ᐅᐸᓓᑭᔅ ᓘᒃ 5:35 - ᐅᔅᑭ ᑎᔅᑌᒥᓐᑦ

³⁵ ᒫᑲ ᑭᔑᑳᐗ ᑲᑕ ᐅᑎᒋᐸᓕᐗ ᐃᔅᐱ ᑫ ᒪᔅᑲᒫᑲᓂᐎᓕᒋ ᐅᔥᑭᓈᐯᐙᓇ, ᐁᑯ ᒫᑲ ᑫ ᓂᑲᓱᓕᒋ ᒣᒀᒡ ᐊᓂᐃ ᐁ ᑭᔑᑳᓕᑭ᙮

ᐅᐸᓓᑭᔅ ᓘᒃ 5:35 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 9:15

ᒋᓴᔅ ᒫᑲ ᑮ ᐃᑌᐤ, ᑲᑕ ᑮ ᓇᓀᑳᑌᓕᒧᓕᐗ ᓈ ᐅᔥᑭᓈᐯᐙᓐ ᐅᑐᑌᒪ, ᒣᒀᒡ ᐅᔥᑭᓈᐯᐙᓐ ᐁ ᐎᒉᐙᑦ? ᒫᑲ ᑲᑕ ᐅᑎᒋᐸᓕᐗ ᐁ ᑭᔑᑳᑭ, ᐃᔅᐱ ᑫ ᒪᔅᑲᒫᑲᓂᐎᓕᒋ ᐅᔥᑭᓈᐺᐙᓇ, ᐁᑯ ᒫᑲ ᑫ ᓂᑲᓱᓕᒋ᙮

ᐅᐸᓓᑭᔅ ᒫᕐᒃ 2:20

ᒫᑲ ᑭᔑᑳᐗ ᑲᑕ ᐅᑎᒋᐸᓕᐗ ᐃᔅᐱ ᐅᔥᑭᓈᐯᐗᓇ ᑫ ᒪᔅᑲᒫᑲᓂᐎᒋᒃ, ᒣᒀᒡ ᐊᓂᐃ ᑭᔑᑳᐗ ᒫᑲ ᑲᑕ ᓂᑲᓱᐗᒃ᙮

ᐅᐸᓓᑭᔅ ᓘᒃ 17:22

ᑮ ᐃᑌᐤ ᒫᑲ ᑭᔅᑭᓄᐊᒪᐙᑲᓇ, ᑭᔑᑳᐗ ᑲᑕ ᐅᑎᒋᐸᓕᐗ, ᐃᔅᐱ ᑫ ᐎ ᐙᐸᑕᒣᐤ ᐯᔭᒃ ᐅ ᑭᔑᑳᒪ ᐃᓕᓕᐎᑯᓯᓵᓐ, ᓇᒪᐎᓚ ᒫᑲ ᑭ ᑳ ᐙᐸᑕᒸᓇᐗᐤ᙮

ᐅᐸᓓᑭᔅ ᓘᒃ 5:34

ᑮ ᐃᑌᐤ ᒫᑲ, ᑭ ᑲᔥᑭᑖᓇᐗᐤ ᓈ ᑭᒋ ᑐᑕᐎᒣᑾᒃ ᐅᔥᑭᓈᐯᐙᓐ ᐅ ᑐᑌᒪ ᑭᒋ ᓂᑲᓱᓕᒋ ᒣᒀᒡ ᐅᔥᑭᓈᐯᐙᓐ ᐁ ᐎᒉᐙᑦ?

ᐅᐸᓓᑭᔅ ᓘᒃ 5:36

ᑮ ᐎᑕᒪᐌᐤ ᒫᑲ ᓇᔅᐱᑐᐌᐎ ᐋᑕᓗᑳᓂᓕᐤ, ᓇᒪᐎᓚ ᐊᐌᓇ ᒥᔖᐃᑳᑫᐤ ᐅᔥᑭ ᐎᓛᒋᑲᓂᓕᐤ ᑳᔮᔑ ᐎᓛᒋᑲᓂᒃ: ᑮᔥᐱᓐ ᒫᑲ ᑐᑕᑫ, ᐁᑯ ᐊᓂᒪ ᐆᔥᑫᑭᓐ ᑫ ᑕᑐᐱᑕᒧᒪᑲᒃ, ᓀᔥᑕ ᐊᓂᒪ ᐅᔥᑭ ᐎᓛᒋᑲᓂᒃ ᑳ ᐅᒋ ᐅᑎᓂᑳᑌᒃ ᓇᒪᐎᓚ ᓇᐃᐸᓕᐤ ᑳᔮᔑ ᐎᓛᒋᑲᓂᒃ᙮

