ᐅᐸᓓᑭᔅ ᓘᒃ 19:17 - ᐅᔅᑭ ᑎᔅᑌᒥᓐᑦ

¹⁷ ᑮ ᐃᑌᐤ ᒫᑲ, ᐁᑯᔔᓂ, ᑭᓚ ᒥᓗ ᐊᑑᔅᑫᓛᑲᓐ: ᐁ ᑮ ᒀᔭᔅᑭᑎᔭᓐ ᐊᓂᒪ ᓈᔅᐱᒡ ᐁ ᐋᐱᔖᔑᒃ ᐅᒋ, ᑎᐯᓕᑕ ᒥᑖᑦ ᐃᑖᐎᓇ᙮

ᐅᐸᓓᑭᔅ ᓘᒃ 19:17 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 25:21

ᑮ ᐃᑎᑯ ᒫᑲ ᐅᑦ ᐅᑭᒫᒪ, ᐁᑯᔖᓂ, ᑭᓚ ᒥᓗ ᐊᑑᔅᑫᓛᑲᓐ ᐁ ᒀᔭᔅᑭᑎᔭᓐ; ᑭ ᑮ ᒀᔭᔅᑯᑐᑌᓐ ᐋᑎᑦ ᑫᒀᓇ, ᑭ ᑳ ᑎᐯᓕᑕᒥᐃᑎᓐ ᒥᒉᑦ ᑫᒀᓇ; ᐱᑐᑫᐤ ᑭᑦ ᐅᑭᒫᒻ ᐅ ᒧᒋᑫᓕᑕᒧᐎᓂᒃ᙮

ᐅᐸᓓᑭᔅ ᓘᒃ 16:10

ᐊᓇ ᑳ ᒀᔭᔅᑭᑎᑦ ᐊᓂᐁᓕᐤ ᑳ ᒫᐗᒋ ᐋᐱᔖᔑᓂᓕᒃ ᐅᒋ, ᑲᑕ ᒀᔭᔅᑭᑎᐤ ᓀᔥᑕ ᒥᔅᑕᐃ ᐅᒋ: ᐊᓇ ᒫᑲ ᐁᑳ ᑳ ᒀᔭᔅᑭᑎᑦ ᐊᓂᐁᓕᐤ ᑳ ᒫᐗᒋ ᐋᐱᔖᔑᓂᓕᒃ ᐅᒋ, ᓇᒪᐎᓚ ᒀᔭᔅᑭᑎᐤ ᒥᔅᑕᐃ ᐅᒋ᙮

ᐅᐸᓓᑭᔅ ᓘᒃ 19:16

ᐁᑯ ᐱᐁᒋ ᐃᑐᑌᑦ ᐊᓇ ᓃᔥᑕᒻ, ᐁ ᐃᑗᑦ, ᐅᑭᒪᐤ, ᑭ ᑭᒋᔔᓕᐋᓂᒻ ᑮ ᑕᑯᑲᔥᑭᐁᐤ ᒣᑖᑦ ᑭᒋᔔᓕᐋᓇ᙮

ᐅᐸᓓᑭᔅ ᓘᒃ 19:18

ᐊᓇ ᓂᔓ ᓀᔥᑕ ᑮ ᐯᒋ ᐃᑐᑌᐤ, ᐁ ᐃᑗᑦ, ᐅᑭᒪᐤ, ᑭ ᑭᒋᔔᓂᐋᓂᒻ ᑮ ᑕᑯᑲᔥᑭᐁᐤ ᓂᔮᓚᓐ ᑭᒋᔖᓕᐋᓇ᙮

ᐅᐸᓓᑭᔅ ᓘᒃ 22:30

ᑭᒋ ᒥᒋᓱᔦᒃ ᓀᔥᑕ ᑭᒋ ᒥᓂᑴᔦᒃ ᓂ ᒥᒋᓱᓈᑎᑯᒃ ᓂᑦ ᐅᑭᒫᐎᐎᓂᒃ, ᓀᔥᑕ ᐅᑭᒪᐗᐱᐎᓂᒃ ᑭᒋ ᐊᐱᔦᒃ, ᐁ ᑎᐹᔅᑯᓀᑾᒃ ᐊᓂᑭ ᐁ ᓂᔓᔖᐳᑌᐎᓯᑦ ᐃᔅᕃᐃᓪ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:29

