ᐅᐸᓓᑭᔅ ᓘᒃ 2:26 - ᐅᔅᑭ ᑎᔅᑌᒥᓐᑦ

²⁶ ᑮ ᑭᔅᑫᓕᑕᒥᐃᑯ ᒫᑲ ᐸᓓᑭ ᐊᒑᑾ, ᐁᑳ ᑭᒋ ᐙᐸᑕᒃ ᓂᐱᐎᓂᓕᐤ ᐸᒧᔑ ᑮ ᐙᐸᒦᒫ ᐅᑎᐯᓕᒋᑫᐤ ᐅ ᙭ᑎᒪ᙮

ᐅᐸᓓᑭᔅ ᓘᒃ 2:26 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 2:12

ᐁ ᑮ ᐃᑎᑯᒋᒃ ᒫᑲ ᑭᒋᒪᓂᑐᐗ ᐸᐙᒧᐎᓂᒃ ᐁᑳ ᑭᒋ ᑭᐌᑐᑕᐙᒋᒃ ᐦᐁᕋᑕ, ᐱᑐᔥ ᐃᔑ ᑮ ᑭᐌᐗᒃ ᑎᐱᓚᐌ ᐅᑦ ᐊᔅᑭᐙᒃ᙮

ᐅᐸᓓᑭᔅ ᓘᒃ 2:29

ᑌᐯᓕᒋᑫᔭᓐ, ᐁᑯ ᐁᓕᓇᐗᑦ ᑭᑦ ᐊᑑᔅᑫᓛᑲᓐ ᑭᒋ ᑭᑐᑌᑦ ᑳᔮᒣᓕᑕᒧᐎᓂᒃ, ᑳ ᐃᔑ ᐃᑗᔭᐸᓐ;

ᐅᐸᓓᑭᔅ ᓘᒃ 9:27

ᒫᑲ ᓂ ᑖᑆᓐ ᐁ ᐎᑕᒫᑕᑾᒃ, ᐋᑎᑦ ᐃᑕ ᓂᐸᐎᐗᒃ, ᐁᑳ ᑫ ᑯᒋᔅᑕᑭᒃ ᓂᐱᐎᓂᓕᐤ ᐹᑎᒫ ᑮ ᐙᐸᑕᒸᑡᐌ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 1:41

ᐎᓚ ᓃᔥᑕᒻ ᒥᔅᑲᐌᐤ ᑎᐱᓚᐌ ᐎᒋᔖᓇ ᓵᐃᒪᓐ, ᐃᑌᐤ ᒫᑲ, ᓂ ᑮ ᒥᔅᑲᐙᓈᓐ ᒥᓵᔭᔅ, ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᙭᙮

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 4:29

ᐋᔅᑕᒥᑐᒃ, ᐯᒋ ᐙᐸᒥᒃ ᐃᓕᓕᐤ, ᑳ ᑮ ᐎᑕᒫᐎᑦ ᒥᓯᐌ ᑫᒀᓇ ᑳ ᑮ ᐯᒋ ᑐᑕᒶᒃ: ᓇᒪ ᓈ ᐁᐗᑯ ᐊᐗ ᙭?

ᐅᐸᓓᑭᔅ ᒑᓐ 8:51

ᑖᐺ ᑖᐺ, ᑭᑦ ᐃᑎᓇᐗᐤ, ᑮᔥᐱᓐ ᐊᐌᓇ ᑲᓇᐎᑖᑌ ᓂᑦ ᐃᑗᐎᓂᓕᐤ, ᓇᒪᐎᔅᑳᑦ ᑲᑕ ᐙᐸᑕᒻ ᓂᐱᐎᓂᓕᐤ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 17:3

ᐁ ᐋᐸᐊᒫᐙᑦ ᓀᔥᑕ ᐁ ᐙᐎᑕᒪᐙᑦ, ᔮᓕᑌᓪ ᙭ ᑖᐺ ᑭᒋ ᑮ ᐎᔭᑫᓕᑕᑭᔅᐸᓐ, ᒥᓇ ᒫᑲ ᑭᒋ ᐗᓂᔥᑳᑦ ᐅᓂᐱᐗ ᐅᒋ; ᓀᔥᑕ ᒫᑲ ᐊᐗ ᒋᓴᔅ ᑳ ᐊᓕᒧᑕᒫᑕᑾᒃ, ᐁᐗᑯ ᙭᙮

ᐊᐸᔅᑕᓚᒃ 2:36

ᐁᐗᑯ ᐅᒋ ᐁᑯᔑ ᒥᓯᐌ ᐃᔅᕃᐃᓪ ᐅᑦ ᐊᐙᔑᒥᔕ ᑫᒋᓈᔥ ᑲᑕ ᑭᔅᑫᓕᑕᒸᒃ, ᑭᒋᒪᓂᑐ ᐁ ᑮ ᑑᑕᐙᑦ ᐊᓂᐃ ᑫᔮᐸᒡ ᒋᓴᓴ, ᐊᓇ ᑳ ᑮ ᒋᔅᑖᔅᑾᐌᒃ, ᑭᒋ ᑎᐯᓕᒋᑫᑦ, ᓀᔥᑕ ᑭᒋ ᙭ᑎᐎᑦ᙮

ᐊᐸᔅᑕᓚᒃ 9:20

ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᐦᐃᑉᕉᐗ 11:5

ᑖᐺᔦᓕᑕᒧᐎᓐ ᐅᒋ ᐃᓇᒃ ᑮ ᐹᔑᑯᓈᑯᐊᐤ ᐁᑳ ᑭᒋ ᐙᐸᑕᒃ ᓂᐱᐎᓂᓕᐤ; ᓇᒪ ᒫᑲ ᑮ ᒥᔅᑲᐗᐤ, ᐁ ᑮ ᐹᔑᑯᓈᑯᐃᑯᑦ ᑭᒋᒪᓂᑐᐗ: ᐌᓴ ᐸᒧᔑ ᑮ ᐹᔑᑯᓈᑯᐋᑲᓂᐎᑦ ᑮ ᐋᔭᐤ ᐅᒣᓕᐤ ᐃᑕᒋᒧᐎᓂᓕᐤ, ᐁ ᑮ ᓇᐃᓚᐌᐋᑦ ᑭᒋᒪᓂᑐᐗ᙮