ᐅᐸᓓᑭᔅ ᒑᓐ 9:35 - ᐅᔅᑭ ᑎᔅᑌᒥᓐᑦ

³⁵ ᒋᓴᔅ ᑮ ᐯᑕᒻ ᐁ ᑮ ᐗᓚᐎᑎᔑᓈᓕᒋ; ᐃᔅᐱ ᒫᑲ ᑳ ᒥᔅᑲᐙᑦ, ᑮ ᐃᑌᐤ, ᑭ ᑖᐺᔦᓕᒥᒫᐗ ᓈ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 9:35 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 14:33

ᐁᑯ ᒫᑲ ᐱᐁᒋ ᓈᑎᑯᑦ ᐊᓂᐃ ᓈᐱᑾᓂᒃ ᑳ ᐃᑖᓕᒋ, ᑮ ᓇᐗᑮᔅᑖᑯ ᒫᑲ, ᐁ ᐃᑗᓕᒋ, ᑖᐺ ᑭᓚ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒫᑎᐤ 16:16

ᓵᐃᒪᓐ ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᑭᓚ ᐁᐗᒀᓇ ᙭, ᐅᑯᓯᓴ ᐯᒫᑎᓰᑦ ᑭᒋᒪᓂᑐ᙮

ᐅᐸᓓᑭᔅ ᒫᑎᐤ 4:3

ᐃᔅᐱ ᒫᑲ ᐅᑲᑴᒋᐃᐌᐗ ᐱᐁᒋ ᓈᑎᑯᑦ, ᑮ ᐃᑎᑯ, ᑮᔥᐱᓐ ᑭᒋᒪᓂᑐ ᐌᑯᓯᓯᒥᔅᑴ, ᐃᑕᔓᐌ ᐅᑯ ᐊᓯᓂᔭᒃ ᑭᒋ ᐊᓚᑯᓇᐎᒋᒃ᙮

ᐅᐸᓓᑭᔅ ᒫᕐᒃ 1:1

ᐁ ᒫᒋᐸᓕᓕᒃ ᐅ ᒥᓗᐋᒋᒧᐎᓐ ᒋᓴᔅ ᙭, ᑭᒋᒪᓂᑐ ᐅᑯᓯᓴ;

ᐅᐸᓓᑭᔅ ᒑᓐ 1:18

ᓇᒪᐎᓚ ᐊᐌᓇ ᐎᔅᑳᒡ ᐅᒋ ᐙᐸᒣᐤ ᑭᒋᒪᓂᑐᐗ: ᐯᔭᑯᑯᓯᓵᓐ, ᑳ ᐃᑖᑦ ᐅ ᐱᓗᒧᐎᓂᓕᒃ ᐅᑖᐎᒪᐗ, ᑮ ᑭᔅᑫᓕᑖᑯᐁᐤ᙮

ᐅᐸᓓᑭᔅ ᒑᓐ 1:34

ᓂ ᑮ ᐙᐸᑌᓐ ᒫᑲ, ᓀᔥᑕ ᓂ ᑮ ᑎᐹᒋᒧᓐ ᐊᐗ ᐁ ᐅᑯᓯᓯᒥᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᒑᓐ 10:36

ᑭᑦ ᐃᑖᐗᐤ ᓈ ᐊᓇ ᑳ ᐸᓓᑭᐃᑯᑦ ᐅᑖᐎᒪᐗ, ᓀᔥᑕ ᑳ ᑮ ᐯᒋᑎᔕᐅᑯᑦ ᐊᔅᑮᒃ, ᑭ ᐹᔅᑕᒧᓐ; ᐁ ᑮ ᐃᑗᔮᓐ, ᓂᓚ ᑭᒋᒪᓂᑐ ᐅᑯᓯᓴ?

