ᐅᐸᓓᑭᔅ ᓘᒃ 10:22 - ᐅᔅᑭ ᑎᔅᑌᒥᓐᑦ

²² ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ ᐊᐌᓕᐗ ᐃᐋᐎᓕᒋ, ᐱᑯ ᐅᑖᐎᒪᐤ; ᓀᔥᑕ ᐊᐌᓕᐗ ᐃᐋᐎᓕᒋ ᐅᑖᐎᒫᐗ ᐱᑯ ᐅᑯᓯᓯᒫᐤ, ᓀᔥᑕ ᐊᓇ ᑫ ᑭᔅᑫᓕᑕᒥᐃᑯᑦ ᐅᑯᓯᓯᒫᐗ᙮

ᐅᐸᓓᑭᔅ ᓘᒃ 10:22 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:25

ᐁᑯᔅᐱ, ᒋᓴᔅ ᑮ ᑭᑐ, ᐁ ᐃᑗᑦ, ᑭ ᓇᓈᔅᑯᒥᑎᓐ, ᐅ ᐌᐅᑖᐎᒪᐎᔭᓐ, ᑌᐯᓕᒋᑫᔭᓐ ᑭᒋᑭᔑᑯᒃ ᓀᔥᑕ ᐊᔅᑮᒃ, ᐅᐅ ᑫᒀᓇ ᐁ ᑮ ᑳᑕᐗᒋᒃ ᐅᑲᑫᑕᐌᓕᑕᒶᒃ ᓀᔥᑕ ᐅᓕᑆᑳᐗᒃ, ᐁ ᑮ ᐙᐸᑎᓚᒋᒃ ᒫᑲ ᐅᔥᑲᐙᔑᔕᒃ᙮

ᐅᐸᓓᑭᔅ ᒫᑎᐤ 11:27

ᒥᓯᐌ ᑫᒀᓇ ᓂ ᐸᑭᑎᓇᒫᒃ ᓄᑖᐎ: ᓇᒪᐎᓚ ᐊᐌᓇ ᓀᔥᑕ ᑭᔅᑫᓕᒣᐤ ᐅᑯᓯᓯᒫᐗ, ᐎᓚ ᐱᑯ ᐅᑖᐎᒪᐤ; ᓇᒪ ᓀᔥᑕ ᐊᐌᓇ ᑭᔅᑫᓕᒣᐤ ᐅᑖᐎᒫᐗ, ᐎᓚ ᐱᑯ ᐅᑯᓯᓯᒪᐤ, ᐊᓂᐃ ᓀᔥᑕ ᐅᑯᓯᓯᒪᐤ ᑫ ᐙᐸᑎᓛᑴ᙮

ᐅᐸᓓᑭᔅ ᒫᑎᐤ 28:18

ᒋᓴᔅ ᒫᑲ ᑮ ᐯᒋ ᐋᔭᒥᐁᐤ, ᐁ ᐃᑗᑦ, ᒥᓯᐌ ᑲᔥᑭᐅᐎᓐ ᓂ ᒥᓕᑳᐎᓐ ᑭᒋᑭᔑᑯᒃ ᓀᔥᑕ ᐅᑕ ᐊᔅᑮᒃ᙮

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 10:15

ᑖᐱᔅᑯᒡ ᐅᑖᐎᒪᐤ ᐁ ᐃᔑ ᑭᔅᑫᓕᒦᑦ, ᐁᑯ ᓀᔥᑕ ᐁᔑ ᑭᔅᑫᓕᒪᒃ ᐅᑖᐎᒪᐤ: ᓂ ᐱᒥᑎᑖᓐ ᒫᑲ ᓂ ᐱᒫᑎᓯᐎᓐ ᒫᓂᔥᒑᓂᔕᐤ ᐅᒋ᙮

ᐅᐸᓓᑭᔅ ᒑᓐ 13:3

ᒋᓴᔅ ᐁ ᑭᔅᑫᓕᑕᒃ ᐅᑖᐎᒪᐗ ᐁ ᑮ ᒥᓕᑯᑦ ᒥᓯᐌ ᑫᒀᓇ ᐅᒋᒌᒃ, ᓀᔥᑕ ᑭᒋᒪᓂᑐᒃ ᐁ ᐅᒌᑦ, ᓀᔥᑕ ᑭᒋᒪᓂᑐᐗ ᐁ ᓈᑖᑦ;

