ᐅᐸᓓᑭᔅ ᒑᓐ 7:39 - ᐅᔅᑭ ᑎᔅᑌᒥᓐᑦ

³⁹ (ᒫᑲ ᐅᒣᓕᐤ ᑮ ᐃᑗᐤ ᐁ ᐋᓕᒧᒫᑦ ᐊᒑᑾ ᑫ ᒥᓛᑲᓂᐎᓕᒋ ᐊᓂᐃ ᑳ ᑖᐺᔦᓕᒥᑯᑦ: ᐌᓴ ᐯᓓᑭᓯᑦ ᐊᒑᒃ ᓇᒪᐎᓚ ᐁᔥᑾ ᐅᒋ ᒥᓕᐙᓂᐎᐤ; ᐁᑳ ᐁᔥᑾ ᐁ ᑮ ᑭᔅᑌᓕᑖᑯᐋᑲᓂᐎᑦ ᒋᓴᔅ᙮)

ᐅᐸᓓᑭᔅ ᒑᓐ 7:39 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:14

ᑮ ᐃᑗᐗᒃ ᒫᑲ, ᐋᑎᑦ ᐃᑗᐗᒃ ᐁ ᐋᐎᔭᓐ ᒑᓐ ᐅᓯᑲᐋᑖᑫᐤ; ᐋᑎᑦ, ᐃᓛᐃᒐ, ᑯᑕᑭᔭᒃ ᒫᑲ, ᒉᕆᒫᔭ, ᓀᔥᑕᐱᑯ ᐯᔭᒃ ᐁ ᐃᑕᓯᒋᒃ ᐅᑭᔅᑭᐙᐃᑫᐗᒃ᙮

ᐅᐸᓓᑭᔅ ᒫᑎᐤ 21:11

ᒥᔮᒪᐎᒥᒉᑎᒋᒃ ᐃᓕᓕᐗᒃ ᑫ ᐃᑗᐗᒃ, ᐁᐗᑯ ᐊᐗ ᒋᓴᔅ ᐅᑭᔅᑭᐙᐃᑫᐤ ᓈᓴᕆᑎᒃ ᐅᒋ ᑳᓕᓕᒃ᙮

ᐅᐸᓓᑭᔅ ᓘᒃ 24:49

ᒫᑎᑲ, ᒫᑲ, ᑭᑦ ᐃᔑᑎᔕᒫᑎᓇᐗᐤ ᓄᑖᐎ ᐅᑦ ᐊᔓᑕᒫᑫᐎᓐ: ᒫᑲ ᑕᔑᑫᒃ ᒋᕉᓴᓚᒻ ᐃᑖᐎᓂᒃ, ᐹᑎᒪ ᑮ ᒥᓕᑲᐎᔦᑴ ᑲᔥᑭᐅᐎᓐ ᐃᔥᐱᒥᒃ ᐅᒋ᙮

ᐅᐸᓓᑭᔅ ᓘᒃ 3:16

ᒑᓐ ᑮ ᓇᔥᑴᐗᔑᐃᐌᐤ, ᐁ ᐃᑖᑦ ᒥᓯᐌ ᐁ ᐃᑕᓯᓕᒋ, ᓂᓚ ᑖᐺ ᑮ ᓯᑲᐋᑖᑎᓇᐗᐤ ᓂᐱ ᐅᒋ; ᒫᑲ ᐊᐌᓇ ᐊᐙᓯᑌ ᐁ ᓱᑳᑎᓰᑦ ᐃᔥᐱᔥ ᓂᓚ ᐯᒋ ᐃᑐᑌᐤ, ᐅ ᒪᔅᑭᓯᓀᐋᐱᔭ ᓇᒪᐎᓚ ᓂᑦ ᐃᔅᐱᑌᓕᑖᑯᓯᓐ ᑭᒋ ᐊᐱᑯᓇᒶᒃ: ᐎᓚ ᑭ ᑳ ᓯᑲᐋᑖᑯᐗᐤ ᐸᓓᑭ ᐊᒑᑾ ᐅᒋ, ᓀᔥᑕ ᐃᔥᑯᑌᓕᐤ;

