ᐅᐸᓓᑭᔅ ᓘᒃ 7:13 - ᐅᔅᑭ ᑎᔅᑌᒥᓐᑦ

¹³ ᐃᔅᐱ ᒫᑲ ᐅᑎᐯᓕᒋᑫᐤ ᐎᐋᐸᒫᑦ, ᑮ ᑭᑎᒫᑫᓕᒣᐤ, ᑮ ᐃᑌᐤ ᒫᑲ, ᐁᑳᐎᓚ ᒫᑐ᙮

ᐅᐸᓓᑭᔅ ᓘᒃ 7:13 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 8:2

ᓂ ᑭᑎᒪᑫᓕᒪᐗᒃ ᒥᔭᒫᐎᒥᒉᑎᒋᒃ ᐃᓕᓕᐗᒃ, ᐌᓴ ᐋᔕᔾ ᓂᔅᑐ ᑭᔑᑳᐗ ᓂ ᑮ ᐎᒉᐎᑾᒃ, ᓇᒪ ᓀᔥᑕ ᑫᒀᓕᐤ ᐋᔭᐗᒃ ᑭᒋ ᒥᒋᒋᒃ:

ᐅᐸᓓᑭᔅ ᓘᒃ 10:1

ᑳ ᐳᓂᐸᓕᑭ ᒫᑲ ᐅᐅ ᑫᒀᓇ ᐅᑎᐯᓕᒋᑫᐤ ᑮ ᐹᑳᓂᐁᐤ ᑯᑕᑭᔭ ᓂᔂᓱᒥᑕᓇᐤ ᐊᓯᒋ, ᓀᔥᑕ ᑮ ᐃᔑᑎᔕᐌᐤ ᓈᓂᔓ ᑭᒋ ᓂᑳᓄᑖᑯᑦ ᒥᓯᐌ ᐅᑌᓈᒃ ᓀᔥᑕ ᐃᑖᐎᓂᒃ ᐃᑕ ᐎᓚ ᑫᒋᐙᒃ ᐙ ᐃᑐᑌᑦ᙮

ᐅᐸᓓᑭᔅ ᓘᒃ 11:1

ᑮ ᐃᑭᓐ ᒫᑲ ᐯᔭᑾᐤ ᑳ ᐋᔭᒥᐋᑦ ᐙᔦᔥ, ᐃᔅᐱ ᑳ ᐳᓂᑦ, ᑮ ᐃᑎᑯ ᐯᔭᒃ ᐅ ᑭᔅᑭᓄᐊᒪᐙᑲᓇ, ᑌᐯᓕᒋᑫᔭᓐ, ᑭᔅᑭᓄᐊᒪᐎᓈᓐ ᑭᒋ ᐋᔭᒥᐋᔮᒃ, ᑖᐱᔅᑯᒡ ᒑᓐ ᓀᔥᑕ ᑳ ᐃᔑ ᑭᔅᑭᓄᐊᒪᐙᑦ ᐅ ᑭᔅᑭᓄᐊᒪᐙᑲᓇ᙮

ᐅᐸᓓᑭᔅ ᓘᒃ 11:39

ᐅᑎᐯᓕᒋᑫᐤ ᒫᑲ ᑮ ᐃᑌᐤ, ᑭᓚᐗᐤ ᐁ ᐸᕋᓯᐎᔦᒃ ᑭ ᑳᓯᓀᓇᐗᐤ ᐗᔅᑭᒡ ᒥᓂᒀᑲᓐ ᓀᔥᑕ ᓇᐸᑯᓛᑲᓐ; ᒫᑲ ᐱᒋ ᑭ ᓵᑲᔅᑭᓀᓇᐗᐤ ᒪᔅᑲᑗᐎᓐ ᓀᔥᑕ ᒪᒑᑎᓯᐎᓐ᙮

