ᐅᐸᓓᑭᔅ ᒑᓐ 8:44 - ᐅᔅᑭ ᑎᔅᑌᒥᓐᑦ

⁴⁴ ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐅᐸᓓᑭᔅ ᒑᓐ 8:44 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:34

ᐅ ᐋᔮᓂᔅᑫ ᑭᓀᐱᑯᐎᔦᒃ, ᑖᓐᑌ ᑫ ᑮ ᐅᒋ ᐋᔭᒥᐁᒃ ᒥᓗ ᑫᒀᓇ, ᐁ ᒪᒋᑣᔦᒃ? ᐌᓴ ᐁ ᐃᔑ ᓵᑲᔅᑭᓀᒃ ᒥᑌᐃ ᐁᑯ ᐁ ᐃᔑ ᐋᔭᒥᒪᑲᒃ ᒥᑐᓐ᙮

ᐅᐸᓓᑭᔅ ᒫᑎᐤ 13:15

ᐌᓴ ᐅᑯ ᐃᓕᓕᐗᒃ ᐅᑌᐃᐗᐤ ᑲᑫᐹᑎᓯᒪᑲᓂᓕᐤ, ᐅᑖᐗᑲᐙᐗ ᓀᔥᑕ ᓇᒪᐎᓚ ᓇᐃᑕᒧᒪᑲᓂᓕᐗ, ᓀᔥᑕ ᑭ ᑭᐸᐊᒶᒃ ᐅᔅᑭᔑᑯᐙᐗ; ᐁᑳ ᐐᔅᑳᑦ ᑭᒋ ᐙᐸᑕᑭᒃ ᐅᔅᑭᔑᑯᐙᒃ ᐅᒋ, ᓀᔥᑕ ᑭᒋ ᐯᑕᑭᒃ ᐅᑖᐗᑲᐙᒃ ᐅᒋ, ᓀᔥᑕ ᑭᒋ ᓂᓯᑐᑕᑭᒃ ᐅᑌᐃᐙᒃ, ᓀᔥᑕ ᑭᒋ ᑴᔅᑳᑎᓯᐋᑲᓂᐎᒋᒃ, ᓂᓚ ᓀᔥᑕ ᑭᒋ ᒥᓇᐙᒋᐊᑭᒃ᙮

ᐅᐸᓓᑭᔅ ᒫᑎᐤ 13:38

ᓂᑖᐎᑭᒋᑲᓐ ᐁᐗᑯ ᐅᒪ ᐊᔅᑭ; ᐊᓂᐃ ᒥᓗ ᓯᒥᓇ ᐁᐙᒀᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐅᑭᒫᐎᐎᓂᓕᐤ; ᒫᑲ ᒪᒋ ᒪᔅᑯᔑᔭ ᐁᐗᒀᓂᑭ ᐅᒪᒋᑡᐤ ᐅᑦ ᐊᐙᔑᒥᔕ;

ᐅᐸᓓᑭᔅ ᒑᓐ 6:70

ᒋᓴᔅ ᑮ ᓇᔥᑴᐗᔑᐁᐤ, ᓇᒪ ᓈ ᑭ ᑮ ᐙᐌᓛᐸᒥᑎᓇᐗᐤ ᑭᓚᐗᐤ ᐁ ᓂᔓᔖᐱᔦᒃ, ᐯᔭᒃ ᐁ ᐃᑕᔑᔦᒃ ᒫᑲ ᐁ ᒪᒋᒪᓂᑐᐎᑦ?

