ᐅᐸᓓᑭᔅ ᓘᒃ 12:30 - ᐅᔅᑭ ᑎᔅᑌᒥᓐᑦ

³⁰ ᐌᓴ ᒥᓯᐌ ᐅᐅ ᑫᒀᓇ ᐁ ᑕᑐᔅᑳᓀᓯᒋᒃ ᐃᓕᓕᐗᒃ ᐊᔅᑮᒃ ᓈᓇᑕᐌᓕᑕᒶᒃ; ᑯᑖᐎᐗᐤ ᒫᑲ ᑭᔅᑫᓕᑕᒻ ᐁ ᓇᑕᐌᓕᑕᒣᒃ ᐅᐅ ᑫᒀᓇ᙮

ᐅᐸᓓᑭᔅ ᓘᒃ 12:30 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:20

ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᐁᒃ, ᒫᑲ ᐅᑦ ᐊᒑᑾ ᑯᑖᐎᐗᐤ ᐁᐗᒀᓇ ᑳ ᐋᔭᒥᔅᑳᑖᒃ᙮

ᐅᐸᓓᑭᔅ ᒫᑎᐤ 18:14

ᐁᑯ ᑖᐱᔅᑯᒡ ᓀᔥᑕ ᓇᒪᐎᓚ ᓇᑕᐌᓕᑕᒻ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ, ᐯᔭᒃ ᐅᐅ ᑳ ᐋᐱᔅᑌᓕᑖᑯᓯᓕᒋ ᑭᒋ ᓂᔑᐗᓈᑎᓯᓕᒋ᙮

ᐅᐸᓓᑭᔅ ᒫᑎᐤ 5:47

ᑮᔥᐱᓐ ᓀᔥᑕ ᑕᒥᔅᑲᐌᑾᐌ ᑭᒋᔖᓂᐙᐗᒃ ᐱᑯ, ᑫᒀᓐ ᐊᐙᓯᑌ ᑎᐅᑕᒣᒃ ᐃᔥᐱᔥ ᑯᑕᑭᔭᒃ? ᓇᒪ ᓈ ᐅᒪ ᐃᔑ ᑐᑕᒶᒃ ᐸᑉᓕᑳᓇᒃ?

ᐅᐸᓓᑭᔅ ᒫᑎᐤ 6:1

ᔮᑾᒥᓰᒃ ᐁᑳ ᑭᒋ ᑐᑕᒣᒃ ᑭ ᒥᓗᑐᑕᒧᐎᓂᐙᐗ ᐅᑎᔥᑲᐤ ᐃᓕᓕᐗᒃ, ᑭᒋ ᐙᐸᒥᑖᑾᒃ; ᑮᔥᐱᓐ ᐁᑳ ᐅᒪ ᐃᔑ ᑐᑕᒣᑴ, ᓇᒪᐎᓚ ᑭᑦ ᐋᔮᓇᐗᐤ ᑎᐸᐊᒫᑯᓯᐎᓐ ᑯᑖᐎᐗᐤ ᐅᒋ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᑎᐤ 6:32

ᐁᐗᒀᓂᐃ ᒥᓯᐌ ᐅᐅ ᓂᐋᓇᑕᐌᓕᑕᑭᒃ ᒉᓐᑖᐃᓚᒃ: ᐌᓴ ᑯᑖᐎᐗᐤ ᑭᒋᑭᔑᑯ ᑭᔅᑫᓕᑕᒻ ᐁ ᓇᑕᐌᓕᑕᒣᒃ ᒥᓯᐌ ᐅᐅ ᑫᒀᓇ᙮

ᐅᐸᓓᑭᔅ ᒫᑎᐤ 6:8

ᐁᑳᐎᓚ ᓇᔅᐱᑖᑯᒃ; ᐌᓴ ᑯᑖᐎᐗᐤ ᑭᔅᑫᓕᑕᒻ ᐊᓂᐃ ᑫᒀᓇ ᑳ ᒪᓀᓯᔦᒃ ᐸᒧᔑ ᓇᑐᑕᒪᐌᒃ᙮

ᐅᐸᓓᑭᔅ ᓘᒃ 12:29

ᐁᑳᐎᓚ ᒫᑲ ᓈᓇᑕᐌᓕᑕᒧᒃ ᑫ ᒥᒋᔦᒃ ᓀᔥᑕ ᑫ ᒥᓂᑴᔦᒃ, ᐁᑳ ᓀᔥᑕ ᑶᑕᐎᐃᑌᓕᑕᒧᒃ᙮

ᐅᐸᓓᑭᔅ ᓘᒃ 12:31

ᒫᑲ ᐊᐙᓯᑌ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᓘᒃ 12:32

ᐁᑳᐎᓚ ᓭᑭᓯᒃ, ᐁ ᒐᑲᐙᔑᔑᔦᒃ ᒫᓂᔥᒑᓂᔑᑐᒃ; ᐌᓴ ᑰᑖᐎᐗᐤ ᒥᓜᓕᑕᒻ ᑭᒋ ᒥᓕᑖᒃ ᐊᓂᐁᓕᐤ ᐅᑭᒫᐎᐎᓂᓕᐤ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐃᐱᓯᔭᓇ 4:17

ᐁᐗᑯ ᐌᒋ ᐅᒪ ᐃᑗᔮᓐ, ᓀᔥᑕ ᐎᑕᒫᓐ ᐅᑎᐯᓕᒋᑫᒃ, ᐊᓄᒡ ᐅᒋ ᐁᑳ ᑭᒋ ᐱᒧᑌᔦᒃ ᐁ ᐃᔑ ᐱᒧᑌᒋᒃ ᑯᑕᑭᔭᒃ ᒉᓐᑖᐃᓚᒃ, ᑲᑫᐹᑎᓯᐎᓂᒃ ᑳ ᐅᒋᐸᓕᓕᒃ ᐅ ᒥᑐᓀᓕᒋᑲᓂᐙᒃ,

ᓂᔥᑕᒻ ᑌᓴᓗᓂᔭᓇ 4:5

ᓇᒪᐎᓚ ᐱᔑᒀᑎᓯᐎ ᐃᑌᓕᑕᒧᐎᓂᒃ ᑖᐱᔅᑯᒡ ᐊᓂᑭ ᒉᓐᑖᐃᓚᒃ ᐁᑳ ᑳ ᑭᔅᑫᓕᒫᒋᒃ ᑭᒋᒪᓂᑐᐗ᙮