ᐅᐸᓓᑭᔅ ᒑᓐ 17:10

ᓀᔥᑕ ᒥᓯᐌ ᓂᑦ ᐃᓕᓕᒪᒃ ᐁᐗᒀᓂᑭ ᑭᑦ ᐃᓕᓕᒪᒃ, ᓀᔥᑕ ᑭᑦ ᐃᓕᓕᒪᒃ ᐁᐗᒀᓂᑭ ᓂᑦ ᐃᓕᓕᒪᒃ; ᓀᔥᑕ ᓂ ᑭᔅᑌᓕᑖᑯᐃᑾᒃ᙮

ᐅᐸᓓᑭᔅ ᒑᓐ 17:2

ᑖᐱᔅᑯᒡ ᐁ ᑮ ᒥᓛᑦ ᑲᔥᑭᐅᐎᓂᓕᐤ ᑭᒋ ᑎᐯᓕᒫᑦ ᒥᓯᐌ ᐃᓕᓕᐗ, ᑭᒋ ᒥᓛᑦ ᑳᑭᑫ ᐱᒫᑎᓯᐎᓂᓕᐤ ᑕᑐ ᐊᓂᐃ ᑳ ᑮ ᒥᓚᑦ᙮

ᐅᐸᓓᑭᔅ ᒑᓐ 17:26

ᓂ ᑮ ᐎᑕᒪᐙᐗᒃ ᒫᑲ ᑭᑦ ᐃᔑᓂᑳᓱᐎᓂᓕᐤ, ᓀᔥᑕ ᓂ ᑳ ᐎᑌᓐ: ᐊᓂᒪ ᓵᑭᐃᐌᐎᓐ ᑳ ᑮ ᐅᒋ ᓵᑭᐃᔭᓐ ᑭᒋ ᐱᒋᔅᑳᑯᒋᒃ, ᓂᓚ ᓀᔥᑕ ᑭᒋ ᐱᒋᔅᑲᐗᑭᒃ᙮

ᐅᐸᓓᑭᔅ ᒑᓐ 17:5

ᐁᑯ ᒫᑲ, ᐅ ᓄᑖ, ᑭᔅᑌᓕᑖᑯᐃᓐ ᐊᓯᒋ ᑭᓚ ᓀᔥᑕ, ᐊᓂᒪ ᑭᔅᑌᓕᑖᑯᓯᐎᓐ ᐅᒋ ᑳ ᑮ ᐋᔮᔮᓐ ᐁᔥᑾ ᐁ ᐎᒋᑕᔑᑫᒥᑖᓐ ᐸᒧᔑ ᐃᑕᑾᒃ ᐊᔅᑭ᙮

ᐅᐸᓓᑭᔅ ᒑᓐ 3:35

ᐅᑖᐎᒪᐤ ᓵᑭᐁᐤ ᐅᑯᓯᓯᒫᐗ, ᓀᔥᑕ ᑮ ᐸᑭᑎᓇᒻ ᒥᓯᐌ ᑫᒀᓇ ᐅᒋᒌᓕᒃ᙮

ᓂᔥᑕᒻ ᑯᕆᓐᑎᐊᓇ 15:24

ᐁᑯ ᑫ ᐅᑎᒋᐸᓕᒃ ᐁ ᐃᔥᒀᔮᒃ, ᐃᔅᐱ ᑮ ᐸᑭᑎᓇᒪᐙᑌ ᑭᒋᐅᑭᒫᐎᐎᓂᓕᐤ ᑭᒋᒫᓂᑐᐗ, ᐅᑖᐎᒪᐗ ᐅᑎ; ᐃᔅᐱ ᑮ ᔖᑯᒋᑖᑌ ᒥᓯᐌ ᑎᐯᓕᒋᑫᐎᓂᓕᐤ, ᓀᔥᑕ ᒥᓯᐌ ᐅᑭᒫᐎᐎᓂᓕᐤ, ᓀᔥᑕ ᑲᔥᑭᐅᐎᓂᓕᐤ᙮