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᐅᐸᓓᑭᔅ ᒑᓐ 8:38

ᓂᑦ ᐃᑣᓐ ᐊᓂᒪ ᑳ ᑮ ᐙᐸᑕᒫᓐ ᐁ ᐎᒉᐗᒃ ᓄᑖᐎ: ᑭᓚᐗᐤ ᒫᑲ ᑭᑦ ᐃᑐᑌᓇᐗᐤ ᐊᓂᒪ ᑳ ᑮ ᐙᐸᑕᒣᒃ ᐁ ᐎᒉᐌᒃ ᑯᑖᐎᐗᐤ᙮

ᐅᐸᓓᑭᔅ ᒑᓐ 8:41

ᑭᑦ ᐃᑐᑕᒸᓇᐗᐤ ᐅᑦ ᐋᔨᑎᐎᓇ ᑯᑖᐎᐗᐤ᙮ ᐁᑯ ᐁᑖᒋᒃ, ᓇᒪᐎᓚ ᐱᔑᒀᑎᓯᐎᓂᒃ ᓂ ᑮ ᐅᒌᓈᓐ; ᐯᔭᑯ ᓄᑖᐎᓈᓐ, ᑭᒋᒪᓂᑐ ᐅᑎ᙮

ᐅᐸᓓᑭᔅ ᒑᓐ 8:55

ᐁᓕᐌᒃ ᒫᑲ ᓇᒪᐎᓚ ᑮ ᐅᒋ ᑭᔅᑫᓕᒪᐗᐤ; ᒫᑲ ᓂᓚ ᓂ ᑭᔅᑫᓕᒪᐤ: ᑮᔥᐱᓐ ᒫᑲ ᐃᑗᔮᓀ, ᓇᒪᐎᓚ ᓂ ᑭᔅᑫᓕᒪᐤ, ᓂ ᑳ ᑭᓛᔅᑭᔅᑭᓐ ᑖᐱᔅᑯᒡ ᑭᓚᐗᐤ: ᒫᑲ ᓂ ᑭᔅᑫᓕᒪᐤ, ᓀᔥᑕ ᓂ ᑲᓇᐎᑕᐙᓐ ᐅᑦ ᐃᑗᐎᓐ᙮

ᐊᐸᔅᑕᓚᒃ 13:10

ᓀᔥᑕ ᑮ ᐃᑌᐤ, ᐆ ᑳ ᓵᑲᔅᑭᓀᔅᑳᑯᔭᓐ ᒥᓯᐌ ᑲᑳᔦᓕᓯᐎᓐ ᓀᔥᑕ ᒥᓯᐌ ᑭᔥᑴᐋᑎᓯᐎᓐ, ᑭᓚ ᑳ ᐅᑦ ᐊᐙᔑᒥᔑᒥᔉ ᒪᒋᒪᓂᑐ, ᑭᓚ ᑳ ᐎ ᓇᑎᓇᒪᓐ ᒥᓯᐌ ᒀᔭᔅᑭᑖᑎᓯᐎᓐ; ᓇᒪ ᓈ ᑭ ᑳ ᐳᓂᑖᓐ ᐁ ᓂᔑᐗᓈᒋᑖᐗᑦ ᐅ ᒀᔭᔉ ᐃᔑᑣᐎᓇ ᐅᑎᐯᓕᒋᑫᐤ?

ᐊᐸᔅᑕᓚᒃ 24:9

ᒎᐗᒃ ᓀᔥᑕ ᑮ ᓇᔅᑯᒧᐗᒃ ᐊᓯᒋ, ᐁ ᐃᑗᒋᒃ ᐁᑯ ᑳ ᐃᔑ ᐃᑭᓂᓕᑭ᙮

ᐊᐸᔅᑕᓚᒃ 5:3

ᒫᑲ ᐱᑕᕐ ᑮ ᐃᑌᐤ ᐋᓇᓈᐃᐊᓴ, ᑕᓀᑭ ᐌᒋ ᓭᑕᓐ ᑮ ᓵᑲᔅᑭᓇᑖᑦ ᑭᑌᐃᓕᐤ ᑭᒋ ᑭᓛᔅᑭᒪ ᑳ ᐸᓓᑭᓯᑦ ᐊᒑᒃ, ᓀᔥᑕ ᑭᒋ ᓇᑳᓇᒪᓐ ᐸᔅᑭ ᐊᓂᒪ ᑳ ᐃᑕᑭᒋᑳᑌᒃ ᐊᔅᑭ?

