ᐅᐸᓓᑭᔅ ᓘᒃ 18:43 - ᐅᔅᑭ ᑎᔅᑌᒥᓐᑦ

⁴³ ᑣᔦᒃ ᒫᑲ ᑮ ᐙᐱᐤ, ᓀᔥᑕ ᑮ ᓄᔅᐱᓇᑌᐤ, ᐁ ᑭᔅᑖᒋᒫᑦ ᑭᒋᒪᓂᑐᐗ: ᒥᓯᐌ ᐃᓕᓕᐗᒃ ᒫᑲ, ᐃᔅᐱ ᐎᐋᐸᑕᑭᒃ, ᑮ ᒫᒥᒋᒣᐗᒃ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 18:43 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:5

ᐁᑳ ᑳ ᐙᐱᒋᒃ ᐙᐱᐋᐗᒃ, ᐅᓓᑉᕈᓯᐃᑖᔅᐱᓀᐗᒃ ᐹᔦᑭᐋᐗᒃ, ᐅᑭᐱᑌᐗᒃ ᓇᐃᑕᒶᒃ, ᐅᓂᐱᐗᒃ ᐗᓂᔥᑳᓈᐗᒃ, ᓀᔥᑕ ᐅᑭᑎᒫᑭᓯᐗᒃ ᐙᐎᑕᒪᐙᐗᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᒫᑎᐤ 21:14

ᑮ ᐯᒋ ᓈᑎᑯ ᒫᑲ ᑭᒋᐋᔭᒥᐁᐎᑲᒥᑯᒃ ᐁᑳ ᑳ ᐙᐱᓕᒋ ᓀᔥᑕ ᐁᑳ ᑳ ᓂᑖᐅᑌᓕᒋ; ᑮ ᒥᓇᐙᒋᐁᐤ ᒫᑲ᙮

ᐅᐸᓓᑭᔅ ᒫᑎᐤ 9:8

ᒫᑲ ᐃᔅᐱ ᑳ ᒫᒪᐎᒥᒉᑎᒋᒃ ᐃᓕᓕᐗᒃ ᐎᐋᐸᑕᑭᒃ, ᑮ ᒫᒪᔅᑳᑕᒶᒃ, ᓀᔥᑕ ᑮ ᒫᒥᒋᒣᐗᒃ ᑭᒋᒪᓂᑐᐗ, ᑳ ᑮ ᒥᓛᓕᒋ ᐃᓕᓕᐗ ᐅᒪ ᐃᔑ ᑲᔥᑭᐅᐎᓂᓕᐤ᙮

ᐅᐸᓓᑭᔅ ᓘᒃ 13:17

ᐃᔅᐱ ᒫᑲ ᐅᐅ ᑫᒀᓇ ᑳ ᐃᑗᑦ, ᒥᓯᐌ ᐊᓂᐃ ᓇ ᓈᔦᑕᐌᓕᒥᑯᑦ ᑮ ᓇᓀᐯᐎᓯᓕᐗ: ᓀᔥᑕ ᒥᓯᐌ ᐃᓕᓕᐗᒃ ᑮ ᒥᓚᐙᑕᒶᒃ ᒥᓯᐌ ᐊᓂᐃ ᑭᒋ ᑫᒀᓇ ᐅᒋ ᑳ ᑮ ᑐᑕᒥᓕᒋ᙮

ᐅᐸᓓᑭᔅ ᓘᒃ 19:37

ᐃᔅᐱ ᒫᑲ ᑭᔑᐙᒃ ᑌᑯᔑᒃ ᐃᑕ ᐁ ᐅᒋ ᓵᑲᒋᐌᒃ ᐊᓕᑉᔅ ᐗᒋ, ᒥᓯᐌ ᒥᔭᒪᐎᒥᒉᑎᒋᒃ ᑭᔅᑭᓄᐊᒪᐙᑲᓇᒃ ᑮ ᒫᒋ ᒥᓚᐙᑕᒶᒃ, ᓀᔥᑕ ᒫᒥᒋᒣᐗᒃ ᑭᒋᒪᓂᑐᐗ ᐁ ᑭᔗᐌᒋᒃ, ᒥᓯᐌ ᐊᓂᐃ ᒫᒪᑖᐎ ᐊᑑᔅᑫᐎᓇ ᐅᒋ ᑳ ᑮ ᐙᐸᑕᑭᒃ;

ᐅᐸᓓᑭᔅ ᓘᒃ 4:39

ᑮ ᑕᑯᑳᐸᐎᔅᑕᐌᐤ ᒫᑲ, ᓀᔥᑕ ᑮ ᑭᑐᑕᒻ ᑭᓯᓱᐎ ᐃᑖᔅᐱᓀᐎᓂᓕᐤ; ᐁᑯ ᓀᑲᑎᑯᓕᒋ᙮ ᑡᔦᒃ ᒫᑲ ᑮ ᐗᓂᔥᑲᐤ, ᓀᔥᑕ ᑮ ᐸᒥᐁᐤ᙮