ᐅᐸᓓᑭᔅ ᒑᓐ 11:27

ᐃᑌᐤ, ᐁᐁ, ᑌᐯᓕᒋᑫᔭᓐ: ᓂ ᑖᐺᑌᓐ ᐁ ᐋᐎᔭᓐ ᙭ ᑭᒋᒪᓂᑐ ᐅᑯᓯᓴ, ᐊᓇ ᑫ ᐯᒋ ᐃᑐᑌᔅᐸᓐ ᐅᑕ ᐊᔅᑮᒃ᙮

ᐅᐸᓓᑭᔅ ᒑᓐ 20:28

ᐁᑯ ᑕᑎᔅ ᓀᔥᑴᐗᔑᐃᐌᑦ ᓀᔥᑕ ᐁᑖᑦ, ᓂ ᑎᐯᓕᒋᑫᒻ ᓀᔥᑕ ᓂ ᑭᒋᒪᓂᑐᒻ᙮

ᐅᐸᓓᑭᔅ ᒑᓐ 20:31

ᒫᑲ ᐅᐅ ᒪᓯᓇᐃᑳᑌᐗ, ᑭᒋ ᑖᐺᑕᒣᒃ ᒋᓴᔅ ᐁ ᐋᐎᑦ ᙭, ᑭᒋᒪᓂᑐ ᐅᑯᓯᓴ; ᓀᔥᑕ ᐁ ᑖᐺᑕᒣᒃ ᑭᒋ ᐋᔮᔦᒃ ᐱᒫᑎᓯᐎᓐ ᐅᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 3:36

ᐊᓇ ᑳ ᑖᐺᔦᓕᒫᑦ ᐅᑯᓯᓯᒫᐗ ᐋᔭᐤ ᑳᑭᑫ ᐱᒫᑎᓯᐎᓂᓕᐤ: ᐊᓇ ᒫᑲ ᐁᑳ ᑳ ᑖᐺᑕᐙᑦ ᐅᑯᓯᓯᒫᐗ ᓇᒪᐎᓚ ᑲᑕ ᐙᐸᑕᒻ ᐱᒫᑎᓯᐎᓂᓕᐤ; ᒫᑲ ᑭᒋᒪᓂᑐᐗ ᐅᑦ ᐊᑯᓚᐌᓯᐎᓂᓕᐤ ᒫᑕᑯᔅᑳᑯᐌᐤ᙮

ᐅᐸᓓᑭᔅ ᒑᓐ 5:14

ᐹᑎᒫ ᒋᓴᔅ ᒥᔅᑲᐌᐤ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᑮ ᐃᑌᐤ, ᒫᑎᑲ, ᑮ ᒥᓇᐙᒋᐃᑳᐎᓐ: ᐁᑳᐎᓚ ᒥᓇ ᒪᒋᑐᑖ, ᑫᑳ ᑭ ᑳ ᐅᑎᑎᑯᓐ ᑫᒀᓐ ᐊᐙᓯᑌ ᐁ ᒫᓛᑕᒃ᙮

ᐅᐸᓓᑭᔅ ᒑᓐ 6:69

ᓂ ᑖᐺᑌᓈᓐ ᒫᑲ, ᓀᔥᑕ ᓂ ᑫᒋᓇᐅᓈᓐ ᑭᓚ ᐁ ᐋᐎᔭᓐ ᐊᓇ ᙭ ᐯᒫᑎᓰᑦ ᑭᒋᒪᓂᑐ ᐅᑯᓯᓴ᙮

ᐅᐸᓓᑭᔅ ᒑᓐ 9:22

ᐅᐅ ᐋᔭᒥᐎᓇ ᑮ ᐃᑗᓕᐗ ᐅᓂᑭᐃᑾ, ᐁ ᑯᔅᑖᓕᒋ ᒎᐗ: ᐌᓴ ᒎᐗᒃ ᐋᔕᔾ ᑮ ᓇᔅᑯᒥᑐᐗᒃ, ᑮᔥᐱᓐ ᐊᐌᓇ ᑫ ᐃᑗᑴ ᐁ ᐋᐎᓕᒋ ᙭, ᐋᔭᒥᐁᐎᑲᒥᑯᒃ ᑭᒋ ᐅᒋ ᐗᓚᐎᑎᔑᓈᑲᓂᐎᑦ᙮

ᐅᐸᓓᑭᔅ ᒑᓐ 9:34

ᐁ ᓇᔥᑴᐗᔑᐋᒋᒃ ᒫᑲ ᑮ ᐃᑌᐗᒃ, ᒥᑐᓂ ᒪᒋᑣᐎᓂᒃ ᑭ ᑮ ᓂᑖᐎᑭᓐ, ᑭ ᑭᔅᑭᓄᐊᒪᐎᓈᓐ ᓈ ᒫᑲ ᓂᓚᓈᓐ? ᐁᑯ ᐌᓚᐎᑎᔑᓈᒋᒃ᙮

ᐊᐸᔅᑕᓚᒃ 8:36

ᒣᒀᒡ ᒫᑲ ᐁ ᐊᑎ ᐱᒧᑌᒋᒃ, ᑮ ᐅᑎᑕᒶᒃ ᐃᑕ ᐁ ᐃᑕᒀᓂᓕᒃ ᓂᐱᓕᐤ: ᐊᓇ ᔫᓇᒃ ᒫᑲ ᑮ ᐃᑗᐤ, ᐗᐸᑕ, ᐅᑕ ᐃᑕᒀᓐ ᓂᐱ; ᑫᒀᓐ ᑫ ᐅᒋᐃᑯᔮᓐ ᑭᒋ ᓯᑲᐊᑖᑲᐎᔮᓐ?

ᐊᐸᔅᑕᓚᒃ 8:37

ᐱᓕᑉ ᒫᑲ ᑮ ᐃᑗᐤ, ᑮᔥᐱᓐ ᑎᐋᐺᑕᒧᐗᓀ ᒥᓯᐌ ᑭᑌᐃ ᐅᒋ ᑭ ᑳ ᑮ ᑐᑕᑲᐎᓐ᙮ ᑮ ᓇᔥᑴᐗᔑᐃᐌᐤ ᒫᑲ ᓀᔥᑕ ᑮ ᐃᑗᐤ, ᓂ ᑖᐺᑌᓐ ᐊᓇ ᒋᓴᔅ ᙭ ᐁ ᐋᐎᑦ ᑭᒋᒪᓂᑐ ᐅᑯᓯᓴ᙮

ᐊᐸᔅᑕᓚᒃ 9:20

ᑣᔦᒃ ᒫᑲ ᑮ ᑲᑫᔅᑭᒥᐌᐤ ᐱᒋ ᐋᔭᒥᐁᐎᑲᒥᑾ ᐊᓂᐃ ᙭ᑕ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:4

ᐁ ᑮ ᐃᑖᑲᓂᐎᑦ ᒫᑲ ᑭᒋ ᐅᑯᓯᓯᒥᑯᑦ ᑭᒋᒪᓂᑐᐗ ᓱᑳᑎᓯᐎᓂᒃ, ᐸᓓᑭᓯᐎᓂ ᐊᒑᑾ ᐃᔑ, ᐁ ᑮ ᐗᓂᔥᑳᓈᑦ ᐅᓂᐱᐗ ᐅᒋ:

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:20

ᒫᑲ ᐋᐃᓭᔭ ᓈᔅᐱᒡ ᓱᑭᒧ, ᐃᑗᐤ ᒫᑲ, ᓂ ᑮ ᒥᔅᑳᑾᒃ ᐊᓂᑭ ᐁᑳ ᑳ ᓈᓇᑕᐌᓕᒥᒋᒃ; ᓂ ᑮ ᓄᑯᐃᑲᐎᓐ ᑭᒋ ᑭᔅᑫᓕᒥᒋᒃ ᐊᓂᑭ ᐁᑳ ᑳ ᑭ ᑲᑴᒋᑫᒧᒋᒃ ᑭᒋ ᑭᔅᑫᓕᒥᒋᒃ᙮

