4 ᑭᒋ ᑭᔅᑫᓕᑕᒪᓐ ᐁ ᑫᒋᓈᔦᓕᑖᑾᑭ ᐊᓂᐃ ᑫᒀᓇ, ᑳ ᑭ ᐃᔑ ᑭᔅᑭᓄᐊᒫᑲᐎᔭᓐ᙮
ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮
ᐊᐗ ᐃᓕᓕᐤ ᑮ ᑭᔅᑭᓄᐊᒪᐙᑲᓂᐎᐤ ᐅᑦ ᐃᔑᑣᐎᓂᓕᒃ ᐅᑎᐯᓕᒋᑫᐗ; ᐁ ᑮ ᒫᔥᑲᐌᓕᑕᒃ ᒫᑲ ᐅᑦ ᐊᒑᑯᒃ, ᑮ ᐊᔭᒥᐤ ᓀᔥᑕ ᐯᔮᑕᒃ ᑮ ᑭᔅᑭᓄᐊᒫᑫᐌᐤ ᐅᑎᐯᓕᒋᑫᐗ ᐅᑦ ᐊᔨᑎᐎᓂᓕᐗ, ᐁ ᑭᔅᑫᓕᑕᒃ ᐱᑯ ᒑᓐ ᐅ ᓯᑲᐊᑖᑫᐎᓐ᙮
ᓀᔥᑕ ᑭ ᑭᔅᑫᓕᑕᒸᓐ ᐅᑦ ᐃᑌᓕᑕᒧᐎᓐ, ᓀᔥᑕ ᑭ ᒥᓜᓕᑌᓐ ᐊᓂᐃ ᐋᓕᐙᒃ ᑳ ᒥᓨᔑᑭ, ᐅᓚᔓᐌᐎᓂᒃ ᐁ ᑮ ᐅᒋ ᑭᔅᑭᓄᐊᒫᑲᐎᔭᓐ;
ᐁᓕᐌᒃ ᒫᑲ ᐋᔭᒥᐁᐎᑲᒥᑯᒃ ᐊᐙᓯᑌ ᓂ ᑳ ᓇᒪᓕᑌᑖᔾ ᓂᔮᓚᓐ ᐋᔭᒥᐎᓇ ᑭᒋ ᐃᑗᔮᓐ ᑳ ᓂᓯᑐᑕᒫᒃ, ᐁ ᐯᑖᑯᓯᔮᓐ ᑯᑕᑭᔭᒃ ᓀᔥᑕ ᑭᒋ ᑭᔅᑭᓄᐊᒪᐗᑭᒃ, ᐃᔥᐱᔥ ᒥᑖᑡᐤ ᑭᒋᒥᑖᑐᒥᑕᓇᐤ ᐋᔭᒥᐎᓇ ᐁᑳ ᑳ ᑭᔅᑫᓕᑖᑾᒃ ᐃᔑᑭᔗᐎᓂᒃ᙮
ᐁᑯᔑ ᐊᓇ ᑳ ᑭᔅᑭᓄᐊᒫᑦ ᐋᔭᒥᐎᓂᓕᐤ ᑲᑕ ᐅᒋᔅᑕᒪᐌᐤ ᐊᓂᐃ ᑳ ᑭᔅᑭᓄᐊᒫᑫᓕᒋ ᒥᓯᐌ ᑳ ᒥᓦᔑᓂᓕᑭ᙮
