ᐅᐸᓓᑭᔅ ᓘᒃ 16:15 - ᐅᔅᑭ ᑎᔅᑌᒥᓐᑦ

¹⁵ ᑮ ᐃᑌᐤ ᒫᑲ, ᑭᓚᐗᐤ ᐁᐗᒀᓂᑭ ᑳ ᒥᓗᑡᐌᓕᑖᑯᐃᑎᓱᔦᒃ ᐅᑎᔥᑳᐤ ᐃᓕᓕᐗᒃ, ᒫᑲ ᑭᒋᒪᓂᑐ ᑭᔅᑫᓕᑕᒻ ᑭᑌᐃᐙᐗ: ᐌᓴ ᐊᓂᐁᓕᐤ ᓈᔅᐱᒡ ᑳ ᑭᔅᑌᓕᑕᑭᒃ ᐃᓕᓕᐗᒃ ᒪᒑᐸᑕᒻ ᑭᒋᒪᓂᑐ᙮

ᐅᐸᓓᑭᔅ ᓘᒃ 16:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:5

ᒫᑲ ᒥᓯᐌ ᐅᑦ ᐊᑑᔅᑫᐎᓂᐙᐗ ᑐᑕᒶᒃ ᑭᒋ ᐙᐸᒥᑯᒋᒃ ᐃᓕᓕᐗ: ᐋᓚᑲᔥᑭᑖᐗᒃ ᐅ ᑭᔅᑭᓄᐙᒋᐅᐎᓂᐙᐗ, ᒥᔖᑖᐗᒃ ᓀᔥᑕ ᐁ ᐃᔅᒀᔦᑲᓂᓕᑭ ᐅ ᐎᓛᒋᑲᓂᐙᐗ,

ᐅᐸᓓᑭᔅ ᒫᑎᐤ 6:16

ᓀᔥᑕ ᒫᑲ ᐃᔅᐱ ᓀᑲᓸᔦᑯ, ᐁᑳᐎᓚ ᓇᔅᐱᑖᑯᒃ ᐅᑖᔭᒥᐁᑳᓱᔅᑲᒃ, ᐁ ᒪᒋᑴᒋᒃ: ᐌᓴ ᐎᓚᐗᐤ ᒪᒋᑴᐃᑎᓯᐗᒃ ᑭᒋ ᐙᐸᒥᑯᒋᒃ ᐃᓕᓕᐗ ᐁ ᓂᑲᓯᒋᒃ᙮ ᑖᐺ ᑭᑦ ᐃᑎᓇᐗᐤ, ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᒫᑎᐤ 6:2

ᐁᐗᑯ ᐅᒋ ᐃᔅᐱ ᑎᐅᑕᒪᓂ ᑭ ᒥᓗᑐᑕᒧᐎᓇ, ᐁᑳᐎᓚ ᐱᑕᒫ ᓄᑖᑯᑖ ᐳᑖᒋᑲᓐ, ᑖᐱᔅᑯᒡ ᐁ ᑐᑕᑭᒃ ᐅᑖᔭᒥᐁᑳᓱᔅᑲᒃ, ᐋᔭᒥᐁᐎᑲᒥᑯᒃ ᓀᔥᑕ ᐱᒥᑌᔅᑲᓈᒃ, ᑭᒋ ᑭᔅᑌᓕᑖᑯᐃᑯᒋᒃ ᐃᓕᓕᐗ᙮ ᑖᐺ ᑭᑦ ᐃᑎᓈᐗᐤ, ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᒫᑎᐤ 6:5

