ᐅᐸᓓᑭᔅ ᓘᒃ 2:34 - ᐅᔅᑭ ᑎᔅᑌᒥᓐᑦ

³⁴ ᓯᒥᔭᓐ ᒫᑲ ᑮ ᒥᓦᑭᒧᐤ, ᓀᔥᑕ ᑮ ᐃᑌᐤ ᒣᕆᐊ ᐅᑳᐎᔭ, ᒫᑎᑲ, ᐊᐗ ᐊᐙᔑᔥ ᐸᑭᑎᓇᐤ ᑭᒋ ᐅᒋ ᐸᑭᔑᑭᒃ ᓀᔥᑕ ᒥᓇ ᑭᒋ ᐗᓂᔥᑳᒋᒃ ᒥᒉᑦ ᐃᔅᕃᐃᓕᒃ; ᓀᔥᑕ ᑖᐱᔅᑯᒡ ᑭᔅᑭᓄᐙᒋ ᐙᐸᑎᓕᐌᐎᓐ ᑫ ᒪᒋ ᐋᓕᒧᒋᑳᑌᒃ᙮

ᐅᐸᓓᑭᔅ ᓘᒃ 2:34 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:19

ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᐁ ᒥᒋᓱᑦ ᓀᔥᑕ ᐁ ᒥᓂᑴᑦ, ᐃᑗᐗᒃ ᒫᑲ, ᒫᑎᑲ, ᐃᓕᓕᐤ ᐁ ᐅᑳᔑᑭᒥᑦ ᓀᔥᑕ ᑳ ᓂᑖᒥᓂᑴᑦ, ᑳ ᐅᑐᑌᒥᒫᑦ ᐸᑉᓕᑳᓇ ᓀᔥᑕ ᐅᒪᒋᑣᐗ᙮ ᒫᑲ ᑲᑫᑕᐌᓕᑕᒧᐎᓐ ᐱᔑᒋᑖᑯ ᐅᑦ ᐊᐙᔑᒥᔕ᙮

ᐅᐸᓓᑭᔅ ᒫᑎᐤ 12:46

ᒣᒀᒡ ᑫᔮᐸᒡ ᐁ ᐋᔭᒥᐋᑦ ᐃᓕᓕᐗ, ᒫᑎᑲ, ᐅᑳᐎᔭ ᓀᔥᑕ ᐎᒋᔖᓇ ᐗᓚᐎᑎᒥᒃ ᑮ ᓂᐸᐎᓕᐗ ᐁ ᐎ ᐋᔭᒥᐃᑯᑦ᙮

ᐅᐸᓓᑭᔅ ᒫᑎᐤ 21:44

ᐊᐌᓇ ᒫᑲ ᑫ ᐸᑭᔑᓄᑴ ᐅᐅ ᐊᓯᓃᒃ ᑲᑕ ᐱᑯᔑᓐ: ᒫᑲ ᐊᐌᓇ ᑫ ᑕᓱᓱᑴ, ᑲᑕ ᐱᓯᐳᓕᑯ᙮

ᐅᐸᓓᑭᔅ ᒫᑎᐤ 27:63

ᐁ ᐃᑗᒋᒃ, ᐅᑭᒪᐤ, ᓂ ᑭᔅᑭᓯᓈᓐ ᐊᓇ ᐊᐙᔦᔑᒥᐌᐤ ᐁ ᑮ ᐃᑗᑦ, ᒣᒀᒡ ᑫᔮᐸᒡ ᐁ ᐱᒫᑎᓰᑦ, ᑮ ᓂᔅᑐ ᑭᔑᑳᑫ ᒥᓇ ᓂ ᑳ ᐗᓂᔥᑳᓐ᙮

ᐅᐸᓓᑭᔅ ᓘᒃ 2:35

(ᐁᐁ, ᔑᒫᑲᓐ ᑲᑕ ᔖᐳᐸᓕᐤ ᑎᐱᓚᐌ ᑭᑦ ᐊᒑᑯᒃ ᓀᔥᑕ;) ᑭᒋ ᑭᔅᑫᓕᑖᑯᑖᑲᓂᐎᑭ ᐃᑌᓕᑕᒧᐎᓇ ᑳ ᐃᑕᑾᑭ ᒥᒉᑦ ᒥᑌᐃᒃ᙮

ᐅᐸᓓᑭᔅ ᒑᓐ 3:20

ᐌᓴ ᒥᓯᐌ ᑕᑐ ᐊᐌᓇ ᑳ ᒪᒋᑐᑕᒃ, ᐸᒀᑕᒻ ᐙᔅᑌᐎᓂᓕᐤ, ᓇᒪᐎᓚ ᓀᔥᑕ ᐯᒋ ᓈᑕᒻ ᐙᔅᑌᐎᓂᓕᐤ, ᐁᑳ ᑭᒋ ᑭᔅᑫᓕᒋᑳᑌᓕᑭ ᐅᑦ ᐋᔨᑎᐎᓇ᙮

