ᐅᐸᓓᑭᔅ ᒑᓐ 9:22 - ᐅᔅᑭ ᑎᔅᑌᒥᓐᑦ

²² ᐅᐅ ᐋᔭᒥᐎᓇ ᑮ ᐃᑗᓕᐗ ᐅᓂᑭᐃᑾ, ᐁ ᑯᔅᑖᓕᒋ ᒎᐗ: ᐌᓴ ᒎᐗᒃ ᐋᔕᔾ ᑮ ᓇᔅᑯᒥᑐᐗᒃ, ᑮᔥᐱᓐ ᐊᐌᓇ ᑫ ᐃᑗᑴ ᐁ ᐋᐎᓕᒋ ᙭, ᐋᔭᒥᐁᐎᑲᒥᑯᒃ ᑭᒋ ᐅᒋ ᐗᓚᐎᑎᔑᓈᑲᓂᐎᑦ᙮

ᐅᐸᓓᑭᔅ ᒑᓐ 9:22 ပူးပေါင်းရင်းမြစ်များ

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅᐸᓓᑭᔅ ᒑᓐ 1:19

ᐁᐗᑯ ᐅᒪ ᒫᑲ ᐅ ᑎᐹᒋᒧᐎᓐ ᒑᓐ, ᐃᔅᐱ ᒎᐗᒃ ᐁᔑᑎᔕᐙᒋᒃ ᓵᓵᑭᐎᓕᐌᐎᓕᓕᐗ ᓀᔥᑕ ᓕᐸᐃᑕ ᒋᕉᓴᓚᒥᒃ ᐅᒋ, ᑭᒋ ᑲᑴᒋᒫᓕᒋ, ᐊᐌᓇ ᑭᓚ?

ᐅᐸᓓᑭᔅ ᒑᓐ 16:2

ᑭ ᑳ ᐗᓚᐎᐌᐱᓂᑯᐙᐗᒃ ᐋᔭᒥᐁᐎᑲᒥᑯᒃ ᐅᒋ: ᐁᐁ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐃᔅᐱ ᒥᓯᐌ ᐊᐌᓇ ᑫ ᓂᐹᔨᑖᒃ, ᓂᑦ ᐊᑑᔅᑲᐗᐤ ᑭᒋᒪᓂᑐ, ᑲᑕ ᐃᑌᓕᑕᒻ᙮

ᐅᐸᓓᑭᔅ ᒑᓐ 19:38

ᐹᑎᒫ ᐅᒪ ᒫᑲ ᒍᓯᑉ ᐋᕆᒫᑎᔭᐃᒃ ᑳ ᐅᒌᑦ, ᐁ ᐅ ᑭᔅᑭᓄᐊᒪᐙᑲᓂᒥᑯᑦ ᒋᓴᓴ, ᑭᒧᒡ ᒫᑲ, ᐁ ᑯᔅᑖᑦ ᒎᐗ, ᑮ ᓇᑐᑕᒪᐌᐤ ᐹᐃᓚᑕ ᑭᒋ ᑭᑐᑕᑕᐙᑦ ᒋᓴᓴ ᐎᔭᐎᓕᐤ: ᑮ ᓇᔅᑯᒥᑯ ᒫᑲ ᐹᐃᓚᑕ᙮ ᑮ ᐯᒋ ᐃᑐᑌᐤ ᒫᑲ, ᓀᔥᑕ ᑮ ᐅᑎᓇᒬᐤ ᒋᓴᓴ ᐎᔭᐎᓕᐤ᙮

ᐅᐸᓓᑭᔅ ᒑᓐ 20:19

ᐁᐗᑯ ᑫᔮᐸᒡ ᐁ ᑭᔑᑳᒃ ᐁ ᐅᑖᑯᔑᒃ, ᓃᔥᑕᒻ ᐁ ᑭᔑᑳᒃ ᐊᓂᒪ ᐁ ᑕᐙᔅᑌᒃ, ᐃᔥᒀᑌᒪ ᐁ ᑭᐸᐃᑳᑌᑭ ᐃᑕ ᑭᔅᑭᓄᐊᒪᐙᑲᓇᒃ ᐁ ᑮ ᒫᐗᒋᐃᑐᒋᒃ ᐁ ᑯᔅᑖᒋᒃ ᒎᐗ, ᑭᐺᒋ ᐃᑐᑌᐤ ᒋᓴᔅ, ᓀᔥᑕ ᑮ ᓂᐸᐎᐤ ᑌᑖᐎᒡ, ᐃᑌᐤ ᒫᑲ, ᑳᔭᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ᙮