ᐅᐸᓓᑭᔅ ᓘᒃ 7:16

ᒥᓯᐌ ᒫᑲ ᑮ ᐅᑎᑎᑯᐗᒃ ᓭᑭᓯᐎᓂᓕᐤ: ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ, ᐁ ᐃᑗᒋᒃ, ᑭᒋ ᐅᑭᔅᑭᐙᐃᑫᐤ ᑭᑦ ᐅᑎᑎᑯᓇᐤ; ᓀᔥᑕ ᑭᒋᒪᓂᑐ ᑮ ᒫᐗᑎᑌᐤ ᐅᑦ ᐃᓕᓕᒪ᙮

ᐅᐸᓓᑭᔅ ᒑᓐ 1:21

ᑮ ᑲᑴᒋᒣᐗᒃ ᒫᑲ, ᑫᒀᓐ ᒫᑲ? ᑭᓚ ᓈ ᐃᓛᐃᒐ? ᐃᑗᐤ ᒫᑲ, ᓇᒪᐎᓚ ᓂᑦ ᐋᐎᓐ᙮ ᑭᓚ ᓈ ᐊᓇ ᐅᑭᔅᑭᐙᐃᑫᐤ? ᑮ ᓇᔥᑴᐗᔑᐃᐌᐤ ᒫᑲ, ᓇᒪᐎᓚ᙮

ᐅᐸᓓᑭᔅ ᒑᓐ 1:25

ᑮ ᑲᑴᒋᒣᐗᒃ ᒫᑲ, ᓀᔥᑕ ᑮ ᐃᑌᐗᒃ, ᑖᓀᑭ ᐌᒋ ᓯᑲᐋᑖᑫᔭᓐ ᒫᑲ, ᑮᔥᐱᓐ ᐁᑳ ᐃᐋᐎᐗᓀ ᐊᓇ ᙭, ᐁᑳ ᓀᔥᑕ ᐃᓛᐃᒐ, ᐁᑳ ᓀᔥᑕ ᐊᓇ ᐅᑭᔅᑭᐙᐃᑫᐤ?

ᐅᐸᓓᑭᔅ ᒑᓐ 1:33

ᓇᒪᐎᓚ ᒫᑲ ᓂ ᐅᒋ ᑭᔅᑫᓕᒪᐤ: ᒫᑲ ᐊᓇ ᑳ ᑮ ᐯᒋᑎᔕᐅᑦ ᑭᒋ ᓯᑲᐋᑕᑫᐙᑫᐗᒃ ᓂᐱᓕᐤ, ᐁᐗᑯ ᓂ ᑮ ᐃᑌᒃ, ᐊᓇ ᑫ ᐙᐸᒪᑦ ᐁ ᓛᔑᔅᑖᑯᑦ ᐊᒑᑾ, ᓀᔥᑕ ᐁ ᑗᐅᑖᑯᑦ, ᐁᐗᒀᓇ ᑫ ᓯᑲᐋᑕᑫᐙᑫᑦ ᑳ ᐸᓓᑭᓯᓕᒋ ᐊᒑᑾ᙮

ᐅᐸᓓᑭᔅ ᒑᓐ 12:16

ᐅᐅ ᑫᒀᓇ ᐱᑕᒫ ᓇᒪᐎᓚ ᐅᒋ ᓂᓯᑐᑕᒥᓕᐗ ᐅ ᑭᔅᑭᓄᐊᒪᐙᑲᓇ: ᒫᑲ ᐃᔅᐱ ᑳ ᑭᔅᑕᑭᒫᑲᓂᐎᑦ ᒋᓴᔅ, ᐁᑯ ᑫᔅᑭᓯᓕᒋ ᐅᐅ ᑫᒀᓇ ᐎᓚ ᐁ ᑮ ᐅᒋ ᒪᓯᓇᐃᑳᑌᓕᑭ, ᓀᔥᑕ ᐁ ᑮ ᑐᑕᐙᒋᒃ ᐅᐅ ᑫᒀᓇ᙮

