ᐅᐸᓓᑭᔅ ᓘᒃ 17:1 - ᐅᔅᑭ ᑎᔅᑌᒥᓐᑦ

¹ ᐁᑯ ᐁᑖᑦ ᑭᔅᑭᓄᐊᒪᐙᑲᓇ, ᓇᒪᐎᓚ ᑲᑕ ᑮ ᐃᑭᓐ ᐁᑳ ᑭᒋ ᐅᑎᒋᐸᓕᑭ ᒪᒋ ᐋᔨᑎᐎᓇ; ᒫᑲ ᑲᑕ ᑲᒀᑕᑭᓯᐤ ᐊᓇ ᑫ ᐅᒋ ᐅᑎᒋᐸᓕᑭ᙮

ᐅᐸᓓᑭᔅ ᓘᒃ 17:1 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:23

ᒫᑲ ᐁ ᑴᔅᑭᑳᐸᐎᑦ, ᑮ ᐃᑌᐤ ᐱᑕᕋ, ᓂᔅᐱᔅᑾᓂᒃ ᐃᔑ ᐃᑐᑌ, ᓭᑖᓐ: ᑭ ᓈᔦᑕᐌᓕᑕᒥᐃᓐ; ᐌᓴ ᓇᒪᐎᓚ ᑭᒋᒪᓂᑐ ᐅᑦ ᐋᔮᓇ ᑭ ᒫᒥᑐᓀᓕᑕᒸᓐ, ᒫᑲ ᐊᓂᐃ ᐃᓕᓕᐗᒃ ᑳ ᐅᑦ ᐋᔮᓂᒋᒃ᙮

ᐅᐸᓓᑭᔅ ᒫᑎᐤ 18:7

ᑲᑕ ᑲᒀᑕᑭᓯᒪᑲᓐ ᐊᔅᑭ ᒪᒋ ᐋᔨᑎᐎᓇ ᐅᒋ! ᐌᓴ ᑫᒋᓈᔥ ᒪᒋ ᐋᔨᑎᐎᓇ ᑲᑕ ᐅᑎᒋᐸᓕᐗ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐅᒋ ᐅᑎᒋᐸᓕᒃ ᒪᒋ ᐋᔨᑎᐎᓐ!

ᐅᐸᓓᑭᔅ ᓘᒃ 16:31

ᑮ ᐃᑌᐤ ᒫᑲ, ᑮᔥᐱᓐ ᐁᑳ ᓇᑐᑕᐙᑡᐌ ᒧᓯᓴ ᓀᔥᑕ ᐅᑭᔅᑭᐙᐃᑫᐗ, ᓇᒪᐎᓚ ᓀᔥᑕ ᑲᑕ ᔖᑯᒋᒫᐗᒃ ᐋᑕ ᐁ ᑮ ᐗᓂᔥᑳᓕᒋ ᐊᐌᓕᐗ ᐅᓂᐱᐗ ᐅᒋ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:13

ᐁᐗᑯ ᐅᒋ ᒫᑲ ᐁᑳ ᐎᓚ ᑫᔮᐸᒡ ᑎᐹᔅᑯᓂᑐᑕᐤ: ᒫᑲ ᐅᒪ ᐊᐙᓯᑌ ᑎᐹᔅᑯᓇᒧᒃ, ᐁᑳ ᐊᐌᓇ ᑭᒋ ᐊᔅᑖᑦ ᐱᔓᓯᐎᓂᓕᐤ, ᓀᔥᑕᐱᑯ ᑫᒀᓕᐤ ᑫ ᐅᒋ ᐸᑭᔑᓂᓕᒋ ᐎᒋᔖᓇ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 16:17

ᐁᑯ ᑭ ᐸᑯᓴᓕᒥᑎᓇᐗᐤ, ᓂᒋᔖᓂᑐᒃ, ᐱᓯᔅᑫᓕᒥᑯᒃ ᐊᓂᑭ ᑳ ᐅᒋ ᐃᑕᑾᑫ ᐸᑳᓂᐃᑐᐎᓇ ᓀᔥᑕ ᓇᔦᑕᐎ ᐃᑐᑕᒧᐎᓇ ᐱᑐᔥ ᑳ ᐃᑌᓕᑖᑾᑭ ᐊᓂᒪ ᑭᔅᑭᓄᐊᒫᑫᐎᓐ ᐅᒋ ᑳ ᑮ ᑭᔅᑭᓄᐊᒫᑲᐎᔦᒃ; ᐁᑳᐎᓚ ᒫᑲ ᐎᒉᐎᑯᒃ᙮