ᐅᐸᓓᑭᔅ ᒑᓐ 7:13

ᓇᒪᐎᓚ ᐊᐌᓕᐗ ᒫᑲ ᒧᔑᔐ ᐅᒋ ᐋᓕᒧᒥᑯ, ᐁ ᑯᔅᑖᓕᒋ ᒎᐗ᙮

ᐅᐸᓓᑭᔅ ᒑᓐ 9:18

ᒫᑲ ᒎᐗᒃ ᓇᒪᐎᓚ ᐅᒋ ᑖᐺᑕᒶᒃ ᑳ ᑮ ᐃᑎᒥᒋ, ᐁᑳ ᑳ ᑮ ᐙᐱᓕᒋ, ᐹᑎᒫ ᑳ ᓇᑐᒥᒫᒋᒃ ᐅᓂᑭᐃᑯᓕᐗ ᐊᓂᐃ ᑳ ᒥᓛᑲᓂᐎᓕᒋ ᑭᒋ ᐙᐱᓕᒋ᙮

ᐅᐸᓓᑭᔅ ᒑᓐ 9:21

ᑫᒀᓕᐤ ᒫᑲ ᐊᓄᒡ ᐌᒋ ᐙᐱᑦ ᓇᒪᐎᓚ ᓂ ᑭᔅᑫᓕᑌᓈᓐ; ᓇᒪ ᓀᔥᑕ ᓂ ᑭᔅᑫᓕᑌᓈᓐ ᐊᐌᓕᐗ ᑳ ᐋᐸᐊᒥᓕᒋ ᐅᔅᑭᔑᑾ: ᑎᐱᑕᑐᐱᐴᓀᓯᐤ; ᑲᑴᒋᒥᒃ: ᐎᓚ ᑫᒋᐙᒃ ᑲᑕ ᐋᔭᒥᔅᑕᒫᓱ᙮

ᐅᐸᓓᑭᔅ ᒑᓐ 9:34

ᐁ ᓇᔥᑴᐗᔑᐋᒋᒃ ᒫᑲ ᑮ ᐃᑌᐗᒃ, ᒥᑐᓂ ᒪᒋᑣᐎᓂᒃ ᑭ ᑮ ᓂᑖᐎᑭᓐ, ᑭ ᑭᔅᑭᓄᐊᒪᐎᓈᓐ ᓈ ᒫᑲ ᓂᓚᓈᓐ? ᐁᑯ ᐌᓚᐎᑎᔑᓈᒋᒃ᙮

ᐅᐸᓓᑭᔅ ᒑᓐ 9:35

ᒋᓴᔅ ᑮ ᐯᑕᒻ ᐁ ᑮ ᐗᓚᐎᑎᔑᓈᓕᒋ; ᐃᔅᐱ ᒫᑲ ᑳ ᒥᔅᑲᐙᑦ, ᑮ ᐃᑌᐤ, ᑭ ᑖᐺᔦᓕᒥᒫᐗ ᓈ ᑭᒋᒪᓂᑐ ᐅᑯᓯᓴ?

ᐊᐸᔅᑕᓚᒃ 4:18

ᑮ ᓇᑐᒣᐗᒃ ᒫᑲ, ᓀᔥᑕ ᑮ ᐅᓚᔓᐙᑌᐗᒃ ᐁᑳ ᒥᑐᓂ ᑭᒋ ᐋᔭᒥᓕᒋ ᓀᔥᑕᐱᑯ ᑭᒋ ᑭᔅᑭᓄᐊᒫᑫᓕᒋ ᒋᓴᓴ ᐅᑦ ᐃᔑᓂᑳᓱᐎᓂᓕᒃ᙮

ᐊᐸᔅᑕᓚᒃ 5:13

ᐊᓂᑭ ᒫᑲ ᑯᑕᑭᔭᒃ ᐅᒋ ᓇᒪ ᐊᐌᓇ ᐃᓕᓕᐤ ᑮ ᐃᔅᐱᑌᓕᒥᑎᓱ ᑭᒋ ᐎᒉᐙᑦ ᒫᑲ ᐃᓕᓕᐗ ᑮ ᑭᔅᑖᒋᒥᑯᐗᒃ᙮

ᐊᐸᔅᑕᓚᒃ 5:40

ᐎᓚ ᒫᑲ ᑮ ᑖᐺᑖᑯ; ᐃᔅᐱ ᒫᑲ ᑳ ᑮ ᓇᑐᒫᒋᒃ ᐊᓂᐃ ᐊᐸᔅᑕᓚ, ᓀᔥᑕ ᑳ ᐅᑕᑖᒪᐙᒋᒃ, ᑮ ᐃᑕᔓᐌᐗᒃ ᐁᑳ ᑭᒋ ᐋᔭᒥᓕᒋ ᒋᓴᓴ ᐅᑦ ᐃᔑᓂᑳᓱᐎᓂᓕᒃ, ᓀᔥᑕ ᑮ ᐸᑭᑎᓀᐗᒃ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