ᐅᐸᓓᑭᔅ ᓘᒃ 1:35 - ᐅᔅᑭ ᑎᔅᑌᒥᓐᑦ

³⁵ ᐁᓐᒐᓪ ᒫᑲ ᑮ ᓇᔥᑴᐗᔑᐁᐤ, ᐁ ᐃᑖᑦ, ᐸᓓᑭ ᐊᒑᒃ ᑭ ᑳ ᐯᒋ ᐅᑎᑎᒃ, ᓀᔥᑕ ᒫᐗᒋ ᐁᔅᐯᓕᑖᑯᓯᑦ ᐅ ᑲᔥᑭᐅᐎᓐ ᑭ ᑳ ᐅᑲᐙᔅᑌᔅᑳᑯᐙᓐ: ᐁᐗᑯ ᐌᒋ ᐊᓂᒪ ᐸᓓᑭ ᑫᒀᓐ ᑫ ᓂᑖᐎᑭᑖᔭᓐ ᑭᒋᒪᓂᑐ ᐅᑯᓯᓴ ᑲᑕ ᐃᔑᓂᑳᑌᐤ᙮

ᐅᐸᓓᑭᔅ ᓘᒃ 1:35 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:18

ᐅᒪ ᐃᔑ ᒫᑲ ᑮ ᐃᑭᓂᓕᐤ ᐅ ᓂᑖᐎᑭᐎᓐ ᒋᓴᔅ ᙭: ᐅᑳᐎᔭ ᒣᕆᔭ ᐋᔕᔾ ᐁ ᑮ ᑭᔅᑭᒫᓕᒋ ᒍᓯᐸ, ᐸᒧᔑ ᐎᑭᑐᒋᒃ, ᑮ ᑭᔅᑫᓕᒪᐤ ᐁ ᑲᓄᔥᑲᑖᐗᓱᑦ ᐸᓓᑭ ᐊᒑᑾ ᐅᒋ᙮

ᐅᐸᓓᑭᔅ ᒫᑎᐤ 1:20

ᒫᑲ ᒣᒀᒡ ᐁ ᒫᒥᑐᓀᓕᑕᒃ ᐅᐅ ᑫᒀᓇ, ᒫᑎᑲ, ᐅᑦ ᐁᓐᒐᓕᒪ ᐅᑎᐯᓕᒋᑫᐤ ᑮ ᓄᑯᓰᔅᑖᑯᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᒍᓯᑉ, ᑌᐱᑦ ᐌᑯᓯᓯᒥᔉ, ᐁᑳᐎᓚ ᓭᑭᓯ ᑭᒋ ᐅᑎᓇᑦ ᒣᕆ ᑭᐗ: ᐌᓴ ᐊᓂᐁᓕᐤ ᑳ ᑲᓄᔥᑲᒃ ᐯᓓᑭᓯᑦ ᐊᒑᑯᒃ ᐅᒋᒪᑲᓂᓕᐤ᙮

ᐅᐸᓓᑭᔅ ᒫᑎᐤ 14:33

ᐁᑯ ᒫᑲ ᐱᐁᒋ ᓈᑎᑯᑦ ᐊᓂᐃ ᓈᐱᑾᓂᒃ ᑳ ᐃᑖᓕᒋ, ᑮ ᓇᐗᑮᔅᑖᑯ ᒫᑲ, ᐁ ᐃᑗᓕᒋ, ᑖᐺ ᑭᓚ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒫᑎᐤ 27:54

ᐃᔅᐱ ᒫᑲ ᓇᑐᐸᓕᐎᑭᒪᐤ, ᓀᔥᑕ ᐊᓂᐃ ᑳ ᐎᒉᐎᑯᑦ, ᐁ ᓈᓈᑲᑕᐙᐸᒫᒋᒃ ᒋᓴᓴ, ᐎᐋᐸᑕᑭᒃ ᐁ ᑶᑾᓂᓕᒃ, ᓀᔥᑕ ᐊᓂᐃ ᑫᒀᓇ ᑳ ᑐᒋᑳᑌᓕᑭ, ᓈᔅᐱᒡ ᑮ ᓭᑭᓯᐗᒃ, ᐁ ᐃᑗᒋᒃ, ᑖᐺ ᐊᐗ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒫᑎᐤ 4:3

ᐃᔅᐱ ᒫᑲ ᐅᑲᑴᒋᐃᐌᐗ ᐱᐁᒋ ᓈᑎᑯᑦ, ᑮ ᐃᑎᑯ, ᑮᔥᐱᓐ ᑭᒋᒪᓂᑐ ᐌᑯᓯᓯᒥᔅᑴ, ᐃᑕᔓᐌ ᐅᑯ ᐊᓯᓂᔭᒃ ᑭᒋ ᐊᓚᑯᓇᐎᒋᒃ᙮

ᐅᐸᓓᑭᔅ ᒫᕐᒃ 1:1

ᐁ ᒫᒋᐸᓕᓕᒃ ᐅ ᒥᓗᐋᒋᒧᐎᓐ ᒋᓴᔅ ᙭, ᑭᒋᒪᓂᑐ ᐅᑯᓯᓴ;

