ᐅᐸᓓᑭᔅ ᒑᓐ 8:21 - ᐅᔅᑭ ᑎᔅᑌᒥᓐᑦ

²¹ ᐁᑯ ᒋᓴᔅ ᒥᓇ ᐁᑖᑦ, ᓂ ᑭᑐᑖᓐ, ᑭ ᑳ ᓈᓇᑕᐌᓕᒥᓇᐗᐤ ᒫᑲ, ᓀᔥᑕ ᑭ ᑳ ᓂᐱᓇᐗᐤ ᑭ ᒪᒋᑐᑕᒧᐎᓂᐙᒃ: ᐃᑕ ᐁᑐᑌᔮᓐ ᓇᒪᐎᓚ ᑭ ᑳ ᑮ ᐯᒋ ᐃᑐᑖᓇᐗᐤ᙮

ᐅᐸᓓᑭᔅ ᒑᓐ 8:21 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:39

ᐌᓴ ᑭᑦ ᐃᑎᓇᐗᐤ, ᓇᒪᐎᓚ ᑭ ᑳ ᐅᒋ ᑭᑣᒻ ᐙᐸᒥᓇᐗᐤ, ᐹᑎᒫ ᐃᑗᔦᑴ, ᔕᐌᓕᑖᑯᓯᐤ ᐊᓇ ᑳ ᐯᒋ ᐃᑐᑌᑦ ᐅᑎᐯᓕᒋᑫᐗ ᐅᑦ ᐃᔑᓂᑳᓱᐎᓂᓕᒃ᙮

ᐅᐸᓓᑭᔅ ᒫᑎᐤ 25:41

ᐁᑯ ᓀᔥᑕ ᑫ ᐃᑖᑦ ᐊᓂᐃ ᐅ ᓇᒪᑎᓂᔅᑮᒃ, ᐊᐗᓯᒃ ᓇᑲᔑᒃ, ᑭᓚᐗᐤ ᑳ ᒪᒐᑭᒥᑲᐎᔦᒃ, ᑳᑭᑫ ᐃᔥᑯᑌᒃ, ᑳ ᐋᔦᔅᑲᐎᑕᒪᐙᑲᓂᐎᑦ ᒪᒋᒪᓂᑐ ᓀᔥᑕ ᐅᑦ ᐁᓐᒐᓕᒪ:

ᐅᐸᓓᑭᔅ ᒫᑎᐤ 25:46

ᐅᑯ ᒫᑲ ᑳᑭᑫ ᑲᒀᑕᑭᓯᐎᓂᒃ ᑲᑕ ᐃᑐᑌᐗᒃ, ᒫᑲ ᐅᒀᔭᔅᑭᑖᑎᓯᐗᒃ ᑳᑭᑫ ᐱᒫᑎᓯᐎᓂᒃ᙮

ᐅᐸᓓᑭᔅ ᒑᓐ 12:33

ᐅᒣᓕᐤ ᑮ ᐃᑗᐤ, ᐁ ᑭᔅᑫᓕᑖᑯᑖᑦ ᑫᑯ ᓂᐱᐎᓂᓕᐤ ᑫ ᐅᒋ ᓂᐱᑦ᙮

ᐅᐸᓓᑭᔅ ᒑᓐ 12:35

ᐁᑯ ᒋᓴᔅ ᐁᑖᑦ, ᑫᔮᐸᒡ ᐎᓕᐱᔉ ᑭ ᐎᒉᐎᑯᓇᐗᐤ ᐙᔅᑌᐎᓐ᙮ ᐱᒧᑌᒃ ᐁᔥᑾ ᐁᐋᔮᔦᒃ ᐙᔅᑌᐎᓐ, ᐁᑳ ᐗᓂᑎᐱᔅᑭᓯᐎᓐ ᑭᒋ ᐅᑎᑎᑯᔦᒃ: ᐌᓴ ᐊᓇ ᑳ ᐱᒧᑌᑦ ᐗᓂᑎᐱᔅᑭᓯᐎᓂᒃ ᓇᒪᐎᓚ ᑭᔅᑫᓕᑕᒻ ᑖᓐᑌ ᐁᑐᑌᑦ᙮

ᐅᐸᓓᑭᔅ ᒑᓐ 13:33

ᐊᐱᔅᑕᐙᔑᔑᑐᒃ, ᑫᔮᐸᒡ ᐎᓕᐱᔉ ᑭ ᐎᒉᐎᑎᓇᐗᐤ᙮ ᑭ ᑳ ᓈᓇᑕᐌᓕᒥᓇᐗᐤ: ᓀᔥᑕ ᐁ ᑮ ᐃᑕᑭᒃ ᒎᐗᒃ, ᐃᑕ ᐁ ᐃᑐᑌᔮᓐ, ᓇᒪᐎᓚ ᑭ ᑳ ᑮ ᐯᒋ ᐃᑐᑖᓇᐗᐤ; ᐁᑯ ᓀᔥᑕ ᐁᑎᑕᑾᒃ᙮

ᐅᐸᓓᑭᔅ ᒑᓐ 7:34

ᑭ ᑳ ᓈᓇᑕᐌᓕᒥᓇᐗᐤ, ᓇᒪᐎᓚ ᒫᑲ ᑭ ᑳ ᒥᔅᑲᐎᓇᐗᐤ: ᐃᑕ ᓀᔥᑕ ᐁ ᐃᑖᔮᓐ, ᐊᓐᑕ ᓇᒪᐎᓚ ᑭ ᑳ ᐯᒋ ᐃᑐᑖᓇᐗᐤ᙮

ᐅᐸᓓᑭᔅ ᒑᓐ 7:36

ᑫᑯ ᑐᐎ ᐃᑗᐎᓂᓕᐤ ᐅᒣᓕᐤ ᑳ ᑮ ᐃᑗᑦ, ᑭ ᑳ ᓈᓇᑕᐌᓕᒥᓇᐗᐤ, ᓇᒪᐎᓚ ᒫᑲ ᑭ ᑳ ᒥᔅᑲᐎᓇᐗᐤ: ᓀᔥᑕ ᐃᑕ ᐁ ᐃᑖᔭᓐ, ᐊᓐᑕ ᓇᒪᐎᓚ ᑭ ᑳ ᑮ ᐯᒋ ᐃᑐᑖᓇᐗᐤ?

ᐅᐸᓓᑭᔅ ᒑᓐ 8:24

ᐁᐗᑯ ᐌᒋ ᐃᑎᑕᑾᒃ, ᑭ ᑳ ᓂᐱᓇᐗᐤ ᑭ ᒪᒋᑐᑕᒧᐎᓂᐙᒃ: ᐌᓴ ᑮᔥᐱᓐ ᐁᑳ ᑖᐺᑕᒣᑴ ᓂᓚ ᐁᐗᑯ ᐁ ᐋᐎᔮᓐ, ᑭ ᑳ ᓂᐱᓇᐗᐤ ᑭ ᒪᒋᑐᑕᒧᐎᓂᐙᒃ᙮

ᐃᐱᓯᔭᓇ 2:1

ᑭᓚᐗᐤ ᒫᑲ ᑭ ᑮ ᐱᒫᑎᓯᐃᑯᐗᐤ, ᑳ ᑮ ᓂᐱᔦᒃ ᐗᓂᑐᑕᒧᐎᓂᒃ ᓀᔥᑕ ᒪᒋᑣᐎᓂᒃ;