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᓂᔓ ᐱᑕᕐ 2:4

ᐌᓴ ᑮᔥᐱᓐ ᑭᒋᒪᓂᑐ ᐁᑳ ᒣᓈᒋᐋᑦ ᐊᓂᐃ ᐁᓐᒐᓚ, ᒫᑲ ᒪᒋ ᐃᔥᑯᑌᐤ ᐁ ᑮ ᐃᔑ ᓂᒋᐌᐃᓈᑦ, ᓀᔥᑕ ᐁ ᑮ ᐸᑭᑎᓈᑦ ᑭᒋ ᒫᒫᒋᒀᐱᓱᓕᑭ ᐃᑕ ᐁ ᐗᓂᑎᔅᑳᓕᒃ, ᐁᑯᑕ ᑭᒋ ᐃᑖᓕᒋ ᑭᒋ ᑎᐹᔅᑯᓈᑲᓂᐎᓕᒋ;

ᓂᔥᑕᒻ ᒑᓐ 1:8

ᑮᔥᐱᓐ ᐃᑗᔭᑴ, ᓇᒪᐎᓚ ᑭᑦ ᐋᔮᓈᓇᐤ ᒪᒋᑣᐎᓐ, ᑭ ᐙᔦᔑᐃᑎᓱᓈᓇᐤ, ᓇᒪ ᓀᔥᑕ ᑖᐺᐎᓐ ᑭ ᐱᒋᔅᑳᑯᓈᓇᐤ᙮

ᓂᔥᑕᒻ ᒑᓐ 2:21

ᓇᒪᐎᓚ ᑭ ᑮ ᒪᓯᓇᐊᒫᑎᓇᐗᐤ ᐁᑳ ᐁ ᑭᔅᑫᓕᑕᒣᒃ ᑖᐺᐎᓐ, ᒫᑲ ᐁ ᑖᐺᑕᒣᒃ, ᓀᔥᑕ ᐁᑳ ᐁ ᑭᓛᔅᑭᐎᓂᐗᒃ ᑖᐺᐎᓐ᙮

ᓂᔥᑕᒻ ᒑᓐ 2:4

ᐊᓇ ᑳ ᐃᑗᑦ, ᓂ ᑭᔅᑫᓕᒪᐤ ᐁᑳ ᒫᑲ ᑳ ᑲᓇᐌᓕᑕᒸᑦ ᐅ ᑲᑫᔅᑴᐎᓂᓕᐗ, ᑭᓛᔅᑭᔅᑭᐤ, ᓇᒫᐎᓚ ᒫᑲ ᐱᒋᔅᑳᑯ ᑖᐺᐎᓂᓕᐤ᙮

ᓂᔥᑕᒻ ᒑᓐ 3:12

ᓇᒪᐎᓚ ᑖᐱᔅᑯᒡ ᑫᓐ ᐊᓂᐃ ᒣᒋᑣᓕᑭ ᑳ ᑮ ᐅᒌᑦ, ᓀᔥᑕ ᐁ ᑮ ᓂᐸᐋᑦ ᐎᒋᔖᓇ᙮ ᑖᓀᑭ ᐌᒋ ᒫᑲ ᓂᐸᐋᑦ? ᑎᐱᓚᐌ ᐅᑦ ᐊᑑᔅᑫᐎᓇ ᐁ ᑮ ᒫᓛᑕᓂᓕᑭ, ᓀᔥᑕ ᐎᒋᔖᓇ ᐁ ᑮ ᒀᔭᔅᑭᑖᑎᓯᒪᑲᓂᓕᑭ᙮