ᓂᔥᑕᒻ ᑯᕆᓐᑎᐊᓇ 10:32

ᐁᑳᐎᓚ ᓈᔦᑕᐌᓕᑕᒥᐃᑯᒃ ᒎᐗᒃ, ᐁᑳ ᓀᔥᑕ ᒉᓐᑖᐃᓚᒃ, ᐁᑳ ᓀᔥᑕ ᐅ ᒫᒪᐎᐊᔭᒥᐋᒥ ᑭᒋᒪᓂᑐ;

ᓂᔥᑕᒻ ᑯᕆᓐᑎᐊᓇ 11:19

ᐌᓴ ᓇᓈᓂᔑᐃᓱᐎᓇ ᐅᒋᑕᐤ ᑲᑕ ᐃᑕᑾᓋ ᐃᑕ ᐁ ᐃᑖᔦᒃ, ᐊᓂᑭ ᑳ ᓇᐁᓕᑖᑯᓯᒋᒃ ᑭᒋ ᑭᔅᑫᓕᑖᑯᓯᒋᒃ ᐃᑕ ᐁ ᐃᑖᔦᒃ᙮

ᓂᔥᑕᒻ ᑯᕆᓐᑎᐊᓇ 8:13

ᐁᐗᑯ ᐅᒋ, ᑮᔥᐱᓐ ᒥᒋᒻ ᐅᒋ ᑐᑕᐗᑫ ᓂᒋᔖᓐ ᑭᒋ ᐗᓂᑐᑕᒃ, ᓇᒪᐎᓚ ᓂ ᑳ ᒥᒋᐤ ᐎᔮᔅ ᐃᓕᑯᒃ ᑫ ᐊᔅᑭᐗᒃ, ᐁᑳ ᑭᒋ ᑐᑕᐗᒃ ᓂᒋᔖᓐ ᑭᒋ ᐗᓂᑐᑕᒃ᙮

ᓂᔥᑕᒻ ᑎᒧᑎ 4:1

ᐊᒑᒃ ᒫᑲ ᐸᔭᑌ ᐃᑗᐤ, ᒫᒋᒡ ᐊᑎ ᑳ ᑭᔑᑳᑭ ᐋᑎᑦ ᑲᑕ ᓇᑲᑕᒶᒃ ᑖᐺᔦᓕᑕᒧᐎᓂᓕᐤ, ᐁ ᐱᔑᒋᐋᒋᒃ ᑲᑳᔦᓕᓯᐃᐌᐎ ᐊᒑᑾ, ᓀᔥᑕ ᐅ ᑭᔅᑭᓄᐊᒫᑫᐎᓂᓕᐤ ᒪᒋᒪᓂᑐᐗ;

ᑭᔅᑫᓕᑖᑯᑖᑫᐎᓐ 2:14

ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮

ᑭᔅᑫᓕᑖᑯᑖᑫᐎᓐ 2:20

ᐁᓕᐌᒃ ᒫᑲ, ᓂᑦ ᐋᔮᓐ ᐋᑎᑦ ᑫᒀᓇ ᑭᒋ ᒫᒥᔑᒥᑖᓐ, ᐁ ᐃᓕᓇᐗᑦ ᐊᓇ ᐎᔅᑴᐤ ᒉᓯᐸᓐ, ᐅᑭᔅᑭᐙᐃᑫᔅᑴᐤ ᑳ ᐃᔑᓂᑲᑎᑎᓱᑦ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑭᒋ ᐙᔦᔑᒫᑦ ᓂᑦ ᐊᑑᔅᑫᓛᑲᓂᒪ ᑭᒋ ᐱᔑᑾᒋ ᐃᓯᒋᑫᓕᒋ, ᓀᔥᑕ ᑭᒋ ᒥᒋᓕᒋ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑲᓇ᙮