ᐅᐸᓓᑭᔅ ᒑᓐ 12:8

ᐌᓴ ᒧᔕᒃ ᑭ ᐎᒉᐎᑯᐙᐗᒃ ᐊᓂᑭ ᑳ ᑭᑎᒫᑭᓯᒋᒃ; ᒫᑲ ᓂᓚ ᓇᒪᐎᓚ ᒧᔕᒃ ᑭ ᐎᒉᐎᑎᓇᐗᐤ᙮

ᐅᐸᓓᑭᔅ ᒑᓐ 13:33

ᐊᐱᔅᑕᐙᔑᔑᑐᒃ, ᑫᔮᐸᒡ ᐎᓕᐱᔉ ᑭ ᐎᒉᐎᑎᓇᐗᐤ᙮ ᑭ ᑳ ᓈᓇᑕᐌᓕᒥᓇᐗᐤ: ᓀᔥᑕ ᐁ ᑮ ᐃᑕᑭᒃ ᒎᐗᒃ, ᐃᑕ ᐁ ᐃᑐᑌᔮᓐ, ᓇᒪᐎᓚ ᑭ ᑳ ᑮ ᐯᒋ ᐃᑐᑖᓇᐗᐤ; ᐁᑯ ᓀᔥᑕ ᐁᑎᑕᑾᒃ᙮

ᐅᐸᓓᑭᔅ ᒑᓐ 16:28

ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮

ᐊᐸᔅᑕᓚᒃ 1:9

ᐃᔅᐱ ᒫᑲ ᐅᐅ ᑫᒀᓇ ᑳ ᑮ ᐃᑗᑦ, ᒣᒀᒡ ᐁ ᑲᓇᐙᐱᓕᒋ, ᑮ ᐅᐱᓈᑲᓂᐎᐤ, ᓀᔥᑕ ᐗᔅᑯᒃ ᑮ ᐅᑎᓈᑲᓂᐎᐤ, ᑮ ᐹᔑᑯᓈᑯᓰᔅᑖᑯᐗᒃ ᒫᑲ᙮

ᐊᐸᔅᑕᓚᒃ 14:23

ᐃᔅᐱ ᒫᑲ ᑳ ᑮ ᐸᑲᓂᐋᒋᒃ ᐅᓂᑳᓀᓕᑖᑯᓯᐗ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᓀᔥᑕ ᐁ ᑮ ᐋᔭᒥᐋᒋᒃ ᐁ ᓂᑲᓱᒋᒃ, ᑮ ᐸᑭᑎᓇᒪᐌᐗᒃ ᐅᑎᐯᓕᒋᑫᐗ, ᐊᓂᐃ ᑳ ᑖᐺᔦᓕᒫᓕᒋ᙮

ᐊᐸᔅᑕᓚᒃ 3:21

ᐊᓇ ᑭᒋᑭᔑᑰᒃ ᒫᑲ ᑫ ᐃᑖᑦ ᐱᓕᔥ ᐅᑎᒋᐸᓕᑫ ᑭᒋ ᐅᔥᑭᑖᓂᐗᑭ ᒥᓯᐌ ᑫᒀᓇ, ᑳ ᐃᔑ ᐋᔭᒥᑦ ᑭᒋᒪᓂᑕ ᐅᑐᓂᐙᒃ ᐅᒋ ᒥᓯᐌ ᐅ ᐸᓓᑭ ᑭᔅᑭᓄᐊᒪᑫᐎᓕᓕᒪ ᐃᔅᑯᓈᒃ ᑳ ᒫᒋ ᐊᔅᑭᐗᒃ᙮

ᓂᔥᑕᒻ ᑯᕆᓐᑎᐊᓇ 7:5

ᐁᑳᐎᓚ ᑲᑳᔦᔑᐃᑐᒃ, ᑮᔥᐱᓐ ᐱᑯ ᑖᐱᔅᑯᒡ ᐃᑌᓕᑕᒣᑴ ᐊᒋᓚᐤ, ᑭᒋ ᐸᑭᑎᓂᑎᓱᔦᒃ ᑭᒋ ᓂᑲᓱᔦᒃ ᓀᔥᑕ ᑭᒋ ᐋᔭᒥᐋᔦᒃ; ᐁᑯ ᒥᓇ ᑭᒋ ᓈᑎᑐᔦᒃ, ᓭᑖᓐ ᐁᑳ ᑭᒋ ᑲᑴᒋᐃᑖᒃ ᑮ ᐱᔑᒀᑎᓯᐎ ᐃᑌᓕᑕᒧᐎᓂᐗᐗ ᐅᒋ᙮

ᓂᔓ ᑯᕆᓐᑎᐊᓇ 11:27

ᐊᔦᔅᑯᓯᐎᓂᒃ ᓀᔥᑕ ᐎᓴᑫᓕᑕᒧᐎᓂᒃ, ᒥᒉᑡᐤ ᐊᔕᐙᐱᐎᓂᒃ, ᓄᑌᑲᑌᐎᓂᒃ ᓀᔥᑕ ᓄᑌᐋᐸᑴᐎᓂᒃ, ᒥᒉᑡᐤ ᓂᑲᓱᐎᓂᒃ, ᓯᑲᒋᐎᓂᒃ ᓀᔥᑕ ᒧᔕᔥᑲᑌᐎᓂᒃ: