ᒎᑦ 1:11 - ᐅᔅᑭ ᑎᔅᑌᒥᓐᑦ

¹¹ ᑲᒀᑕᑭᓯᐗᒃ! ᐌᓴ ᑮ ᐱᒧᑌᐗᒃ ᐅ ᒣᔅᑲᓈᓕᒃ ᑫᓇ, ᓀᔥᑕ ᑮ ᐱᒥᐸᑕᐗᒃ ᐅ ᐗᓂᔑᓄᐎᓂᓕᒃ ᐯᓚᒪ ᑭᒋ ᐅᑎᓯᒋᒃ, ᑮ ᓂᔑᐗᓈᑎᓯᐗᒃ ᒫᑲ ᐅᑦ ᐋᓉᑕᒧᐎᓂᓕᒃ ᑯᕋᐊ᙮

ᒎᑦ 1:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:21

ᑭ ᑳ ᑲᒀᑕᑭᓰᓐ, ᑭᓚ ᑯᕃᓯᓐ! ᑭ ᑳ ᑲᒀᑕᑭᓰᓐ, ᑭᓚ ᐯᑦᓭᑕ! ᐌᓴ ᑮᔥᐱᓐ ᐊᓂᐃ ᒫᒪᔅᑳᒋ ᐊᑑᔅᑫᐎᓇ ᑫ ᑮ ᑐᒋᑳᑐᑌᑭ ᐃᑕ ᐁ ᐃᑖᔦᒃ, ᑮ ᐃᑐᒋᑳᑌᐙᑯᐸᓀ ᑖᐃᕆᒃ ᓀᔥᑕ ᓵᐃᑕᓂᒃ, ᑳᔮᔥ ᑲᑕ ᑮ ᑴᔅᑳᑎᓯᐸᓇᒃ ᐁ ᐎᓛᑕᑭᒃ ᓱᑫᑭᓂᓕᐤ ᓀᔥᑕ ᐱᑯᑌᓕᐤ᙮

ᐦᐃᑉᕉᐗ 11:4

ᑖᐺᔦᓕᑕᒧᐎᓐ ᐅᒋ ᐁᐱᓪ ᑮ ᐸᑭᑎᓇᒪᐌᐤ ᑭᒋᒪᓂᑐᐗ ᐊᐙᓯᑌ ᒣᓨᔑᓂᓕᒃ ᓵᓵᑭᐎᓕᐌᐎᓂᓕᐤ ᐃᔥᐱᔥ ᑫᓐ, ᑳ ᑮ ᐅᒋ ᑲᔥᑭᑖᑦ ᑭᒋ ᐃᑖᒋᒫᑲᓂᐎᑦ ᐁ ᒀᔭᔅᑭᑖᑎᓰᑦ, ᑭᒋᒪᓂᑐᐗ ᐁ ᐋᓕᒧᑕᒥᓕᒋ ᐅ ᒥᓕᐌᐎᓇ: ᐁᐗᑴᓕᐤ ᐅᒋ ᐋᑕ ᐁ ᓂᐱᑦ ᑫᔮᐸᒡ ᐋᔭᒥᐤ᙮

ᓂᔓ ᐱᑕᕐ 2:15

ᑳ ᑮ ᓇᑲᑕᑭᒃ ᒀᔭᔉ ᒣᔅᑲᓈᓕᐤ, ᓀᔥᑕ ᐁ ᑮ ᐗᓂᔑᑭᒃ, ᐁ ᓄᔅᐱᓈᑕᒸᒋᒃ ᐅᑦ ᐃᔑᑡᐎᓂᓕᐤ ᐯᓚᒪ, ᐅᑯᓯᓴ ᐱᐅᕋ, ᑳ ᑮ ᓵᑭᑖᓕᑭ ᐁ ᐃᔑ ᑎᐸᐃᑳᑌᓕᒃ ᒪᒑᑎᓯᐎᓂᓕᐤ:

ᓂᔥᑕᒻ ᒑᓐ 3:12

ᓇᒪᐎᓚ ᑖᐱᔅᑯᒡ ᑫᓐ ᐊᓂᐃ ᒣᒋᑣᓕᑭ ᑳ ᑮ ᐅᒌᑦ, ᓀᔥᑕ ᐁ ᑮ ᓂᐸᐋᑦ ᐎᒋᔖᓇ᙮ ᑖᓀᑭ ᐌᒋ ᒫᑲ ᓂᐸᐋᑦ? ᑎᐱᓚᐌ ᐅᑦ ᐊᑑᔅᑫᐎᓇ ᐁ ᑮ ᒫᓛᑕᓂᓕᑭ, ᓀᔥᑕ ᐎᒋᔖᓇ ᐁ ᑮ ᒀᔭᔅᑭᑖᑎᓯᒪᑲᓂᓕᑭ᙮

ᑭᔅᑫᓕᑖᑯᑖᑫᐎᓐ 2:14

ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