ᐅᐸᓓᑭᔅ ᓘᒃ 12:42

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᐊᐌᓇ ᒫᑲ ᐊᓇ ᐁ ᒀᔭᔅᑭᑎᑦ ᓀᔥᑕ ᐁ ᑲᑫᑕᐌᓕᑕᒃ ᑲᓇᐌᓕᑎᓛᑲᓐ, ᑫ ᑎᐯᓕᑕᒥᐃᑯᑦ ᐅᑦ ᐅᑭᒫᒪ ᐅ ᐙᔅᑲᔨᑲᓂᒥᓕᐤ, ᑭᒋ ᒫᑎᓇᒪᐗᑦ ᐅ ᒥᒋᒥᒥᓕᐤ, ᐌᑎᒋᐸᓕᓕᑭ?

ᐅᐸᓓᑭᔅ ᓘᒃ 13:15

ᐅᑎᐯᓕᒋᑫᐤ ᐁᑯ ᓀᔥᑴᐗᔑᐋᑦ, ᐁ ᐃᑖᑦ, ᑭᓚ ᐅᑖᔭᒥᐁᑳᓱᔉ, ᓇᒪ ᓈ ᑕᑐ ᐁ ᐃᑕᔑᔦᒃ ᐁ ᐋᔭᒥᐁᑭᔑᑳᓕᒃ ᐋᐸᐌᐤ ᐅ ᒥᔅᑐᓱᒪ ᓀᔥᑕ ᐅᑦ ᐋᓯᒪ ᐊᐗᑳᓂᑲᒥᑯᒃ ᐅᒋ, ᓀᔥᑕ ᐃᑐᑕᐁᐤ ᑭᒋ ᒥᓂᑴᓕᒋ?

ᐅᐸᓓᑭᔅ ᓘᒃ 17:5

ᐊᐸᔅᑕᓚᒃ ᒫᑲ ᑮ ᐃᑌᐗᒃ ᐅᑎᐯᓕᒋᑫᐗ, ᓚᑭᑖ ᓂ ᑖᐺᔦᓕᑦᒧᐎᓂᓈᓐ᙮

ᐅᐸᓓᑭᔅ ᓘᒃ 17:6

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᑮᔥᐱᓐ ᐁᔭᐌᑴ ᑖᐺᔦᓕᑕᒧᐎᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᑭ ᑳ ᐃᑖᑕᐗᐤ ᐊᐗ ᓯᑭᒪᐃᓈᑎᒃ, ᑭ ᑳ ᐸᑾᒋᐱᑎᑳᐎᓐ ᑭᑭ ᐅᒉᐱᒃ, ᒋᒪᓕᑌᓱ ᒫᑲ ᑭᒋᑲᒦᒃ, ᑭ ᑳ ᐱᔑᒋᐃᑯᐗᐤ ᒫᑲ᙮

ᐅᐸᓓᑭᔅ ᓘᒃ 18:6

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᓇᑐᑕᒸᒃ ᑳ ᐃᑗᑦ ᐁᑳ ᑳ ᒀᔭᔅᑭᑎᑦ ᐅᑎᐹᔅᑯᓂᑫᐤ᙮

ᐅᐸᓓᑭᔅ ᓘᒃ 19:8

ᓵᑭᐊᔅ ᒫᑲ ᑮ ᓂᐸᐎᐤ, ᓀᔥᑕ ᑮ ᐃᑌᐤ ᐅᑎᐯᓕᒋᑫᐗ, ᒫᑎᑲ, ᑌᐯᓕᒋᑫᔭᓐ, ᐋᐱᑕᐤ ᓂᑦ ᐋᔮᓇ ᓂ ᒥᓚᐗᒃ ᐅᑭᑎᒫᑭᓯᐗᒃ; ᑮᔥᐱᓐ ᒫᑲ ᑳ ᒪᔅᑲᒪᑭ ᐊᐌᓇ ᑫᒀᓕᐤ ᐁ ᑭᓛᔅᑭ ᑎᐹᒋᒧᔮᓐ, ᒥᓇ ᓂ ᒥᓚᐤ ᓀᐗᐤ ᐃᔥᐱᔥ᙮

