ᐅᐸᓓᑭᔅ ᒑᓐ 8:32 - ᐅᔅᑭ ᑎᔅᑌᒥᓐᑦ

³² ᓀᔥᑕ ᑭ ᑳ ᑭᔅᑫᓕᑌᓇᐗᐤ ᑖᐺᐎᓐ, ᓀᔥᑕ ᑖᐺᐎᓐ ᑭ ᑳ ᐋᐱᑯᓂᑯᓇᐗᐤ᙮

ᐅᐸᓓᑭᔅ ᒑᓐ 8:32 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:29

ᐅᑎᓇᒫᓱᒃ ᓂ ᑖᐱᔅᑳᑲᓐ, ᑭᔅᑭᓄᐙᐸᒦᒃ ᒫᑲ, ᐌᓴ ᓂ ᓗᔅᐹᑎᓰᓐ ᓀᔥᑕ ᓂ ᑕᐸᑎᓕᒧᓐ ᓂᑌᐃᒃ: ᑭ ᑳ ᒥᔅᑫᓇᐗᐤ ᒫᑲ ᑫ ᐃᔑ ᐋᓜᐱᒋᒃ ᑭᑦ ᐊᒑᑯᐙᐗᒃ᙮

ᐅᐸᓓᑭᔅ ᒑᓐ 1:14

ᐋᔭᒥᐎᓐ ᒫᑲ ᑮ ᐎᔮᓯᐎᐋᑲᓂᐎᐤ, ᓀᔥᑕ ᑭ ᑮ ᐎᒋᑕᔑᑫᒥᑯᓇᐤ, ᓀᔥᑕ ᑭ ᑮ ᐙᐸᑕᒸᓈᓇᐤ ᐅ ᑭᔅᑌᓕᑖᑯᓯᐎᓐ, ᐅ ᑭᔅᑌᓕᑖᑯᓯᐎᓐ ᑖᐱᔅᑯᒡ ᐅ ᐯᔭᑯᔖᓇ ᐌᐅᑖᐎᒪᐎᑦ, ᐁ ᓵᑲᔅᑭᓀᔅᑳᑯᑦ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 1:17

ᐌᓴ ᐅᓚᔓᐌᐎᓐ ᑮ ᒥᓕᐙᓂᐗᓐ ᒧᓯᔅ ᐅᒋ, ᒫᑲ ᒋᓴᔅ ᙭ ᑮ ᐯᑕᐤ ᔕᐌᓕᒋᑫᐎᓂᓕᐤ ᓀᔥᑕ ᑖᐺᐎᓂᓕᐤ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 16:13

ᐁᓕᐌᒃ ᒫᑲ, ᐃᔅᐱ ᐎᓚ ᑖᐺᐎᓂ ᐋᒐᒃ ᑕᑯᔑᑫ, ᑭ ᑳ ᑭᔅᑭᓄᑕᐃᑯᐗᐤ ᒥᓯᐌ ᑖᐺᐎᓂᒃ: ᐌᓴ ᓇᒪᐎᓚ ᐎᓚ ᑫᒋᐙᒃ ᑲᑕ ᐅᒋ ᐋᔭᒥᐤ; ᒫᑲ ᑕᑐ ᑫᒀᓕᐤ ᑫ ᐯᑕᒃ ᐁᐗᑴᓕᐤ ᑫ ᑎᐹᑐᑕᒃ: ᑫ ᑳ ᐙᐸᑎᓕᑯᐗᐤ ᓀᔥᑕ ᑫᒀᓇ ᑫ ᐃᑭᓂᓕᑭ᙮

ᐅᐸᓓᑭᔅ ᒑᓐ 17:17

ᑭ ᑖᐺᐎᓂᓕᐤ ᐅᒋ ᐸᓓᑭᐃᒃ: ᑭᑦ ᐋᔭᒥᐎᓐ ᑖᐺᐎᓂᐗᓐ᙮

ᐅᐸᓓᑭᔅ ᒑᓐ 6:45

ᒪᓯᓇᐃᑳᑌᐤ ᐅᑭᔅᑭᐙᐃᑫᐗᒃ ᐅ ᒪᓯᓇᐃᑲᓂᐙᒃ, ᒥᓯᐌ ᐁ ᐃᑕᓯᒋᒃ ᒫᑲ ᑲᑕ ᑭᔅᑭᓄᐊᒪᑯᐗᒃ ᑭᒋᒪᓂᑐᐗ᙮ ᐁᐗᑯ ᐅᒋ ᒥᓯᐌ ᑕᑐ ᐃᓕᓕᐤ ᑳ ᑮ ᐯᑕᐙᑦ, ᓀᔥᑕ ᑳ ᑮ ᑭᔅᑭᓄᐊᒫᑯᑦ ᐅᑖᐎᒪᐗ, ᓂ ᐯᒋ ᓈᑎᒃ᙮

