭ ᑭᒋ ᐎᑭᑦ ᑭᑌᐃᐙᒃ ᑖᐺᔦᓕᑕᒧᐎᓐ ᐅᒋ; ᑭᓚᐗᐤ ᐁ ᒪᔥᑲᐎ ᑳᐸᐎᐃᑲᐎᔦᒃ ᓀᔥᑕ ᐊᓕᒋᐃᑲᐎᔦᒃ ᓵᑭᐃᐌᐎᓂᒃ,

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 2:7

ᐎᓚ ᐃᔑ ᐁ ᐅᒉᐱᑭᐎᔦᒃ ᓀᔥᑕ ᐁ ᐋᔨᒋᑳᐸᐎᔦᒃ, ᐁ ᒪᔥᑳᐎᑳᐸᐎᔦᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᑳ ᑮ ᐃᔑ ᑭᔅᑭᓄᐊᒫᑲᐎᔦᒃ, ᐁᑯᑕ ᐁ ᒥᔕᑭᓯᔦᒃ ᐁ ᓇᓈᔅᑯᒧᔦᒃ ᓀᔥᑕ᙮

ᓂᔥᑕᒻ ᑌᓴᓗᓂᔭᓇ 3:5

ᐌᐗᑯ ᐅᒋ, ᐃᔅᐱ ᐁᑳ ᑫᔮᐸᒡ ᐁ ᑮ ᑭᐱᒋᔮᓐ, ᓂ ᑮ ᐃᔑᑎᔕᐅᐙᓐ ᑭᒋ ᑭᔅᑫᓕᑕᒫᓐ ᑭ ᑖᐺᔦᓕᑕᒧᐎᓂᐗᐤ, ᒫᔅᑯᒡ ᓈᓐᑕᐤ ᐃᔑ ᑳ ᑲᑴᒋᐃᑖᑴ ᐅᑲᑴᒋᐃᐌᐤ, ᓀᔥᑕ ᐸᑾᓐᑕᐤ ᑭᒋ ᐊᑑᔅᑫᔮᒃ᙮

ᓂᔥᑕᒻ ᑎᒧᑎ 1:19

ᐁ ᒥᒋᒥᓇᒪᓐ ᑖᐺᔦᓕᑕᒧᐎᓐ ᓀᔥᑕ ᒥᓗ ᒥᑐᓀᓕᒋᑲᓐ; ᐁᐗᒀᓂ ᐋᑎᑦ ᐁ ᑮ ᐃᑲᑌᔅᑖᒋᒃ, ᑖᐺᔦᓕᑕᒧᐎᓐ ᐅᒋ ᑭ ᐱᑯᓈᐱᒀᓀᔑᓋᒃ:

ᐦᐃᑉᕉᐗ 10:39

ᒫᑲ ᑭᓚᓈᓇᐤ ᓇᒪᐎᓚ ᑭᑦ ᐅ ᐎᒉᐙᑲᓂᓇᐤ ᐊᓂᑭ ᓂᔑᐗᓈᑎᓯᐎᓂᒃ ᑳ ᐃᔑ ᐊᔐᑳᐸᐎᒋᒃ, ᒫᑲ ᐊᓂᑭ ᑳ ᑖᐺᔦᓕᑕᑭᒃ ᑭᒋ ᐅᒋ ᐱᒫᒋᐋᒋᒃ ᐅᑦ ᐊᒑᑯᐗᐗ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:26

ᐌᓴ ᑖᐱᔅᑯᒡ ᒥᔭᐤ ᐁᑳ ᐁ ᐊᓯᒋᐸᓕᒃ ᐊᒑᒃ ᓂᐱᒫᑲᓐ, ᐁᑯ ᑖᐱᔅᑯᒡ ᑖᐺᔦᓕᑕᒧᐎᓐ ᐁᑳ ᐁ ᐊᓯᒋᐸᓕᒃ ᐊᑑᔅᑫᐎᓇ ᓂᐱᒫᑲᓐ ᓀᔥᑕ᙮