ᓂᔥᑕᒻ ᒑᓐ 4:15

ᒥᓯᐌ ᐊᐌᓇ ᑫ ᐎᑕᒧᑴ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ, ᑭᒋᒪᓂᑐᐗ ᐱᒋᔅᑳᑯ, ᐎᓚ ᓀᔥᑕ ᐱᒋᔅᑲᐌᐤ ᑭᒋᒪᓂᑐᐗ᙮

ᓂᔥᑕᒻ ᒑᓐ 5:10

ᐊᓇ ᑳ ᑖᐺᔦᓕᒥᒫᑦ ᑭᒋᒪᓂᑐ ᐅᑯᓯᓴ, ᐋᔭᐤ ᐅᒣᓕᐤ ᑎᐹᒋᒧᐎᓂᓕᐤ ᐁ ᐱᒋᔅᑳᑯᑦ: ᐊᓇ ᐁᑳ ᑳ ᑖᐺᑕᐙᑦ ᑭᒋᒪᓂᑐᐗ, ᑭᓛᔅᑭᔉ ᑮ ᐃᔑᐁᐤ: ᐁᑳ ᐁ ᑖᐺᑕᒸᑦ ᐅ ᑎᐹᒋᒧᐎᓂᓕᐤ ᑭᒋᒪᓂᑐᐗ ᑳ ᑮ ᐃᑖᒋᒫᓕᒋ ᐅᑯᓯᓴ᙮

ᓂᔥᑕᒻ ᒑᓐ 5:13

ᐅᐅ ᑫᒀᓇ ᑭ ᑮ ᒪᓯᓇᐊᒫᑎᓇᐗᐤ ᑭᓚᐗᐤ ᑳ ᑖᐺᔦᓕᑕᒬᒃ ᐅᑦ ᐃᔑᓂᑳᓱᐎᓐ ᑭᒋᒪᓂᑐ ᐅᑯᓯᓴ; ᑭᒋ ᑭᔅᑫᓕᑕᒣᒃ ᐁ ᐋᔭᔦᒃ ᑳᑭᑫ ᐱᒫᑎᓯᐎᓐ, ᓀᔥᑕ ᑭᒋ ᑖᐺᔦᓕᑕᒬᒃ ᐅᑦ ᐃᔑᓂᑳᓯᐎᓈ ᑭᒋᒪᓂᑐ ᐅᑯᓯᓴ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮

ᓂᔥᑕᒻ ᒑᓐ 5:5

ᐊᐌᓇ ᐊᓇ ᑳ ᔖᑯᒋᑖᑦ ᐊᔅᑭᓕᐤ, ᐊᓇ ᐱᑯ ᑳ ᑖᐺᑕᒃ ᒋᓴᓴ ᐁ ᐋᐎᓕᒋ ᑭᒋᒪᓂᑐ ᐅᑯᓯᓴ?

ᓂᔅᑐ ᒑᓐ 1:10

ᐁᐗᑯ ᐅᒋ, ᑮᔥᐱᓐ ᑕᑯᔑᓂᔮᓀ, ᓂ ᑳ ᑭᔅᑭᓯᑐᑕᒸᓐ ᐅᑦ ᐃᓯᒋᑫᐎᓇ ᑳ ᑐᑕᒃ, ᐁ ᐸᑾᓄᒥᔭᒥᑦ ᑭᒧᒋᐸᒀᔑᐌᐎ ᐋᔭᒥᐎᓇ ᐅᒋ: ᐁᑳ ᒫᑲ ᐅᒣᓕᐤ ᐁ ᑌᐯᓕᑕᒃ ᐱᑯ, ᓇᒪᐎᓚ ᑫᒋᐙᒃ ᐅᑎᓀᐤ ᑳ ᐋᔭᒥᐋᐎ ᐎᒋᔖᓂᑐᓕᒋ, ᑭᑕᐊᒪᐌᐤ ᒫᑲ ᐊᓂᐃ ᑳ ᐎ ᐅᑎᓈᓕᒋ, ᐁ ᐗᓚᐎᐌᐱᓈᑦ ᓀᔥᑕ ᒫᒪᐎᐋᔭᒥᐊᐗ ᐅᒋ᙮