ᐅᐸᓓᑭᔅ ᓘᒃ 12:18 - ᐅᔅᑭ ᑎᔅᑌᒥᓐᑦ

¹⁸ ᑮ ᐃᑗᐤ ᒫᑲ, ᐅᒪ ᓂ ᑳ ᑐᑌᓐ: ᓂ ᑳ ᓂᒋᐱᑌᓐ ᓂ ᑕᑾᐃᑫᐎᑲᒥᑾ, ᓀᔥᑕ ᓂ ᑳ ᐅᔑᑖᓐ ᐊᐙᓯᑌ ᐁ ᒥᔖᑭ; ᐁᑯᑕ ᒫᑲ ᑫ ᓇᐊᔅᑖᔮᓐ ᒥᓯᐌ ᓂ ᓂᑖᐎᑭᑖᑲᓇ ᓀᔥᑕ ᓂᑦ ᐋᔮᓇ᙮

ᐅᐸᓓᑭᔅ ᓘᒃ 12:18 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 6:26

ᑲᓇᐙᐸᒥᑯᒃ ᐱᓓᓯᐗᒃ ᑳ ᐹᐸᒥᓛᒋᒃ: ᐌᓴ ᓇᒪᐎᓚ ᐗᓴᓶᐱᓂᑫᐗᒃ, ᓇᒪ ᓀᔥᑕ ᒪᓂᔑᑫᐗᒃ, ᓇᒪ ᓀᔥᑕ ᑕᒀᐃᑫᐎᑲᒥᑯᒃ ᒪᐗᒋᒋᑫᐗᒃ; ᐁᓕᐌᒃ ᒫᑲ ᐊᔕᒥᑯᐗᒃ ᑯᑖᐎᐙᐗ ᑭᒋᑭᔑᑯᒃ? ᓇᒪ ᓈ ᓈᔅᐱᒡ ᐊᐙᓯᑌ ᑭᑦ ᐃᔅᐱᑌᓕᑖᑯᓯᓇᐗᐤ ᐃᔥᐱᔥ ᐎᓚᐗᐤ?

ᐅᐸᓓᑭᔅ ᓘᒃ 12:17

ᑮ ᒥᑐᓀᓕᑕᒻ ᒫᑲ ᐅᑌᐃᒃ, ᐁ ᐃᑗᑦ, ᑖᓂ ᑫ ᐃᑎᔮᓐ, ᐁᑳ ᐁ ᐋᔮᔮᓐ ᐃᑕ ᑫ ᐊᔅᑖᔮᓐ ᓂ ᓂᑖᐎᑭᑖᑲᓇ?

ᐅᐸᓓᑭᔅ ᓘᒃ 12:19

ᓂ ᑳ ᐃᑕᐤ ᒫᑲ ᓂᑦ ᐊᒑᒃ, ᐊᒑᒃ, ᑭᑦ ᐋᔮᓐ ᒥᔅᑕᐃ ᐋᐸᒋᑖᐎᓇ ᐁ ᓇᐊᔅᑌᑭ ᑫ ᐃᔅᐸᓕᑭ ᒥᒉᑦ ᐱᐴᓋ; ᐋᓜᓯ, ᒥᒋᓱ, ᒥᓂᑴ, ᓀᔥᑕ ᒧᒋᑫᓕᑕ᙮

ᐅᐸᓓᑭᔅ ᓘᒃ 12:21

ᐁᑯ ᑖᐱᔅᑯᒡ ᐁᑎᑦ ᐊᓇ ᑳ ᓇᐊᔅᑣᓱᑦ ᒥᔕᑭᓯᐎᓇ, ᐁᑳ ᒫᑲ ᑳ ᒥᔕᑭᓰᑦ ᐁ ᐃᑌᓕᒥᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᓘᒃ 12:24

ᒫᒥᑐᓀᓕᒥᑯᒃ ᑳᑳᑭᐗᒃ: ᐌᓴ ᓇᒪᐎᓚ ᐗᓭᓶᐱᓂᑫᐗᒃ, ᓇᒪ ᓀᔥᑕ ᒪᓂᔑᑫᐗᒃ; ᐁᑳ ᑳ ᐅᑦ ᐊᔅᑖᓱᐎᑲᒥᑯᒋᒃ, ᐁᑳ ᓀᔥᑕ ᑳ ᐅ ᑕᒀᐃᑫᐎᑲᒥᑯᒋᒃ; ᐊᔕᒥᑯᐗᒃ ᒫᑲ ᑭᒋᒪᓂᑐᐗ᙮ ᑖᓐ ᐁᔅᐱᒋ ᐊᐙᓯᑌ ᐁᑌᓕᑖᑯᓯᔦᒃ ᐃᔥᐱᔥ ᐱᓓᓯᐗᒃ?

ᐅᐸᓓᑭᔅ ᓘᒃ 18:4

ᓇᒪᐎᓚ ᒫᑲ ᐎ ᑐᑕᒻ ᒥᔭᐙᒡ: ᐹᑎᒫ ᒫᑲ ᑮ ᐃᑗᐤ ᐅᑌᐃᒃ, ᐋᑕ ᐁᑳ ᐁ ᓇᓂᒌᔅᑕᐗᒃ ᑭᒋᒪᓂᑐ, ᐁᑳ ᓀᔥᑕ ᐁ ᐱᓯᔅᑫᓕᒪᑭᒃ ᐃᓕᓕᐗᒃ;

ᐅᐸᓓᑭᔅ ᓘᒃ 18:6

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᓇᑐᑕᒸᒃ ᑳ ᐃᑗᑦ ᐁᑳ ᑳ ᒀᔭᔅᑭᑎᑦ ᐅᑎᐹᔅᑯᓂᑫᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:15

ᐅᒪ ᑲᑫᑕᐌᓕᑕᒧᐎᓐ ᓇᒪᐎᓚ ᐃᔥᐱᒥᒃ ᐅᒋ ᓛᔑᐸᓕᐤ, ᒫᑲ ᐊᔅᑭᐗᓐ, ᐎᔮᓯᐗᓐ, ᒪᒋᒪᓂᑐᐗᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:13

ᐋᔅᑕᒥᒃ ᐃᓴ ᑭᓚᐗᐤ ᑳ ᐃᑗᔦᒃ, ᐊᓄᒡ ᐁ ᑭᔑᑳᒃ ᓀᔥᑕᐱᑯ ᐙᐸᑫ ᓂ ᑳ ᐃᑐᑖᓈᓐ ᐯᔭᒃ ᐃᑖᐎᓂᒃ, ᐁᑯᑕ ᒫᑲ ᑫ ᑕᔑᑫᔮᒃ ᐯᔭᑾᐤ ᐁ ᐱᐴᒃ, ᓀᔥᑕ ᑫ ᐊᑖᐌᔮᒃ, ᓀᔥᑕ ᐊᑖᐙᑫᔮᒃ, ᓀᔥᑕ ᐅᑎᓯᔮᒃ:

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 4:15

ᐌᓴ ᐅᒪ ᑭ ᑳ ᐃᑣᑕᐗᐤ, ᑮᔥᐱᓐ ᐃᑌᓕᑕᑫ ᐅᑎᐯᓕᒋᑫᐤ, ᓂ ᑳ ᐱᒫᑎᓯᓈᓐ, ᓀᔥᑕ ᐅᒪ ᓀᔥᑕ ᐊᓂᒪ ᓂ ᑳ ᑐᑌᓈᓐ᙮