ᓂᔓ ᐱᑕᕐ 2:20

ᐌᓴ ᑮᔥᐱᓐ, ᐃᔅᐱ ᑮ ᐅᔑᑕᑭᒃ ᐎᓕᐱᓯᐎᓇ ᐊᔅᑮᒃ ᑳ ᐃᑕᑾᓂᓕᑭ, ᐁ ᐃᔑ ᑭᔅᑫᓕᒫᒋᒃ ᑭ ᑎᐯᓕᒋᑫᒥᓇᐗ ᓀᔥᑕ ᑭ ᐱᒫᒋᐃᐌᒥᓇᐗ ᒋᓴᔅ ᙭ᑕ, ᒥᓇ ᒫᑲ ᐁᑯᑕ ᐃᔑ ᓇᑾᓱᑡᐌ, ᓀᔥᑕ ᔖᑯᒋᐋᑲᓂᐎᑡᐌ, ᐃᔥᒀᔮᒡ ᒫᑲ ᐅᑦ ᐃᔑ ᐋᔭᐎᓇᐗᐤ ᐊᐙᓯᑌ ᒫᓛᑕᓂᓕᐤ ᐃᔥᐱᔥ ᓂᔥᑕᒻ᙮

ᓂᔓ ᐱᑕᕐ 2:22

ᒫᑲ ᑮ ᐃᑎᐗᒃ ᑖᐱᔅᑯᒡ ᐁ ᐃᑗᒪᑲᒃ ᑕᐺ ᐊᔅᐸᐊᑫᒧᐎᓐ, ᐊᑎᒻ ᒥᓇ ᑮ ᑭᐌᓈᑕᒻ ᐅ ᐹᑯᒧᐎᓐ; ᓀᔥᑕ ᓄᔐ ᑯᑯᔥ ᑳ ᑮ ᑭᒋᔅᑖᐸᐗᓛᑲᓂᐎᑦ ᑭᒋ ᑎᑎᐱᔑᒧᑦ ᓕᐹᑕᓄᒃ᙮

ᓂᔥᑕᒻ ᒑᓐ 2:19

ᑭᓚᓇᓇᐤ ᐃᑕ ᐁ ᐃᑖᔭᒃ ᑮ ᐅᒋ ᐗᓚᐎᐗᒃ, ᒫᑲ ᓇᒪᐎᓚ ᑭ ᑮ ᐅᐎᒉᐙᑲᓂᓈᐤ: ᐌᓴ ᑮᔥᐱᓐ ᑮ ᐅᐎᒉᐙᑲᓂᔭᒃ, ᑫᔮᐸᒡ ᑭ ᑳ ᐎᒉᐎᑯᑖᓇᐗᒃ; ᒫᑲ ᑮ ᐗᓚᐎᐗᒃ ᑭᒋ ᑭᔅᑫᓕᑖᑯᓯᒋᒃ ᐁᑳ ᒥᓯᐌ ᐁ ᑮ ᐅᐎᒉᐙᑲᓂᔭᒃ᙮

ᒎᑦ 1:12

ᐅᑯ ᒪᓯᓇᓱᐎᓂᐎᐗᒃ ᑭ ᓵᑭᐃᐌᐎ ᒪᑯᔐᐎᓂᐙᒃ, ᐃᔅᐱ ᐙᒋᒪᑯᔐᒥᑖᑾᒃ, ᐁᑳ ᐁ ᓭᑭᓯᒋᒃ ᐁ ᐊᔕᒥᑎᓱᒋᒃ: ᐗᔅᑯᐎᐗᒃ ᐁᑳ ᑳ ᓂᐱᐗᑭ, ᐁ ᐌᐌᐹᔅᑕᑭ; ᒥᔅᑎᑾᒃ ᐅ ᒥᓂᔑᒥᐗᐗ ᑳ ᓂᔑᐗᓈᑕᓂᓕᑭ, ᐁᑳ ᐁ ᒥᓂᔑᐎᒋᒃ, ᓂᔡᐤ ᐁ ᓂᐱᒋᒃ, ᐁ ᒋᒋᐸᔅᑯᒋᐌᐱᑖᑲᓂᐎᒋᒃ;