ᒫᑲ ᐁᐗᑯ ᑖᐺ ᒎᐎᐤ, ᐊᓇ ᐅᑎ ᐱᒋ ᐁ ᐃᔑᓈᑯᓯᑦ; ᓀᔥᑕ ᑭᔅᑭᓄᐙᒋᔓᐎᓐ ᐁᐗᑯ ᒥᑌᐃᒃ ᑳ ᐃᑐᒋᑳᑌᒃ, ᐊᒑᑯᒃ, ᓇᒪᐎᓚ ᒫᑲ ᐁ ᐃᑕᓯᓇᐃᑳᑌᒃ; ᐁᑳ ᑲ ᒫᒪᑖᑯᑕᑭᒃ ᐃᓕᓕᐗᒃ, ᒫᑲ ᐱᑯ ᑭᒋᒪᓂᑐ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔓ ᑎᒧᑎ 2:10

ᐁᐗᑯ ᒫᑲ ᐅᒋ ᓂ ᓇᔭᑌᓐ ᒥᓯᐌ ᑫᒀᓇ ᐙᐌᓛᐸᒫᑲᓇᒃ ᐅᒋ, ᐎᓚᐗᐤ ᐊᓯᒋ ᑭᒋ ᐋᔮᒋᒃ ᐊᓂᐁᓕᐤ ᐱᒫᒋᐃᐌᐎᓂᓕᐤ ᑳ ᐃᑕᑾᓂᓕᒃ ᙭ ᒋᓴᓯᒃ, ᐊᓯᒋ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓂᓕᐤ᙮

ᓂᔥᑕᒻ ᐱᑕᕐ 1:7

ᐁ ᑲᑴᒋᑖᓂᐗᒃ ᑭ ᑖᐺᔦᓕᑕᒧᐎᓂᐗᐤ, ᐊᐙᓯᑌ ᐁ ᑭᔅᑕᑭᑖᑾᒃ ᐃᔥᐱᔥ ᐅᓵᐎᔔᓕᐋᓈᐱᔉ ᑳ ᓂᔑᐗᓈᑕᒃ, ᐋᑕ ᐃᔥᑯᑌᒃ ᐁ ᑮ ᑯᒋᑖᓂᐗᒃ, ᑭᒋ ᒥᔅᑭᑳᑌᒃ ᑭᒋ ᐅᒋ ᒫᒪᑕᑯᒥᑲᐎᔦᒃ, ᓀᔥᑕ ᑭᔅᑌᓕᒥᑲᐎᔦᒃ, ᓀᔥᑕ ᑭᔅᑌᓕᑖᑯᐃᑲᐎᔦᒃ ᐯᒋ ᓄᑯᓯᑌ ᒋᓴᔅ ᙭;

ᓂᔥᑕᒻ ᐱᑕᕐ 5:4

ᐃᔅᐱ ᒫᑲ ᐯᒋ ᓄᑯᓯᑌ ᒫᐗᒋ ᑳ ᓂᑳᓀᓕᑖᑯᓯᑦ ᒫᓂᔥᒑᓂᔑᐎᓕᓕᐤ, ᑭ ᑳ ᒥᓕᑲᐎᓇᐗᐤ ᑭᔅᑌᓕᑖᑯᓯᐎ ᐅᑭᒪᐗᔅᑐᑎᓐ ᐁᑳ ᑳ ᐊᑎ ᓂᐳᐎᓈᑾᒃ᙮