ᐅᐸᓓᑭᔅ ᒑᓐ 5:18

ᐁᐗᑯ ᐌᒋ ᒎᐗᒃ ᐊᐙᓯᑌ ᑮ ᐎ ᓂᐸᐁᐗᒃ, ᓇᒪᐎᓚ ᐱᑯ ᐁ ᑮ ᐱᑯᐱᑕᒥᓕᒋ ᐁ ᐋᔭᒥᐁᑭᔑᑳᓕᒃ, ᐊᓯᒋ ᒫᑲ, ᑭᒋᒪᓂᑐ ᓄᑖᐎ ᐁ ᑮ ᐎᑗᓕᒋ, ᐁ ᑭᒋᒪᓂᑐᑳᓱᓕᒋ᙮

ᐊᐸᔅᑕᓚᒃ 13:45

ᐃᔅᐱ ᒫᑲ ᒎᐗᒃ ᐎᐋᐸᒫᒋᒃ ᑳ ᒫᐗᒋᐃᑑᓕᒋ ᐃᓕᓕᐗ, ᑮ ᓵᑲᔅᑭᓀᐗᒃ ᐅᑌᓕᑕᒧᐃᓂᓕᐤ, ᓀᔥᑕ ᐁ ᒪᒋ ᐋᓕᒧᑕᑭᒃ ᐊᓂᐃ ᑫᒀᓇ ᑳ ᑎᐹᑐᑕᒥᓕᒋ ᐹᓚ, ᐁ ᐋᓉᑖᑫᒋᒃ ᓀᔥᑕ ᐁ ᐹᔅᑖᒧᒋᒃ᙮

ᐊᐸᔅᑕᓚᒃ 17:6

ᐃᔅᐱ ᒫᑲ ᐁᑳ ᒣᔅᑲᐙᒋᒃ, ᑮ ᐃᔑᑖᐯᐗᒃ ᒉᓴᓇ ᓀᔥᑕ ᐊᑎᑦ ᑳ ᐎᒋᔖᓂᑐᓕᒋ ᐊᓂᐃ ᑳ ᑎᐯᓕᑕᒥᓕᒋ ᐃᑖᐎᓂᓕᐤ, ᐁ ᑌᐺᒋᒃ, ᐅᑯ ᑳ ᑮ ᑴᑎᐱᓇᑭᒃ ᐊᔅᑭᓕᐤ ᑕᑯᔑᓋᒃ ᐅᑕ ᐊᓯᒋ:

ᐊᐸᔅᑕᓚᒃ 24:5

ᐌᓴ ᓂ ᑮ ᒥᔅᑲᐙᓈᓐ ᐊᐗ ᐃᓕᓕᐤ ᐁ ᒪᒋ ᐃᓕᓕᐎᑦ, ᓀᔥᑕ ᐁ ᔑᑭᒥᐌᑦ ᒫᓓᓕᒋᑫᐎᓂᓕᐤ ᒥᓯᐌ ᐃᑕ ᐁ ᐃᑖᓕᒋ ᒎᐗ ᒥᓯᐌ ᐊᔅᑮᒃ, ᓀᔥᑕ ᑳ ᓂᑳᓄᑕᐙᑦ ᐊᓂᐃ ᓈᓴᕆᓇ:

ᐊᐸᔅᑕᓚᒃ 28:22

ᒫᑲ ᓂ ᓇᑕᐌᓕᑌᓈᓐ ᑭᒋ ᐯᑖᑖᒃ ᑖᓂ ᐁᑌᓕᑕᒪᓐ: ᐌᓴ ᐅᒪ ᐋᔭᒥᐋᐎᓐ ᐁ ᐋᓕᒧᒋᑳᑌᒃ, ᓂ ᑭᔅᑫᓕᑌᓈᓐ ᒥᓯᐌ ᐃᑕ ᐁ ᒪᒋ ᐋᓕᒧᒋᑳᑌᒃ᙮