ᐅᐸᓓᑭᔅ ᓘᒃ 5:26

ᒥᓯᐌ ᐁ ᐃᑕᓯᒋᒃ ᒫᑲ ᑮ ᒫᒪᔅᑳᑕᒶᒃ, ᓀᔥᑕ ᑮ ᑭᔅᑖᒋᒣᐗᒃ ᑭᒋᒪᓂᑐᐗ, ᓀᔥᑕ ᑮ ᓵᑲᔅᑭᓀᔅᑳᑯᐗᒃ ᓭᑭᓯᐎᓂᓕᐤ, ᐁ ᐃᑗᒋᒃ, ᑭ ᑮ ᐙᐸᑌᓈᓇᐤ ᒫᒪᔅᑳᒋ ᑫᒀᓇ ᐊᓄᒡ ᑳ ᑭᔑᑳᒃ᙮

ᐅᐸᓓᑭᔅ ᓘᒃ 9:43

ᒥᓯᐌ ᒫᑲ ᑮ ᒫᒪᔅᑳᑕᒬᐗᒃ ᑭᒋᒪᓂᑐᐗ ᐅ ᑭᒋ ᑲᔥᑭᐅᐎᓂᓕᐤ᙮ ᒫᑲ ᒣᒀᒡ ᑳ ᒫᒪᔅᑲᑕᒶᒋᒃ ᒥᓯᐌ ᑕᑐ ᐁ ᐃᑕᓯᒋᒃ ᒥᓯᐌ ᑫᒀᓇ ᑳ ᑐᑕᒥᓕᒋ ᒋᓴᓴ, ᑮ ᐃᑌᐤ ᐅ ᑭᔅᑭᓄᐊᒪᐙᑲᓇ᙮

ᐊᐸᔅᑕᓚᒃ 11:18

ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮

ᐊᐸᔅᑕᓚᒃ 26:18

ᑭᒋ ᐹᔅᑭᑌᓇᒶᑦ ᐅᔅᑭᔑᑯᐙᐗ, ᓀᔥᑕ ᑎᐱᔅᑭᓯᐎᓂᒃ ᑭᑭ ᐅᒋ ᑴᔅᑭᓇᒋᒃ ᐙᓭᔮᓯᐎᓂᒃ ᐃᔑ, ᓀᔥᑕ ᓭᑖᓐ ᐅ ᑲᔥᑭᐅᐎᓂᒃ ᐃᔑ ᑭᒋ ᑖᐺᔦᓕᒫᒋᒃ ᑭᒋᒪᓂᑕᐗ, ᑭᒋ ᒥᓛᑲᓂᐎᒋᒃ ᑭᒋ ᐌᐯᓕᑕᒫᒋᒃ ᐅ ᒪᒋᑣᐎᓂᐙᐗ, ᓀᔥᑕ ᑎᐯᓕᑕᒧᐎᓂᓕᐤ ᒣᑴᔭᔥ ᐊᓂᐃ ᑳ ᐸᓓᑭᐋᑲᓂᐎᓕᒋ ᑖᐺᔦᓕᑕᒧᐎᓐ ᐅᒋ ᑳ ᐯᒋᔅᑳᑯᔮᓐ᙮

ᐊᐸᔅᑕᓚᒃ 4:21

ᐃᔅᐱ ᒫᑲ ᐊᐙᓯᑌ ᑳ ᔮᑳᒥᐋᒋᒃ, ᑮ ᐸᑭᑎᓀᐗᒃ, ᐁᑳ ᑫᒀᓕᐤ ᐁ ᒥᔅᑲᑭᒃ ᑫ ᑮ ᐅᒋ ᓇᓀᑳᒋᐋᒋᒃ ᐊᓂᐃ ᐃᓕᓕᐗ ᐅᒋ, ᐌᓴ ᒥᓯᐌ ᐃᓕᓕᐗᒃ ᑮ ᑭᔅᑖᒋᒣᐗᒃ ᑭᒋᒪᓂᑐᐗ ᐊᓂᐁᓕᐤ ᑳ ᑮ ᑐᒋᑳᑌᓕᒃ ᐅᒋ᙮

ᑲᓓᔕᐊᓇ 1:24

ᑮ ᒫᒥᒋᒣᐗᒃ ᒫᑲ ᑭᒋᒪᓂᑐᐗ ᓂᓚ ᐅᒋ᙮

ᓂᔥᑕᒻ ᐱᑕᕐ 2:9

ᒫᑲ ᑭᓚᐗᐤ ᑭᑦ ᐋᐎᓇᐎᐤ ᑳ ᐙᐌᓛᐸᒫᑲᓂᐎᒋᒃ ᑳ ᐋᓂᔅᑫ ᐱᒫᑎᓯᒋᒃ, ᑳ ᑭᔅᑌᓕᑖᑯᓯᒋᒃ ᓵᓵᑭᐎᓕᐌᐎᓕᓕᐗᒃ, ᑳ ᐸᓓᑭᓯᒋᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᑳ ᑭᔅᑕᑭᑖᑯᓯᒋᒃ ᐃᓕᓕᐗᒃ; ᑭᒋ ᐙᐸᑎᓕᐌᔦᒃ ᐅ ᒥᓨᑎᓰᐃᓇ ᐊᓇ ᐗᓂᑎᐱᔅᑭᓯᐎᓂᒃ ᑳ ᑮ ᐅᒋ ᓇᑐᒥᑖᒃ ᐅ ᒫᒪᔅᑳᒋ ᐙᓭᔮᓱᐎᓂᒃ ᐃᔑ;