ᐃᔅᐱ ᒫᑲ ᐃᐋᔭᒥᐋᔭᓂ, ᐁᑳᐎᓚ ᑭ ᑲ ᓇᔅᐱᑕᐙᐗᒃ ᐅᑖᔭᒥᐁᑳᓱᔅᑲᒃ: ᐌᓴ ᐎᓚᐗᐤ ᓵᑭᑖᐗᒃ ᐁ ᐋᔭᒥᐋᒋᒃ ᐁ ᓂᐸᐎᒋᒃ ᐋᔭᒥᐁᐎᑲᒥᑯᒃ, ᓀᔥᑕ ᐁ ᓕᑭᑕᐗᒧᑭ ᐱᒥᑌᔅᑲᓇᐗ, ᑭᒋ ᐙᐸᒥᑯᒋᒃ ᐃᓕᓕᐗ᙮ ᑖᐺ ᑭᑦ ᐃᑎᓇᐗᐤ ᐋᔭᐗᒃ ᐅ ᑎᐸᐊᒫᑯᓯᐎᓂᐗᐤ᙮

ᐅᐸᓓᑭᔅ ᓘᒃ 10:29

ᒫᑲ ᐎᓚ, ᐁ ᐎ ᒀᔭᔅᑭᑌᓕᑖᑯᐃᑎᓱᑦ, ᑮ ᐃᑌᐤ ᒋᓴᓴ, ᐊᐌᓇ ᒫᑲ ᓂᒋᐃᓕᓕᐤ?

ᐅᐸᓓᑭᔅ ᓘᒃ 11:39

ᐅᑎᐯᓕᒋᑫᐤ ᒫᑲ ᑮ ᐃᑌᐤ, ᑭᓚᐗᐤ ᐁ ᐸᕋᓯᐎᔦᒃ ᑭ ᑳᓯᓀᓇᐗᐤ ᐗᔅᑭᒡ ᒥᓂᒀᑲᓐ ᓀᔥᑕ ᓇᐸᑯᓛᑲᓐ; ᒫᑲ ᐱᒋ ᑭ ᓵᑲᔅᑭᓀᓇᐗᐤ ᒪᔅᑲᑗᐎᓐ ᓀᔥᑕ ᒪᒑᑎᓯᐎᓐ᙮

ᐅᐸᓓᑭᔅ ᓘᒃ 18:11

ᐊᓇ ᐸᕋᓯ ᐁ ᐯᔭᑯ ᓂᐸᐎᑦ ᐅᒪ ᑮ ᐃᔑ ᐋᔭᒥᐊᐤ, ᑭᒋᒪᓂᑐ, ᑭ ᓇᓈᔅᑯᒥᑎᓐ, ᐁᑳ ᐁ ᓇᔅᐱᑕᐗᑭᒃ ᑯᑕᑭᔭᒃ ᐃᓕᓕᐗᒃ, ᐅᒪᔅᑲᑗᐗᒃ, ᐁᑳ ᑳ ᒀᔭᔅᑭᑎᒋᒃ, ᐅᐱᔑᒀᑎᓯᐗᒃ, ᐁᑳ ᓀᔥᑕ ᑖᐱᔅᑯᒡ ᐊᐗ ᐸᑉᓕᑳᓐ᙮

ᐅᐸᓓᑭᔅ ᓘᒃ 18:14

ᑭ ᐎᑕᒫᑎᓐ, ᐊᐗ ᐃᓕᓕᐤ ᑮ ᑭᐌᐤ ᐎᑭᒃ ᐊᐙᓯᑌ ᐁ ᒥᓗᑡᐌᓕᒫᑲᓂᐎᑦ ᐃᔥᐱᔥ ᑯᑕᒃ: ᐌᓴ ᒥᓯᐌ ᑕᑐ ᐊᐌᓇ ᑳ ᑭᔅᑌᓕᒥᑎᓱᑦ ᑲᑕ ᒪᒉᓕᒪᐤ; ᐊᓇ ᓀᔥᑕ ᑳ ᑕᐸᑌᓕᒥᑎᓱᑦ ᑲᑕ ᑭᔅᑌᓕᒪᐤ᙮

