ᐅᐸᓓᑭᔅ ᓘᒃ 24:47 - ᐅᔅᑭ ᑎᔅᑌᒥᓐᑦ

⁴⁷ ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᓘᒃ 24:47 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 28:19

ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒫᑎᐤ 3:2

ᐁ ᐃᑗᑦ ᒫᑲ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 9:13

ᒫᑲ ᓇᑕᐎ ᑭᔅᑫᓕᑐᒧᒃ ᐊᓂᒪ ᑳ ᐃᑗᒪᑲᒃ, ᓂ ᑳ ᐋᔮᓐ ᔕᐌᓕᒋᑫᐎᓐ, ᓇᒪ ᒫᑲ ᓵᓵᑭᐎᓕᐌᐎᓐ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᓇᑐᒪᑭᒃ ᐅᒀᔭᔅᑭᑖᑎᓯᐗᒃ, ᒫᑲ ᐅᒪᒋᑣᐗᒃ ᑭᒋ ᑴᔅᑳᑎᓯᒋᒃ᙮

ᐅᐸᓓᑭᔅ ᓘᒃ 13:34

ᐅ ᒋᕉᓴᓚᒻ, ᒋᕉᓴᓚᒻ, ᑳ ᓂᐸᐊᒋᒃ ᐅᑭᔅᑭᐙᐃᑫᐗᒃ, ᓀᔥᑕ ᑳ ᐱᒶᓯᓈᑕᐗᒋᒃ ᐊᓂᑭ ᑳ ᐃᑎᔕᐊᒫᑲᐎᔭᓐ: ᑖᓐ ᐁᔅᐱᒋ ᒥᒉᑡᐤ ᑫ ᐎ ᒪᐗᓴᑯᓇᒀᐸᓐ ᑭᑦ ᐊᐙᔑᒥᔕᒃ ᑖᐱᔅᑯᒡ ᐹᑲᐋᒀᓐ ᐁ ᒪᐗᓴᑯᓈᑦ ᐅ ᐹᑲᐋᑾᓂᔑᔑᒪ ᔑᐹ ᐅᑕᑲᑾᓂᒃ, ᓇᒪᐎᓚ ᒫᑲ ᑭ ᐅᒋ ᐯᑌᓈᐗᐤ!

ᐊᐸᔅᑕᓚᒃ 10:43

ᐎᓚ ᑎᐹᒋᒥᑯ ᒥᓯᐌ ᐅᑭᔅᑭᐗᐃᑫᐗ, ᐎᓚ ᐅᑦ ᐃᔑᓂᑳᓱᐎᓐ ᐅᒋ ᐱᑯ ᐊᐌᓇ ᑫ ᑖᐺᔦᓕᒫᑴ ᑲᑕ ᒥᓛᑲᓂᐎᐤ ᐊᔐᓇᒫᑫᐎᓐ ᒪᒋᑣᐎᓇ ᐅᒋ᙮

ᐊᐸᔅᑕᓚᒃ 11:18

ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮

ᐊᐸᔅᑕᓚᒃ 13:46

ᐁᑯ ᐹᓪ ᓀᔥᑕ ᐸᕐᓇᐸᔅ ᑳ ᐊᑎ ᓱᑫᓕᒧᒋᒃ, ᑮ ᐃᑗᐗᒃ ᒫᑲ, ᑮ ᓇᑕᐌᓕᑖᑾᓐ ᑭᒋᒪᓂᑐ ᐅᑦ ᐋᔭᒥᐎᓐ ᑭᓚᐙᐤ ᓃᔥᑕᒻ ᑭᒋ ᑮ ᐋᓕᒧᑕᒫᑲᐎᔦᒃ: ᐁ ᓄᑾᒃ ᒫᑲ ᐁ ᐃᑲᑌᓇᒫᓱᔦᒃ, ᓀᔥᑕ ᐁ ᐃᑌᓕᒥᑎᓱᔦᒃ ᐁᑳ ᐁ ᑌᐸᑫᓕᑖᑯᓯᔦᒃ ᑳᑭᑫ ᐱᒫᑎᓯᐎᓐ ᑭᒋ ᐋᔮᔦᒃ, ᒫᑎᑲ ᓂ ᓈᑕᓈᓈᒃ ᒉᓐᑖᐃᓚᒃ᙮

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐊᐸᔅᑕᓚᒃ 26:20

ᒫᑲ ᓃᔥᑕᒻ ᓂ ᑮ ᐙᐸᑎᓛᐗᒃ ᐊᓂᑭ ᑎᒫᔅᑲᓯᒃ ᑳ ᐃᑖᒋᒃ ᓀᔥᑕ ᒋᕉᓴᓚᒥᒃ, ᓀᔥᑕ ᒥᓯᐌ ᐙᔅᑲ ᒎᑎᐊᐃᒃ, ᐁᑯ ᓀᔥᑕ ᒉᓐᑖᐃᓚᒃ, ᑭᒋ ᑴᔅᑳᑎᓯᒋᒃ ᓀᔥᑕ ᑭᒋ ᑴᔅᑭᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑐᑕᑭᒃ ᐁ ᐃᔑ ᐊᑑᔅᑫᒪᑲᒃ ᑴᔅᑳᑎᓯᐎᓐ᙮