ᐅᐸᓓᑭᔅ ᒫᕐᒃ 1:24

ᐁ ᐃᑗᑦ, ᐁᑳᐎᓚ ᐙᔦᔥ ᑐᑖᐎᓈᓐ; ᑖᓂ ᑫ ᐃᑖᐸᒋᐃᑖᒃ, ᑭᓚ ᒋᓴᔅ ᓈᓴᕆᑎᒃ ᐅᒋ? ᑭ ᐯᒋ ᐃᑐᑖᓐ ᓈ ᑭᒋ ᓂᔑᐗᓈᒋᐃᔮᒃ? ᑭ ᑭᔅᑫᓕᒥᑎᓐ ᐊᐌᓇ ᑭᓚ, ᐅ ᐸᓓᑭᓯᒪ ᑭᒋᒪᓂᑐ᙮

ᐅᐸᓓᑭᔅ ᓘᒃ 1:27

ᑭᒋ ᓇᑕᐙᐸᒫᑦ ᐅᔥᑭᓂᑭᔅᑴᐗ ᑳ ᑮ ᑭᔅᑭᒫᓕᒋ ᐃᓕᓕᐗ ᒎᓯᑉ ᐁ ᐃᔑᓂᑳᓱᓕᒋ, ᑌᐱᑦ ᐅ ᐯᔭᑯᑌᒥᓕᒃ ᑳ ᐅᒋᓕᒋ; ᐊᓇ ᐅᔥᑭᓂᑭᔅᑴᐤ ᒫᑲ ᑮ ᐃᔑᓂᑳᓱ ᒣᕆ᙮

ᐅᐸᓓᑭᔅ ᓘᒃ 1:34

ᐁᑯ ᒣᕆ ᐁᑖᑦ ᐁᓐᒐᓚ, ᑖᓐᑌ ᑫ ᑮ ᐃᑭᒃ ᐅᒪ, ᐁᑳ ᐁ ᐅᒋ ᑭᔅᑫᓕᒪᒃ ᓈᐯᐤ?

ᐅᐸᓓᑭᔅ ᓘᒃ 1:36

ᒫᑎᑲ ᒫᑲ, ᑭ ᐙᑯᒫᑲᓐ ᐃᓕᓴᐱᑦ, ᐎᓚ ᓀᔥᑕ ᑮ ᑭᑯᔐᐤ ᐅ ᑭᔐᔮᑎᓯᐎᓂᒃ, ᐊᓄᒡ ᒫᑲ ᐁᐗᑯ ᓂᑯᑣᔅ ᐱᓯᒧᒃ ᐁ ᑲᓄᔥᑲᑖᐗᓱᑦ, ᐊᓇ ᑳ ᑭ ᐃᔑᓂᑳᑖᑲᓂᐎᑦ ᐁᑳ ᑳ ᓂᑕᐅᔐᑦ᙮

ᐅᐸᓓᑭᔅ ᒑᓐ 1:34

ᓂ ᑮ ᐙᐸᑌᓐ ᒫᑲ, ᓀᔥᑕ ᓂ ᑮ ᑎᐹᒋᒧᓐ ᐊᐗ ᐁ ᐅᑯᓯᓯᒥᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᒑᓐ 1:49

ᓇᑕᓂᔭᓪ ᐁ ᓇᔥᑴᐗᔑᐋᑦ, ᐃᑌᐤ, ᕌᐸᐃ, ᑭᓚ ᑭᑦ ᐅᑯᓯᓯᒥᒃ ᑭᒋᒪᓂᑐ; ᑭᓚ ᐃᔅᕃᐃᓪ ᐅ ᑭᒋᐅᑭᒫᒪ᙮

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐊᐸᔅᑕᓚᒃ 8:36

ᒣᒀᒡ ᒫᑲ ᐁ ᐊᑎ ᐱᒧᑌᒋᒃ, ᑮ ᐅᑎᑕᒶᒃ ᐃᑕ ᐁ ᐃᑕᒀᓂᓕᒃ ᓂᐱᓕᐤ: ᐊᓇ ᔫᓇᒃ ᒫᑲ ᑮ ᐃᑗᐤ, ᐗᐸᑕ, ᐅᑕ ᐃᑕᒀᓐ ᓂᐱ; ᑫᒀᓐ ᑫ ᐅᒋᐃᑯᔮᓐ ᑭᒋ ᓯᑲᐊᑖᑲᐎᔮᓐ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4

ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮

ᐦᐃᑉᕉᐗ 4:15

ᐌᓴ ᓇᒪᐎᓚ ᑭᑦ ᐋᔭᐙᓇᐤ ᑭᒋ ᓵᓵᑭᐎᓕᐌᐎᓕᓕᐤ ᐁᑳ ᑫ ᑮ ᐃᑕᒪᒋᑖᑦ ᑭᑦ ᐊᓕᒥᓯᐎᓂᓇᐗ; ᒫᑲ ᒥᓯᐌ ᐃᔑ ᑮ ᑲᑴᒋᐊᐤ ᑖᐱᔅᑯᒡ ᑭᓚᓈᓇᐤ, ᓇᒪᐎᓚ ᒫᑲ ᑮ ᒪᒋᑐᑕᒻ᙮