ᐅᐸᓓᑭᔅ ᓘᒃ 18:21

ᑮ ᐃᑗᐤ ᒫᑲ, ᒥᓯᐌ ᐅᐅ ᓂ ᑮ ᑲᓇᐌᓕᑌᓐ ᑳ ᐯᒋ ᐊᐙᔑᔑᐎᔮᓐ᙮

ᐅᐸᓓᑭᔅ ᓘᒃ 18:9

ᑮ ᐃᑌᐤ ᒫᑲ ᐅᒣᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ ᐊᓂᐃ ᑳ ᒪᒥᔑᑐᑖᓱᓕᒋ ᓂ ᒀᔭᔅᑭᑖᑎᓯᓈᓐ ᐁ ᐃᑌᓕᒥᑎᓱᓕᒋ, ᓀᔥᑕ ᑳ ᒪᒉᓕᒫᓕᒋ ᑯᑕᑭᔭ:

ᐅᐸᓓᑭᔅ ᓘᒃ 20:20

ᑮ ᓈᓈᑲᒋᐁᐗᒃ ᒫᑲ, ᓀᔥᑕ ᑮ ᐃᔑᑎᔕᐌᐗᒃ ᐅᓈᓈᑲᒋᐃᐌᐗ, ᑭᒋ ᒀᔭᔅᑭᑎᑳᓱᓕᒋ ᐃᓕᓕᐗ, ᑭᒋ ᑳᒋᑎᓇᒸᓕᒋ ᐅᑦ ᐋᔭᒥᐎᓂᓕᐗ, ᑭᒋ ᐅᒋ ᐸᑭᑎᓈᒋᒃ ᐅ ᑲᔥᑭᐅᐎᓂᓕᒃ ᓀᔥᑕ ᐅ ᑎᐯᓕᒋᑫᐎᓂᓕᒃ ᐅᑭᒪᐗ᙮

ᐅᐸᓓᑭᔅ ᓘᒃ 20:47

ᑳ ᒣᔅᑎᓇᒸᒋᒃ ᑭᑎᒫᑭᔅᑴᐗ ᐎᑭᓕᐗ, ᓀᔥᑕ ᑭᒋ ᐅᒋ ᒥᓗᑣᐌᓕᒫᑲᓂᐎᒋᒃ ᑭᓉᔥ ᑳ ᐋᔭᒥᐋᒋᒃ: ᐁᐗᒀᓂᑭ ᐊᐙᓯᑌ ᑫ ᐋᔮᒋᒃ ᓂᔑᐗᓈᒋᒥᑯᓯᐎᓂᓕᐤ᙮

ᐅᐸᓓᑭᔅ ᒑᓐ 2:25

ᓇᒪ ᓀᔥᑕ ᑮ ᓇᑕᐌᓕᒣᐤ ᐊᐌᓕᐗ ᑭᒋ ᐎᑕᒫᑯᑦ ᐁ ᐃᔑᑣᓕᒋ ᐃᓕᓕᐗ: ᐌᓴ ᑮ ᑭᔅᑫᓕᑕᒬᐤ ᑫᒀᓕᐤ ᑳ ᐱᒋᔅᑳᑯᓕᒋ ᐃᓕᓕᐗ᙮

ᐅᐸᓓᑭᔅ ᒑᓐ 21:17

ᐃᑌᐤ ᐁᑯ ᓂᔅᑡᐤ, ᓵᐃᒪᓐ, ᒑᓐ ᐅᑯᓯᓴ, ᑭ ᓵᑭᐃᓐ ᓈ? ᐱᑕᕐ ᓇᒪ ᑭ ᓇᐁᓕᑕᒻ ᐁᑯ ᓂᔅᑡᐤ ᐁ ᑮ ᐃᑎᑯᑦ, ᑭ ᓵᑭᐃᓐ ᓈ? ᑮ ᐃᑌᐤ ᒫᑲ, ᑌᐯᓕᒋᑫᔭᓐ, ᑭ ᑭᔅᑫᓕᑌᓐ ᒥᓯᐌ ᑫᒀᓇ; ᑭ ᑭᔅᑫᓕᑌᓐ ᐁ ᓵᑭᐃᑖᓐ᙮ ᒋᓴᔅ ᐃᑌᐤ, ᐊᔕᒥᒃ ᓂ ᒫᓂᔥᒑᓂᔑᒪᒃ᙮

