23 ᐃᔅᐱ ᒫᑲ ᐅᒣᓕᐤ ᐱᐁᑕᒃ, ᓈᔅᐱᒡ ᑮ ᒥᒋᓚᐌᓯᐤ; ᐌᓴ ᓈᔅᐱᒡ ᑭ ᒥᔕᑭᓯᐤ᙮
ᒫᑲ ᐃᔅᐱ ᐅᔥᑭᓂᑭᐤ ᐱᐁᑕᒃ ᐊᓂᐁᓕᐤ ᐃᑗᐎᓂᓕᐤ, ᑮ ᑭᑐᑌᐤ ᐁ ᒥᒋᓚᐌᓯᑦ; ᐌᓴ ᑭᒋ ᐌᓗᑎᓯᐎᓇ ᑮ ᐋᔭᐤ᙮
ᑮ ᐗᔑᔥᑕᐌᓕᑕᒻ ᒫᑲ ᐊᓂᐁᓕᐤ ᐃᑗᐎᓂᓕᐤ ᐅᒋ, ᑮ ᑭᑐᑌᐤ ᒫᑲ ᐁ ᒥᒋᓚᐌᓯᑦ: ᐌᓴ ᓈᔅᐱᒡ ᑮ ᐌᓗᑎᓯᐤ᙮
ᑮ ᐃᑌᐤ ᒫᑲ, ᔮᒀᒦᔅᑕᒧᒃ ᓀᔥᑕ ᑯᔅᐸᓂᔅᑕᒧᒃ ᒧᔅᑌᓇᒫᑫᐎᓐ: ᐌᓴ ᐃᓕᓕᐤ ᐅ ᐱᒫᑎᓯᐎᓐ ᓇᒪᐎᓚ ᐁᐗᑴᓕᐤ ᑳ ᐃᔅᐱᒋ ᐌᓗᑎᓰᑦ᙮
ᐃᔅᐱ ᒫᑲ ᒋᓴᔅ ᐱᐁᑕᒃ ᐅᐅ ᑫᒀᓇ, ᑮ ᐃᑌᐤ, ᐯᔭᒃ ᑫᒀᓇ ᑭ ᓄᑌᐸᓕᓐ: ᐊᑖᐙᑫ ᒥᓯᐌ ᑳ ᐋᔮᔭᓐ, ᒫᑎᓇᒪᐎᒃ ᒫᑲ ᐅᑭᑎᒫᑭᓯᐊᐧᒃ, ᐁᑯ ᒫᑲ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ: ᐯᒋ ᓄᔅᐱᓇᔑᓐ ᒫᑲ᙮
ᐃᔅᐱ ᒫᑲ ᒋᓴᔅ ᐎᐋᐸᑕᒃ ᓈᔅᐱᒡ ᐁ ᒥᒋᓚᐌᓯᓕᒋ, ᑮ ᐃᑗᐤ, ᐙ ᐋᓕᒪᓂᓕᒃ ᐊᓂᑭ ᑳ ᒥᔕᑭᓯᒋᒃ ᑭᒋ ᐱᑐᑫᐙᒋᒃ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ!
