ᐅᐸᓓᑭᔅ ᓘᒃ 18:13 - ᐅᔅᑭ ᑎᔅᑌᒥᓐᑦ

¹³ ᐊᓇ ᐸᑉᓕᑳᓐ ᒫᑲ, ᐙᓚᐤ ᐁ ᓂᐸᐎᑦ, ᓇᒪᐎᓚ ᐙᐙᒡ ᐎ ᐅᐹᐱᐤ ᑭᒋᑭᔑᑯᒃ, ᑮ ᐅᑖᒫᔅᑭᑲᓀᐅᓱ ᒫᑲ, ᐁ ᐃᑗᑦ, ᑭᒋᒪᓂᑐ, ᔕᐌᓕᒥᓐ, ᐁ ᒪᒋᑣᔮᓐ᙮

ᐅᐸᓓᑭᔅ ᓘᒃ 18:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:3

ᐱᓕᑉ, ᓀᔥᑕ ᐸᕐᑕᓕᒥᐤ; ᑕᒪᔅ, ᓀᔥᑕ ᒫᑎᐤ ᑳ ᐸᑉᓕᑳᓂᐎᑦ; ᒉᒻᔅ ᐋᓪᐱᔭᔅ ᐅᑯᓯᓴ, ᓀᔥᑕ ᓓᐱᔭᔅ, ᑳ ᐊᔅᐱᓂᑳᓱᑦ ᑖᑎᔭᔅ;

ᐅᐸᓓᑭᔅ ᒫᑎᐤ 6:5

ᐃᔅᐱ ᒫᑲ ᐃᐋᔭᒥᐋᔭᓂ, ᐁᑳᐎᓚ ᑭ ᑲ ᓇᔅᐱᑕᐙᐗᒃ ᐅᑖᔭᒥᐁᑳᓱᔅᑲᒃ: ᐌᓴ ᐎᓚᐗᐤ ᓵᑭᑖᐗᒃ ᐁ ᐋᔭᒥᐋᒋᒃ ᐁ ᓂᐸᐎᒋᒃ ᐋᔭᒥᐁᐎᑲᒥᑯᒃ, ᓀᔥᑕ ᐁ ᓕᑭᑕᐗᒧᑭ ᐱᒥᑌᔅᑲᓇᐗ, ᑭᒋ ᐙᐸᒥᑯᒋᒃ ᐃᓕᓕᐗ᙮ ᑖᐺ ᑭᑦ ᐃᑎᓇᐗᐤ ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᒫᑎᐤ 9:13

ᒫᑲ ᓇᑕᐎ ᑭᔅᑫᓕᑐᒧᒃ ᐊᓂᒪ ᑳ ᐃᑗᒪᑲᒃ, ᓂ ᑳ ᐋᔮᓐ ᔕᐌᓕᒋᑫᐎᓐ, ᓇᒪ ᒫᑲ ᓵᓵᑭᐎᓕᐌᐎᓐ: ᐌᓴ ᓇᒪᐎᓚ ᓂ ᑮ ᐯᒋ ᐃᑐᑖᓐ ᑭᒋ ᓇᑐᒪᑭᒃ ᐅᒀᔭᔅᑭᑖᑎᓯᐗᒃ, ᒫᑲ ᐅᒪᒋᑣᐗᒃ ᑭᒋ ᑴᔅᑳᑎᓯᒋᒃ᙮

ᐅᐸᓓᑭᔅ ᒫᕐᒃ 11:25

ᐃᔅᐱ ᒫᑲ ᓂᐃᐹᐎᔦᑯ ᐁ ᐋᔭᒥᐋᔦᒃ, ᐌᐯᓕᑕᒫᑫᒃ ᑮᔥᐱᓐ ᐊᐌᓇ ᐙᔦᔥ ᓈᔦᑕᐌᓕᒣᒃ; ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᑭᒋ ᐌᐯᓕᑕᒫᑖᒃ ᑮ ᐗᓂᑎᐎᓂᐙᐗ᙮

ᐅᐸᓓᑭᔅ ᓘᒃ 17:12

ᐁ ᐊᑎ ᐱᑐᑫᑦ ᒫᑲ ᐯᔭᒃ ᐃᑖᐎᓂᔑᒃ, ᑮ ᓇᑭᔥᑳᑯ ᒥᑖᑦ ᐃᓕᓕᐗ ᐁ ᓓᑉᕈᓯᐃᑖᔅᐱᓀᓕᒋ, ᐙᓚᐤ ᑳ ᓂᐸᐎᓕᒋ:

ᐅᐸᓓᑭᔅ ᓘᒃ 22:41

ᑮ ᓇᑲᑌᐤ ᒫᑲ ᓈᓐᑕᐤ ᐃᔥᐱᔥ ᐊᓯᓂ ᐁ ᐌᐱᓈᑲᓂᐎᑦ; ᑮ ᐅᒋᒋᑾᓇᐱᐤ ᒫᑲ, ᓀᔥᑕ ᑮ ᐋᔭᒥᐋᐤ᙮

ᐅᐸᓓᑭᔅ ᓘᒃ 23:48

ᓀᔥᑕ ᒥᓯᐌ ᐃᓕᓕᐗᒃ ᑳ ᐯᒋ ᒪᐗᒋᐃᑐᒋᒃ ᐊᓂᒣᓕᐤ ᑭᒋ ᑲᓇᐙᐸᑕᑭᒃ, ᐁ ᐙᐸᑕᑭᒃ ᐊᓂᐃ ᑫᒀᓇ ᑳ ᐃᑭᓂᓕᑭ, ᑮ ᐅᑖᒫᔅᑭᑲᓀᐅᑎᓱᐗᒃ, ᓀᔥᑕ ᑮ ᑭᐌᐗᒃ᙮