ᐅᐸᓓᑭᔅ ᓘᒃ 22:61

ᐅᑎᐯᓕᒋᑫᐤ ᒫᑲ ᑮ ᑴᔅᑭᔅᑴᓕᐤ, ᓀᔥᑕ ᑮ ᑲᓇᐙᐸᒣᐤ ᐱᑕᕋ: ᐱᑕᕐ ᒫᑲ ᑮ ᑭᔅᑭᓯᑐᑕᒬᐤ ᐅᑎᐯᓕᒋᑫᐗ ᐅᑦ ᐋᔭᒥᐎᓂᓕᐤ, ᐁ ᑮ ᐃᑎᑯᑦ, ᐸᒧᔑ ᓄᑖᑯᓯᑦ ᓈᐯ ᐹᑲᐋᒀᓐ, ᓂᔅᑡᐤ ᑭ ᑳ ᐋᓉᑌᓐ ᐁ ᑭᔅᑫᓕᒥᔭᓐ᙮

ᐅᐸᓓᑭᔅ ᓘᒃ 24:3

ᑮ ᐱᑐᑫᐗᒃ ᒫᑲ, ᓇᒪᐎᓚ ᒫᑲ ᑮ ᒥᔅᑲᒬᐗᒃ ᐎᔭᐎᓕᐤ ᒋᓴᓴ ᐅᑎᐯᓕᒋᑫᐗ᙮

ᐅᐸᓓᑭᔅ ᓘᒃ 24:34

ᐁ ᐃᑗᓕᒋ ᑖᐺ ᐅᑎᐯᓕᒋᑫᐤ ᑮ ᐗᓂᔥᑲᐤ, ᑮ ᓄᑯᓰᔅᑕᐌᐤ ᒫᑲ ᓵᐃᒪᓇ᙮

ᐅᐸᓓᑭᔅ ᓘᒃ 7:12

ᐃᔅᐱ ᒫᑲ ᐱᐁᔡᐸᑕᒃ ᐃᑖᐎᓂᓕᐤ ᐁ ᐃᔥᒀᑌᒥᐗᓂᓕᒃ, ᒫᑎᑲ, ᐁ ᓂᐱᑦ ᐃᓕᓕᐤ ᑮ ᐱᒥᐗᓚᐎᑕᐊᐤ, ᐎᓚ ᐁ ᐯᔭᑯᔖᓂᒥᑯᑦ ᐅᑳᐎᔭ ᑮ ᑭᑎᒫᑭᔅᑴᐎᓕᐗ ᒫᑲ: ᐎᓚ ᑮ ᐎᒉᐎᑯ ᒫᑲ ᒥᒉᑦ ᐃᓕᓕᐗ ᐃᑖᐎᓂᒃ ᐅᒋ᙮

ᐅᐸᓓᑭᔅ ᓘᒃ 7:14

ᑮ ᐯᒋ ᓵᒥᓇᒻ ᒫᑲ ᑌᑎᓂᑲᓂᓕᐤ: ᐊᓂᑭ ᒫᑲ ᑳ ᑌᑎᓈᒋᒃ ᑮ ᑭᐱᒋᑳᐸᐎᐗᒃ᙮ ᑮ ᐃᑗᐤ ᒫᑲ, ᐅᔥᑭᓂᑭᐤ, ᑭᑦ ᐃᑌᓐ, ᐗᓂᔥᑳ᙮

ᐅᐸᓓᑭᔅ ᓘᒃ 7:19

ᒑᓐ ᒫᑲ ᐁ ᓇᑐᒫᑦ ᓂᔓ ᐅ ᑭᔅᑭᓄᐊᒪᐙᑲᓇ, ᑮ ᐃᔑᑎᔕᐊᒪᐌᐤ ᒋᓴᓴ, ᐁ ᐃᑗᑦ, ᑭᓚ ᓈ ᐁᐗᒀᓇ ᑫ ᑕᑯᔑᑭᐸᓐ? ᓀᔥᑕᐱᑯ ᑯᑕᒃ ᓈ ᓂ ᑳ ᐊᔕᐙᐸᒫᓈᓐ?