ᐅᐸᓓᑭᔅ ᒑᓐ 12:23

ᒋᓴᔅ ᒫᑲ ᑮ ᓇᔥᑴᐗᔑᐁᐤ, ᐁ ᐃᑗᑦ, ᐋᔕᔾ ᐅᑎᒋᐸᓕᐤ ᐊᓂᒪ ᑎᐹᔨᑲᓐ ᐱᓯᒧᑳᓂᒃ ᐃᓕᓕᐎᑯᓯᓵᓐ ᑭᒋ ᑭᔅᑕᑭᒫᑲᓂᐎᑦ᙮

ᐅᐸᓓᑭᔅ ᒑᓐ 14:13

ᓀᔥᑕ ᒫᑲ ᐱᑯ ᑫᒀᓐ ᑫ ᓇᑐᑕᒫᔦᒃ ᓂᑦ ᐃᔑᓂᑳᓱᐎᓂᒃ, ᐁᐗᑯ ᑫ ᑐᑕᒫᓐ, ᐅᑖᐎᒪᐤ ᑭᒋ ᑭᔅᑕᑭᒫᑲᓂᐎᑦ ᐅᑯᓯᓯᒫᐗ ᐅᒋ᙮

ᐅᐸᓓᑭᔅ ᒑᓐ 14:26

ᒫᑲ ᐅᒥᓜᓕᒧᐃᐌᐤ, ᐁᐗᑯ ᐯᓓᑭᓯᑦ ᐊᒑᒃ, ᑫ ᐯᒋᑎᔕᐅᑯᑦ ᐅᑖᐎᒪᐗ ᓂᑦ ᐃᔑᓂᑳᓱᐎᓂᒃ, ᐎᓚ ᑭ ᑳ ᑭᔅᑭᓄᐊᒫᑯᐗᐤ ᒥᓯᐌ ᑭᒀᓇ, ᓀᔥᑕ ᑭ ᑳ ᑭᔅᑭᓯᐃᑯᐗᐤ ᒥᓯᐌ ᑫᒀᓇ ᑳ ᑮ ᐃᑎᑕᑾᒃ᙮

ᐅᐸᓓᑭᔅ ᒑᓐ 16:14

ᓂ ᑳ ᑭᔅᑌᓕᑖᑯᐃᒃ: ᐌᓴ ᑲᑕ ᐅᑎᓇᒻ ᓂᑦ ᐋᔮᓂᒃ ᐅᒋ, ᑭ ᑳ ᐙᐸᑎᓕᑯᐗᐤ ᒫᑲ᙮

ᐅᐸᓓᑭᔅ ᒑᓐ 16:7

ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮

ᐅᐸᓓᑭᔅ ᒑᓐ 17:1

ᐅᐅ ᐋᔭᒥᐎᓇ ᑮ ᐃᑗᐤ ᒋᓴᔅ, ᐁᑯ ᑌᔅᑕᓵᐱᑦ ᑭᒋᑭᔑᑯᒃ, ᓀᔥᑕ ᐁᑗᑦ, ᓄᑖ, ᐅᑎᒋᐸᓕᐤ ᑎᐹᔨᑲᓐ ᐱᓯᒧᑳᓂᒃ; ᑭᔅᑌᓕᑖᑯᐃ ᑭᑯᓯᔅ, ᑭᑯᓯᔅ ᓀᔥᑕ ᑭᒋ ᑭᔅᑌᓕᑖᑯᐃᔉ:

ᐅᐸᓓᑭᔅ ᒑᓐ 17:5

ᐁᑯ ᒫᑲ, ᐅ ᓄᑖ, ᑭᔅᑌᓕᑖᑯᐃᓐ ᐊᓯᒋ ᑭᓚ ᓀᔥᑕ, ᐊᓂᒪ ᑭᔅᑌᓕᑖᑯᓯᐎᓐ ᐅᒋ ᑳ ᑮ ᐋᔮᔮᓐ ᐁᔥᑾ ᐁ ᐎᒋᑕᔑᑫᒥᑖᓐ ᐸᒧᔑ ᐃᑕᑾᒃ ᐊᔅᑭ᙮

ᐅᐸᓓᑭᔅ ᒑᓐ 20:22

ᐃᔅᐱ ᒫᑲ ᐅᒣᓕᐤ ᑳ ᑮ ᐃᑗᑦ, ᑮ ᓓᓓᑐᑕᐌᐤ, ᓀᔥᑕ ᐃᑌᐤ, ᐅᑎᓂᒃ ᐸᓓᑭ ᐊᒑᒃ:

ᐅᐸᓓᑭᔅ ᒑᓐ 6:14

ᐁᑯ ᐊᓂᑭ ᐃᓕᓕᐗᒃ, ᐃᔅᐱ ᑳ ᑮ ᐙᐸᑕᒸᒋᒃ ᒫᒪᔅᑳᒋ ᐃᓯᒋᑫᐎᓂᓕᐤ ᑳ ᑮ ᑐᑕᒥᓕᒋ ᒋᓴᓴ, ᑮ ᐃᑗᐗᒃ, ᐁᐗᑯ ᐊᐗ ᑫᒋᓈᔥ ᐊᓇ ᐅᑭᔅᑭᐙᐃᑫᐤ ᑫ ᑐᑯᔑᑭᐸᓐ ᐊᔅᑮᒃ᙮

ᐅᐸᓓᑭᔅ ᒑᓐ 7:12

ᒥᔅᑕᐃ ᒫᑲ ᑮ ᐋᔭᒥᐃᑐᐗᒃ ᐎᓚ ᐅᒋ: ᐌᓴ ᐋᑎᑦ ᑮ ᐃᑗᐗᒃ, ᒥᓗᑡᐤ: ᑯᑕᑭᔭᒃ ᑮ ᐃᑗᐗᒃ, ᓇᒪᐎᓚ; ᒫᑲ ᐙᔦᔑᐁᐤ ᐃᓕᓕᐗ᙮

ᐅᐸᓓᑭᔅ ᒑᓐ 8:54

ᒋᓴᔅ ᑮ ᓇᔥᑴᐗᔑᐃᐌᐤ, ᑮᔥᐱᓐ ᑫᔅᑌᓕᒥᑎᓱᐙᓂ ᓂ ᑭᔅᑌᓕᒧᐎᓐ ᓇᒪᐎᓚ ᐎᓛᐸᑲᓐ: ᓄᑖᐎ ᐁᐗᑯ ᑳ ᑭᔅᑌᓕᒥᑦ; ᐊᓇ ᓂ ᑭᒋᒪᓂᑐᒥᓈᓐ ᑳ ᐃᑌᒃ᙮

ᐊᐸᔅᑕᓚᒃ 19:2

ᑮ ᐃᑌᐤ, ᑭ ᑮ ᒥᓕᑲᐎᓇᐗᐤ ᓈ ᑳ ᐸᓓᑭᓯᑦ ᐊᒑᒃ ᐃᔅᑯᓇᒃ ᑳ ᑮ ᑖᐺᑕᒣᒃ? ᑮ ᐃᑌᐗᒃ ᒫᑲ, ᓇᒪᐎᓚ ᐙᐗᒡ ᓂ ᑮ ᐅᒋ ᐯᑌᓈᓐ ᑭᔥᐱᓐ ᐁᑖᑴ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 2:17

ᑲᑕ ᐃᑭᓐ ᒫᑲ ᒫᒋᒡ ᐁ ᐊᑎ ᑭᔑᑳᑭ, ᐃᑗᐤ ᑭᒋᒪᓂᑐ, ᓂ ᑳ ᓯᑭᓇᒪᐙᐗᒃ ᓂᑦ ᐊᒑᑾ ᒥᓯᐌ ᐯᒪᑎᓯᒋᒃ, ᑭᑯᓯᓯᐙᐗᒃ ᒫᑲ ᓀᔥᑕ ᑭᑖᓂᓯᐙᐗᒃ ᑲᑕ ᑭᔅᑭᐗᐃᑫᐗᒃ, ᓀᔥᑕ ᑭᑦ ᐅᔥᑭᓂᑭᒥᐙᐗᒃ ᑲᑕ ᐙᐸᑕᒶᒃ ᐗᐸᑎᓕᐌᐎᓇ, ᑭ ᑭᔐᓕᓕᒥᐙᐗᒃ ᒫᑲ ᑲᑕ ᐸᐙᑕᒶᒃ ᐸᐙᒧᐎᓇ:

ᐊᐸᔅᑕᓚᒃ 2:33

ᐁᐗᑯ ᐅᒋ ᐁ ᑮ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᓀᔥᑕ ᐅᑖᐎᒫᐗ ᐁ ᑮ ᐊᔓᑕᒫᑯᑦ ᑭᒋ ᒥᓕᑯᑦ ᐸᓓᑭ ᐊᒑᒃ, ᑮ ᓯᑭᓇᒻ ᐅᒪ, ᑭᓚᐗᐤ ᐊᓄᒡ ᑳ ᐙᐸᑕᒣᒃ ᓂᔥᑕ ᑳ ᐯᑕᒣᒃ᙮