ᐅᐸᓓᑭᔅ ᓘᒃ 5:8

ᐃᔅᐱ ᓵᐃᒪᓐ ᐱᑕᕐ ᐎᐋᐸᑕᒃ, ᑮ ᐸᑭᔑᓐ ᒋᓴᓴ ᐅᒋᑾᓂᓕᒃ, ᐁ ᐃᑗᑦ, ᓇᑲᔑᓐ, ᐌᓴ ᓂ ᒪᒋ ᐃᓕᓕᐎᓐ, ᐅ ᑌᐯᓕᒋᑫᔭᓐ᙮

ᐊᐸᔅᑕᓚᒃ 2:37

ᐃᔅᐱ ᒫᑲ ᐅᒪ ᑳ ᑮ ᐯᑕᑭᒃ ᑮ ᒥᑯᔥᑲᑌᓕᑕᒸᒃ ᐅᑌᐃᐙᒃ, ᑮ ᐃᑌᐙᒃ ᒫᑲ ᐱᑕᕋ ᓀᔥᑕ ᑯᑕᑭᔭ ᐊᐸᔅᑎᓚ, ᐃᓕᓕᑐᒃ ᓀᔥᑕ ᓂᒋᔖᓂᑐᒃ, ᑖᓂ ᑫ ᑐᑕᒫᒃ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:8

ᒫᑲ ᑭᒋᒪᓂᑐ ᑭ ᐙᐸᑎᓕᑯᓇᐤ ᐅ ᓵᑭᐃᐌᐎᓐ, ᒣᒀᒡ ᑫᔮᐸᒡ ᐁ ᑮ ᒪᒋᑣᔭᒃ, ᙭ ᑭ ᑮ ᓂᐸᔅᑕᒫᑯᓇᐤ᙮

ᓂᔓ ᑯᕆᓐᑎᐊᓇ 7:11

ᐌᓴ ᒫᑎᑲ, ᐅᒪ ᑫᒀᓐ, ᐁ ᑮ ᒪᓂᑐᐎ ᒥᒋᓚᐌᓯᔦᒃ, ᑖᓂ ᑳ ᑮ ᐃᔑ ᔮᒀᒥᓯᐃᑯᔦᒃ, ᐁᐁ, ᑖᓂ ᑳ ᑮ ᐃᔑ ᒫᒥᓄᒥᑎᓱᔦᒃ, ᐁᐁ, ᑖᓂ ᑳ ᑮ ᐃᔑ ᐋᑯᓚᐌᓱᔦᒃ, ᐁᐁ, ᑖᓂ ᑳ ᑮ ᐃᔑ ᑯᔅᑖᒋᔦᒃ, ᐁᐁ, ᑖᓂ ᑳ ᑮ ᐃᔑ ᒪᔥᑲᐌᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᓱᑫᓕᑕᒣᒃ, ᐁᐁ, ᑖᓂ ᑳ ᑮ ᐃᔑ ᐋᔅᑯᒋᐃᐌᔦᒃ! ᒥᓯᐌ ᑫᒀᓇ ᑭ ᑮ ᐙᐸᑎᓕᐙᓇᐗᐤ ᐁᑳ ᐁ ᒪᒉᓕᑖᑯᓯᔦᒃ ᐅᒪ ᐅᒋ᙮

ᓂᔥᑕᒻ ᑎᒧᑎ 1:15

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ, ᓀᔥᑕ ᑌᐸᑫᓕᑖᑾᓐ ᒥᓯᐌ ᐃᔑ ᑭᒋ ᐅᑎᓂᑳᑌᒃ, ᙭ ᒋᓴᔅ ᐁ ᑮ ᐯᒋᐃᑐᑌᑦ ᐅᑕ ᐊᔅᑮᒃ ᑭᒋ ᐱᒫᒋᐋᑦ ᐅᒪᒋᑣᐗ; ᐁᐗᒀᓂᑭ ᐅᒋ ᓂᓚ ᓂ ᓂᑳᓀᓕᑖᑯᓯᓐ᙮

ᐦᐃᑉᕉᐗ 4:16

ᐁᐗᑯ ᐅᒋ ᐁᑯᔑ ᓱᑭᑌᐁᐎ ᐯᒋ ᓈᑖᑕᐤ ᔕᐌᓕᒋᑫᐎ ᐅᑭᒪᐗᐱᐎᓐ, ᑭᒋ ᑮ ᐅᑎᓇᒪᒃ ᑭᑎᒫᑫᓕᒋᑫᐎᓐ, ᓀᔥᑕ ᑭᒋ ᒥᔅᑲᒪᒃ ᔕᐌᓕᒋᑫᐎᓐ ᑭᒋ ᐎᒋᐃᑯᔭᒃ ᐃᐊᓕᒥᓯᔭᑯ᙮

ᐦᐃᑉᕉᐗ 8:12

ᐌᓴ ᓂ ᑳ ᑭᑎᒫᑫᓕᑕᒸᓐ ᐅ ᐗᓂᑐᑕᒧᐎᓂᐗᐗ, ᓀᔥᑕ ᐅ ᒪᒋᑐᑕᒧᐎᓂᐗᐗ ᓀᔥᑕ ᐅ ᒪᒑᑎᓯᐎᓂᐙᐗ ᓇᒪᐎᔅᑳᑦ ᒥᓇ ᓂ ᑳ ᑭᔅᑭᓯᑐᑕᒸᓐ᙮