ᐅᐸᓓᑭᔅ ᓘᒃ 8:52

ᒥᓯᐌ ᒫᑲ ᑮ ᒫᑐᐗᒃ, ᓀᔥᑕ ᑮ ᒫᐎᑳᑌᐗᒃ; ᒫᑲ ᑮ ᐃᑗᐤ, ᐁᑳᐎᓚ ᒫᑐᒃ; ᓇᒪᐎᓚ ᓂᐱᐤ, ᒫᑲ ᓂᐸᐤ᙮

ᐅᐸᓓᑭᔅ ᒑᓐ 11:2

(ᐁᐗᑯ ᐊᓇ ᒣᕆ ᑳ ᑮ ᑕᒪᔅᑯᓈᑦ ᑌᐯᓕᒋᑫᓕᒋ ᑕᒪᔅᑯᐎᓂᓕᐤ, ᓀᔥᑕ ᑳ ᑮ ᑳᓯᓯᑌᓈᑦ ᐅᔅᑎᒀᓂᐱᐗᔭ, ᐎᒋᔖᓇ ᓛᓴᕋᔅ ᑳ ᐋᑯᓯᓕᒋ᙮)

ᐅᐸᓓᑭᔅ ᒑᓐ 11:3

ᐁᐗᑯ ᐌᒋ ᐃᑎᔕᐊᒫᑯᑦ ᐊᐌᓕᐗ ᐎᒋᔖᓂᔅᑴᒪ, ᐁ ᐃᑗᓕᒋ, ᑌᐯᓕᒋᑫᔭᓐ, ᒫᑎᑲ, ᐊᓇ ᑳ ᓵᑭᐊᑦ ᐋᑯᓯᐤ᙮

ᐅᐸᓓᑭᔅ ᒑᓐ 20:13

ᐁᑯ ᐁᑖᒋᒃ, ᐃᔅᑴᐤ, ᑖᓀᑭ ᐌᒋ ᒫᑐᔭᓐ? ᐃᑌᐤ, ᐁ ᑮ ᑭᑐᑕᐋᒋᒃ ᓂ ᑌᐯᓕᒋᑫᒪ, ᓇᒪᐎᓕ ᒫᑲ ᓂ ᑭᔅᑫᓕᑌᓐ ᑖᓐᑌ ᑳ ᐱᒥᔑᒫᒋᒃ᙮

ᐅᐸᓓᑭᔅ ᒑᓐ 20:15

ᒋᓴᔅ ᐃᑌᐤ, ᐃᔅᑴᐤ, ᑖᓀᑭ ᐌᒋ ᒫᑐᔭᓐ? ᐊᐌᓇ ᓀᓇᑕᐌᓕᒪᑦ? ᐎᓚ, ᐁᐗᑯ ᐊᐗ ᓂᑖᐎᑭᒋᑫᐎᓕᓕᐤ ᐁ ᐃᑌᓕᑕᒃ, ᐃᑌᐤ, ᐅᑭᒪᐤ, ᑮᔥᐱᓐ ᑳ ᑭᑐᑕᐋᐗᑌ, ᐎᑕᒫᐎᓐ ᑖᓐᑌ ᑳ ᐃᒥᔑᒪᑦ, ᐁᑯ ᑫ ᐅᑎᓇᒃ᙮

