ᐅᐸᓓᑭᔅ ᓘᒃ 2:25 - ᐅᔅᑭ ᑎᔅᑌᒥᓐᑦ

²⁵ ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᒋᕉᓴᓚᒥᒃ, ᓯᒥᔭᓐ ᐁ ᐃᔑᓂᑳᓱᑦ: ᐁᐗᑯ ᐊᐗ ᑮ ᒀᔭᔅᑭᑎᐤ ᓀᔥᑕ ᑮ ᐋᔭᒥᐁᐋᑎᓯᐤ, ᑮ ᐁᔑᓇᐙᑕᐌᐤ ᒫᑲ ᐃᔅᕃᐃᓚ ᐅ ᑲᑮᒋᐃᑯᓯᐎᓂᓕᐤ: ᑮ ᑭᑭᔥᑳᑯ ᒫᑲ ᐸᓓᑭ ᐊᒑᑾ᙮

ᐅᐸᓓᑭᔅ ᓘᒃ 2:25 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 15:43

ᒎᓯᑉ ᐋᕆᒪᑎᔨᐃᒃ ᑳ ᐅᒌᑦ, ᐁ ᑭᔅᑌᓕᑖᑯᓯᑦ ᐅᑲᑫᔅᑭᒥᐌᐤ, ᐎᓚ ᓀᔥᑕ ᐁ ᐯᑕᐙᑦ ᑭᒋᒫᓂᑐ ᐅᑦ ᐅᑭᒫᐎᐎᓂᓕᐤ, ᑮ ᐯᒋ ᐃᑐᑌᐤ, ᓀᔥᑕ ᑮ ᓱᑭᑌᐁᐎ ᐱᑐᑲᐌᐤ ᐹᐃᓚᑦ, ᓀᔥᑕ ᑮ ᓇᑐᑕᒪᐌᐤ ᒋᓴᓴ ᐎᔮᐎᓕᐤ᙮

ᐅᐸᓓᑭᔅ ᓘᒃ 1:41

ᑮ ᐃᑭᓐ ᒫᑲ, ᐃᔅᐱ ᐃᓕᓴᐱᑦ ᐱᐁᑕᒸᑦ ᒣᕆᔭ ᐅᑦ ᐊᑕᒥᔅᑲᑫᐎᓂᓕᐤ, ᐊᐙᔑᔕ ᑮ ᑳᔥᑯᑎᓕᐗ ᐅᔅᐹᔮᒃ: ᐃᓕᓴᐱᑦ ᒫᑲ ᑮ ᐊᑎ ᓵᑲᔅᑭᓀᔅᑳᑯ ᐸᓓᑭ ᐊᒑᑾ᙮

ᐅᐸᓓᑭᔅ ᓘᒃ 1:6

ᑖᐱᔅᑯᒡ ᒫᑲ ᑮ ᒀᔭᔅᑭᑖᑎᓯᐗᒃ ᐁ ᐙᐸᒥᑯᒋᒃ ᑭᒋᒪᓂᑐᐗ, ᐁ ᐱᒧᑖᑕᒸᒋᒃ ᒥᓯᐌ ᐅ ᑲᑫᔅᑴᐎᓂᓕᐗ ᓀᔥᑕ ᐃᑕᔓᐌᐎᓂᓕᐗ ᐅᑎᐯᓕᒋᑫᐗ ᐁᑳ ᐁ ᐋᓉᓕᑖᑯᓯᒋᒃ᙮

ᐅᐸᓓᑭᔅ ᓘᒃ 1:67

ᐅᑖᐎ ᒫᑲ, ᓵᑲᕌᔭᐗ ᑮ ᓵᑲᔅᑭᓀᔅᑳᑯᓕᐗ ᐸᓓᑭ ᐊᒑᑾ, ᑮ ᑭᔅᑭᐙᐃᑫᐎᐋᔭᒥᐤ ᒫᑲ, ᐁ ᐃᑗᑦ,

ᐅᐸᓓᑭᔅ ᓘᒃ 2:38

ᐎᓚ ᓀᔥᑕ ᐁᑯᔅᐱ ᐁ ᐯᒋ ᐱᑐᑫᑦ, ᑮ ᓇᓈᔅᑯᒣᐤ ᓀᔥᑕ ᐅᑎᐯᓕᒋᑫᐗ, ᑮ ᐋᓕᒧᒣᐤ ᒫᑲ ᐁ ᐋᔭᒥᐋᑦ ᒥᓯᐌ ᐊᓂᐃ ᑳ ᐯᔗᓕᑕᒥᓕᒋ ᐱᒫᒋᐃᐌᐎᓂᓕᐤ ᒋᕉᓴᓚᒥᒃ᙮