ᐊᐸᔅᑕᓚᒃ 28:28

ᐁᐗᑯ ᐅᒋ ᑭᔅᑫᓕᑕᒧᒃ, ᑭᒋᒪᓂᑐ ᐅ ᐱᒫᒋᐃᐌᐎᓐ ᐁ ᐃᔑᑎᔕᐊᒫᒋᒃ ᒉᓐᑖᐃᓚᒃ, ᐎᓚᐗᐤ ᓀᔥᑕ ᑲᑕ ᓇᑐᑕᒬᐗᒃ᙮

ᐊᐸᔅᑕᓚᒃ 3:19

ᐁᐗᑯ ᐅᒋ ᒥᒋᓚᐌᔦᓕᑕᒧᒃ, ᑴᔅᑳᑎᓰᒃ ᒫᑲ, ᑭ ᒪᒋᑖᐎᓂᐙᐗ ᑭᒋ ᑮ ᑳᓯᐃᑳᑌᑭ, ᐃᔅᐱ ᐹᐸᓕᓕᑫ ᑭᒋ ᒥᓜᓕᒧᓇᓂᐗᒃ ᐅᑎᔥᑲᐤ ᐅᑎᐯᓕᒋᑫᐤ ᐅᒋ;

ᐊᐸᔅᑕᓚᒃ 4:12

ᓇᒪᐎᓚ ᑯᑕᒃ ᐊᐌᓇ ᐱᒫᒋᐃᐌᐎᓐ ᐊᔮᐤ; ᐌᓴ ᓇᒪᐎᓚ ᐃᑕᑾᓐ ᑯᑕᒃ ᐃᔑᓂᑳᓱᐎᓐ ᔑᐸ ᑭᔑᑯᒃ ᑳ ᒥᓕᒋᒃ ᐃᓕᓕᐗᒃ, ᑫ ᑮ ᐅᒋ ᐱᒫᒋᐃᑲᐎᔭᒃ᙮

ᐊᐸᔅᑕᓚᒃ 5:31

ᐁᐗᒀᓂᐃ ᑭᒋᒪᓂᑐ ᑳ ᑮ ᑭᔅᑌᓕᑖᑯᐋᑦ ᐅ ᑭᒋᓂᔉ ᐅᒋ ᑭᒋ ᐅᑭᒪᐎᓕᑭ ᓀᔥᑕ ᑭᒋ ᐱᒫᒋᐃᐌᓕᒋ, ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᐃᔅᕃᐃᓚ ᓀᔥᑕ ᐁ ᐌᐯᓕᒋᑲᑌᓕᑭ ᒪᒋᑣᐎᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:20

ᓀᔥᑕ ᒫᑲ ᐅᓚᔓᐌᐎᓐ ᑮ ᐱᑐᑫᒪᑲᓐ ᑭᒋ ᒥᒉᑎᒃ ᐗᓂᑐᑕᒧᐎᓐ᙮ ᒫᑲ ᐃᑕ ᑳ ᐃᔑ ᒥᒉᑎᒃ ᒪᒋᑣᐎᓐ, ᐁᑯᑕ ᐋᓕᐙᒃ ᐊᐙᓯᑌ ᑮ ᒥᒉᑌᓐ ᔕᐌᓕᒋᑫᐎᓐ:

ᐃᐱᓯᔭᓇ 1:6

ᑭᒋ ᒫᒥᒋᒋᑳᑌᓕᒃ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᔕᐌᓕᒋᑫᐎᓐ, ᐃᑕ ᑳ ᑮ ᐅᒋ ᐊᔑᑕᑭᒥᑲᐎᔭᒃ ᓯᐋᑭᐋᑲᓂᐎᑦ:

ᐃᐱᓯᔭᓇ 3:8

ᓂᓚ, ᐊᐙᓯᑌ ᑳ ᐋᐱᔅᑌᓕᑖᑯᓯᔮᓐ ᐃᔥᐱᔥ ᒥᓯᐌ ᐁ ᒫᐗᒋ ᐋᐱᔅᑌᓕᑖᑯᓯᒋᒃ ᐅᐸᓓᑭᓴᒃ, ᐅᒪ ᔕᐌᓕᒋᑫᐎᓐ ᓂ ᒥᓕᑲᐃᓐ, ᑭᒋ ᑮ ᑲᑫᔅᑭᒥᐌᐗᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ ᙭ ᐅ ᒥᔕᑭᓯᐎᓇ ᐁᑳ ᑫ ᑮ ᑌᐱ ᑭᔅᑫᓕᑖᑾᓂᓕᑭ,

ᑯᓚᔑᔭᓇ 1:27

ᐊᓂᐃ ᑭᒋᒪᓂᑐ ᑫ ᑮ ᑭᔅᑫᓕᑕᒥᐋᔅᐸᓐ ᐁᔅᐱᒋ ᐌᓗᒋ ᑭᔅᑌᓕᑖᑾᒃ ᐅᒪ ᑳ ᒫᒪᔅᑳᑌᓕᑖᑾᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ; ᐁᐗᑯ ᙭ ᐁ ᐱᒋᔅᑳᑖᒃ, ᐁ ᐊᔅᐯᓕᒧᑐᒋᑳᑌᒃ ᑭᔅᑌᓕᑖᑯᓯᐎᓐ:

ᓂᔥᑕᒻ ᒑᓐ 2:12

ᑭ ᒪᓯᓇᐊᒫᑎᓇᐗᐤ ᐊᐱᔅᑕᐙᔑᔑᑐᒃ, ᐁ ᐌᐯᓕᒋᑳᑌᑭ ᑭ ᒪᒋᑐᑕᒧᐎᓂᐙᐗ ᐎᓚ ᐅᑦ ᐃᔑᓂᑳᓱᐎᓐ ᐅᒋ᙮