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 2:4

ᒥᓯᐌ ᒫᑲ ᑮ ᓵᑲᔥᑭᓀᔅᑳᑯᐗᒃ ᐸᓓᑭ ᐊᒑᑾ, ᑮ ᒫᒋ ᐊᔭᒥᐗᒃ ᒫᑲ ᑯᑕᑭᔭ ᐃᔑᑭᔗᐎᓂᒃ, ᑳ ᐃᔑ ᒥᓕᑯᒋᒃ ᐊᒑᑾ᙮

ᐊᐸᔅᑕᓚᒃ 3:13

ᐅ ᑭᒋᒪᓂᑐᒪ ᐃᑉᕃᐊᒻ, ᐋᐃᓴᒃ, ᓀᔥᑕ ᒉᑲᑉ, ᐅ ᑭᒋᒪᓂᑐᒥᐗᐗ ᑯᑖᐎᓇᐗᒃ, ᑮ ᑭᔅᑌᓕᑖᑯᐁᐤ ᐅᑯᓯᓴ ᒋᓴᓴ: ᐊᓇ ᑳ ᑮ ᐙᔦᔑᐸᑭᑎᓀᒃ, ᓀᔥᑕ ᑳ ᑮ ᐋᓉᑕᐌᒃ ᐁ ᐅᑎᔥᑲᐎᑳᐸᐎᔅᑕᐌᒃ ᐹᐃᓚᑦ, ᐃᔅᐱ ᑳ ᑫᔅᑎᓈᑌᓕᑕᒃ ᑭᒋ ᐸᑭᑎᓈᑦ᙮

ᐊᐸᔅᑕᓚᒃ 4:31

ᐃᔅᐱ ᒫᑲ ᑳ ᑮ ᐋᔭᒥᐋᒋᒃ, ᐃᑕ ᑳ ᐃᔑ ᒫᐗᒋᐃᑐᒋᒃ ᑮ ᓇᓇᒥᐸᓕᐤ; ᒥᓯᐌ ᒫᑲ ᑮ ᓵᑲᔅᑭᓀᔅᑳᑯᐗᒃ ᐸᓓᑭ ᐊᒑᑾ, ᓀᔥᑕ ᑮ ᐋᓕᒨᑕᒶᒃ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ ᒥᓯᐌ ᓱᑫᓕᒧᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:9

ᒫᑲ ᑭᓚᐗᐤ ᓇᒪᐎᓚ ᐎᔮᓯᐎᓂᒃ ᑭᑦ ᐃᑖᓇᐗᐤ, ᒫᑲ ᐊᒑᑯᒃ, ᑮᔥᐱᓐ ᐅᑎ ᑭᒋᒪᓂᑐ ᐅᑦ ᐊᒑᑾ ᐱᒋᔅᑳᒥᑖᒃ, ᑮᔥᐱᓐ ᒫᑲ ᐊᐌᓇ ᐁᑳ ᐃᐋᔭᐙᒋ ᙭ᑕ ᐅᑦ ᐊᒑᑯᓕᐗ, ᐊᐗ ᓇᒪᐎᓚ ᐙᐙᒡ ᑎᐯᓕᒥᑯ᙮

ᓂᔓ ᑯᕆᓐᑎᐊᓇ 3:8

ᓇᒪ ᓈ ᐊᐙᓯᑌ ᑭᒋᐃᑌᓕᑖᑾᓐ ᐊᓂᒪ ᐋᔭᒥᐋᐎ ᐊᑑᔅᑫᐎᓐ ᐊᒑᑯᒃ ᑳ ᐅᒋᒪᑲᒃ?

ᐃᐱᓯᔭᓇ 4:30

ᐁᑳᐎᓚ ᓀᔥᑕ ᒪᒥᔕᒣᓕᑕᒥᐃᒥᒃ ᑭᒋᒪᓂᑐ ᐅ ᐸᓓᑭ ᐊᒑᑾ, ᑳ ᐅᒋ ᑭᔅᑭᓄᐙᒋᐃᑲᐎᔦᒃ ᐹᑎᒪ ᑎᐸᐊᒫᑫᔅᑕᒫᑫᐎ ᑮᔑᑳᑫ᙮