ᐅᐸᓓᑭᔅ ᒑᓐ 7:17

ᑮᔥᐱᓐ ᐊᐌᓇ ᐎ ᑐᑕᒸᑌ ᐅᑦ ᐃᑌᓕᑕᒧᐎᓂᓕᐤ, ᑲᑕ ᑭᔅᑫᓕᑕᒻ ᑭᔅᑭᓄᐊᒫᑫᐎᓂᓕᐤ, ᑮᔥᐱᓐ ᑭᒋᒪᓂᑐᒃ ᐌᒋᒪᑲᓂᓕᑴ, ᓀᔥᑕᐱᑯ ᑎᐱᓚᐌ ᓂ ᒥᑐᓀᓕᒋᑲᓂᒃ ᐌᒋ ᐋᔭᒥᐙᓀ᙮

ᐅᐸᓓᑭᔅ ᒑᓐ 8:36

ᑮᔥᐱᓐ ᒫᑲ ᐅᑯᓯᓯᒫᐤ ᐋᐱᑯᓂᑖᑴ, ᑖᐺ ᑭ ᑳ ᐋᐱᑯᓂᑲᐎᓇᐗᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:22

ᒫᑲ ᐊᓄᒡ ᐁ ᑮ ᐎᑾᒋᐃᑲᐎᔦᒃ ᒪᒋᑣᐎᓂᒃ ᐅᒋ, ᓀᔥᑕ ᐁ ᐅᑦᐊᑑᔅᑫᓛᑲᓂᒥᑖᒃ ᑭᒋᒪᓂᑐ, ᑭ ᒥᓂᔑᐎᓇᐗᐤ ᐸᓓᑭᓯᐎᓂᒃ ᐃᔑ ᑳ ᐃᑕᒧᒃ ᑳᑭᑫ ᐱᒫᑎᓯᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:15

ᐌᓴ ᓇᒪᐎᓚ ᑭ ᑮ ᐅᒋ ᒥᓕᑲᐎᓇᐗᐤ ᐊᐗᑳᓂᐎ ᐊᒑᒃ ᒥᓇ ᑭᒋ ᓭᑭᓯᔦᒃ; ᒫᑲ ᑭ ᑮ ᒥᓕᑲᐎᓇᐗᐤ ᐅᑯᓯᓯᒪᐎ ᐊᒑᒃ ᑳ ᐅᒋ ᑌᐺᔦᒃ, ᐋᐸ, ᓄᑖ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:2

ᐌᓴ ᐊᓂᒪ ᐅᓚᔓᐌᐎᓐ ᐱᒫᑎᓯᐎᓂ ᐊᒑᑯᒃ ᑳ ᐅᒋᒪᑲᒃ ᙭ ᒋᓴᓯᒃ ᓂ ᑮ ᐎᑾᒋᐃᑯᓐ ᐊᓂᒪ ᐅᓚᔓᐌᐎᓐ ᐅᒋ ᒪᒋᑣᐎᓂᒃ ᓀᔥᑕ ᓂᐱᐎᓂᒃ ᑳ ᐅᒋᒪᑲᒃ᙮

ᓂᔥᑕᒻ ᑯᕆᓐᑎᐊᓇ 7:22

ᐌᓴ ᐊᓇ ᑳ ᓇᑐᒥᑯᑦ ᐅᑎᐯᓕᒋᑫᐗ, ᐁ ᐊᑑᔅᑫᓛᑲᓂᐎᑦ, ᐁᐗᒀᓇ ᐅᑎᐯᓕᒋᑫᐤ ᐅ ᑎᐯᓕᒥᑎᓱᒪ: ᓀᔥᑕ ᒫᑲ ᐊᓇ ᑳ ᓇᑐᒫᑲᓂᐎᑦ, ᐁ ᑎᐯᓕᒥᑎᓱᑦ, ᐁᐗᒀᓇ ᙭ ᐅᑦ ᐊᑑᔅᑫᓛᑲᓂᒪ᙮