ᓵᑭᐊᔅ ᒫᑲ ᑮ ᓂᐸᐎᐤ, ᓀᔥᑕ ᑮ ᐃᑌᐤ ᐅᑎᐯᓕᒋᑫᐗ, ᒫᑎᑲ, ᑌᐯᓕᒋᑫᔭᓐ, ᐋᐱᑕᐤ ᓂᑦ ᐋᔮᓇ ᓂ ᒥᓚᐗᒃ ᐅᑭᑎᒫᑭᓯᐗᒃ; ᑮᔥᐱᓐ ᒫᑲ ᑳ ᒪᔅᑲᒪᑭ ᐊᐌᓇ ᑫᒀᓕᐤ ᐁ ᑭᓛᔅᑭ ᑎᐹᒋᒧᔮᓐ, ᒥᓇ ᓂ ᒥᓚᐤ ᓀᐗᐤ ᐃᔥᐱᔥ᙮
ᔮᒀᒥᓰᒃ ᒫᑲ ᐁᑳ ᑭᒋ ᒫᑕᑯᔥᑭᑳᑌᑭ ᑭᑌᐃᐙᐗ ᒥᔅᑕᐃ ᐁ ᒥᒋᓱᔦᒃ ᓀᔥᑕ ᐁ ᑭᔥᑴᐯᔦᒃ, ᓀᔥᑕ ᐁ ᐅᑕᒣᓕᑕᒣᒃ ᐅᒪ ᐱᒫᑎᓯᐎᓐ, ᐁᑳ ᐊᓂᒪ ᐁ ᑭᔑᑳᒃ ᑫᑕᑕᐌ ᑭᒋ ᐅᑎᑎᑯᔦᒃ᙮
ᐊᓂᒪ ᒫᑲ ᒥᔑᑳᐎᒥᓇᑯᓰᔅᑳᒃ ᑳ ᐸᑭᑎᒃ, ᐁᐗᒀᓂᑭ, ᐃᔅᐱ ᐱᐁᑕᑭᒃ, ᑭᑐᑌᐗᒃ, ᑭᐱᔥᑳᑯᐗᒃ ᒫᑲ ᐱᑴᓕᑕᒧᐎᓇ ᓀᔥᑕ ᒥᔕᑭᓯᐎᓇ ᓀᔥᑕ ᓇᐃᓚᐌᐃᑯᓯᐎᓇ ᐅᒪ ᐱᒫᑎᓯᐎᓂᒃ ᑳ ᐃᑕᑾᑭ, ᓇᒪᐎᓚ ᒫᑲ ᒥᑐᓂ ᑭᔑᒥᓂᔑᐎᐗᒃ᙮
ᐌᓴ ᐅᒪ ᑭ ᑭᔅᑫᓕᑌᓇᐗᐤ, ᓇᒪᐎᓚ ᐊᐌᓇ ᑳ ᐱᔑᒀᑎᓯᑦ, ᓀᔥᑕ ᐊᐌᓇ ᑳ ᐎᓂᓯᑦ, ᓀᔥᑕ ᐊᐌᓇ ᑳ ᒧᔅᑌᓇᒫᑫᑦ, ᐁ ᓇᐗᑭᔅᑕᐙᑦ ᒪᓂᑐᑳᓇ, ᐋᔭᐤ ᑎᐱᓚᐌᐎᓯᐎᓐ ᑭᒋᒪᓂᑐ ᓀᔥᑕ ᙭ ᐅᑦ ᐅᑭᒪᐎᐎᓂᒃ᙮
ᐁᐁ, ᑭᔅᑎᓈᒃ, ᒥᓯᐌ ᑫᒀᓇ ᐸᑾᓐᑕᐤ ᓂᑦ ᐃᑕᑭᑌᓐ ᐁ ᐃᔑ ᑭᔅᑌᓕᑖᑾᓂᓕᒃ ᐅ ᑭᔅᑫᓕᒥᑯᓯᐎᓐ ᙭ ᒋᓴᔅ ᓂ ᑎᐯᓕᒋᑫᒻ; ᐊᓇ ᒥᓯᐌ ᑫᒀᓇ ᑳ ᑮ ᐅᒋ ᐗᓂᑖᔮᓐ, ᓀᔥᑕ ᑖᐱᔅᑯᒡ ᒥᒋᑾᓛᔕ ᓂᑦ ᐃᑕᑭᑌᓐ, ᑭᒋ ᑲᔥᑭᐊᒃ ᙭,
ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:
ᐁᑳᐎᓚ ᓵᑭᑖᒃ ᐊᔅᑭ, ᐁᑳ ᓀᔥᑕ ᐊᓂᐃ ᑫᒀᓇ ᐊᔅᑮᒃ ᑳ ᐃᑕᑾᑭ᙮ ᑮᔥᐱᓐ ᐊᐌᓇ ᓰᐊᑭᑖᑴ ᐊᔅᑭᓕᐤ, ᐅᑖᐎᒪᐤ ᐅ ᓵᑭᐃᐌᐎᓐ ᓇᒪᐎᓚ ᐱᒋᔅᑳᑯᓕᐗ᙮