ᐊᐸᔅᑕᓚᒃ 1:18

ᐊᐗ ᐃᓕᓕᐤ ᒫᑲ ᑮ ᐊᑖᐌᐤ ᓂᑕᐎᑭᒋᑲᓂᓕᐤ ᐊᓂᒪ ᑳ ᑮ ᑎᐸᐊᒪᐙᑲᓂᐎᑦ ᐅᒋ ᐁ ᑮ ᒪᒋᑐᑕᒃ; ᓀᔥᑕ ᐁ ᐊᒋᒋ ᐸᑭᔑᒃ, ᐋᐱᑕᐤ ᑮ ᐸᔅᑯᒉᔑᓐ, ᓀᔥᑕ ᒥᓯᐌ ᐅᑕᑭᔑᔭ ᑮ ᐗᓚᐎᐸᓕᓕᐗ᙮

ᐊᐸᔅᑕᓚᒃ 1:24

ᑮ ᐋᔭᒥᐋᐗᒃ ᒫᑲ, ᐁ ᐃᑗᒋᒃ, ᑭᓚ ᑌᐯᓕᒋᑫᔭᓐ, ᑳ ᑭᔅᑫᓕᑕᒶᑦ ᒥᓯᐌ ᐃᓕᓕᐗᒃ ᐅᑌᐃᐙᐗ, ᐙᐸᑎᓕᐌ ᐊᐌᓇ ᐅᑯ ᑳ ᓂᔑᒋᒃ ᑳ ᐙᐌᓛᐸᒪᑦ,

ᐊᐸᔅᑕᓚᒃ 15:8

ᑭᒋᒪᓂᑐ ᒫᑲ ᑳ ᑭᔅᑫᓕᑕᒃ ᒥᑌᐊ, ᑮ ᑎᐹᒋᒣᐤ, ᐁ ᒥᓛᑦ ᑳ ᐸᓓᑭᓯᓕᒋ ᐊᒑᑾ ᑖᐱᔅᑯᒡ ᑭᓚᓈᓇᐤ ᑳ ᑮ ᑐᑖᑕᒃ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:20

ᐁᐗᑯ ᒫᑲ ᐅᒋ ᐁ ᐊᔨᑎᓈᓂᐗᒃ ᐅᓚᔓᐌᐎᓂᒃ ᐅᒋ ᓇᒪᐎᓚ ᐊᐌᓇ ᑲᑕ ᑮ ᒀᔭᔅᑭᑖᑎᓯᐊᐤ ᐎᓚ ᐁ ᑲᓇᐙᐸᑫᑦ: ᐌᓴ ᐅᓚᔓᐌᐎᓐ ᐅᒋ ᑭᔅᑫᓕᒋᑳᑌᐤ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:27

ᐊᓇ ᒫᑲ ᑳ ᓈᓇᑕᐎᑭᔅᑫᓕᑕᒃ ᒥᑌᐊ, ᑭᔅᑫᓕᑕᒻ ᑫᒀᓕᐤ ᐁᑌᓕᑕᒥᓕᒋ ᐊᒑᑾ, ᐌᓴ ᐋᔭᒥᐁᔅᑕᒪᐌᐤ ᐅᐸᓓᑭᓴ ᐁ ᐃᔑ ᓇᑕᐌᓕᑕᒥᓕᒋ ᑭᒋᒪᓂᑐᐗ᙮