ᑲᓓᔕᐊᓇ 5:1

ᐋᔨᒋᑳᐸᐎᒃ ᒫᑲ ᐊᓂᒪ ᑎᐯᓕᒥᑎᓱᐎᓂᒃ ᑳ ᑮ ᐃᔑ ᑎᐯᓕᒥᑎᓱᐃᑖᒃ ᙭, ᐁᑳᐎᓚ ᒫᑲ ᒥᓇ ᓇᒀᑕᐅᓱᒃ ᐊᐗᑳᔑᐌᐎ ᑖᐱᔅᑳᑲᓂᒃ᙮

ᑲᓓᔕᐊᓇ 5:13

ᐌᓴ, ᓂᒋᔖᓂᑐᒃ, ᑭ ᑮ ᓇᑐᒥᑲᐎᓇᐗᐤ ᑎᐯᓕᒥᑎᓱᐎᓂᒃ ᐃᔑ; ᐁᑳᐎᓚ ᒫᑲ ᐋᐸᒋᑖᒃ ᑎᐯᓕᒥᑎᓱᐎᓐ ᐎᔮᓯᐎᓂᒃ ᐃᔑ, ᒫᑲ ᓵᑭᐃᐌᐎᓂᒃ ᐊᑑᔅᑳᑐᒃ᙮

ᓂᔓ ᑎᒧᑎ 3:7

ᒧᔕᒃ ᐁ ᐎ ᑲᑴ ᑭᔅᑫᓕᑕᑭᒃ, ᓇᒪᐎᔅᑳᑦ ᒫᑲ ᐁ ᑲᔥᑭᑖᒋᒃ ᑭᒋ ᐅᑎᑕᑭᒃ ᑫ ᐃᔑ ᑭᔅᑫᓕᑕᑭᒃ ᑖᐺᐎᓂᓕᐤ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:25

ᒫᑲ ᐊᐌᓇ ᑫᓇᐙᐸᑕᒧᑴ ᐊᓂᐁᓕᐤ ᒫᐗᒡ ᑳ ᒥᓨᔑᓂᓕᒃ ᑎᐯᓕᒥᑎᓱᐎ ᐅᓚᔓᐌᐎᓂᓕᐤ, ᓀᔥᑕ ᒧᔕᒃ ᑫᓇᐎᑖᒋ, ᐎᓚ ᐁᑳ ᐁ ᐗᓂᑭᔅᑭᓯᑦ ᐁ ᐯᑕᒃ, ᒫᑲ ᐁ ᑐᑕᒃ ᐊᓂᐁᓕᐤ ᐊᑑᔅᑫᐎᓂᓕᐤ, ᐊᐗ ᐃᓕᓕᐤ ᑲᑕ ᔕᐌᓕᑖᑯᓯᐤ ᐅᑦ ᐋᔨᑎᐎᓂᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:12

ᐃᔑ ᐋᔭᒥᒃ, ᓀᔥᑕ ᐃᔑ ᑐᑕᒧᒃ, ᑖᐱᔅᑯᒡ ᐊᓂᑭ ᑎᐯᓕᒥᑎᓱᐎ ᐅᓚᔓᐌᐎᓐ ᑫ ᐅᒋ ᑎᐹᔅᑯᓈᑲᓂᐎᒋᒃ᙮

ᓂᔥᑕᒻ ᐱᑕᕐ 2:16

ᑖᐱᔅᑯᒡ ᐅᑎᐯᓕᒥᑎᓱᐗᒃ, ᐁᑳ ᒫᑲ ᐁ ᐋᐸᒋᑖᔦᒃ ᑭ ᑎᐯᓕᒥᑎᓱᐎᓂᐗᐤ ᑭᒋ ᐅᒋ ᐊᑾᓇᐊᒣᒃ ᒪᒋ ᐋᔨᑎᐎᓇ, ᒫᑲ ᑖᐱᔅᑯᒡ ᑭᒋᒪᓂᑐ ᐅᑦ ᐊᑑᔅᑫᓚᑲᓂᒪ᙮

ᓂᔓ ᒑᓐ 1:1

ᓂᓚ ᑳ ᓂᑳᓀᓕᑖᑯᓯᔮᓐ ᐁ ᒪᓯᓇᐊᒪᐗᒃ ᐊᓇ ᑳ ᐙᐌᓛᐸᒫᑲᓂᐎᑦ ᐅᑭᒫᔅᑴᐤ ᓀᔥᑕ ᐅᑦ ᐊᐙᔑᒥᔕ, ᑳ ᓵᑭᐊᑭᒃ ᑖᐺᐎᓂᒃ; ᓇᒪᐎᓚ ᓂᓚ ᐱᑯ, ᐊᓯᒋ ᒫᑲ ᒥᓯᐌ ᐊᓂᑭ ᑳ ᑮ ᑭᔅᑫᓕᑕᑭᒃ ᑖᐺᐎᓂᓕᐤ;