ᓂᔥᑕᒻ ᒑᓐ 3:15

ᐊᐌᓇ ᐯᒀᑖᑴ ᐎᒋᔕᓇ ᐅᓂᐹᔨᐌᐎᐤ: ᑭ ᑭᔅᑫᓕᑌᓇᐗᐤ ᒫᑲ ᐅᓂᐹᔨᐌᐤ ᐁᑳ ᐁ ᐱᒋᔅᑳᑯᑦ ᑳᑭᑫ ᐱᒫᑎᓯᐎᓂᓕᐤ᙮

ᒎᑦ 1:6

ᐊᓂᑭ ᐁᓐᒐᓚᒃ ᓀᔥᑕ ᐁᑳ ᑳ ᑮ ᑲᓇᐌᓕᑕᑭᒃ ᐅ ᑎᐯᓕᒋᑫᐎᓂᐗᐤ, ᑳ ᑮ ᓇᑲᑕᑭᒃ ᒫᑲ ᑎᐱᓚᐌ ᐅ ᑕᔑᑫᐎᓂᐗᐤ, ᑲᓇᐌᓕᒥᑯᐗᒃ ᐁ ᒫᒫᒋᒀᐱᓱᒋᒃ ᑳᑭᑫ ᐱᐙᐱᔅᑴᐋᐱᐊ ᐃᑕ ᐁ ᐗᓂᑎᐱᔅᑳᓕᒃ ᐱᓕᔥ ᑎᐹᔅᑯᓂᑳᓂᐗᑫ ᑭᒋ ᑭᔑᑳᑫ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:14

ᐙᔦᔑᐁᐤ ᒫᑲ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᐊᓂᐃ ᒫᒪᔅᑳᒋ ᐃᔑᒋᑫᐎᓇ ᐅᒋ ᑳ ᑲᔥᑭᑖᑦ ᑭᒋ ᑐᑕᒃ ᐁ ᑲᓇᐙᐸᒥᑯᑦ ᐊᓂᐃ ᐊᐌᓯᓴ; ᐁ ᐃᑖᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᑭᒋ ᒪᓯᓕᓕᑲᐙᓕᒋ ᐊᐌᓯᓴ, ᐊᓇ ᑳ ᑭ ᒥᔣᑲᓂᐎᑦ ᔑᒫᑲᓂᓕᐤ ᐅᒋ, ᐁᓕᐌᒃ ᒫᑲ ᐁ ᑮ ᐱᒫᑎᓰᑦ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 22:15

ᐌᓴ ᐗᓚᐎᑎᒥᒃ ᐃᑕᐗᒃ ᐊᑎᒶᒃ, ᓀᔥᑕ ᒥᑌᐗᒃ, ᓀᔥᑕ ᐅᐱᔑᒀᑎᓴᒃ, ᓀᔥᑕ ᐅᓂᐹᔨᐌᔅᑲᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᑕᑐ ᐊᐌᓇ ᐁ ᓵᑭᑖᑦ ᓀᔥᑕ ᐁ ᐅᔑᑖᑦ ᑭᓛᔅᑭᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 9:11

ᑮ ᐋᔭᐌᐗᒃ ᒫᑲ ᑭᒋᐅᑭᒪᐗ ᐁ ᑎᐯᓕᒥᑯᒋᒃ ᐊᓂᐃ ᐁᓐᒐᓚ ᐁᑳ ᑳ ᒥᓴᔅᑫᔮᒃ ᐙᑎᑳᓂᒃ ᑳ ᐅᒋᓕᒋ, ᑳ ᐃᔑᓂᑳᓱᓕᒋ ᐦᐃᑉᕉ ᐃᔑ ᑭᔗᐎᓂᒃ ᐊᐹᑕᓐ, ᒫᑲ ᒃᕆᒃ ᐃᔑᑭᔗᐎᓂᒃ ᐊᐸᓕᔭᓐ ᐃᔑᓂᑳᓱᓕᐗ᙮