ᓂᔥᑕᒻ ᑯᕆᓐᑎᐊᓇ 4:5

ᐁᐗᑯ ᐅᒋ ᐁᑳᐎᓚ ᑫᒀᓐ ᓂᑳᓐ ᑎᐹᔅᑯᓇᒧᒃ, ᐹᑎᒫ ᐯᒋ ᑕᑯᔑᑫ ᐅᑎᐯᓕᒋᑫᐤ, ᑫ ᓄᑯᑖᑦ ᐊᓂᐃ ᑫᒀᓇ ᐗᓂᑎᐱᔅᑭᓯᐎᓂᒃ ᑳ ᑳᑖᓂᐗᑭ, ᓀᔥᑕ ᑫ ᑭᔅᑫᓕᑖᑯᑖᑦ ᒥᑐᓀᓕᒋᑫᐎᓇ ᒥᑌᐃᒃ ᑳ ᐅᒋᐸᓕᑭ: ᐁᑯ ᒫᑲ ᒥᓯᐌ ᐃᓕᓕᐗᒃ ᑫ ᒀᔭᔅᑯ ᐋᒋᒥᑯᒋᒃ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 3:4

ᒫᑲ ᐁᑯᔑ ᐊᓂᒪ ᐊᑖᒥᒃ ᐃᑖᑎᓯᐎᓐ ᒥᑌᐃᒃ ᑳ ᐃᑕᑾᒃ, ᐊᓂᒪ ᐁᑳ ᑫ ᓂᔑᐗᓈᑕᒃ; ᐊᓂᒪ ᐙᐌᔑᐅᓐ ᐅᑎ ᓗᔅᐱᓯᐎ ᓀᔥᑕ ᑳᔮᒣᐎᓯᐎ ᐊᒑᒃ ᑳ ᑭᔅᑕᑭᒥᑯᑦ ᑭᒋᒪᓂᑐᐗ᙮

ᓂᔥᑕᒻ ᐱᑕᕐ 5:5

ᓀᔥᑕ ᒫᑲ ᑭᓚᐗᐤ ᑳ ᐅᔥᑳᑎᓯᔦᒃ ᓇᓇᐃᑖᑯᒃ ᑳ ᓂᑳᓀᓕᑖᑯᓯᒋᒃ᙮ ᐁᐁ, ᒥᓯᐌ ᐁ ᐃᑕᔑᔦᒃ ᒀᔭᔉ ᐊᑑᔅᑫᔅᑖᑐᒃ, ᓀᔥᑕ ᑭᑭᔥᑲᒧᒃ ᑕᐸᑌᓕᒧᐎᓐ: ᐌᓴ ᑭᒋᒪᓂᑐ ᓇᔅᑯᔅᑕᐌᐤ ᑳ ᑭᔅᑌᓕᒧᓕᒋ, ᒥᓓᐤ ᒫᑲ ᔕᐌᓕᒋᑫᐎᓂᓕᐤ ᑳ ᑕᐸᑌᓕᒧᓕᒋ᙮

ᑭᔅᑫᓕᑖᑯᑖᑫᐎᓐ 2:23

ᓂ ᑳ ᓂᐹᐃᒫᐗ ᒫᑲ ᐅᑦ ᐊᐙᔑᒥᔕ ᓂᐱᐎᓐ ᐅᒋ; ᓀᔥᑕ ᒥᓯᐌ ᒫᒪᐎᐋᔭᒥᐋᐗᒃ ᑲᑕ ᑭᔅᑫᓕᑕᒶᒃ ᓂᓚ ᐁ ᐋᐎᔮᓐ ᐊᓇ ᑳ ᑲᑴᒋᑖᑦ ᐱᒋᓚᐗ ᓀᔥᑕ ᒥᑌᐊ: ᑭ ᑳ ᒥᓕᑎᓇᐗᐤ ᒫᑲ ᒥᓯᐌ ᐁ ᐃᑕᔑᔦᒃ ᑳ ᑭ ᐃᔑ ᐊᔭᑑᔅᑫᔦᒃ᙮