ᐅᐸᓓᑭᔅ ᒑᓐ 4:1

ᐃᔅᐱ ᒫᑲ ᑌᐯᓕᒋᑫᑦ ᑫᔅᑫᓕᑕᒻ ᐸᕋᓯᔭ ᐁ ᑮ ᐯᑕᒥᓕᒋ ᒋᓴᓴ ᐊᐙᓯᑌ ᒥᒉᑦ ᐁ ᑮ ᑭᔅᑭᓄᐊᒪᐙᑲᓂᑫᓕᒋ ᓀᔥᑕ ᓯᑲᐋᑕᐙᓕᒋ ᐃᔥᐱᔥ ᒑᓐ,

ᐅᐸᓓᑭᔅ ᒑᓐ 6:23

(ᐁᓕᐌᒃ ᒫᑲ ᑮ ᐯᒋ ᐃᔑᒋᒣᒪᑲᓋ ᑯᑕᑭᔭ ᒋᒫᓇ ᑖᐃᐱᕆᔭᓯᒃ ᐅᒋ ᑭᔑᐙᒃ ᐃᑕ ᑳ ᑮ ᒧᐙᒋᒃ ᐊᓚᑯᓇᐗ, ᑳᐃᔥᑾ ᑌᐯᓕᒋᑫᑦ ᑳ ᑮ ᓇᓈᔅᑯᒧᑦ:)

ᓂᔥᑕᒻ ᑯᕆᓐᑎᐊᓇ 7:30

ᐊᓂᑭ ᓀᔥᑕ ᑳ ᒫᑐᒋᒃ, ᒫᓇ ᐱᑯ ᐁᑳ ᐁ ᒫᑐᒋᒃ; ᐊᓂᑭ ᓀᔥᑕ ᑳ ᒥᓕᐙᑕᑭᒃ ᑖᐱᔅᑯᒡ ᐁᑳ ᐁ ᒥᓚᐙᑕᑭᒃ; ᐊᓂᑭ ᓀᔥᑕ ᑳ ᐅᑎᓂᑫᒋᒃ, ᑖᐱᔅᑯᒡ ᐁᑳ ᐁ ᑎᐱᓚᐌᐎᓯᒋᒃ;

ᓂᔥᑕᒻ ᑌᓴᓗᓂᔭᓇ 4:13

ᒫᑲ ᓇᒪᐎᓚ ᓂ ᓇᑕᐌᓕᑌᓐ ᐁᑳ ᑭᒋ ᑭᔅᑫᓕᑕᒣᒃ, ᓂᒋᔖᓂᑐᒃ, ᐁ ᐃᑖᒋᒫᑲᓂᐎᒋᒃ ᐊᓂᑭ ᑳ ᓂᐹᒋᒃ, ᐁᑳ ᑭᒋ ᒥᒋᓚᐌᓯᔦᒃ, ᑖᐱᔅᑯᒡ ᑯᑕᑭᔭᒃ ᐁᑳ ᑳ ᐅᑦ ᐊᔅᐯᓕᒧᐎᓂᒋᒃ᙮

ᐦᐃᑉᕉᐗ 2:17

ᐁᐗᑯ ᒫᑲ ᐅᒋ ᒥᓯᐌ ᐃᔑ ᑮ ᐃᑕᔅᑌᓕᐤ ᑭᒋ ᐃᔑᐋᑲᓂᐎᑦ ᑖᐱᔅᑯᒡ ᐎᒋᔖᓇ; ᑭᒋ ᔕᐌᓕᒋᑫᐎ ᓀᔥᑕ ᑾᔭᔅᑭᑎᐎ ᑭᒋᓵᓵᑭᐎᓕᐌᐎᓕᓕᐎᑦ, ᐊᓂᐃ ᑫᒀᓇ ᐅᒋ ᑳ ᑎᐯᓕᑕᒥᓕᒋ ᑭᒋᒪᓂᑐᐗ, ᑭᒋ ᑎᐸᐊᒸᑦ ᐃᓕᓕᐗ ᐅ ᒪᒋᑣᐎᓂᓕᐗ᙮

ᐦᐃᑉᕉᐗ 4:15

ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