ᓂᔓ ᑯᕆᓐᑎᐊᓇ 4:6

ᐌᓴ ᑭᒋᒪᓂᑐ ᑳ ᑮ ᐃᑕᔓᐗᑕᒃ ᐙᓭᔮᓯᐎᓐ ᑭᒋ ᓵᑳᔅᑌᓕᒃ ᐁ ᐗᓂᑎᐱᔅᑳᒃ ᐅᒋ, ᓂ ᑮ ᓵᑳᔅᑌᔅᑳᑯᓈᓐ ᓂᑌᐃᓈᒃ, ᑭᒋ ᒥᓕᔮᒃ ᐊᓂᒪ ᐙᔅᑌᐎᓐ ᑳ ᐃᑕᑾᒃ ᐁ ᑭᔅᑫᓕᒋᑳᑌᓕᒃ ᐅ ᑭᔅᑌᓕᑖᑯᓯᐎᓐ ᑭᒋᒪᓂᑐ ᐅᑖᔅᑕᒥᑯᒃ ᒋᓴᔅ ᙭᙮

ᐃᐱᓯᔭᓇ 1:21

ᐃᑕ ᓈᔅᐱᒡ ᐊᐙᓯᑌ ᐁ ᐃᔅᐯᓕᑖᑾᓂᓕᒃ ᐃᔥᐱᔥ ᒥᓯᐌ ᑎᐯᓕᒋᑫᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᓱᑳᑎᓯᐎᓐ ᓀᔥᑕ ᐅᑭᒫᐎᐎᓐ, ᓀᔥᑕ ᒥᓯᐌ ᑕᑐ ᐃᔑᓂᑳᓱᐎᓐ ᑳ ᐙᐎᒋᑳᑌᒃ, ᓇᒪᐎᓚ ᐅᑕ ᐊᔅᑮᒃ ᐱᑯ, ᒫᑲ ᐊᓂᒪ ᐊᔅᑮᒃ ᓀᔥᑕ ᑫ ᐅᑎᒋᐸᓕᒃ:

ᐦᐃᑉᕉᐗ 2:8

ᒥᓯᐌ ᑫᒀᓇ ᑭᑭ ᑎᐯᓕᑕᒥᐊᐤ ᔑᐹ ᐅᓯᑎᒃ᙮ ᐌᓴ ᒥᓯᐌ ᐁ ᑮ ᑎᐯᓕᑕᒥᐋᑦ, ᓇᒪ ᐙᐙᒡ ᑫᒀᓐ ᑮ ᐃᔥᑯᓇᒻ ᐁᑳ ᑳ ᑮ ᑎᐯᓕᑕᒥᐋᑦ᙮ ᒫᑲ ᐁᑯ ᐁᑳ ᐁ ᐙᐸᑕᒪᒃ ᐁᔥᑾ ᒥᓯᐌ ᑫᒀᓇ ᐁ ᑎᐯᓕᑕᒥᐋᑲᓂᐎᑦ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᓂᔓ ᒑᓐ 1:9

ᐊᐌᓇ ᐌᓂᑐᑕᒧᑴ, ᓀᔥᑕ ᐁᑳ ᑌᔑᑫᐙᑴ ᐅ ᑭᔅᑭᓄᐊᒫᑫᐎᓂᒃ ᙭, ᓇᒪᐎᓚ ᐋᔭᐌᐤ ᑭᒋᒪᓂᑐᐗ᙮ ᐊᓇ ᑳ ᑕᔑᑫᐙᑦ ᐅ ᑭᔅᑭᓄᐊᒫᑫᐎᓂᒃ ᙭, ᐋᔭᐌᐤ ᐊᓯᒋ ᐅᑖᐎᒪᐗ ᓀᔥᑕ ᐅᑯᓯᓯᒪᐗ᙮