ᐅᐸᓓᑭᔅ ᓘᒃ 23:51

(ᐁᐗᑯ ᐊᐗ ᓇᒪᐎᓚ ᑮ ᒥᓜᓕᑕᒬᐤ ᐅ ᑲᑫᔅᑭᒥᑐᐎᓂᓕᐤ ᓀᔥᑕ ᐅᑦ ᐋᔨᑎᐎᓂᓕᐤ:) ᑮ ᐅᒋᐤ ᐋᕆᒪᑎᔭᐃᒃ, ᐯᔭᒃ ᐅᑦ ᐃᑖᐎᓂᐙᐗ ᒎᐗᒃ: ᐎᓚ ᓀᔥᑕ ᑮ ᐁᔑᓇᐙᑕᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ᙮

ᐊᐸᔅᑕᓚᒃ 10:2

ᐁ ᐋᔭᒥᐁᐙᑎᓯᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒔᔅᑕᐙᑦ ᑭᒋᒪᓂᑐᐗ ᐊᓯᒋ ᒥᓯᐌ ᑳ ᐃᑕᔑᑦ ᐎᑭᒃ, ᒥᔅᑕᐃ ᒥᓕᐌᐎᓇ ᑳ ᒥᓛᑦ ᐃᓕᓕᐗ, ᓀᔥᑕ ᒧᔕᒃ ᑳ ᐋᔭᒥᐁᔅᑕᐙᑦ ᑭᒋᒪᓂᑐᐗ᙮

ᐊᐸᔅᑕᓚᒃ 10:22

ᑮ ᐃᑗᐗᒃ ᒫᑲ, ᑳᕐᓂᓕᔭᔅ ᑳ ᓇᑐᐸᓕᐎ ᐅᑭᒫᐎᑦ, ᒀᔭᔉ ᑳ ᐃᑎᑦ ᐃᓕᓕᐤ, ᓀᔥᑕ ᐊᐌᓇ ᑳ ᓇᓂᒋᔅᑕᐙᑦ ᑭᒋᒪᓂᑐᐗ, ᓀᔥᑕ ᑳ ᒥᓨᒋᒥᑯᑦ ᒥᓯᐌ ᒫᒪᐤ ᐁ ᑕᑐᔅᑲᓀᓯᓕᒋ ᐊᓂᐃ ᒎᐗ, ᑮ ᐎᑕᒫᑯ ᑭᒋᒪᓂᑐᐗ ᐸᓓᑭ ᐁᓐᒐᓚ ᐅᒋ, ᑭᒋ ᓇᑐᒥᔉ ᐊᓐᑕ ᐅ ᐎᑭᓕᒃ, ᑭᒋ ᐯᑕᒃ ᒫᑲ ᐋᔭᒥᐎᓇ ᑭᓚ ᐅᒋ᙮

ᐊᐸᔅᑕᓚᒃ 2:5

ᑮ ᑕᔑᑫᐗᒃ ᒫᑲ ᒋᕉᓴᓚᒥᒃ, ᒎᐗᒃ, ᐁ ᐋᔭᒥᐁᐙᑎᓯᐎ ᐃᓕᓕᐎᒋᒃ, ᒥᓯᐌ ᐁ ᑕᑐᔅᑲᓀᓯᓕᒋ ᐃᓕᓕᐗ ᔑᐸ ᑭᒋᑭᔑᑯᒃ ᐅᒋ᙮

ᐊᐸᔅᑕᓚᒃ 24:16

ᐅᑕ ᒫᑲ ᓂᑦ ᐅᒋ ᓈᑲᑕᐌᓕᒥᑎᓱᓐ ᒧᔕᒃ ᑭᒋ ᐅ ᒥᑐᓀᓕᒋᑲᓂᔮᓐ ᐁᑳ ᑭᒋ ᓈᔦᑕᐎᑐᑕᐗᒃ ᑭᒋᒪᓂᑐ, ᓀᔥᑕ ᐃᓕᓕᐗᒃ᙮

ᓂᔓ ᐱᑕᕐ 1:21

ᐌᓴ ᑭᔅᑭᐙᐃᑫᐎ ᐋᔭᒥᐎᓐ ᓇᒪᐎᔅᑳᑦ ᑮ ᐹᐸᓕᐤ ᐃᓕᓕᐤ ᐁ ᐃᑌᓕᑕᒃ ᐅᒋ; ᒫᑲ ᐅ ᐸᓓᑭ ᐃᓕᓕᒪ ᑭᒋᒪᓂᑐ ᑮ ᐃᔑ ᐋᔭᒥᓕᐗ ᑳ ᑮ ᐃᔑ ᐃᑌᓕᑕᒥᐃᑯᓕᒋ ᐸᓓᑭ ᐊᒑᑾ᙮