ᐊᐸᔅᑕᓚᒃ 4:26

ᑭᒋᐅᑭᒫᐗᒃ ᐅᑕ ᐊᔅᑭᒃ ᑮ ᓂᐸᐎᐗᒃ, ᓀᔥᑕ ᐅᑎᐯᓕᒋᑫᐗᒃ ᑮ ᒫᐗᒋᐃᑐᐗᒃ ᐁ ᐎ ᓄᑎᓈᒋᒃ ᑌᐯᓕᒋᑫᓕᒋ, ᓀᔥᑕ ᐅ ᙭ᑎᒥᓕᐗ᙮

ᐊᐸᔅᑕᓚᒃ 6:7

ᐅᑦ ᐋᔭᒥᐎᓐ ᒫᑲ ᑭᒋᒪᓂᑐ ᑮ ᓛᑭᐸᓕᓕᐤ; ᓀᔥᑕ ᐁ ᐃᑕᓯᒋᒃ ᑭᔅᑭᓄᐊᒪᐙᑲᓇᒃ ᓈᔅᐱᒡ ᐊᐙᓯᑌ ᑮ ᓚᑭᐅᐗᒃ ᒋᕉᓴᓚᒥᒃ; ᓈᔅᐱᒡ ᒥᒉᑦ ᓀᔥᑕ ᐊᓂᑭ ᓵᓵᑭᐎᓕᐌᐎᓕᓕᐗᒃ ᑮ ᓇᓈᐃᑕᒶᒃ ᑖᐺᔦᓕᑕᒧᐎᓂᓕᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:32

ᑖᓀᑭ ᐌᒋ? ᐁᑳ ᐁ ᑮ ᓈᓇᑕᐌᓕᑕᑭᒃ ᑖᐺᔦᓕᑕᒧᐎᓂᒃ, ᒫᑲ ᒪᓇ ᐊᑯ ᐅᓚᔓᐌᐎᓂ ᐊᑑᔅᑫᐎᓇ ᐅᒋ᙮ ᐌᓴ ᑮ ᐱᔓᓯᓍᒃ ᐊᓂᒪ ᐱᔓᓯᐎ ᐊᓯᓂᒃ;

ᓂᔥᑕᒻ ᑯᕆᓐᑎᐊᓇ 1:23

ᒫᑲ ᓂ ᑲᑫᔅᑭᒥᐙᓈᓐ ᙭ ᐁ ᒋᔅᑖᔅᑾᐙᑲᓂᐎᑦ, ᒍᐗᒃ ᐁ ᐅ ᐱᔓᓯᓄᐎᓂᒋᒃ, ᓀᔥᑕ ᒃᕆᑲᒃ ᑲᑫᐹᑎᓯᐎᓐ ᑳ ᐃᑌᓕᑕᑭᒃ;

ᐦᐃᑉᕉᐗ 7:1

ᐌᓴ ᐊᐗ ᒣᓪᑭᓯᑌᒃ, ᓭᓕᒻ ᑭᒋᐅᑭᒪᐤ, ᐅ ᓵᓵᑭᐎᓕᐌᐎᓕᓕᒪ ᒥᔭᐗᒋ ᑭᔅᑎᓯᑦ ᑭᒋᒪᓂᑐ, ᑳ ᑮ ᓇᑭᔥᑲᐙᑦ ᐁᑉᕃᐊᒪ ᐁ ᐯᒋᑭᐌᓕᒋ ᐁ ᑮ ᓂᐸᐋᓕᒋ ᐊᓂᐃ ᑭᒋᐅᑭᒪᐗ, ᓀᔥᑕ ᑳ ᑮ ᒥᓦᑭᒫᑦ;

ᐦᐃᑉᕉᐗ 7:7

ᐁᑳ ᒫᑲ ᐁ ᐋᓉᔦᓕᒋᑳᑌᒃ, ᑳ ᑭᔅᑌᓕᑖᑯᓯᑦ ᒥᓦᑭᒣᐤ ᐊᓂᐃ ᑳ ᑕᐸᑌᓕᑖᑯᓯᓕᒋ᙮

ᓂᔥᑕᒻ ᐱᑕᕐ 4:14

ᑮᔥᐱᓐ ᑭᑳᒥᑲᐎᔦᑴ ᐅᑦ ᐃᔑᓂᑳᓱᐎᓐ ᙭ ᐅᒋ, ᒥᓚᐙᑌᓇᐗᐤ; ᐌᓴ ᑭᔅᑌᓕᑖᑯᓯᐎ ᐊᒑᒃ ᓀᔥᑕ ᑭᒋᒪᓂᑐ ᐅᑦ ᐊᒑᑾ ᑭ ᐎᒉᐎᑯᐗᐤ: ᐎᓚᐗᐤ ᐅᒋ ᒪᒋᐋᓕᒧᒪᐤ, ᒫᑲ ᑭᓚᐗᐤ ᐅᒋ ᑭᔅᑌᓕᑖᑯᐊᐤ᙮